لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2020.11.27 16:49 كەلۋ قاينارى : حالىق تورابى
سەنىمسىزدىكتى تەجەۋ ءتۇزىمىن كەمەلدەندىرىپ، قوعامدىق سەنىمدىلىك جۇيەسى قۇرىلىسىن اقاۋسىزداندىرىپ، سوتسياليستىك بازار شارۋاشىلىعىن دامىتۋعا تىرەك ازىرلەۋ تۇراقتاندىرىلدى؛ «جۇڭحۋا حالىق رەسپۋبليكاسىنىڭ ءوندىرىس حاۋىپسىزدىگى زاڭى (وزگەرىس ەنگىزىلگەن جوباسى) » ماقۇلداندى
شينحۋا اگەنتتىگى، 11 - ايدىڭ 26 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 11 - ايدىڭ 25 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە سەنىمسىزدىكتى تەجەۋ ءتۇزىمىن كەمەلدەندىرىپ، قوعامدىق سەنىمدىلىك جۇيەسى قۇرىلىسىن اقاۋسىزداندىرىپ، سوتسياليستىك بازار شارۋاشىلىعىن دامىتۋعا تىرەك ازىرلەۋ تۇراقتاندىرىلدى؛ «جۇڭحۋا حالىق رەسپۋبليكاسىنىڭ ءوندىرىس حاۋىپسىزدىگى زاڭى (وزگەرىس ەنگىزىلگەن جوباسى) » ماقۇلداندى.
ماجىلىستە مىنالار اتاپ كورسەتىلدى: پارتيا ورتالىق كوميتەتى، مەملەكەتتىك كەڭەس قوعامدىق سەنىمدىلىك جۇيەسى قۇرىلىسىنا ايرىقشا ءمان بەرەدى، بۇل −سوتسياليستىك بازار شارۋاشىلىعىن دامىتۋدىڭ ماڭىزدى نەگىزى. سەنىمدىلىك قۇرىلىسىن كۇشەيتۋ، ءادىل، سەنىمدى بازار ورتاسى مەن قوعامدىق ورتا جاراتۋ ءۇشىن، ماجىلىستە مىناۋ ۇيعارىلدى: زاڭ - ەرەجەگە ۇيلەسىمدى بولۋدان، ۇقىق - مۇددەنى قورعاۋدان، مۇقيات، لايىقتى بولۋدان، تىزىمدىك بويىنشا باسقارۋدان جازباي، سەنىمسىزدىكتى تەجەۋ ءتۇزىمىن ارناعا ءتۇسىرىپ جانە كەمەلدەندىرىپ، قوعامدىق سەنىمدىلىك جۇيەسى قۇرىلىسىن ءتارتىپتى، اقاۋسىز ىلگەرىلەتۋ كەرەك. ءبىرىنشى، سەنىمدىلىك ينفورماتسياسىن ەنگىزۋ كولەمى مەن ءتارتىبىن عىلمي بەلگىلەۋ كەرەك. ەرەكشە ارەكەت الەۋمەتتىك سەنىمدىلىك ينفورماتسياسىنا ەنگىزىلەدى، مۇندا ءسوزسىز زاڭ، ەرەجە قاتارلىلاردى نەگىز ەتۋ ءارى مازمۇن بويىنشا باسقارۋدى جولعا قويىپ، قوعامعا اشىق ۇستاۋ كەرە. اكىمشىلىك ورگاندار سەنىمسىزدىك ارەكەتىن تۇراقتاندىرۋدا زاڭدىق كۇشكە يە حات - قاتىناستاردى نەگىز ەتۋى شارت. ەكىنشى، سەنىمدىلىك ينفورماتسياسىنان ورتاق يگىلىكتەنۋدى جاريا ۇستاۋ كولەمى مەن ءتارتىبىن ارناعا ءتۇسىرۋ كەرەك. امانات - قارىز ينفورماتسياسىنان قانداي كولەمدە ورتاق يگىلىكتەنۋدە جانە ونى جاريا ەتۋدە زاڭدى، قاجەتتى بولۋ پرينسيبىنەن جازباۋ ءارى سەنىمدىلىك ينفورماتسياسىنىڭ تىزىمدىگىن جاساعان كەزدە بىرگە ايقىنداۋ كەرەك. ءۇشىنشى، سەنىمنەن اۋىر دارەجەدە ايرىلعان تۇلعالاردىڭ ەسىمدىگىن تۇراقتاندىرۋ ولشەمىن ارناعا ءتۇسىرىپ، قاتىستى بەلگىلەمەلەر بويىنشا بۇقارانىڭ دەنساۋلىعى مەن باس اماندىعىنا اۋىر زالال جەتكىزگەن، بازاردىڭ ءادىل باسەكە ءتارتىبىن جانە قوعامنىڭ قالىپتى ءتارتىبىن اۋىر دارەجەدە بۇلدىرگەن جاۋاپكەرلىگى بار تۇلعالاردى قاتاڭ شەكتەۋ كەرەك، ونى ءوز بەتىمەن كوبەيتۋگە نەمەسە كەڭەيتۋگە بولمايدى. ناقتى تۇراقتاندىرۋدا جۇمىس ءتارتىبىن قاتاڭ اتقارۋ كەرەك. ءتورتىنشى، سەنىمسىزدىك جايتتەرىن زاڭ بويىنشا جازالاپ، جازالاۋدىڭ بارابار بولۋىنا كەپىلدىك ەتۋ كەرەك. سەنىمنەن ايرىلعان تۇلعالارعا ۇقىق - مۇددەنى ازايتۋ نەمەسە بورىشىن ارتتىرۋ سىندى جازالاپ ساقتاندىرۋ شاراسىن قولدانۋدا، ءسوزسىز، سەنىمسىزدىك فاكىتىن نەگىز ەتىپ، زاڭ قاعيداسىنا سۇيەنۋ، اۋىر - جەڭىلدىگىن ۇيلەسىمدى بەكىتۋ كەرەك. جازانى بەتالدى كوبەيتۋگە نەمەسە اۋىرلاتۋعا بولمايدى، فينانس قۇرىلىمدارى، سەنىمدىلىك جونىنەن قىزمەت وتەۋ قۇرىلىمدارى، كاسىپتىك قوعامدار، اقپارات دانەكەرلەرى سياقتى سەنىمسىزدىك تۇلعالارىنا زورلىقتى تالاپ قويۋعا بولمايدى. بەسىنشى، ءوز قاتەلىگىن تۇزەتۋگە ءتيىمدى سەنىمدىلىگىن قالپىنا كەلتىرۋ مەحانيزمىن ورناتۋ كەرەك. زاڭ، زاڭ - ەرەجە قاتارلى ايىرىم بەلگىلەمە بارلارىن ەسەپكە الماعاندا، سەنىمسىزدىك تۇلعاسى تالاپ بويىنشا سەنىمسىزدىك ارەكەتتەرىن تۇزەتىپ، ناشار ىقپالىن جويسا، سەنىمدىلىگىن قالپىنا كەلتىرۋدى ءوتىنىش ەتۋىنە بولادى. قالپىنا كەلتىرۋ شارتىنا ۇيلەسەتىندەرىن قاتىستى تاراۋلار مەن ورىندار بەلگىلەمە بويىنشا سەنىمسىزدىك تىزىمدىگىنەن دەر كەزىندە شىعارۋى كەرەك. التىنشى، ينفورماتسيا حاۋىپسىزدىگى مەن جەكە قۇپيالىقتى قورعاۋدى كۇشەيتۋ كەرەك. سەنىمدىلىك ينفورماتسياسىن سۇراستىرۋ، پايدالانۋ ۇقىق شەگى مەن ءتارتىبىن قاتايتىپ، سەنىمدىلىك ينفورماتسياسىن شاشۋ، بۇزۋ، ءبۇلدىرۋ، ۇرلاۋ نەمەسە سەنىمدىلىك ينفورماتسياسىنان پايدالانىپ جەكە مۇددەنى كوزدەۋ ارەكەتتەرىن قاتاڭ تەكسەرىپ ءبىر جاقتى ەتۋ، سەنىمدىلىك ينفورماتسياسىن زاڭسىز جيناۋ، ساۋدالاۋ سياقتى زاڭعا قايشى ارەكەتتەرگە قاتاڭ سوققى بەرۋ كەرەك. ءماجىلىس مىنالاردى تالاپ ەتتى: جەر - جەر، قاتىستى تاراۋلار سەنىمسىزدىك ارەكەتىن تۇراقتاندىرۋ، ەستەلىككە الۋ، جاريا ۇستاۋ، جازالاپ ساقتاندىرۋ سياقتى شارالاردى جەدەل اداقتاپ، تالاپقا ۇيلەسپەيتىندەرىن دەر كەزىندە ارناعا ءتۇسىرۋى كەرەك.
ماجىلىستە تاعى سەنىمدىلىك كاسىبىن دامىتىپ، ساپاسىن جوعارىلاتۋدى جەبەۋدەگى شارالار بەلگىلەنىپ، مىنالار تالاپ ەتىلدى: فينانس، ۇكىمەت ىستەرى، الەۋمەتتىك ىستەر سياقتى قاتىستى سەنىمدىلىك ينفورماتسيالارىندا سالا اتتاپ، ءوڭىر اتتاپ زاڭ بويىنشا ورتاق يگىلىكتەنۋدى ىلگەرىلەتۋ، ۇكىمەتتىڭ قاتىستى ساندى مالىمەتتەرىن اشىق ۇستاۋ جانە تارتىپپەن پايدالانۋدى تەزدەتۋ، جەكەلەردىڭ سەنىمدىلىك ينفورماتسياسىن جيناۋ قۇرىلىمدارىنا رۇقسات بەرۋدى بەلسەندىلىكپەن ورنىقتى ىلگەرىلەتىپ، سەنىمدىلىك كاسىبىن اشىق ۇستاۋ تەبىنىن ارتتىرۋ، سەنىمدىلىك ينفورماتسياسىن الۋدىڭ سايكەستى زاڭ – ەرەجەلەرىن، ءتۇزىمىن كەمەلدەندىرىپ، جاۋاپقا تارتۋ مەحانيزمىن كۇشەيتىپ، سەنىمدىلىك ينفورماتسيا دارەجەسىن باعالاۋدا الدامكوستىك ىستەۋ سياقتى ارەكەتتەردى زاڭ بويىنشا قاتاڭ جازالاۋ كەرەك.
ماجىلىستە «جۇڭحۋا حالىق رەسپۋبليكاسى ءوندىرىس حاۋىپسىزدىگى زاڭى (وزگەرىس ەنگىزىلگەن جوباسى)» ماقۇلداندى. جوبادا حالىقتىڭ باس اماندىعىن قورعاۋ ماڭداي الدى ورىنعا قويىلىپ، ءوندىرىس - تيجارات ورىندارىنىڭ تۇلعالىق جاۋاپكەرلىگىن ونان ارى كۇشەيتۋ جانە تياناقتاندىرۋ العا قويىلدى، حاۋىپسىزدىك حاۋىپ ـ قاتەرىن دارەجەگە ءبولىپ باسقارۋ - مەڭگەرۋ جانە كومەسكى قاتەردى اداقتاۋ، باسقارۋ سىندى قوس قابات ساقتانۋ جۇيەسىن ورناتۋ تالاپ ەتىلدى؛ جەرگىلىكتى ۇكىمەتتەردىڭ، شۇعىل جاعدايعا توتەپ بەرۋدى باسقارۋ تاراۋلارىنىڭ جانە كاسىپتىك باسقارۋ تاراۋلارىنىڭ قاتىستى مىندەتتەرى اناعۇرلىم ايقىندالدى؛ ءوندىرىس حاۋىپسىزدىگىندە زاڭعا قايشى ارەكەتتەردى جازالاۋ تەبىنى اناعۇرلىم كۇشەيتىلىپ، زاڭعا قايشىلىق جاساۋعا بەرەتىن بوداۋ ارتتىرىلدى. ماجىلىستە جوبانى مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا ۇسىنۋ ۇيعارىلدى.
ءماجىلىس باسقا دا ىستەردى اقىلداستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
