بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

ج ك پ ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى

كەدەيلىكتەن ارىلتۋدان قامال الۋدى قورىتىندىلاۋ، باعالاۋ مالىمەتىن تىڭدادى

ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

2020.12.04 15:14     كەلۋ قاينارى : حالىق تورابى

  شينحۋا اگەنتتىگى، 12 - ايدىڭ 3 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى كوميتەتى 12 – ايدىڭ 3 – كۇنى ءماجىلىس اشىپ، كەدەيلىكتەن ارىلتۋدان قامال الۋدى قورىتىندىلاۋ، باعالاۋ مالىمەتىن تىڭدادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

  شي جينپيڭ بىلاي دەپ اتاپ كورسەتتى: پارتيانىڭ 18 - قۇرىلتايىنان بەرى پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، كەدەيلىكتەن ارىلتۋدان قامال الۋدى ەل باسقارۋدىڭ ماڭداي الدى ورنىنا قويىپ، پارتيانىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ ساياسي ابزالدىعىن تولىق ساۋلەلەندىرىپ، اۋەلگى جاسامپازدىق سيپاتقا، وزىندىك ەرەكشەلىككە يە كوپتەگەن كەلەلى شارانى اتقارىپ، ادامزات تاريحىنداعى ەڭ كولەمدى، تەبىنى ەڭ كۇشتى كەدەيلىكتەن ارىلتۋدان قامال الۋ شايقاسىن جۇرگىزۋگە ۇيىمداستىردى. ءۇرتىس 8 جىل كۇرەس جۇرگىزۋ ارقىلى ءبىز جاڭا داۋىردەگى كەدەيلىكتەن ارىلتۋدان قامال الۋدىڭ نىسانا – مىندەتتەرىن دەر كەزىندە ورىنداپ، قازىرگى اتقارىلىپ وتىرعان ولشەم نەگىزىندە اۋىل - قىستاقتاعى كەدەي حالىقتى تۇگەلدەي كەدەيلىكتەن ارىلتىپ، كەدەي اۋدانداردىڭ كەدەيلىك قالپاعىن الىپ، مۇلدەم كەدەيلىكتى جانە وڭىرلىك تۇلعالىق كەدەيلىكتى جويىپ، 100 ميلليونعا جۋىق كەدەي حالىق سانىن كەدەيلىكتەن ارىلتۋدى جۇزەگە اسىرىپ، دۇنيە ءجۇزىن جالت قاراتقان كەلەلى جەڭىسكە قول جەتكىزدىك.

  شي جينپيڭ مىنالاردى دارىپتەدى: كەدەيلىكتەن ارىلتۋدان قامال الۋدىڭ كەلەلى جەڭىسى ءبىرىنشى 100 جىلدىق كۇرەس نىساناسىن جۇزەگە اسىرۋعا بەرىك نەگىز قالاپ، حالىق بۇقاراسىنىڭ تابىس، باقىت، حاۋىپسىزدىك سەزىمىن بارىنشا كۇشەيتىپ، كەدەي وڭىرلەردىڭ بەت – بەينەسىن تۇبەگەيلى وزگەرتىپ، ءوندىرىس، تۇرمىس شارت - جاعدايىن جاقسارتىپ، بۇقارانىڭ تۇرمىس ساپاسىن جوعارىلاتتى، «ەكىدەن تارىقتىرماۋ، ءۇشتى قامتاماسىز ەتۋ» جاپپاي جۇزەگە اسىرىلدى. كەدەيلىكتەن ارىلتۋدان قامال الۋ امالياتىندا پارتيا ورتالىق كوميتەتى حالىقتى بارىنەن جوعارى قويۋدا، ادامدى نەگىز ەتۋدە تاباندى بولىپ، كەدەي بۇقارانى بۇكىل ەلدەگى ءار ۇلت حالقىمەن بىرگە دوڭگەلەك داۋلەتتى قوعامعا قادام تاستاتۋدى، بىرگە العا باسۋدى كەدەيلىكتەن ارىلتۋدان قامال الۋدىڭ شىعار ءتۇيىنى جانە تابان تىرەر تياناعى ەتتى. ءار دارەجەلى پارتكوم مەن ۇكىمەت، سونداي – اق قوعام سايكەسە كۇش سالىپ، تىزە قوسا قامال الىپ، شىعىس پەن باتىس بولەكتەر ءبىر – بىرىنە كومەكتەسىپ، سەلبەسىپ قامال الدى، قالىڭ پارتيا مۇشەلەرى مەن كادرلار جاپا – ماشاقاتقا شىداپ، قۇربان بەرۋدەن تايسالماي، كوممۋنيستەردىڭ بورىشى مەن جاۋاپكەرلىگىن جانە قۇربان بەرىپ، ۇلەس قوسۋىن تولىق ايگىلەدى.

  ءماجىلىس مىنالاردى اتاپ كورسەتتى: قازىر ەلىمىزدە دامۋىنىڭ بىركەلكى، تولىق بولماۋى ماسەلەسى ءالى دە كورنەكتى، كەدەيلىكتەن ارىلتۋدان قامال الۋدىڭ تابىسىن بەكەمدەۋ، كەڭەيتۋ مىندەتى ءالى دە جاپالى. پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، كەدەيلىكتەن ارىلتۋدان قامال الۋدىڭ تابىسىن بەكەمدەۋ، كەڭەيتۋ كەرەك. سۇيەمەلدەۋ ساياساتىنىڭ جالپى جاقتان ورنىقتىلىعىن ساقتاپ، «ءتورتتى الىپ تاستاماۋ» تالابىن قاتاڭ تياناقتاندىرىپ، قازىرگى بار سۇيەمەلدەۋ ساياساتىنىڭ، قارجى قولداۋىنىڭ، سۇيەمەلدەۋ كۇشىنىڭ جالپى تۇلعالىق ورنىقتىلىعىن ساقتاۋ كەرەك. قايتا كەدەيلەنۋدەن ساقتانۋ، كومەكتەسۋ، سۇيەمەلدەۋ مەحانيزمىن اقاۋسىزداندىرىپ، كەدەيلىكتەن ارىلعان اۋدان، قىستاقتاردى، كەدەيلىكتەن ارىلعان حالىق سانىن ءۇرتىس باقىلاپ، كىرىس وزگەرىسى مەن «ەكىدەن تارىقتىرماۋ، ءۇشتى قامتاماسىز ەتۋدىڭ» بەكەمدەلۋ جاعدايىن ۇزدىكسىز قاداعالاپ، مەرزىم بويىنشا تەكسەرىپ، دەر كەزىندە بايقاپ، دەركەزىندە كومەكتەسىپ، نولدىك اۋقىمدى جالعاستىرۋ كەرەك. كەدەيلەردى سۇيەمەلدەۋ كاسىپتەرىن ۇزدىكسىز دامىتىپ، زورايتىپ، كەدەيلىكتەن ارىلعان رايونداردىڭ كاسىپ سالاسىن دامىتۋ نەگىزدىك قۇرىلعى قۇرىلىسىن ۇزدىكسىز كۇشەيتىپ، ساتۋ ارناسىن كەڭەيتىپ، اينالىم تاسىلىندە جاڭالىق جاراتىپ، ورنىقتى ساتۋدى جەبەۋ كەرەك. كەدەيلىكتەن ارىلعانداردىڭ جۇمىس ورنىن ورنىقتىرىپ، كاسىپتەنۋىن ويداعىداي ىستەۋ، كەدەيلىكتەن ارىلعانداردى كاسىپتىك ونەرگە باۋلۋ تەبىنىن ارتتىرىپ، شىعىس، باتىس بولەكتەردىڭ ەڭبەك سەلبەستىگىن كۇشەيتىپ، شىعىس، ورتا بولەكتەردىڭ ەڭبەككۇش شوعىرلانعان كاسىپتەرىنىڭ باتىس بولەكتەرگە ويىسۋىنا دەم بەرۋ جانە قولداۋ كورسەتۋ كەرەك. قونىس جاڭالاپ سۇيەمەلدەۋدىڭ كەيىنگى قولداۋ جۇمىستارىن تىڭعىلىقتى ىستەپ، شوعىرلى ورنالاستىرىلعان رايونداردىڭ الەۋمەتتىك قىزمەت وتەۋى مەن سايكەستى نەگىزدىك قۇرىلعىلارىن كەمەلدەندىرىپ، جەر جاعدايىنا قاراي قونىس جاڭالانعان وڭىرلەردە كاسىپتى دامىتىپ، كوشىرىلگەن بۇقارانىڭ تۇراقتاپ تۇرۋىنا، جۇمىستانۋىنا، بىرتىندەپ اۋقاتتانۋىنا شىنايى كەپىلدىك ەتۋ كەرەك. قارجى - مۇلىك نىسانىن باسقارۋدى كۇشەيتىپ، مال - مۇلىكتى باسقارۋ ءتۇزىمىن ورناتىپ جانە كەمەلدەندىرىپ، ونىمدىلىكتى ۇزدىكسىز ساۋلەلەندىرۋ كەرەك. حالىق تۇرمىسىنىڭ تومەنگى شەگىنە كەپىلدىك ەتىپ، الەۋمەتتىك يگىلىك ورىندارىن ارناعا ءتۇسىرىپ باسقارىپ، قازىرگى قوعامدىق كەپىلدىك جۇيەسىن سۇيەنىش ەتىپ، ەڭبەككۇشتەرى ءالسىز، جارتىلاي ەڭبەككۇشى بار وتباسى مۇشەلەرىنىڭ جاقىن ماڭدا، سول جەردە جۇمىستانۋ ماسەلەسىن شەشىپ، وسى بۇقارانىڭ نەگىزگى تۇرمىسىن قامتاماسىزداندىرۋ كەرەك.

  ءماجىلىس باسقا دا ىستەردى اقىلداستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار