شي جينپيڭ: اسكەري جاتتىعۋدى جاپپاي كۇشەيتىپ، جاتتىعۋ دەڭگەيى مەن جەڭىسكە جەتۋ قۋاتىن جاپپاي جوعارىلاتۋ كەرەك
2020.11.26 16:32 كەلۋ قاينارى : حالىق تورابى
 |
11 - ايدىڭ 25 - كۇنى ورتالىق اسكەري ىستەر كوميتەتىنىڭ اسكەري جاتتىعۋ ءماجىلىسى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
|
شي جينپيڭ ورتالىق اسكەري ىستەر كوميتەتىنىڭ اسكەري جاتتىعۋ ماجىلىسىندە مىنانى دارىپتەدى
اسكەري جاتتىعۋدى جاپپاي كۇشەيتىپ، جاتتىعۋ دەڭگەيى مەن جەڭىسكە جەتۋ قۋاتىن جاپپاي جوعارىلاتۋ كەرەك
■ بۇكىل ارميا جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ستراتەگيالىق باعىتتى دايەكتىلەندىرىپ، نازاردى سوعىس جۇرگىزۋگە شوعىرلاندىرۋدا تاباندى بولىپ، ناقتى سوعىستىق جاتتىعۋ جۇرگىزۋدەن، بىرىككەن شايقاس جۇرگىزۋدەن، بىرلەسىپ جاتتىعۋدان، جاتتىعۋدى عىلىم - تەحنيكا ارقىلى نىعايتۋدان، جاتتىعۋدى زاڭ بويىنشا جونگە سالۋدان جازباي، تاڭداۋلى ءداستۇردى ساۋلەلەندىرىپ، رەفورمادا جاڭالىق جاراتۋدى كۇشەيتىپ، جاڭاشا اسكەري جاتتىعۋ جۇيەسىن قۇرۋدى تەزدەتىپ، جاتتىعۋ ورەسى مەن جەڭىسكە جەتۋ قۋاتىن جاپپاي جوعارىلاتىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋعا، ارميامىزدى دۇنيە جۇزىندەگى بىرەگەي ارميا ەتىپ جاپپاي قۇرىپ شىعۋعا پارمەندى تىرەك ازىرلەۋى كەرەك
■ قازىر ەلىمىزدىڭ حاۋىپسىزدىك ورتاسى، اسكەري كۇرەس جاعدايى، ارميامىزدىڭ بورىشى مەن مىندەتى، وسى زامانعى سوعىس فورماتسياسى، ارميامىزدىڭ ۇيىمدىق فورماتسياسى، مەملەكەت قورعانىسى مەن ارميانى وسىزامانداندىرۋ نىسانالىق مىندەتى سياقتىلاردىڭ بارلىعىندا جاڭا وزگەرىستەر تۋىلىپ، ارميامىزدىڭ اسكەري جاتتىعۋى جان - جاقتى وزگەرىس ەنگىزۋ، تۇتاس تۇلعالىق جاقتان جوعارىلاتۋ سىندى جاڭا كەزەڭگە قادام تاستادى. جاڭا ءداۋىر، جاڭا جاعدايداعى جاڭا مىندەت، جاڭا تالاپتاردى يگەرىپ، حاۋىپ - قاتەر تانىمىن كۇشەيتىپ، بورىش پەن جاۋاپكەرلىكتى نىعايتىپ، اسكەري جاتتىعۋدىڭ تيبىن وزگەرتىپ، دارەجەسىن جوعارىلاتۋدى جەدەل جۇزەگە اسىرۋ كەرەك
■ ستراتەگيالىق جوبا مەن جوعارى دەڭگەيدە جوبالاۋدى كۇشەيتىپ، اسكەري جاتتىعۋدا بۇرىلىس جاساۋدى تىڭعىلىقتى ىلگەرىلەتۋ كەرەك. جاپالى دا قاتاڭ جاتتىعۋ بارىسىندا، ناقتى سوعىسپەن قارايلاس ورتادا، قاتاڭ دا كۇردەلى اسكەري كۇرەس بارىسىندا اسكەري بولىمدەردى شايقاسقا قاتىناستىرىپ جانە شىنىقتىرىپ، كوماندير - جاۋىنگەرلەردى مۇرات - سەنىمدى بەكەمدەۋگە، جاۋىنگەرلىك جىگەردى شىڭداۋعا، جاۋىنگەرلىك ستيلدى قاتايتۋعا جەتەكتەپ، جاپا – ماشاقاتتان، قۇرباندىق بەرۋدەن تايسالمايتىن قاجىرلىلىقپەن كۇرەس جۇرگىزۋ رۋحىن باستان - اياق ساقتاۋ كەرەك
■ پارتيانىڭ اسكەري جاتتىعۋ قىزمەتىنە باسشىلىعىن كۇشەيتۋ كەرەك. ءار دارەجەلى پارتكومدار ساياسي دەڭگەيدى جوعارىلاتىپ، ساياسي جاۋاپكەرلىكتى كۇشەيتىپ، اسكەري جاتتىعۋ قىزمەتىن شوگەلدىكپەن مىقتى يگەرۋى كەرەك. ءار دارەجەلى، وتە - موتە جوعارى دارەجەلى قولباسشىلار زەيىندى شوعىرلاندىرا وتىرىپ اسكەري ىستەردى، سوعىستى، ۇرىستى زەرتتەۋلەرى، سوعىس جۇرگىزە ءبىلۋ، قولباسشىلىق ەتە ءبىلۋ، جاتتىعۋعا شەبەر بولۋ، جاتتىعۋدى شىنايى يگەرۋ ارقىلى ونەرگە قاتاڭ جاتتىعىپ، شىڭدالعان قوسىندى باستاي الاتىن بولۋى كەرەك
شينحۋا اگەنتتىگى، 11 - ايدىڭ 25 - كۇنى، بەيجيڭ (تىلشىلەر لي شۋانلياڭ، ليۋ جيمەي). ورتالىق اسكەري ىستەر كوميتەتىنىڭ اسكەري جاتتىعۋ ءماجىلىسى 11 - ايدىڭ 25 - كۇنى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ول مىنالاردى دارىپتەدى: بۇكىل ارميا جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ستراتەگيالىق باعىتتى دايەكتىلەندىرىپ، نازاردى سوعىس جۇرگىزۋگە شوعىرلاندىرۋدا تاباندى بولىپ، ناقتى سوعىستىق جاتتىعۋ جۇرگىزۋدەن، بىرىككەن شايقاس جۇرگىزۋدەن، بىرلەسىپ جاتتىعۋدان، جاتتىعۋدى عىلىم - تەحنيكا ارقىلى نىعايتۋدان، جاتتىعۋدى زاڭ بويىنشا جونگە سالۋدان جازباي، تاڭداۋلى ءداستۇردى ساۋلەلەندىرىپ، رەفورمادا جاڭالىق جاراتۋدى كۇشەيتىپ، جاڭاشا اسكەري جاتتىعۋ جۇيەسىن قۇرۋدى تەزدەتىپ، جاتتىعۋ ورەسى مەن جەڭىسكە جەتۋ قۋاتىن جاپپاي جوعارىلاتىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋعا، ارميامىزدى دۇنيە جۇزىندەگى بىرەگەي ارميا ەتىپ جاپپاي قۇرىپ شىعۋعا پارمەندى تىرەك ازىرلەۋى كەرەك.
تۇستەن كەيىن ساعات 4 مولشەرىندە شي جينپيڭ جيڭشي قوناق ۇيىنە كەلدى. دۋ قول شاپالاق ءۇنى ىشىندە ءماجىلىستىڭ ۋاكىلدەرىن، ارميا بويىنشا اسكەري جاتتىعۋداعى وزات ورىنداردىڭ ۋاكىلدەرىن جانە وزات جەكەلەردى ىستىق ىقىلاسپەن قابىلدادى، كوپشىلىكپەن بىرگە سۋرەتكە ءتۇسىپ ەستەلىك قالدىردى.
شي جينپيڭ ماجىلىستە ماڭىزدى ءسوز سويلەدى. ول مىنالاردى دارىپتەدى: اسكەري جاتتىعۋ − اسكەري ءبولىمنىڭ ۇنەمىلىك وزەكتى قىزمەتى، جاۋىنگەرلىك كۇشتى قالىپتاستىرۋدىڭ جانە بەكەمدەۋدىڭ نەگىزگى جولى، ەڭ تىكە اسكەري كۇرەس دايىندىعى، بۇل اسكەري بولىمدەردىڭ سوعىس جۇرگىزۋىنە، سوعىستا جەڭىپ شىعۋىنا كەپىلدىك ەتۋدە، اسكەري بولىمدەردىڭ جالپى بەتتىك قۇرىلىس ورەسىن جوعارىلاتۋدا توتەنشە كەلەلى مانگە يە.
شي جينپيڭ مىنالاردى اتاپ كورسەتتى: پارتيانىڭ 18 - قۇرىلتايىنان بەرى پارتيا ورتالىق كوميتەتى مەن ورتالىق اسكەري ىستەر كوميتەتى اسكەري جاتتىعۋدى تاباندىلىقپەن ىلگەرىلەتىپ، بۇكىل ارميانىڭ اسكەري جاتتىعۋدى ستراتەگيالىق ورىنعا قويۋىن ىلگەرىلەتتى، ناقتى جاتتىعۋدى ءتۇيىندى تۇردە ىلگەرىلەتىپ، بىرىككەن سوعىس جاتتىعۋىن ىشكەرىلەي ىلگەرىلەتىپ، جاتتىعۋ سالاسىنداعى رەفورما جاساۋدى، جاڭالىق جاراتۋدى بار كۇشپەن ىلگەرىلەتىپ، بۇقارالىق جاتتىعۋدى، قارۋ ونەرىن سالىستىرۋدى كەڭ كولەمدە ىلگەرىلەتتى. ارميامىزدىڭ اسكەري جاتتىعۋى ناقتى سوعىسقا جاناسىمدى بولۋ، ناقتى سوعىسقا قىزمەت وتەۋ جاقتارىندا زور قادام تاستاپ، كەيبىر كورنەكتى قايشىلىقتار مەن ماسەلەلەردى شەشىپ، سوعىس جۇرگىزۋ قۋاتىن جوعارىلاتۋعا جانە ءتۇرلى كەلەلى مىندەتتەردى ورىندالۋعا تىرەك بولدى.
شي جينپيڭ مىنالاردى دارىپتەدى: قازىر ەلىمىزدىڭ حاۋىپسىزدىك ورتاسى، اسكەري كۇرەس جاعدايى، ارميامىزدىڭ بورىشى مەن مىندەتى، وسى زامانعى سوعىس فورماتسياسى، ارميامىزدىڭ ۇيىمدىق فورماتسياسى، مەملەكەت قورعانىسى مەن ارميانى وسىزامانداندىرۋ نىسانالىق مىندەتى سياقتىلاردىڭ بارلىعىندا جاڭا وزگەرىستەر تۋىلىپ، ارميامىزدىڭ اسكەري جاتتىعۋى جان - جاقتى وزگەرىس ەنگىزۋ، تۇتاس تۇلعالىق جاقتان جوعارىلاتۋ سىندى جاڭا كەزەڭگە قادام تاستادى. جاڭا ءداۋىر، جاڭا جاعدايداعى جاڭا مىندەت، جاڭا تالاپتاردى يگەرىپ، حاۋىپ - قاتەر تانىمىن كۇشەيتىپ، بورىش پەن جاۋاپكەرلىكتى نىعايتىپ، اسكەري جاتتىعۋدىڭ تيبىن وزگەرتىپ، دارەجەسىن جوعارىلاتۋدى جەدەل جۇزەگە اسىرۋ كەرەك.
شي جينپيڭ مىنالاردى اتاپ كورسەتتى: ستراتەگيالىق جوبا مەن جوعارى دەڭگەيلى جوبانى كۇشەيتىپ، اسكەري جاتتىعۋدا بۇرىلىس جاساۋدى تىڭعىلىقتى ىلگەرىلەتۋ كەرەك. سوعىس پەن جاتتىعۋدىڭ بىردەيلىگىن كۇشەيتىپ، سوعىس ارقىلى جاتتىعۋعا جەتەكشىلىك ەتۋدە، جاتتىعۋ ارقىلى سوعىستى جەبەۋدە تاباندى بولىپ، ناقتى سوعىستىڭ تالابى بويىنشا جاتتىعىپ، سوعىس جۇرگىزۋ مەن جاتتىعۋدى ءبىر تۇلعالاندىرۋدى جۇزەگە اسىرۋ كەرەك. بىرلەسكەن جاتتىعۋدى كۇشەيتىپ، بىرلەستىكتى ارقاۋ ەتۋدە تاباندى بولىپ، ارميامىزدىڭ ەرەكشە بىرلەسكەن جاتتىعۋ جۇيەسىن دامىتىپ، ءبىر تۇلعالانعان بىرلەسكەن سوعىس جۇرگىزۋ قابىلەتىن جەدەل جوعارىلاتۋ كەرەك. جاتتىعۋدى باسقارۋدى كۇشەيتىپ، باسقارۋ ۇلگىسى مەن ءتارتىبىن ساپالىلاندىرىپ، قاتىستى زاڭ - ەرەجە، ءتۇزىم جانە ولشەم، ءتاسىل قۇرىلىسىن كۇشەيتىپ، تولىق پەريودتى جاتتىعۋ، باسقارۋ ورەسىن جوعارىلاتۋ كەرەك. عىلىم - تەحنيكا ارقىلى اسكەر جاتتىقتىرۋدى كۇشەيتىپ، كوماندير - جاۋىنگەرلەردىڭ عىلىم - تەحنيكا ساپاسىن نىعايتىپ، جاڭا جابدىق، جاڭا كۇش، جاڭا سالالارداعى جاتتىعۋدى كۇشەيتىپ، وزىق جاتتىعۋ ءتاسىلى مەن ءادىسىن دامىتىپ، جاتتىعۋدىڭ عىلىم - تەحنيكالىق قۇرامىن بارىنشا جوعارىلاتۋ كەرەك. جاتتىعۋدى قامتاماسىزداندىرۋدى كۇشەيتىپ، ورنالاستىرۋدى ساپالىلاندىرىپ، فاكتورلاردى كەمەلدەندىرىپ، تاسىلدە جاڭالىق جاراتىپ، شىنايى جاتتىعۋ ورتاسىن قۇرىپ، جوعارى دەڭگەيدەگى جاتتىعۋدى قامتاماسىزداندىرۋ جۇيەسىن جەدەل ورناتۋ كەرەك. دارىندىلار تىرەگىن كۇشەيتىپ، جاڭا داۋىردەگى اسكەري اعارتۋ باعىتىن دايەكتىلەندىرىپ، مەكتەپ اعارتۋىنىڭ، اسكەري بولىمدەردەگى جاتتىعۋ امالياتىنىڭ، اسكەري كاسىپتىك اعارتۋدىڭ جان - جاقتى تاربيەلەۋ فۋنكتسياسىن ساۋلەلەندىرىپ، اسكەر دايىنداۋ ماماندارىن كوپتەپ تاربيەلەۋ كەرەك. كوماندير - جاۋىنگەرلەردىڭ نەگىزگى تۇلعالىق ورنىنا قۇرمەت ەتىپ، اسكەري دەموكراتيانى ساۋلەلەندىرىپ، جاڭالىق جاراتۋعا، جاسامپازدىققا دەم بەرىپ، قالىڭ كوماندير - جاۋىنگەرلەردىڭ اسكەر جاتتىقتىرۋ ىنتاسىن كۇشەيتىپ، اسكەر جاتتىقتىرۋداعى اقىل - پاراساتىن ۇيىستىرۋ كەرەك. جاپالى دا قاتاڭ جاتتىعۋ بارىسىندا، ناقتى سوعىسپەن قارايلاس ورتادا، قاتاڭ دا كۇردەلى اسكەري كۇرەس بارىسىندا اسكەري بولىمدەردى شايقاسقا قاتىناستىرىپ جانە شىنىقتىرىپ، كوماندير - جاۋىنگەرلەردى مۇرات - سەنىمدى بەكەمدەۋگە، جاۋىنگەرلىك جىگەردى شىڭداۋعا، جاۋىنگەرلىك ستيلدى قاتايتۋعا جەتەكتەپ، جاپا – ماشاقاتتان، قۇرباندىق بەرۋدەن تايسالمايتىن قاجىرلىلىقپەن كۇرەس جۇرگىزۋ رۋحىن باستان - اياق ساقتاۋ كەرەك.
شي جينپيڭ مىنالاردى دارىپتەدى: پارتيانىڭ اسكەري جاتتىعۋ قىزمەتىنە باسشىلىعىن كۇشەيتۋ كەرەك. ءار دارەجەلى پارتكومدار ساياسي دەڭگەيدى جوعارىلاتىپ، ساياسي جاۋاپكەرلىكتى كۇشەيتىپ، اسكەري جاتتىعۋ قىزمەتىن شوگەلدىكپەن مىقتى يگەرۋى كەرەك. ناقتى سوعىستى ارقاۋ ەتە وتىرىپ جاتتىعۋدى يگەرىپ، اسكەر جاتتىقتىرۋدى كۇشەيتۋگە ءتيىمدى قىزمەت بەتالىسىن، ادام ىستەتۋ بەتالىسىن، ساياسات بەتالىسىن، جاماعات پىكىرى بەتالىسىن قالىپتاستىرۋدى ىلگەرىلەتۋ كەرەك. قاتاڭ جاتتىعۋ جاۋاپكەرلىك ءتۇزىمىن ورناتىپ، ساتىلار بويىنشا قىسىم ءتۇسىرىپ، دارەجە بويىنشا جاۋاپكەرلىكتى قاتايتۋ كەرەك. پارتكومنىڭ سوعىس جاعدايىن، جاتتىعۋ جاعدايىن كەڭەسۋ ساپاسىن جوعارىلاتىپ، جاتتىعۋعا جەتەكشىلىك ەتۋ مەن قىزمەت ءتاسىلىن جاقسارتىپ، جاتتىعۋدى يگەرۋدىڭ عىلميلىعى مەن ونىمدىلىگىن ارتتىرۋ كەرەك. جاتتىعۋ بارىسىنداعى فورماشىلدىقتى، تورەشىلدىكتى ىشكەرىلەي تۇزەتىپ، جاتتىعۋ ستيلىن تۇبىرىنەن جاقسارتۋ كەرەك. ءار دارەجەلى، وتە - موتە جوعارى دارەجەلى قولباسشىلار زەيىندى شوعىرلاندىرا وتىرىپ اسكەري ىستەردى، سوعىستى، ۇرىستى زەرتتەۋلەرى، سوعىس جۇرگىزە ءبىلۋ، قولباسشىلىق ەتە ءبىلۋ، جاتتىعۋعا شەبەر بولۋ، جاتتىعۋدى شىنايى يگەرۋ ارقىلى ونەرگە قاتاڭ جاتتىعىپ، شىڭدالعان قوسىندى باستاي الاتىن بولۋى كەرەك.
شي جينپيڭ مىنالاردى اتاپ كورسەتتى: اسكەري جاتتىعۋدى مىقتى يگەرۋ − بۇكىل ارميانىڭ ورتاق جاۋاپكەرلىگى، اسكەري ىستەر كوميتەتى ءبىر تۇتاس باسشىلىقتى كۇشەيتۋى، اسكەري ىستەر كوميتەتى ورگانىنىڭ قاتىستى تاراۋلارى ءبىر تۇتاس جوسپارلاپ سايكەستىرۋدى جاقسى ىستەۋى، ءارقايسى جاق مىندەت اتقارىپ، جاۋاپكەرلىكتى ادا ەتۋى كەرەك. ورتالىق پەن مەملەكەت ورگاندارى، جەرگىلىكتى ءار دارەجەلى پارتكومدار مەن ۇكىمەتتەر جاتتىعۋ الاڭى قۇرىلىسى، جاتتىعۋ بايلىعىن قامتاماسىزداندىرۋ، جاتتىعۋ بارىسىندا مۇگەدەك بولعاندارعا قامقورلىق جاساۋ، جاتتىعۋ مىندەتى قايشىلىعىن شەشۋ جاقتارىندا پارمەندى قولداۋ كورسەتىپ، ارميامىزدىڭ اسكەر جاتتىقتىرۋ، سوعىسقا دايىندالۋ ورەسىن بىرگە جوعارىلاتۋى كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى شۇي چيلياڭ ءماجىلىستى باسقاردى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى جاڭ يوۋشيا «ورتالىق اسكەري ىستەر كوميتەتىنىڭ ارميا بويىنشا اسكەري جاتتىعۋداعى وزات ورىندار مەن وزات جەكەلەردى ماداقتاۋ - سيلاۋ جونىندەگى جالپىلىق حابارلاندىرۋىن» وقىدى، ارميا بويىنشا اسكەري جاتتىعۋداعى 10 وزات ورىن، ارميا بويىنشا اسكەري جاتتىعۋداعى 23 وزات جەكە ماداقتالىپ، سيلاندى. شي جينپيڭ قاتارلىلار ماداقتالىپ - سيلانعان وبيەكتىلەرگە سيلىق تاراتتى.
ورتالىق اسكەري ىستەر كوميتەتىنىڭ مۇشەلەرى ۋەي فىڭحى، لي زوچىڭ، مياۋ حۋا، جاڭ شىڭمين ماجىلىسكە قاتىناستى. اسكەري ىستەر كوميتەتى ورگانىنىڭ ءارقايسى تاراۋىنداعى، بۇكىل ارميانىڭ ءىرى ورىندارىنداعى قاتىستى باسشى جولداستار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
