جۇڭگو مەن ەفيوفيانىڭ ديپلوماتيالىق قاتىناس ورناتقانىنىڭ 50 جىلدىعى بايلانىسىمەن
شي جينپيڭ مەن ەفيوفيانىڭ زۇڭتۇڭى ساحيل – ۆورك ءبىر - بىرىنە قۇتتىقتاۋ تەلەگرامماسىن جولدادى
2020.11.25 16:03 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 24 - كۇنى، بەيجيڭ. 11 - ايدىڭ 24 - كۇنى مەملەكەت ءتوراعاسى شي جينپيڭ مەن ەفيوفيانىڭ زۇڭتۇڭى ساحيل – ۆورك زەۋدە ءبىر - بىرىنە قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو - ەفيوفيا ديپلوماتيالىق قاتىناس ورناتقان جارىم عاسىردان بەرى ەكى ەلدىڭ ءداستۇرلى دوستىعى ۋاقىت وتكەن سايىن بەكەمدەلدى. تاياۋ جىلداردان بەرى ەكى ەل جالپى بەتتىك ستراتەگيالىق سەلبەستىك سەرىكتەستىك قاتىناسىن ورناتىپ، ساياسي جاقتاعى ءوزارا سەنىمدىلىك كۇن سايىن تەرەڭدەپ، ءار سالاداعى سەلبەستىك ناتيجەلى بولىپ كەلەدى، ءبىر - ءبىرىنىڭ وزەكتى مۇددەسىنە جانە قاداعالاعان كوكەيتەستى ىستەرىنە ساياتىن ماسەلەلەردە ءوزارا ءتۇسىنىسىپ، ءبىر - ءبىرىن قولداپ، حالىقارالىق جانە وڭىرلىك ىستەردە تىعىز سايكەستى. جاڭا تيپتى ايدارشا ۆيروس وكپە قابىنۋ ىندەتى تۋىلعاننان كەيىن ەكى جاق ءبىر نيەت، ءبىر تىلەكپەن تىزە قوسا سەلبەسىپ، جۇڭگو مەن افريكانىڭ ىنتىماقتاسا وتىرىپ ىندەتكە قارسى اتتانۋىنىڭ ۇلگىسىن ورناتتى. مەن جۇڭگو - ەفيوفيا قاتىناسىنىڭ دامۋىنا باسا ءمان بەرەمىن، زۇڭتۇڭ ساحيل – ۆورك زەۋدەمەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن وراي ەتىپ، جۇڭگو - افريكا سەلبەستىك تالقى جينالىسىنىڭ بەيجيڭدەگى باسشىلار باس قوسۋىنىڭ جانە جۇڭگو مەن افريكانىڭ ىنتىماقتاسا وتىرىپ ىندەتكە قارسى اتتانۋ ەرەكشە باس قوسۋىنىڭ تابىستارىن ويداعىداي تياناقتاندىرىپ، «ءبىر بەلدەۋ، ءبىر جولدى» بىرگە قۇرۋ سەلبەستىگىن كۇشەيتىپ، ەكى ەل مەن ەكى ەل حالىقتارىنا باقىت جاراتىپ، جۇڭگو مەن افريكانىڭ اناعۇرلىم تىعىز تاعدىرلاس ورتاق تۇلعاسىن قۇرۋعا بەلسەندى ۇلەس قوسۋدى قالايمىن.
ساحيل – ۆورك قۇتتىقتاۋ تەلەگرامماسىندا مىنانى ءبىلدىردى: ديپلوماتيالىق قاتىناس ورناتقان 50 جىلدان بەرى تىعىز سەلبەستىك ورىستەتۋ جانە ساياسي جاقتان ءوزارا سەنىم ورناتۋ نەگىزىندە، ەفيوفيانىڭ جۇڭگومەن قاتىناسى ۇزدىكسىز تەرەڭدەپ، ەكى جاقتى سەلبەستىكتە قوماقتى تابىسقا قول جەتتى. ەكى ەل قاتىناسى جان - جاقتى ستراتەگيالىق سەلبەستىك سەرىكتەستىك قاتىناسقا كوتەرىلىپ، بولاشاقتا ءار سالاداعى سەلبەستىكتى ۇزدىكسىز كەمەلدەندىرۋگە، ەكى ەل مەن ەكى ەل حالىقتارىنا باقىت جاراتۋعا بەرىك نەگىز قالادى. مەن ءتوراعا شي جينپيڭمەن تىعىز سەلبەسىپ، ەكى ەلدىڭ ءداستۇرلى دوستىعىن ۇزدىكسىز جەبەپ، ەكى جاقتى سەلبەستىكتى تەرەڭدەتىپ جانە كەڭەيتىپ، ەكى ەل مەن ەكى ەل حالىقتارىنا باقىت جاراتۋدى ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
