لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2020.12.03 16:23 كەلۋ قاينارى : حالىق تورابى
وڭىرلىك جان - جاقتى ەكونوميكالىق سەرىكتەستىك قاتىناس كەلىسىمىنىڭ ءونىمدى اتقارىلۋىنا قاتىستى قىزمەتتەردى جاقسى ىستەۋدى جەدەلدەتىپ، ەركىن ساۋدانى قورعاپ، سەلبەسىپ تەڭ يگىلىككە كەنەلۋدىڭ جاڭا كەڭىستىگىن كەڭەيتۋدى ورنالاستىردى؛ «ۇكىمەتتىڭ باقىلاۋ - تەكسەرۋ قىزمەتى ەرەجەسىن (جوبا)» ماقۇلدادى
شينحۋا اگەنتتىگى، 12 - ايدىڭ 2 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 12 - ايدىڭ 1 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، وڭىرلىك جان - جاقتى ەكونوميكالىق سەرىكتەستىك قاتىناس كەلىسىمىنىڭ ءونىمدى اتقارىلۋىنا قاتىستى قىزمەتتەردى جاقسى ىستەۋدى جەدەلدەتىپ، ەركىن ساۋدانى قورعاپ، سەلبەسىپ تەڭ يگىلىككە كەنەلۋدىڭ جاڭا كەڭىستىگىن كەڭەيتۋدى ورنالاستىردى؛ «ۇكىمەتتىڭ باقىلاۋ - تەكسەرۋ قىزمەتى ەرەجەسىن (جوبا)» ماقۇلدادى.
ءماجىلىس مىنالاردى اتاپ كورسەتتى: تاياۋدا شىعىس ازيانىڭ سەلبەستىگى جونىندەگى باسشىلاردىڭ جەلىلەس ماجىلىسىندە رەسمي قول قويىلعان وڭىرلىك جان - جاقتى ەكونوميكالىق سەرىكتەستىك قاتىناس كەلىسىمى مۇشە ەلدەردىڭ حالىقارالىق ورتاداعى تۇراقسىزدىققا بىرگە توتەپ بەرىپ، وڭىرلىك ەركىن ساۋدانى ونان ارى ىلگەرىلەتىپ، كاسىپ تىزبەگى مەن قامداۋ تىزبەگىن ورنىقتىرىپ، قاتىستى ەلدەر حالىقتارىنىڭ ىرىس – قۇتىن ارتتىرۋدا، ەلىمىزدىڭ جوعارى دەڭگەيدە ەسىك اشۋىن جەبەۋدە ماڭىزدى مانگە يە. كەلىسىمگە مۇشە ەل رەتىندە ەلىمىز ءوز ارەكەتى ارقىلى كەلىسىمنىڭ تياناقتانىپ كۇشكە يە بولۋىن بەلسەنە ىلگەرىلەتۋى كەرەك، بۇل جاعىندا قىرۋار قىزمەتتى شۇعىل ىستەۋگە تۋرا كەلەدى. ءماجىلىس مىنالاردى تالاپ ەتتى: قاتىستى تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋى بويىنشا، جاۋاپكەرلىكتى ناقتىلاندىرىپ، كەلىسىم بويىنشا مىندەت ءبولىسى مەن ۋاقىت شەگىن ايقىنداپ، كەلىسىمدى ءونىمدى اتقارۋعا ساياتىن ەل ىشىندەگى قاتىستى قىزمەتتەردى ەرتەرەك ورىنداۋى كەرەك. ءبىرىنشى، تاراۋلار ارا سايكەسۋدى كۇشەيتىپ، ەل ىشىندەگى تەكسەرىپ بەكىتۋ ءتارتىبىن جەدەل ورىنداۋ، زات ساۋداسى، قىزمەت وتەۋ ساۋداسى، قارجى قوسۋ، تابيعي ادامداردىڭ جىلجۋى سياقتى سالالاردا ەسىك اشۋدى ىلگەرىلەتۋ، ساۋداعا قارجى قوسۋدى ەركىندەندىرۋ، قولايلىلاندىرۋ، ءبىلىم مەنشىك ۇقىعىن قورعاۋ، ساۋدالىق قۇتقارۋ، ەلەكتروندىق ساۋدا، ۇكىمەتتىك ساتىپ الۋ، ورتاشا، شاعىن كاسىپورىندار مەن ەكونوميكالىق، تەحنيكالىق سەلبەستىك سياقتى جاقتاردا اناعۇرلىم جوعارى ولشەم ەرەجەسىن اتقارۋ كەرەك. ەكىنشى، كەلىسىم اتقارىلعان وڭىرلەردە زات ساۋداسىنداعى كەدەن باجىسى مۇلدە الىنبايتىن ونىمدەردىڭ جالپى مولشەرىن %90 كە جەتكىزۋ جاعدايىنا باعىتتاي وتىرىپ، كەدەن باجىسىن ازايتۋ، كەدەن ءتارتىبىن قاراپايىمداندىرۋ، العاش وندىرگەن ورىن ەرەجەسىنىڭ تەحنيكالىق دايىندىعى، ءونىم ولشەمىنىڭ تۇتاستىعى جانە ءوزارا تانىلۋى قاتارلى جاقتاردا اتقارۋ شارالارىن جاساۋدى مىقتى يگەرىپ، تەز جەتكىزۋگە ءتيىستى، وڭاي ءشىريتىن زاتتاردى 6 ساعات ىشىندە وتكىزۋگە كۇش سالۋ كەرەك. كەلىسىمدەگى قىزمەت وتەۋ ساۋداسىن جالپى تۇلعالىق جاقتان اشىق ۇستاۋ ۋادەسى مۇشە ەلدەر اراسىنداعى قازىرگى ەركىن ساۋدا كەلىسىمىنىڭ ورەسىنەن كورنەكتى جوعارى دەڭگەيدە تۇرادى، ەلىمىزدىڭ زەرتتەۋ - اشۋ، باسقارۋ، اقىل - كەڭەس بەرۋ، جاساۋ كاسىبىنە قاتىستى قىزمەت وتەۋ، قارتتاردى كۇتىمگە الۋعا قىزمەت وتەۋ، كاسىپتىك جوبالاۋ، قۇرىلىس قاتارلى كوپتەگەن قىزمەت وتەۋ تاراۋلارىنا بەرگەن جاڭا اشىق ۇستاۋ ۋادەسى بويىنشا، ەسىك اشۋ شارالارى ءبىر - بىرلەپ تياناقتاندىرۋ كەرەك. قارجىلاندىرۋداعى شەكتەلگەن سالالار ءتىزىمى ۋادەسىن تياناقتاندىرىپ، تىزىمدىك سىرتىنا قاراتا شەتەل ساۋداگەرلەرىنىڭ قارجى قوسۋىنا شەك قويماۋ كەرەك. ەركىن ساۋدا كەلىسىمىندە تۇڭعىش رەت جاسالعان ءبىلىم مەنشىك ۇقىعىن جاپپاي قورعاۋ ۋادەسىن ورىنداپ، اۆتورلىق ۇقىق، ساۋدا ماركاسى، جاعراپيالىق بەلگى، پاتەنت، گەنەتيكالىق بايلىق سياقتىلاردى تۇگەلدەي قورعاۋ كولەمىنە ەنگىزۋ كەرەك. ەلەكتروندىق كۋالاندىرۋ جانە قول قويۋ، توراپتا جەكە ينفورماتسيالاردى قورعاۋ، توراپ حاۋىپسىزدىگى، شەكارا اتتاعان ەلەكتروندىق تاسىلدەرمەن ينفورماتسيا جەتكىزۋ سياقتى تارماقتاردى تياناقتاندىرۋ كەرەك. ءۇشىنشى، كەلىسىمنىڭ اتقارىلۋىنا قاتىستى ەرەجە - تۇزىمدەردى رەتتەۋ جانە كەمەلدەندىرۋدى مىقتى يگەرىپ، كەلىسىمدە بەلگىلەنگەن تەجەمدىك بورىشتاردىڭ تولىق اتقارىلۋىنا، ىشكى اكىمشىلىك شارالار مەن تارتىپتەردىڭ بەلگىلەمەگە ۇيلەسۋىنە كەپىلدىك ەتۋ كەرەك. ءتورتىنشى، جەرگىلىكتى ورىندارعا، ساۋدا قوعامدارىنا جانە كاسىپورىندارعا قاراتا كەلىسىمنىڭ اتقارىلۋىن ۇگىتتەۋ، تانىستىرۋ كۋرستارىن كۇشەيتىپ، ءار جاققا، وتە - موتە، قالىڭ كاسىپورىندارعا كەلىسىم ەرەجەسىن قانىق ۇعىندىرىپ، ءتىپتى دە كەڭ كولەمدى، ءتىپتى دە جوعارى ولشەمدى ەسىك اشۋ جانە باسەكە الا كەلگەن وراي مەن سىن - سايىستى جان - جاقتى تانىتىپ، بازار باسەكەسىندە سەلبەستىك جاساۋ، دامۋ كەڭىستىگىن كەڭەيتۋگە قۇلشىنۋ كەرەك.
ءماجىلىس «ۇكىمەتتىڭ باقىلاۋ - تەكسەرۋ قىزمەتى ەرەجەسىن (جوبا)» ماقۇلدادى، پارتيا ورتالىق كوميتەتىنىڭ، مەملەكەتتىك كەڭەستىڭ ماڭىزدى شەشىم، ورنالاستىرۋلارىنىڭ تياناقتانۋىنا كەپىلدىك ەتۋگە نازار اۋدارىپ، باقىلاۋ قىزمەتىن زاڭ بويىنشا ارناعا ءتۇسىرىپ، ۇكىمەتتىڭ باقىلاۋ - تەكسەرۋ قىزمەتىنىڭ ورنىن جانە جاۋاپكەرلىك شەگىن تۇراقتاندىردى، ءتارتىپ تالابى مەن قولداۋ، قامتاماسىزداندىرۋ شارالارىن بەلگىلەپ، باقىلاۋ - تەكسەرۋدە حالىق قۇرىلتايى ۋاكىلدەرىن، ساياسي كەڭەس مۇشەلەرىن، ۇكىمەت اقىلشىلارىن جانە مامان - وقىمىستىلاردى ۇسىنىس ەتۋگە بولاتىنىن ايقىندادى، دەموكراتيالىق باقىلاۋ، وبيەكتيۆ ادىلدىك سياقتى تالاپتاردى ايگىلەدى ءارى قايتالاي باقىلاپ – تەكسەرۋگە، كوپ جاقتان باقىلاپ – تەكسەرۋگە، ۇقىق شەگىنەن اتتاپ باقىلاپ – تەكسەرۋگە قاتاڭ تيىم سالىپ، فورماشىلدىقتان، تورەشىلدىكتەن بارىنشا ساقتانىپ، نەگىزگى ساتىنىڭ اۋىرتپالىعىن جەڭىلدەتىپ، ۇكىمەت بۇيرىعىنىڭ ىركىلىسسىزدىگىنە كەپىلدىك ەتتى.
ءماجىلىس باسقا دا ىستەردى اقىلداستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
