بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ گەرمانيانىڭ زۇڭليى مەركەلمەن تەلەفوندا سويلەستى

2020.11.25 16:02     كەلۋ قاينارى : حالىق تورابى

  شينحۋا اگەنتتىگى، 11 - ايدىڭ 24 - كۇنى، بەيجيڭ. مەملەكەت ءتوراعاسى شي جينپيڭ 11 - ايدىڭ 24 - كۇنى كەشتە گەرمانيانىڭ زۇڭليى مەركەلمەن تەلەفوندا سويلەستى.

  شي جينپيڭ مىنالاردى دارىپتەدى: بىرنەشە كۇننىڭ الدىندا سىزبەن بىرگە 20 ەل توبى باسشىلارىنىڭ باس قوسۋىنا قاتىناستىم. ءبىز ءبارىمىز كوپ جاقتىلىقتا تاباندى بولىپ، حالىقارالىق سەلبەستىكتى كۇشەيتىپ، ىندەتكە تىزە قوسا قارسى اتتانىپ، دۇنيە ءجۇزى ەكونوميكاسىن قايتا سەرپىلتىپ، دۇنيە جۇزىلىك سايىستارعا بىرگە توتەپ بەرۋدى قۋاتتايمىز. قازىر ەۆروپانى قامتىعان كەيبىر رايوندار جاڭا تيپتى ايدارشا ۆيروس وكپە قابىنۋ ىندەتىنىڭ ەكىنشى تولقىنىنىڭ سىنىنا ءدوپ كەلىپ وتىر، قول ۇستاسا وتىرىپ ىندەتكە قارسى اتتانۋ ءالى دە ءار جاقتىڭ ماڭداي الدى مىندەتى سانالادى. جۇڭگو گەرمانيامەن ۆاكسينا جاعىنداعى اۋىس - كۇيىس سەلبەستىگىن كۇشەيتۋدى، ۆاكسينانىڭ دۇنيە جۇزىلىك الەۋمەتتىك ءونىم رەتىندە ءادىل ءبولىنۋىن، اسىرەسە، دامۋ ۇستىندەگى ەلدەرگە تيىمدىلىك جەتكىزۋدى ءۇمىت ەتەدى.

  شي جينپيڭ مىنالاردى اتاپ كورسەتتى: جاڭا تيپتى ايدارشا ۆيروس وكپە قابىنۋ ىندەتى تۋىلعاننان بەرى جۇڭگو مەن گەرمانيا يكەمدى ءتاسىل ارقىلى قارىم - قاتىناستى ساقتاپ، ناقتى سەلبەستىكتى ۇزدىكسىز ىلگەرىلەتتى. جۇڭگو جاڭا دامۋ جاعدايىن بەلسەنە ورناتۋدا، ىشكى سۇرانىمدى كەڭەيتۋدە جانە ەسىكتى ايقارا اشۋدا تاباندى بولادى، بۇل گەرمانياعا جاڭا وراي الا كەلەدى. ءبىز گەرمانيا مەن ەۆروپانىڭ جۇڭگو كاسىپورىندارىنا دا ەسىك اشا بەرۋىن ءۇمىت ەتەمىز. ەكى جاق ءوزارا قۇرمەت ەتۋدە تاباندى بولىپ، پىكىرلەسۋدىڭ، سەلبەسۋدىڭ جەتەكشىلىك كولەمى مەن ءوزارا پايدا جەتكىزىپ، تەڭ يگىلىككە كەنەلۋدىڭ نەگىزگى اۋەنىن باستان - اياق ويداعىداي يگەرۋى قاجەت. جۇڭگو - گەرمانيا ۇكىمەتتەرىنىڭ جاڭا كەزەكتى كەڭەسىندە ەكى جاقتىڭ ءار سالاداعى سەلبەستىگىنە ورنالاستىرۋ جاسالۋىن ءۇمىت ەتەمىز.

  شي جينپيڭ مىنالاردى اتاپ كورسەتتى: جۇڭگو - ەۆروپا سەلبەستىگى كۇردەلى حالىقارالىق جاعدايدا ءتىپتى دە دۇنيە جۇزىلىك جانە ستراتەگيالىق سيپات الىپ وتىر. ەكى جاق ءوزارا سەنىمدىلىكتى، سەلبەستىكتى، اۋىس - كۇيىستى، ءوزارا ۇلگى الۋدى كۇشەيتىپ، كوپ جاقتىلىقتى قورعاپ، دۇنيە جۇزىلىك جونگە سالۋ جۇيەسىن كەمەلدەندىرۋى كەرەك. بيىل 9 - ايدا وزىڭىزبەن جانە ەۆروپا وداعىنىڭ ەكى توراعاسىمەن بەينە ەكران ارقىلى كەزدەسىپ، كوپتەگەن ورتاق تانىمعا كەلدىك، قازىر سول ورتاق تانىمدار جالپى بەتتىك تياناقتانۋدا. جۇڭگو ەۆروپا جاقپەن كەلەسى كەزەڭدەگى جۇڭگو مەن ەۆروپانىڭ ماڭىزدى كۇن ءتارتىبى جونىندە ۇزدىكسىز تىعىز پىكىرلەسىپ، جۇڭگو - ەۆروپا قارجى قوسۋ كەلىسىمى كەلىسسوزىنىڭ ۋاعىندا ورىندالۋىن كۇش سالا ىلگەرىلەتىپ، جۇڭگو مەن ەۆروپانىڭ قورشاعان ورتا جانە كليمات، سيفرلى پىكىرلەسۋ مەحانيزمى قۇرىلىسىن جەبەپ، جۇڭگو مەن ەۆروپانىڭ جاسىل سەرىكتەر، سيفرلى سەرىكتەر قاتىناسىن كۇشەيتىپ، جاڭا جاعدايداعى جۇڭگو مەن ەۆروپانىڭ جان - جاقتى ستراتەگيالىق سەرىكتەستىك قاتىناسىنىڭ دامۋىنا پارمەندى قوزعاۋشى كۇش قوسۋدى قالايدى.

  مەركەل مىنالاردى ءبىلدىردى: بۇگىنگى دۇنيە جۇزىندە كەلەلى وزگەرىستەر تۋىلۋدا، ەۆروپا ەكىنشى تولقىنداعى ىندەتتىڭ سوققىسىنا ءدوپ كەلىپ وتىر. جۇڭگو ىندەتتەن ساقتانۋ - تىزگىندەۋ قىزمەتىن جاقسى ىستەپ، ەكونوميكانى الدىمەن قالپىنا كەلتىردى، بۇل گەرمانيا كاسىپورىندارى جونىنەن پايدالى قۋانىشتى سانالادى. ەكى جاقتىڭ ۆاكسينا سەلبەستىگى جونىندە پىكىرلەسۋدى كۇشەيتىپ، ساۋدا، قارجى قوسۋ، جاڭا ەنەرگيالى اۆتوموبيل سياقتى سالالارداعى سەلبەستىكتى ىلگەرىلەتۋىن ءۇمىت ەتەمىن. گەرمانيا جۇڭگونىڭ قاتىستى جاقتارمەن «وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمىنە» قول قويعانىن قۇتتىقتايدى، جۇڭگومەن بىرگە قۇلشىنىپ، ەۆروپا مەن جۇڭگونىڭ قارجى قوسۋ كەلىسىمى كەلىسسوزىن وسى جىلدىڭ ىشىندە ورىنداۋدى ءۇمىت ەتەمىن. گەرمانيا جۇڭگونىڭ كليمات وزگەرىسىنە توتەپ بەرۋدىڭ ورتا، ۇزاق مەرزىمدىك نىساناسى مەن جوباسىن جاريالاعانىن جوعارى باعالايدى، جۇڭگومەن كليمات وزگەرىسى، ەكولوگيالىق ورتا سياقتى سالالارداعى سەلبەستىكتى تەرەڭدەتۋدى ءۇمىت ەتەمىن. گەرمانيا جۇڭگومەن كەلەسى ساتىداعى گەرمانيا مەن جۇڭگونىڭ، ەۆروپا مەن جۇڭگونىڭ ماڭىزدى ساياسي كۇن ءتارتىبى جونىندە ءجيى پىكىرلەسۋدى قالايدى. مەن گەرمانيا - جۇڭگو، ەۆروپا - جۇڭگو قاتىناسىنىڭ باياندى، تاماشا دامۋىن ىلگەرىلەتۋگە تىنباي كۇش سالامىن.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار