لي كىچياڭ حالىقارالىق اقشا قورى ۇيىمىنىڭ ءتورايىمى گەورگيەۆامەن كەزدەستى
2020.12.09 16:10 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 8 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 12 - ايدىڭ 8 - كۇنى تۇستەن بۇرىن حالىق سارايىندا بەينە ەكران ارقىلى حالىقارالىق اقشا قورى ۇيىمىنىڭ ءتورايىمى گەورگيەۆامەن كەزدەستى.
لي كىچياڭ مىنانى ءبىلدىردى: تاياۋدا ءتورايىم حانىممەن جانە حالىقارالىق ەكونوميكالىق قۇرىلىمداردىڭ بىرنەشە نەگىزگى جاۋاپتىسىمەن بىرگە 5 - رەتكى «6 + 1» دوڭگەلەك ۇستەل سۇحپات ءماجىلىسىن وتكىزدىك، ءار جاق كوپ جاقتىلىقتى قورعاۋعا كۇش سالىپ، دۇنيە جۇزىلىك سايىستارعا تىزە قوسا توتەپ بەرەتىندەرىن ايقىن ءبىلدىردى. حالىقارالىق اقشا قورى ۇيىمى ەركىن ساۋدانى ىلگەرىلەتۋدە، دۇنيە ءجۇزى ەكونوميكاسىنىڭ دامۋىن جەبەۋدە ماڭىزدى رول اتقاردى، اتالعان ۇيىمنىڭ كوپ جاقتى ورتاق تانىمنىڭ قالىپتاسۋىن ىلگەرىلەتۋگە ۇزدىكسىز قۇلشىنۋىن ءۇمىت ەتەمىن، جۇڭگو دامۋ جولىنداعى ەڭ ءىرى ەل رەتىندە وسى جولدا ءتيىستى ۇلەس قوسۋعا پەيىل.
لي كىچياڭ جۇڭگونىڭ قازىرگى ەكونوميكالىق جاعدايىن تانىستىرىپ بىلاي دەپ اتاپ كورسەتتى: بيىل جۇڭگونىڭ ەكونوميكاسىندا وڭ ارتۋ ىسكە اسىرىلدى، بۇل ءبىر ميلليارد 400 ميلليون حالىق سانى بار مەملەكەت جونىنەن العاندا وڭاي ەمەس. قازىر دۇنيە ءجۇزى ەكونوميكاسى قالپىنا كەلۋ بەتالىسىنا قاراي دامۋدا، ءبىراق ءالى دە كەيبىر تۇراقسىزدىققا ءدوپ كەلىپ وتىر. ءبىز ىندەتتەن ساقتانۋ - تىزگىندەۋ جانە ەكونوميكانى، قوعامدى دامىتۋ ىستەرىن ءۇرتىس ءبىر تۇتاس جوسپارلاپ، ماكرولىق ساياساتتىڭ ۇلاسپالىلىعىن، ورنىقتىلىعىن جانە ۇيلەسىمدىلىگىن ساقتاپ، جۇڭگونىڭ ەكونوميكالىق اينالىمىنىڭ ۇيلەسىمدى ارالىقتا بولۋىنا كۇش سالامىز.
گەورگيەۆا مىنالاردى ءبىلدىردى: جۇڭگو ساۋدا، دۇنيە ءجۇزى ەكونوميكاسىنىڭ جاندانۋىن جەبەۋ، كەدەيلەردى ازايتۋ، تومەن كومىرتەكتى ارتۋدى جۇزەگە اسىرۋ جاقتارىندا ماڭىزدى رول اتقارۋدا، قور ۇيىمى مۇنى القايدى، جۇڭگومەن سەلبەستىكتى كۇشەيتىپ، كوپ جاقتىلىقتى بىرگە قورعاپ، دۇنيە جۇزىلىك ساۋدانى قايتا سەرپىلتۋگە قوزعاۋشى كۇش ازىرلەپ، دۇنيە ءجۇزى ەكونوميكاسىنىڭ قالپىنا كەلۋ جاعدايىن اناعۇرلىم نىعايتۋعا پەيىل.
مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي، مەملەكەتتىك ساياسي كەڭەس ءتوراعاسىنىڭ ورىنباسارى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
