شي جينپيڭ فرانسيانىڭ زۇڭتۇڭى ماكرونمەن تەلەفوندا سويلەستى
ەكى ەل باسشىلارى كەلەسى ساتىداعى جۇڭگو - فرانسيا سەلبەستىگى جونىندە ماڭىزدى ورتاق تانىمعا كەلدى
2020.12.10 15:47 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 9 - كۇنى، بەيجيڭ. مەملەكەت ءتوراعاسى شي جينپيڭ 12 - ايدىڭ 9 - كۇنى كەشتە فرانسيانىڭ زۇڭتۇڭى ماكرونمەن تەلەفوندا سويلەستى.
شي جينپيڭ مىنالاردى اتاپ كورسەتتى: بۇگىنگى دۇنيەدە ورنىقسىزدىق، تۇراقسىزدىق فاكتورلارى كوبەيۋدە، بۇل ءتىپتى دە كوپ ءىرى ەلدى جاۋاپكەرلىك ارقالاۋعا ۇندەيدى. «دەربەس، ءوز - وزىنە قوجا بولۋ، ءوزارا ءتۇسىنۋ، بيىكتە تۇرىپ الىسقا نازار سالىپ، ءوزارا پايدا جەتكىزىپ، تەڭ يگىلىككە كەنەلۋ» − جۇڭگو مەن فرانسيانىڭ ديپلوماتيالىق قاتىناس ورناتۋداعى اۋەلگى ماقساتى. كوپ جاقتىلىقتا تاباندى بولىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى قورعاۋ، حالىقارالىق زاڭداردى نەگىز ەتكەن حالىقارالىق ءتارتىپتى قورعاۋ − جۇڭگو مەن فرانسيانىڭ ماڭىزدى ورتاق تانىمى. ءبىز اۋەلگى ماقساتتى ەستە بەرىك ساقتاپ، ورتاق تانىمنان جازباي، جۇڭگو - فرانسيا قاتىناسىن ورنىقتىرىپ، بارىس - كەلىستى كۇشەيتىپ، سەلبەستىكتى تەرەڭدەتىپ، كەلەلى حالىقارالىق جانە وڭىرلىك ماسەلەلەر جونىندە تىعىز پىكىرلەسىپ جانە سايكەسىپ، ەكى ەل قاتىناسىنىڭ اناعۇرلىم زور دامۋىن ىلگەرىلەتۋىمىز كەرەك.
شي جينپيڭ مىنالاردى دارىپتەدى: جۇڭگو ءوز جولىنا، نازارياسىنا، تۇزىمىنە، مادەنيەتىنە كامىل سەنەدى ءارى ءار ەل حالىقتارىنىڭ ءوزى تاڭداعان دامۋ جولىنا قۇرمەت ەتەدى. تۇرلىشە قوعامدىق تۇزىمدەگى ەلدەردىڭ ءوزارا قۇرمەت ەتۋىنە، بەيبىت قاتار تۇرۋىنا، بىرگە دامۋىنا بولادى. جاڭا جاعدايدا جۇڭگو - ەۆروپا سەلبەستىگىنىڭ دۇنيە جۇزىلىك جانە ستراتەگيالىق سيپاتى اناعۇرلىم كورنەكتىلەندى. مەيلى حالىقارالىق جاعداي قانداي بولسا دا، جۇڭگو جاق جۇڭگو - ەۆروپا قاتىناسىنىڭ اقاۋسىز، ورنىقتى دامۋىن تاباندىلىقپەن ىلگەرىلەتۋگە كۇش سالادى، ەۆروپا جاقتىڭ جۇڭگوعا قاراتا بەلسەندى ساياسات اتقارۋىن ءۇمىت ەتەدى. ەكى جاق بىرگە قۇلشىنىپ، جۇڭگو - ەۆروپا قارجى قوسۋ كەلىسىمى كەلىسسوزىن تامامداۋدى تەزدەتىپ، جۇڭگو مەن ەۆروپانىڭ قورشاعان ورتا جانە كليمات تاقىرىبىنداعى جوعارى جىكتەگىلەردىڭ سۇحپات ءماجىلىسىن، سونداي - اق سيفرلى سالاداعى جوعارى جىكتەگىلەردىڭ سۇحپات ءماجىلىسىن ويداعىداي وتكىزىپ، جۇڭگو - ەۆروپا قاتىناسىنىڭ تىڭ ساتىعا كوتەرىلۋىن ىلگەرىلەتۋى كەرەك.
ماكرون مىنالاردى ءبىلدىردى: فرانسيا مەن جۇڭگو جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا تاماشا سەلبەستىك جاسادى، ءار سالاداعى اۋىس – كۇيىس، سەلبەستىك جاپپاي ىلگەرىلەتىلدى. فرانسيا دەربەس ءوز - وزىنە قوجا بولۋ ديپلوماتيا ءداستۇرىن ۇستانىپ، جۇڭگومەن بولعان بايلانىستى دامىتۋعا باسا ءمان بەرەدى، جۇڭگومەن بىرگە قۇلشىنىپ، فرانسيا - جۇڭگو، ەۆروپا - جۇڭگو سەلبەستىگىن تەرەڭدەتۋگە پەيىل. ەۆروپا مەن جۇڭگونىڭ قارجى قوسۋ كەلىسىمى كەلىسسوزىندە ەرتەرەك تابىسقا جەتۋدى ءۇمىت ەتەمىن. فرانسيا جۇڭگونىڭ پاريج كليمات وزگەرىسى كەلىسىمىنىڭ جاسالۋىندا ماڭىزدى ۇلەس قوسقانىن، سونداي - اق ۆاكسينا، قارىزدى ازايتۋ جاقتارىندا ماڭىزدى رول اتقارعانىن، اسىرەسە، دامۋ ۇستىندەگى ەلدەرگە كومەك بەرگەنىن القايدى، جۇڭگومەن كليمات وزگەرىسى، الەۋمەتتىك دەنساۋلىق ساقتاۋ، افريكامەن سەلبەستىك جاساۋ سياقتى كەلەلى دۇنيە جۇزىلىك جانە وڭىرلىك ماسەلەلەر جونىندە سايكەسۋدى، سەلبەسۋدى ۇزدىكسىز كۇشەيتۋدى ءۇمىت ەتەمىن. لايىقتى مەزگىلدە جۇڭگوعا تاعى دا ساپارلاي بارۋعا نيەت ەتىپ وتىرمىن.
ەكى ەل باسشىلارى كەلەسى ساتىداعى ەكى جاقتى، كوپ جاقتى سەلبەستىك جونىندە تالقى وتكىزدى. كوپتەگەن ماڭىزدى ورتاق تانىمعا كەلدى ءارى قاتىستى تاراۋلاردىڭ جەدەل تياناقتاندىرۋىن تاپسىردى:
1. ەكى ەلدىڭ زاڭ شىعارۋ قۇرىلىمى باسشىلارىنىڭ تۇڭعىش رەت بەينە ەكران فورماسىمەن جۇڭگو - فرانسيا پارلامەنتتەرى اۋىس - كۇيىس مەحانيزمىنىڭ 11 - رەتكى ماجىلىسىنە قاتىناسۋىنا دايىندالۋ.
2. تىرشىلىك مەديتسيناسى، بيولوگيالىق تۇقىم جەتىلدىرۋ، اي شارى مەن مارىستى بارلاۋ، جاساندى سەرىكتى زەرتتەۋ سياقتى سالالاردا ءتىپتى دە كوپ سەلبەستىك ورىستەتۋ.
3. كەدەندىك ارناۋلى لەنيادا بايلانىس جاساۋ قاتارلى مەحانيزمدەر ارقىلى كەدەندىك تەكسەرۋ - كارانتيندەۋ سەلبەستىك ورەسىن جوعارىلاتىپ، قامداۋ تىزبەگىنىڭ ورنىقتىلىعىنا كەپىلدىك ەتۋ.
4. جاڭا تيپتى ايدارشا ۆيرۋس وكپە قابىنۋ ىندەتى بارىسىندا ءدوپ كەلگەن قيىنشىلىقتى جەڭىپ، افريكا شوشقا وباسىن تىزگىندەۋدى وڭىرلەندىرىپ باسقارۋ تەحنيكالىق كەڭەسىن جەدەل ىلگەرىلەتىپ، سەلبەستىك كەلىسىمى جونىندە ەرتەرەك ماندىك تابىسقا قول جەتكىزۋگە كۇش سالۋ.
بەسىنشى، بەيجيڭ 2022 - جىلعى قىسقى وليمپيادا جارىسى مەن پاريج 2024 - جىلعى وليمپيادا جارىسىن وراي ەتىپ، وليمپيادا سپورت جارىسى مەن حالىقتىق اۋىس - كۇيىس سەلبەستىگىن كۇشەيتىپ، ءوزارا ءتۇسىنۋدى جانە دوستىقتى نىعايتۋ.
6. «جۇڭگو - ەۆروپا جاعراپيالىق بەلگى كەلىسىمىنىڭ» 2021 - جىلدىڭ باسىندا رەسمي كۇشكە يە بولۋىنا دايىندالۋ. جۇڭگو مەن فرانسيانىڭ شاي، ءجۇزىم شارابى، ىرىمشىك سياقتى ساپالى، ەرەكشەلىككە يە اۋىل شارۋاشىلىق ونىمدەرىنىڭ قارسى جاق بازارىنا كەڭ كولەمدە كىرۋىنە قولداۋ كورسەتۋ.
7. «جاڭا تيپتى ايدارشا ۆيرۋس وكپە قابىنۋ ۆاكسيناسىن جانە ءدارى – دارمەگىن زەرتتەپ اشۋ، ءوندىرۋ جانە ءادىل ءبولۋدى ىلگەرىلەتۋ سەلبەستىك دارىپتەمەسىنە» جانە «جاڭا تيپتى ايدارشا ۆيرۋس وكپە قابىنۋ ۆاكسيناسىن ەگۋ ىستەرىن اتقارۋ جوسپارىنا» بەلسەندىلىكپەن قاتىناسىپ، دامۋ ۇستىندەگى ەلدەرگە كومەكتەسۋ تەبىنىن ارتتىرىپ، ۆاكسينانى ءار ەل حالقى شىن مانىندە پايدالانا الاتىن، باعاسى لايىقتى الەۋمەتتىك ونىمگە اينالدىرۋ.
8. كوپ جاقتىلىقتى بىرگە قورعاپ، كليمات وزگەرىسىنە تىزە قوسا توتەپ بەرۋ، بيىل 12 - ايدىڭ 12 – كۇنى وتكىزىلەتىن كليمات وزگەرىسى جونىندەگى ۇلى مۇرات باسشىلار ءماجىلىسىن جانە كەلەر جىلى 1 – ايدا وتكىزىلەتىن «ءبىر عانا جەر شارى» باسشىلار ءماجىلىسىن ويداعىداي وتكىزۋگە قولداۋ كورسەتۋ، حالىقارالىق قوعامدى كەلەر جىلعى «ورگانيزمدەردىڭ الۋان تۇرلىلىگى شارتىنداعى» شارت جاساسقان جاقتاردىڭ 15 - ماجىلىسىنە، «بىرلەسكەن مەملەكەتتەر ۇيىمىنىڭ كليمات وزگەرىسى جونىندەگى جۇلگەلىك شارتىنداعى» شارت جاساسقان جاقتاردىڭ 26 - ماجىلىسىنە، 7 – كەزەكتى دۇنيە جۇزىلىك تابيعاتتى قورعاۋ جينالىسىنا ءتىپتى دە بەلسەندىلىكپەن قاتىناسۋعا جۇمىلدىرۋ، جوعارىدا ايتىلعان ماڭىزدى حالىقارالىق كۇنتارتىپتەردە بەلسەندى تابىستارعا قول جەتكىزىلۋىن جەبەۋ.
ەكى جاق تاعى يراننىڭ يادروسى ماسەلەسى، انتاركتيدانىڭ تەڭىز - مۇحيتىن قورعاۋ سياقتى ماسەلەلەر جونىندە پىكىر اۋىستىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
