لي كىچياڭ مەملەكەتتىك عىلىم – تەحنيكا ىستەرىنە باسشىلىق ەتۋ گرۋپپاسىنىڭ ءماجىلىسىن باسقارىپ اشقاندا مىنانى دارىپتەدى
نەگىزدىك زەرتتەۋدى شىن مانىندە كۇشەيتىپ، قولدانىلمالى جاڭالىق جاراتۋدى ۇزدىكسىز ىلگەرىلەتىپ، جاڭا دامۋ ۇستانىمىن دايەكتىلەندىرىپ، جاڭاشىل ەل قۇرۋ كەرەك
حان جىڭ ماجىلىسكە قاتىناستى
2020.12.08 16:05 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 7 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، مەملەكەتتىك عىلىم – تەحنيكا ىستەرىنە باسشىلىق ەتۋ گرۋپپاسىنىڭ باستىعى لي كىچياڭ 12 - ايدىڭ 7 - كۇنى مەملەكەتتىك عىلىم – تەحنيكا ىستەرىنە باسشىلىق ەتۋ گرۋپپاسىنىڭ ءماجىلىسىن باسقارىپ اشىپ، عىلىم - تەحنيكادا جاڭالىق جاراتۋدى ىلگەرىلەتۋگە قاتىستى جاعدايلار جونىندەگى مالىمەتتى تىڭدادى ءارى كەلەسى قادامداعى قىزمەتت ورنالاستىردى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ ماجىلىسكە قاتىناستى.
ماجىلىستە عىلىم - تەحنيكا مينيسترلىگى مالىمەت جاسادى، ماجىلىسكە قاتىناسقان جولداستار تالقى جۇرگىزدى. لي كىچياڭ بىلاي دەدى: جاڭالىق جاراتۋ − دامۋعا جەتەكشىلىك ەتەتىن ءبىرىنشى قوزعاۋشى كۇش. «13 - بەسجىلدىق» كەزىندە شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا جاڭالىق جاراتۋ ارقىلى دامۋعا دەم بەرۋ ستراتەگياسى ىشكەرىلەي اتقارىلدى، كەلەلى عىلىم - تەحنيكا تابىستارى جەدەل جارىققا شىعىپ، كوپ بولىپ يگىلىك جاراتۋ، كوپ بولىپ جاڭالىق جاراتۋ كەڭىنەن ورىستەتىلدى، جاڭا كاسىپ، جاڭا كاسىپ كۇيى، جاڭا ۇلگى جەدەل دامىپ، جاڭاشىل مەملەكەت قۇرۋ قادامى تەزدەدى. سونىمەن بىرگە، مىنانى دا سەرگەكتىكپەن كورە ءبىلۋ كەرەك، ەلىمىز عىلىم - تەحنيكاسىنىڭ دامۋىندا كولەمدى بولعانمەن، كۇشتى بولماۋ، نەگىزدىك زەرتتەۋ جانە ءتول جاسامپازدىق ءالسىز بولۋ، كەيبىر شەشۋشى تەحنيكالاردا قامال الۋدىڭ شۇعىل قاجەتتىگى سياقتى ماسەلەلەر ورىن تەۋىپ وتىر، جاڭا دامۋ كەزەڭىندە، ءسوز جوق، عىلىم - تەحنيكادا جاڭالىق جاراتۋ ارقىلى دامۋدا قامال الۋ، دامۋدىڭ جاڭا ابزالدىعىن جاراتۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن دايەكتىلەندىرىپ، جاڭا دامۋ ۇستانىمىن دايەكتىلەندىرىپ، جاڭا دامۋ جۇيەسىن ورناتىپ، نەگىزدىك زەرتتەۋ مەن قولدانىلمالى نەگىزدىك زەرتتەۋدى كۇشەيتۋگە كۇش سالىپ، رەفورما ارقىلى جاڭالىق جاراتۋ، جاسامپازدىق جاراتۋ ومىرشەڭدىك كۇشىن بارىنشا تاسقىنداتىپ، عىلىم - تەحنيكا مەن ەكونوميكانىڭ ىشكەرىلەي توعىسۋىن كۇش سالا ىلگەرىلەتىپ، عىلىم - تەحنيكا قۋاتىنىڭ زور دارەجەدە ارتۋىن جەبەپ، ساپالى دامۋدى ىلگەرىلەتۋدىڭ پارمەندى تىرەگىن قالىپتاستىرۋ كەرەك.
لي كىچياڭ بىلاي دەپ اتاپ كورسەتتى: عىلىم – تەحنيكادا جاڭالىق جاراتۋدى ىلگەرىلەتۋدە ءارقايسى جاقتى اناعۇرلىم كوپ زەيىن – زەردەنى نەگىزدىك زەرتتەۋدى، قولدانىلمالى نەگىزدىك زەرتتەۋدى كۇشەيتۋگە باستاۋ كەرەك. كەلەلى عىلمي ماسەلەلەردى زەرتتەۋگە، وتە - موتە، ءتول، ءتۇبىرلى جاڭالىق جاراتۋعا ءمان بەرۋ كەرەك. قازىنا قارجىسىن ويداعىداي ىستەتۋمەن بىرگە، جوعارى مەكتەپتەردىڭ، عىلمي زەرتتەۋ ورىندارىنىڭ، كاسىپورىنداردىڭ جانە قوعامدىق كۇشتەردىڭ كوپ ارنامەن ۇسىنىلىمدى ۇزدىكسىز ارتتىرۋىنا دەم بەرىپ، نەگىزدىك زەرتتەۋ قاراجاتىنىڭ تۇتاس قوعامدىق زەرتتەۋ - اشۋ قاراجاتىنداعى ارا سالماعىن كورنەكتى جوعارىلاتۋ كەرەك. عىلمي زەرتتەۋ قىزمەتكەرلەرىنىڭ نەگىزدىك زەرتتەۋمەن شۇعىلدانۋىنا قاراتا مامىلە جاساۋ سياقتى ساياساتتاردى كەمەلدەندىرۋ، ۇيلەسىمسىز قاتاڭ ۋاقىت تالابىن قويماۋ، ولاردى جاپا – ماشاقاتتى جەڭىپ، قاجىماي – تالماي ىزدەنىس جاساۋ رۋحىمەن دەربەس ىزدەنىپ، جان – جاقتى توسەلىپ، اناعۇرلىم كوپ عىلمي جاڭالىق، تاپقىرلىق جاراتۋعا شابىتتاندىرۋ كەرەك. ماتەماتيكا سياقتى نەگىزدىك پاندەردىڭ دامۋىنا قولداۋ كورسەتۋگە كۇش سالىپ، جاڭالىق جاراتۋدىڭ نەگىزىن بەكەمدەۋ كەرەك. سونىمەن بىرگە، قولدانىلمالى زەرتتەۋ، جاڭالىق جاراتۋ تابىسىنىڭ بازارىن كەڭەيتۋ سياقتىلاردى مىقتى يگەرۋ، ءارى جۇمىستاندىرۋ مەن ەكونوميكانىڭ دامۋىنا تىرەك ازىرلەۋ، ءارى نەگىزدىك زەرتتەۋدىڭ تىڭ ساتىعا كوتەرىلۋىن جەبەۋ كەرەك.
لي كىچياڭ بىلاي دەدى: عىلىم – تەحنيكادا جاڭالىق جاراتۋدى ىلگەرىلەتۋدە عىلمي زاڭدىلىققا قۇرمەت ەتىپ، بەلسەندىلىكتى، جاسامپازدىقتى اناعۇرلىم ويداعىداي جۇمىلدىرۋ كەرەك. عىلىم - تەحنيكا سالاسىندا ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن ۇزدىكسىز تەرەڭدەتىپ، ۇيلەسىمسىز باسقارۋ بەلگىلەمەلەرى مەن تۇزىمدەرىن كۇشىنەن قالدىرۋدى تەزدەتىپ، عىلمي زەرتتەۋ توپتارىنىڭ ءوز - وزىنە قوجا بولۋىنا، الاڭسىز ءىس بىتىرۋىنە مۇمكىندىك جاراتۋ، عىلمي زەرتتەۋ قىزمەتكەرلەرىنىڭ زەيىندى شوعىرلاندىرا وتىرىپ عىلمي زەرتتەۋمەن شۇعىلدانۋىنا مۇمكىندىك جاراتۋ كەرەك. تابىستى باعالاۋ ءتۇزىمىن كەمەلدەندىرىپ، دارىندىلاردى جاي عانا ديسسەرتاتسياعا سۇيەنىپ باعالاۋ ماسەلەسىن شەشۋ كەرەك. عىلمي زەرتتەۋ باسەكە مەحانيزمىن ەنگىزىپ، قولىنان ءىس كەلەتىندەردىڭ وزدەرىن كورسەتۋىنە، ءتىپتى دە كوپ جاس دارىندىلاردىڭ تىرەكتىك رولدارىن ساۋلەلەندىرىپ، اۋىر مىندەت ارقالاۋىنا مۇمكىندىك جاراتۋ كەرەك. ۇيلەسىمسىز شەكتەمەلەردى بۇزىپ، كەلەلى عىلىم - تەحنيكا نىساندارىنا قوعامدىق كۇشتەردى قاتىناستىرۋعا ءمان بەرۋ كەرەك.
لي كىچياڭ مىنالاردى دارىپتەدى: عىلىم - تەحنيكادا جاڭالىق جاراتۋدى ىلگەرىلەتۋدە شىندىقتى ءىس جۇزىنەن ىزدەۋ، قاجىماي – تالماي تەر توگۋ كەرەك. ەلىمىزدىڭ عىلىم - تەحنيكادا جاڭالىق جاراتۋىنىڭ نەگىزدىك زەرتتەۋ جانە قولدانىس نەگىزىن زەرتتەۋ قاتارلى سالالاردا دۇنيە ءجۇزىنىڭ وزىق ورەسىمەن بولعان پارقىن وبيەكتيۆ تۇرعىدان تانىپ جەتۋىمىز كەرەك، كوپ جاقتان «جازىق جەردەن بيىك عيمارات تۇرعىزۋعا» بولمايدى، حالىقارالىق اۋىس - كۇيىستى، سەلبەستىكتى كۇشەيتىپ، دۇنيە جۇزىندەگى وزىق تەحنيكالاردى قاجىرلىلىقپەن، شەبەرلىكپەن ۇيرەنىپ، قاتىستى تاجىريبەلەردى اينا ەتىپ، ءتول جاسامپازدىقپەن ۇشتاستىرىپ، اناعۇرلىم مول تابىسقا قول جەتكىزۋ كەرەك. ىستەۋگە تيىستىلەرىن ىستەپ، باعداردى دۇرىس تاڭداپ، ءتۇيىندى كورنەكتىلەندىرىپ، كۇشتى شوعىرلاندىرىپ، كەيبىر شەشۋشى، وزەكتى سالالاردا قامال الۋعا كۇش سالۋ كەرەك. عىلىمدا تيتتەي دە جالعاندىق ىستەۋگە بولمايدى، جەڭىلتەكتىكتەن جانە وڭاي ولجا تابۋدان بارىنشا ساقتانىپ، ءار جاق ءبىر نيەت، ءبىر تىلەكپەن كۇش سالىپ، جاڭاشىل مەملەكەت قۇرىلىسىن تىڭعىلىقتى ىلگەرىلەتۋ كەرەك.
سۇن چۇنلان، ليۋ حى، شياۋ جيە، حى ليفىڭ ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
