لي كىچياڭ شاڭحاي سەلبەستىك ۇيىمىنا مۇشە ەلدەر ۇكىمەت باسشىلارى (زۇڭليلەرى) القالار كەڭەسىنىڭ 19 – ماجىلىسىنە قاتىناستى
2020.12.01 16:31 كەلۋ قاينارى : حالىق تورابى
سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن
«حالىق گازەتى»، 11 - ايدىڭ 30 - كۇنى، بەيجيڭ (ءتىلشى جاڭ حۇيجۇڭ). مەملەكەتتىك كەڭەستىڭ زۇڭليى لي كىچياڭ 11 - ايدىڭ 30 - كۇنى تۇستەن كەيىن حالىق سارايىندا شاڭحاي ىنتىماقتاستىق ۇيىمىنا مۇشە ەلدەر ۇكىمەت باسشىلارى (زۇڭليلەرى) القالار كەڭەسىنىڭ 19 - ماجىلىسىنە قاتىناستى. رەسەيدىڭ زۇڭليى ميشۋستين، قازاقستاننىڭ زۇڭليى مامين، تاجىكستاننىڭ زۇڭليى راسۇلزودا، وزبەكستاننىڭ زۇڭليى اريپوۆ، قىرعىزستاننىڭ ۋاقىتتىق زۇڭليى نوۆيكوۆ، ءۇندىستان زۇڭتۇڭىنىڭ ورىنباسارى نايدۋ، پاكيستان ۇكىمەتىنىڭ ۋاكىلى، سونداي - اق باقىلاۋشى ەلدەردىڭ ۋاكىلدەرى قاتارلىلار ماجىلىسكە قاتىناستى. ءماجىلىس بەينە ەكران فورماسىندا اشىلدى.
لي كىچياڭ سوزىندە مىنانى ءبىلدىردى: جاڭا تيپتى ايدارشا ۆيرۋس وكپە قابىنۋ ىندەتى تارالعاننان بەرى شاڭحاي سەلبەستىك ۇيىمىنا مۇشە ەلدەر «شاڭحاي رۋحىن» ساۋلەلەندىرىپ، ىندەتكە قول ۇستاسا توتەپ بەرىپ، وڭىرلىك دامۋ مەن ورنىقتىلىقتى بىرگە قورعادى. ءتوراعا شي جينپيڭ تاياۋدا شاڭحاي سەلبەستىك ۇيىمىنا مۇشە ەلدەر باسشىلارىنىڭ القالار كەڭەسىنە قاتىناسىپ، ءارقايسى جاقتىڭ باسشىلار باس قوسۋىنىڭ تابىستارىن ويداعىداي تياناقتاندىرىپ، شاڭحاي سەلبەستىك ۇيىمى دامۋىنىڭ جاڭا جاعدايىن بەلسەنە جاراتۋلارىن ءۇمىت ەتتى. (ءسوزدىڭ تولىعىن «حالىق گازەتىنىڭ» 2 – بەتىنەن وقي الاسىزدار)
لي كىچياڭ جۇڭگونىڭ ىندەتتەن ساقتانۋ - تىزگىندەۋدە جانە ەكونوميكالىق، قوعامدىق دامۋدا قول جەتكىزگەن كەلەلى ستراتەگيالىق تابىستارىن تانىستىرا كەلىپ، شاڭحاي سەلبەستىك ۇيىمىنىڭ كەلەسى كەزەڭدەگى دامۋى جونىندە مىناداي ۇسىنىستار قويدى:
ءبىرىنشى، حاۋىپسىز، ورنىقتى دامۋ ورتاسىن كۇش سالا قالىپتاستىرۋ كەرەك. لاڭكەستىككە قارسى بىرلەسكەن جاتتىعۋ مەن ۇشقارىلىقتى الاستاۋ سەلبەستىگىن ۇزدىكسىز ورىستەتىپ، توراپتاعى لاڭكەستىك سياقتى جاڭا سايىستارعا ۇتىمدى توتەپ بەرىپ، ساندى مالىمەت حاۋىپسىزدىگىن بىرگە قورعاۋ كەرەك. اۋعانستاننىڭ ۇلتتىق راقايلاسۋ اياق الىسىن قولداپ، اۋعانستاننىڭ ورنىقتىلىق پەن دامۋدى ەرتەرەك جۇزەگە اسىرۋىنا كومەكتەسۋ كەرەك.
ەكىنشى، توعىسپالى دامۋدىڭ بەرىك نەگىزىن كۇش سالا بەكەمدەۋ كەرەك. ەسىكتى اشىق ۇستاۋ مەن سەلبەستىكتە تاباندى بولىپ، ءوز رايوندارىنداعى ساۋدا مەن قارجى قوسۋدىڭ ەركىندەنۋ - قولايلىلانۋ دەڭگەيىن جوعارىلاتۋ كەرەك. «ءبىر بەلدەۋ، ءبىر جولدى» بىرگە قۇرۋ باستاماسىنىڭ ءار ەلدىڭ دامۋ ستراتەگياسىمەن ۇشتاسۋىن تەرەڭدەتىپ، وڭىرلەردىڭ ساپالى بايلانىسۋ - تۇتاسۋىن ىلگەرىلەتۋ كەرەك. وڭىرلىك «ىركىلىسسىز ارنا» جانە «جاسىل ارنا» تورابىن قۇرىپ، اۋىل شارۋاشىلىق ونىمدەرى ساۋداسىن كەڭەيتۋ كەرەك.
ءۇشىنشى، عىلىم - تەحنيكادا جاڭالىق جاراتۋدىڭ جەتەكشىلىك رولىن كۇش سالا ساۋلەلەندىرۋ كەرەك. سيفرلى ەكونوميكا سالاسىنداعى سەلبەستىكتىڭ ارتۋ تۇيىندەرىن بەلسەنە جەتىلدىرىپ، جاڭا كاسىپ سالاسى مەن جاڭا كاسىپ كۇيىن قالىپتاستىرىپ، ەكونوميكانىڭ ساپالى دامۋى مەن «جاسىل كۇيدە قالپىنا كەلۋىن» جەبەۋ كەرەك.
ءتورتىنشى، ادامدى نەگىز ەتكەن سەلبەستىك ۇستانىمىن امالياتتا ايگىلەۋگە كۇش سالۋ كەرەك. سالاماتتىق، مادەنيەت، دەنەتاربيە سياقتى سالالاردا سەلبەستىكتىڭ تىڭ اياسىن اشىپ، جاڭا تيپتى ايدارشا ۆيرۋس ۆاكسيناسىن، ءدارى - دارمەگىن زەرتتەۋ - اشۋ سەلبەستىگىن جەدەلدەتۋ كەرەك. جۇڭگو جاڭا تيپتى ايدارشا ۆيرۋس ۆاكسيناسىن زەرتتەپ جاساۋدا تابىسقا جەتىپ، قولدانىسقا ەنگىزگەن سوڭ ونى دۇنيە جۇزىلىك الەۋمەتتىك ءونىم دەپ ساناپ، ۆاكسينانىڭ جالپىلاسۋىنا جانە باعاسىنىڭ لايىقتى بولۋىنا ۇلەس قوسادى.
لي كىچياڭ مىنالاردى دارىپتەدى: بەيبىت دامۋ − ءالى دە ءداۋىردىڭ نەگىزگى تاقىرىبى، اشىق سەلبەستىك − ءالى دە ءداۋىردىڭ اعىمى. ءبىز قوس باعىتتا ەسىك اشۋ مەن قارجى قوسۋدى كەڭەيتىپ، اشىق دۇنيە ءجۇزى ەكونوميكاسىن قۇرۋدا تاباندى بولىپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ ىركىلىسسىز اينالىمىن قورعاۋىمىز كەرەك. بىرگە اقىلداسۋ، بىرگە قۇرۋ، بىرگە يگىلىكتەنۋ سىندى دۇنيە جۇزىلىك جونگە سالۋ كوزقاراسىن ۇستانىپ، كوپ جاقتى جۇيەنىڭ بەدەلى مەن ونىمدىلىگىن بىرگە قورعاۋىمىز كەرەك. جۇڭگو بەيبىت دامۋ جولىنان اۋىتقىمايدى، ءوزارا تيىمدىلىك جەتكىزىپ، تەڭ يگىلىكتەنۋ سىندى ەسىك اشۋ ستراتەگياسىن باتىل اتقارىپ، وزىندىك دامۋدى جۇزەگە اسىرۋمەن بىرگە، ورايدى دۇنيە جۇزىمەن بولىسەدى. ءبىز قول ۇستاسا وتىرىپ شاڭحاي سەلبەستىك ۇيىمىنىڭ اناعۇرلىم كوركەم بولاشاعىن جاراتايىق.
ماجىلىسكە قاتىناسقان ءارقايسى جاق شاڭحاي سەلبەستىك ۇيىمىنىڭ ءار سالاداعى سەلبەستىگىندە قول جەتكەن ماڭىزدى ىلگەرىلەۋشىلىكتەرگە بەلسەندى باعا بەردى، شاڭحاي سەلبەستىك ۇيىمى مۇشە ەلدەردىڭ دامۋىن جەبەيتىن، وڭىرلىك بەيبىتشىلىك پەن ورنىقتىلىقتى قورعايتىن ماڭىزدى تەكشەگە اينالدى دەپ قارادى. ىندەتتىڭ سايىسىنا قاراتا ءارقايسى جاق قول ۇستاسا وتىرىپ ىندەتكە قارسى اتتانىپ، مۇشە ەلدەردىڭ الەۋمەتتىك دەنساۋلىق ساقتاۋ قۋاتى قۇرىلىسىن جوعارىلاتىپ، ۆاكسينا، ءدارى - دارمەك زەرتتەۋ - اشۋ سەلبەستىگىن ورىستەتۋ جونىندە ۋادە بەردى. ءارقايسى جاق كوپ جاقتىلىقتى جانە ەركىن ساۋدانى قورعاۋعا كۇش سالىپ، ساۋدا، قارجى قوسۋ جانە ادامداردىڭ بارىس – كەلىسىن جەبەپ، «ءبىر بەلدەۋ، ءبىر جولدى» بىرگە قۇرۋ سەلبەستىگىن تەرەڭدەتىپ، بايلانىستىرۋ – تۇتاستىرۋ كومەسكى كۇشىن ىشكەرىلەي اشىپ، كەيىنگى ىندەت جاعدايىندا ەكونوميكانىڭ قايتا جاندانۋىن ىلگەرىلەتەتىن بولدى. ءارقايسى جاق ءتۇرلى فورماداعى لاڭكەستىككە بىرگە سوققى بەرىپ، ءوڭىردىڭ حاۋىپسىزدىگى مەن ورنىقتىلىعىن قورعاۋعا؛ جاستار، مادەنيەت سياقتى سالالارداعى گۋمانيتارلىق اۋىس - كۇيىستى كۇشەيتىپ، ءوزارا ءتيىمدى سەلبەستىكتىڭ حالىق رايى نەگىزىن بەكەمدەۋگە ءبىر اۋىزدان ماقۇل بولدى.
لي كىچياڭ ماجىلىسكە قاتىناسقان مۇشە ەلدەردىڭ باسشىلارىمەن بىرگە بىرلەسكەن مازمۇنداماعا قول قويدى ءارى ونى جاريالادى، شاڭحاي سەلبەستىك ۇيىمىنىڭ ەكونوميكا - ساۋدا سياقتى سالالارداعى كوپ ءتۇرلى سەلبەستىك قۇجاتتارى مەن قاۋلىلارىن بەكىتتى.
مەملەكەتتىك ساياسي كەڭەس ءتوراعاسىنىڭ ورىنباسارى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
