بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

سۇن چۇنلان، ۋاڭ يۇڭدار بەيجيڭدە قىزمەت تەكسەرگەن كەزدە

جاڭا تيپتى ايدارشا ۆيرۋس ۆاكسيناسىن زەرتتەۋ – جاساۋ جانە ءوندىرۋ جاعىنداعى دايىندىق قىزمەتتەردى عىلىمي جولمەن، تىڭعىلىقتى ورىستەتۋ كەرەك

2020.12.03 15:31     كەلۋ قاينارى : حالىق تورابى

  شينحۋا اگەنتتىگىنىڭ 12 – ايدىڭ 2 – كۇنى بەيجيڭنەن بەرگەن حابارى. مەملەكەتتىك كەڭەستىڭ ورىنباسار زۇڭليى سۇن چۇنلان، مەملەكەتتىك كەڭەس مۇشەسى ۋاڭ يۇڭ 12 – ايدىڭ 2 – كۇنى بەيجيڭدە جاڭا تيپتى ايدارشا ۆيرۋس ۆاكسيناسىن زەرتتەۋ – جاساۋ جانە ءوندىرۋ جاعىنداعى دايىندىق قىزمەتىنە تەكسەرۋ جۇرگىزىپ، جۇڭگو ازىق – تۇلىك، ءدارى – دارمەكتەردى تەكسەرۋ – بەكىتۋدى زەرتتەۋ مەكەمەسىنە، بەيجيڭ عىلىم – تەحنيكانى گۇلدەندىرۋ سەرىكتەستىگىنە، جۇڭگوشا دارى – دارمەكتەر جۇڭشىڭ توبى بەيجيڭ سەرىكتەستىگىنە ناق مايداندا تەكسەرۋ جۇرگىزىپ، جاڭا تيپتى ايدارشا ۆيرۋس ۆاكسيناسىن زەرتتەۋ جاعىندا قامال الۋ، ءوندىرىس سەحىن قۇرۋ، بەكىتىپ تاراتۋعا دايىندالۋ قاتارلى جاعدايلاردى ىشكەرىلەي ۇعىسىپ، ۆاكسينا جاساۋ قىزمەتى جاعىندا قول جەتكىزگەن ناتيجەلەردى تولىق تياناقتاندىردى.

  سۇن چۇنلان مىنانى اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تارالعاننان بەرى، مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى عىلىمي زەرتتەۋدە قامال الۋ گرۋپپاسى زەرتتەۋ – جاساۋ ارناۋلى توبى جانە قاتىستى جاقتار باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، پارتيا ورتالىق كوميتەتى مەن مەملەكەتتىك كەڭەستىڭ شەشىمدەرى مەن ورنالاستىرۋلارىن تياناقتاندىرىپ، كەزەك كۇتتىرمەيتىن سوعىس مەزگىلىندىك كۇيمەن ۆاكسينا جاساۋعا قاتىستى ءتۇرلى جاقتارداعى قىزمەتتەردى ىلگەرىلەتىپ، عىلىمي زەرتتەۋ قىزمەتكەرلەرى ۋاقىتتان ۇتىپ، قامال الۋعا بار قايراتىن سالىپ، تاراۋلار مەن جەرگىلىكتى ورىندار ىرىقتىلىقپەن الدىڭعى شەپكە ءوتىپ، وندىرىسكە جاۋاپتى كاسىپورىندار جالپى جاعدايمەن ساناسىپ، باتىلدىقپەن مىندەت ارقالاپ، ۆاكسينا جاساۋ جاعىنداعى قىزمەتتەردى العا ىلگەرىلەتۋدە ماڭىزدى كەزەڭدىك جەتىستىكتەرگە قول جەتكىزىلدى. قازىر 5 ءتۇرلى تەحنيكالىق لەنياداعى 14 ۆاكسينا كلينيكالىق سىناق مەزگىلىنە قادام تاستادى، مۇندا 5 ءتۇرلى ۆاكسينا قازىر ءتارتىپ، ولشەم بويىنشا Ⅲ مەرزىمدىك كلينيكالىق سىناقتى ورىستەتۋدە، شۇعىل پايدالانۋعا، وندىرۋگە دايىندالۋ جاعىنداعى ءتۇرلى قىزمەتتەر تارتىپپەن ىلگەرىلەتىلۋدە.

  سۇن چۇنلان مىنانى اتاپ كورسەتتى: الداعى قادامدا، ۆاكسيناعا Ⅲ مەرزىمدىك كلينيكالىق سىناق جۇرگىزۋدى ۇزدىكسىز عىلىمي جولمەن، قاتاڭ ىلگەرىلەتىپ، زاڭ – ءتۇزىم جانە حالىقارا مويىندايتىن تەحنيكالىق ولشەمدەر بويىنشا تەكسەرىپ - باعالاۋ – بەكىتۋ قىزمەتىن قاتاڭ ورىستەتىپ، ۆاكسيانىڭ حاۋىپسىز دە ءونىمدى، ءتۇرلى جاقتارداعى سىناقتارعا توتەپ بەرە الاتىن بولۋىنا كەپىلدىك ەتۋىمىز كەرەك. كەڭ كولەمدە ءوندىرۋ الدىنداعى دايىندىقتاردى ويداعىداي ىستەپ، ساپاسىن باقىلاۋ – باسقارۋ، بيولوگيالىق حاۋىپسىزدىك قاتارلى جاقتارداعى زاڭ – تۇزىمدەرگە، تارتىپتەرگە جانە تالاپتارعا قاتاڭ بويسۇنا وتىرىپ، ۆاكسيناعا قاتىستى بۇكىل بارىستى ىزدەستىرۋ جۇيەسىن كەمەلدەندىرۋ، زاڭ – تۇزىمگە قايشى ارەكەتتەردى زاڭ بويىنشا قاتاڭ جازالاۋ، تاماشا بازار ورتاسىن جاراتۋ كەرەك. ۆاكسينانى بازارعا شىعارعاننان كەيىنگى ەگۋ – ءبولۋ جوباسىن زەرتتەپ بەلگىلەۋ، ادامدار شوعىرىنىڭ كولەمىن، ەگۋ ءتارتىبىن جانە ۋاقىتىن ويلاستىرۋ، اۋرۋدان ساقتانۋ قۇرىلىمدارى مەن نەگىزگى ساتىلارداعى ۆاكسينا ەگۋ ورىندارىنداعى قىزمەتكەرلەرگە الدىن – الا كۋرس ۇيىمداستىرۋ كەرەك. قىس مەزگىلىندەگى ىندەتتەن ساقتانۋ – تىزگىندەۋ قاجەتىنە ساي، بيىل حاۋىپ – قاتەرى كۇشتى بولاتىن كەدەنگە قاتىستى قىزمەتكەرلەر جانە ءبىرىنشى شەپتەگى باقىلاۋ – باسقارۋ قىزمەتكەرلەرى قاتارلى توپتارعا شۇعىل ىستەتۋ قىزمەتىن ورىنداۋ كەرەك. ۆاكسينا حالىق جۇرتشىلىعىنىڭ ءومىرىنىڭ حاۋىپسىزدىگىنە ساياتىن ءىس، ءارقايسى قاتىستى تاراۋلار ۆاكسينانى زەرتتەۋ – جاساۋ، ءوندىرۋ، اينالىمعا ءتۇسىرۋ، پايدالانۋ قاتارلى جاقتارداعى باسقارۋ ءتۇزىمىن قاتاڭداستىرىپ، بەكىتىپ تاراتۋ جانە باقىلاۋ – باسقارۋ قۋاتى قۇرىلىسىن كۇشەيتۋى، زەرتتەۋ – جاساۋ ورىندارى مەن ءوندىرۋشى كاسىپورىنداردىڭ ءىس جۇزىندىك ماسەلەلەرىن شەشىم ەتۋىنە كومەكتەسۋ ، ۆاكسيناعا قاتىستى بىلىمدەردى ۇگىتتەۋ – جالپىلاستىرۋ تاربيەسىن ورىستەتىپ، حالىق جۇرتشىلىعىنىڭ ۆاكسينا جونىندە عىلىمي، بايسالدى تانىم ورناتىپ، ۆاكسينا ەگۋ ارقىلى ساقتانۋ مەن جەكەلىك ساقتانۋ – قورعانۋدى بەلسەندى تۇردە ويداعىداي ىستەۋىنە وراي جاراتۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار