بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

لي كىچياڭ مەملەكەتتىك كەڭەس پارتگرۋپپاسىنىڭ ءماجىلىسىن باسقارىپ اشتى

2020.11.26 16:37     كەلۋ قاينارى : حالىق تورابى

  لي كىچياڭ مەملەكەتتىك كەڭەس پارتگرۋپپاسىنىڭ ءماجىلىسىن باسقارىپ اشتى

  شي جينپيڭ زاڭمەن جونگە سالۋ يدەياسى مەن ورتالىقتىڭ مەملەكەتتى جاپپاي زاڭمەن جونگە سالۋ قىزمەتى ءماجىلىسىنىڭ رۋحىن ۇيرەندى، دايەكتىلەندىردى

  حان جىڭ ماجىلىسكە قاتىناستى


  شينحۋا اگەنتتىگى، 11 - ايدىڭ 25 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، مەملەكەتتىك كەڭەس پارت گرۋپپاسىنىڭ شۋجيى لي كىچياڭ 11 - ايدىڭ 25 - كۇنى مەملەكەتتىك كەڭەس پارت گرۋپپاسىنىڭ ءماجىلىسىن باسقارىپ اشىپ، شي جينپيڭ زاڭمەن جونگە سالۋ يدەياسى مەن ورتالىقتىڭ مەملەكەتتى جاپپاي زاڭمەن جونگە سالۋ قىزمەتى ءماجىلىسىنىڭ رۋحىن ۇيرەندى، دايەكتىلەندىردى، كەلەسى قادامداعى قىزمەتتەردى ويداعىداي ىستەۋدى اقىلداستى.

  ءماجىلىس مىنالاردى اتاپ كورسەتتى: وسى رەتكى ورتالىقتىڭ مەملەكەتتى جاپپاي زاڭمەن جونگە سالۋ قىزمەتى ءماجىلىسىنىڭ نەگىزگى تاقىرىبى كەلەلى، ماڭىزى زور، وندا شي جينپيڭ زاڭمەن جونگە سالۋ يدەياسىنىڭ مەملەكەتتى جاپپاي زاڭمەن جونگە سالۋداعى جەتەكشىلىك ورنى ايقىندالدى. شي جينپيڭ زاڭمەن جونگە سالۋ يدەياسى − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، وندا جاڭا داۋىردە نە ءۇشىن مەملەكەتتى جاپپاي زاڭمەن جونگە سالۋ كەرەك، مەملەكەتتى جاپپاي زاڭمەن جونگە سالۋدى قالاي اتقارۋ كەرەك دەگەن سياقتى ءبىرسىپىرا كەلەلى ماسەلەگە جاۋاپ بەرىلدى، بۇل − مەملەكەتتى جاپپاي زاڭمەن جونگە سالۋدىڭ ءتۇبىرلى تياناعى جانە ارەكەت باعدارناماسى. «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداۋ كەرەك. مەملەكەتتىك كەڭەس پارتگرۋپپاسى جانە ۇكىمەت جۇيەسى زەيىن قويىپ ۇيرەنىپ، ۇعىنۋى، ۇكىمەت قىزمەتىنىڭ ءىس جۇزىندىگىمەن ۇشتاستىرىپ، دايەكتى تياناقتاندىرۋدى ىشكەرىلەي مىقتى يگەرۋى، نەگىزگى زاڭ بويىنشا اكىمشىلىك جۇرگىزۋدە، اكىمشىلىكتى زاڭ بويىنشا جۇرگىزۋدە تاباندى بولۋى، زاڭمەن جونگە سالىناتىن ۇكىمەت قۇرىلىسىن ۇزدىكسىز ىلگەرىلەتۋى كەرەك.

  ءبىرىنشى، ۇكىمەتتىڭ مىندەتىن زاڭ بويىنشا جاپپاي اتقارۋ كەرەك. زاڭمەن جونگە سالۋ ارقىلى اكىمشىلىك ۇقىققا ەرەجە، شەك بەلگىلەپ، ۇكىمەت فۋنكتسياسىندا بۇرىلىس جاساۋدى جەدەلدەتىپ، ۇكىمەت پەن بازاردىڭ، ۇكىمەت پەن قوعامنىڭ شەكاراسىن اناعۇرلىم ايقىنداپ، ءونىمدى بازار مەن ۇكىمەتتىڭ ءتىپتى دە جاقسى ۇشتاسۋىن ىلگەرىلەتىپ، ۇكىمەت تاراۋلارىنىڭ ۇقىق جانە جاۋاپكەرلىك تىزىمدىگىن جاساۋدى مىقتى يگەرىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتىپ، بازارلاندىرىلعان، زاڭمەن جونگە سالىناتىن، حالىقارالانعان ساۋدا ورتاسىن جەدەل قالىپتاستىرىپ، بازار تۇلعالارىنىڭ ومىرشەڭدىگى مەن قوعامنىڭ جاسامپازدىق قۋاتىن اناعۇرلىم تاسقىنداتۋ كەرەك. ۇكىمەت ىستەرىن جاريا ۇستاۋ تەبىنىن ارتتىرىپ، اكىمشىلىك ۇقىقتى تەجەۋ مەن باقىلاۋدى كۇشەيتۋ كەرەك.

  ەكىنشى، اكىمشىلىك زاڭ - ەرەجە جۇيەسىن كەمەلدەندىرۋ كەرەك. اكىمشىلىك زاڭ شىعارۋ ساپاسىن كۇش سالا جوعارىلاتىپ، زاڭ - ەرەجە بەلگىلەۋدە ءىس جۇزىندىكتى شىعار ءتۇيىن ەتۋدە تاباندى بولىپ، ءىس جۇزىندىك ماسەلەلەردى شەشۋگە باسا ءمان بەرىپ، باعىتتامالىلىقتى، ۇيلەسىمدىلىكتى، مەڭگەرىمدىلىكتى ارتتىرىپ، ءارى جۇيەلى، ءارى ىقشام، ءارى قولايلى بولۋدى ورىنداۋ كەرەك. رەفورمانىڭ، دامۋدىڭ قاجەتىنە ۇيلەسپەيتىن زاڭ - ەرەجە مەن ولشەمدى قۇجاتتاردى دەر كەزىندە اداقتاۋ كەرەك.

  ءۇشىنشى، اكىمشىلىك شەشىم جاساۋدى زاڭمەن جونگە سالۋ ورەسىن جوعارىلاتۋ كەرەك. اكىمشىلىك شەشىم جاساۋ ءتارتىبىن ارناعا ءتۇسىرىپ، ولشەمدى قۇجاتتاردى تەكسەرۋ مەحانيزمىن جاپپاي اتقارۋ كەرەك. اكىمشىلىك زاڭ - ەرەجەنى، ەرەجەلەردى، ولشەمدى قۇجاتتاردى جاساۋ جانە تۇزەتۋ بارىسىندا كەڭ كولەمدە پىكىر الۋ، اسىرەسە، بازار تۇلعالارى مەن حالىقتىڭ ءتول مۇددەسىنە ساياتىندارى جونىنەن كاسىپورىنداردىڭ، كاسىپتىك قوعامداردىڭ، بۇقارانىڭ پىكىرىنە تولىق قۇلاق اسۋ جانە ونى قابىلداۋ كەرەك.

  ءتورتىنشى، زاڭدى ءادىل، وركەنيەتتى اتقارۋدى قاتاڭ ارناعا ءتۇسىرۋ كەرەك. اكىمشىلىك زاڭ اتقارۋ جاۋاپكەرلىك ءتۇزىمىن جاپپاي تياناقتاندىرۋ كەرەك. اكىمشىلىك زاڭ اتقارۋدى اشىق جاريالاۋ، زاڭ اتقارۋدىڭ جالپى بارىسىن ەستەلىككە الۋ، ماڭىزدى زاڭ اتقارۋ ۇيعارىمىن زاڭ بويىنشا تەكسەرۋ سىندى «ءۇش ءتۇرلى ءتۇزىمدى» قاتاڭ اتقارىپ، زاڭدى بەتالدى اتقارۋدان ساقتانۋ كەرەك. زاڭ - ەرەجە نەگىزى جوق نەمەسە قاجەتسىز، قايتالانعان اكىمشىلىك زاڭ اتقارۋ ىستەرىن باتىل كۇشىنەن قالدىرۋ كەرەك. ۇكىمەت ىسىندە سەنىمدىلىك قۇرىلىسىن كۇشەيتىپ، ۇكىمەتتىڭ ۋادەسىندە تۇرۋ مەحانيزمىن اقاۋسىزداندىرۋ كەرەك.

  ءماجىلىس مىنالاردى دارىپتەدى: ۇكىمەت جۇيەسىندەگى قىزمەتكەرلەر، اسىرەسە، باسشى كادرلار − مەملەكەتتى جاپپاي زاڭمەن جونگە سالۋدى ىلگەرىلەتۋدەگى ماڭىزدى كۇش، ولار زاڭمەن جونگە سالۋدى باستاماشىلدىقپەن قاستەرلەپ، زاڭنان يمەنىپ، زاڭمەن جونگە سالۋ وي جەلىسى مەن زاڭمەن جونگە سالۋ ءتاسىلى ارقىلى ۇكىمەتتىڭ ءتۇرلى قىزمەتتەرىن ويداعىداي ىستەۋ قابىلەتىن ۇزدىكسىز جوعارىلاتىپ، ءادىليا قاتارلى ءار جاقتىڭ باقىلاۋىن قابىلداپ، كوپتىڭ قامىن جەپ، حالىق ءۇشىن ىستەۋدە پاك بولىپ، مىندەتىن وتەمەۋ، الباتى ىستەۋ جايتتەرىن باتىلدىقپەن تۇزەتىپ، فورماشىلدىقتان، تورەشىلدىكتەن ساقتانىپ، زاڭدى قۇرمەتتەۋدىڭ، زاڭدى ۇيرەنۋدىڭ، زاڭعا بويسۇنۋدىڭ، زاڭدى قولدانۋدىڭ ۇلگىسى بولىپ، زاڭمەن جونگە سالىناتىن سوتسياليستىك مەملەكەت قۇرىلىسىن ىلگەرىلەتۋگە، ەكونوميكالىق، قوعامدىق دامۋدى جەبەۋگە، حالىقتىڭ ىرىسىن ارتتىرۋعا اناعۇرلىم زور ۇلەس قوسۋى كەرەك.

  حان جىڭ، حۋ چۇنحۋا، ليۋ حى، ۋاڭ يۇڭ، شياۋ جيە، جاۋ كىجى ماجىلىسكە قاتىناستى.

  كەلۋ قاينارى: حالىق تورابى

  
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار