شي جينپيڭ كليمات جونىندەگى ۇلى مۇرات باسشىلار باس قوسۋىندا ماڭىزدى ءسوز سويلەدى
كليماتتى جونگە سالۋدىڭ سەلبەسىپ بىرگە يگىلىككە كەنەلەتىن جاڭا جاعدايىن اشۋدى، كليماتتى جونگە سالۋدىڭ اركىم شاماسىنا قاراي ىستەيتىن جاڭا جۇيەسىن قالىپتاستىرۋدى، كليماتتى جونگە سالۋدىڭ جاسىل جولمەن قالپىنا كەلەتىن جاڭا وي جەلىسىندە تاباندى بولۋدى دارىپتەدى، جۇڭگونىڭ مەملەكەتتىڭ دەربەس ۇلەس قوسۋىنا قاتىستى ءبىرسىپىرا جاڭا شاراسىن جاريالادى
2020.12.14 15:21 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 12 - كۇنى، بەيجيڭ. مەملەكەت ءتوراعاسى شي جينپيڭ 12 - ايدىڭ 12 - كۇنى كليمات جونىندەگى ۇلى مۇرات باسشىلار باس قوسۋىندا بەينە ەكران ارقىلى «الدىڭعىلاردىڭ ءىزىن باسىپ، بولاشاققا جول اشىپ، كليمات وزگەرىسىنە توتەپ بەرۋدىڭ دۇنيە جۇزىلىك جاڭا ساپارىن باستايىق» دەگەن تاقىرىپتا ماڭىزدى ءسوز سويلەپ، جۇڭگونىڭ مەملەكەتتىڭ دەربەس ۇلەس قوسۋىنا قاتىستى ءبىرسىپىرا جاڭا شاراسىن جاريالادى.
شي جينپيڭ بىلاي دەپ دارىپتەدى: 5 جىلدىڭ الدىندا ءار ەل باسشىلارى ەڭ ۇلكەن ساياسي بەكىممەن جانە پاراساتپەن كليمات وزگەرىسىنە توتەپ بەرۋدىڭ «پاريج كەلىسىمىن» جاساۋدى ىلگەرىلەتكەن ەدى. 5 جىلدان بەرى «پاريج كەلىسىمى» اتقارىلۋ كەزەڭىنە ءوتىپ، حالىقارالىق قوعامنىڭ جاپپاي قولداۋىنا جانە ات سالىسۋىنا يە بولدى. قازىر حالىقارالىق جاعداي جەدەل وزگەرىپ، جاڭا تيپتى ايدارشا ۆيرۋس وكپە قابىنۋ ىندەتى ادام مەن تابيعاتتىڭ قاتىناسى تۋرالى تەرەڭ تولعانىسقا تۇرتكى بولىپ، دۇنيە جۇزىلىك كليماتتى جونگە سالۋدىڭ بولاشاعى جۇرت نازارىن اناعۇرلىم اۋدارا تۇسۋدە.
شي جينپيڭ 3 دارىپتەمەنى ورتاعا قويدى.
ءبىرىنشى، ءبىر نيەتپەن ىنتىماقتاسىپ، كليماتتى جونگە سالۋدىڭ سەلبەسىپ بىرگە يگىلىككە كەنەلەتىن جاڭا جاعدايىن اشۋ. كليمات وزگەرىسىنىڭ سىن - سايىسى الدىندا ادامزات تاعدىرلاس ورتاق تۇلعا بولىپ تابىلادى. جۇڭگو جاق ءار ەلدىڭ «پاريج كەلىسىمىنە» قولداۋ كورسەتۋىن، كليمات وزگەرىسىنە توتەپ بەرۋگە اناعۇرلىم زور ۇلەس قوسۋىن قارسى الادى.
ەكىنشى، ۇلى مۇراتتى سەرپىلتىپ، كليماتتى جونگە سالۋدىڭ اركىم شاماسىنا قاراي ىستەيتىن جاڭا جۇيەسىن قالىپتاستىرۋ. ءار ەل ورتاق، ءبىراق پارىقتى جاۋاپكەرلىك پرينسيبىن ۇستانا وتىرىپ، مەملەكەت جاعدايىنا جانە قۋاتىنا قاراي ارەكەتتى ەڭ جوعارى دەڭگەيدە كۇشەيتۋگە ءتيىس. دامىعان ەلدەر وركەندەپ كەلە جاتقان ەلدەرگە قارجى، تەحنيكا، قابىلەت قۇرىلىسى قولداۋلارىن شىنايى ارتتىرۋى قاجەت.
ءۇشىنشى، سەنىمدى بەكەمدەپ، كليماتتى جونگە سالۋدىڭ جاسىل جولمەن قالپىنا كەلەتىن جاڭا وي جەلىسىندە تاباندى بولۋ. جاسىل، تومەن كومىرتەكتى ءوندىرىس، تۇرمىس ءتاسىلىن زور كۇشپەن دارىپتەپ، جاسىل دامۋدان دامۋدىڭ ورايى مەن قوزعاۋشى كۇشىن قاراستىرۋ كەرەك.
شي جينپيڭ بىلاي دەپ دارىپتەدى: جۇڭگو كليمات وزگەرىسىنە توتەپ بەرۋدىڭ «پاريج كەلىسىمىن» جاساۋعا ماڭىزدى ۇلەس قوستى، «پاريج كەلىسىمىن» تياناقتاندىرۋدىڭ بەلسەندى جۇزەگە اسىرۋشىسى بولدى. جۇڭگو جاق مەملەكەتتىڭ دەربەس ۇلەس قوسۋ تەبىنىن ارتتىراتىنىن جاريالادى، قازىر مەن مىنانى ءتىپتى دە مىعىم سەنىممەن جاريالاماقپىن: 2030 - جىلعا بارعاندا جۇڭگونىڭ بىرلىك ىشكى ءوندىرىس جالپى ءونىم قۇنىنداعى كومىرتەگى قوس توتىعىنىڭ ىعىستىرىلۋى 2005 - جىلداعىدان %65 تىڭ ۇستىندە ازايادى، قازبا ەمەس ەنەرگيالاردىڭ العاشقى ەنەرگيالىق تۇتىنۋداعى ارا سالماعى %25 شاماسىنا جەتەدى، ورمان قورى كولەمى 2005 - جىلداعىدان 6 ميلليارد تەكشەمەتر كوبەيەدى، جەل ەلەكتر، كۇن ەلەكتر جالپى اگراگاتتار سيىمدىلىعى ءبىر ميلليارد 200 ميلليون كيلوۆاتتان جوعارىعا جەتەدى. جۇڭگو ەجەلدەن سەنىمدىلىككە ءمان بەرىپ، ۋادەسىندە تۇرىپ كەلەدى، جاڭا دامۋ ۇستانىمىن جەتەكشى ەتىپ، ساپالى دامۋدى ىلگەرىلەتۋ بارىسىندا ەكونوميكالىق، قوعامدىق دامۋدىڭ جالپى بەتتىك جاسىلعا قاراي تيبىن وزگەرتۋىن جەبەپ، وسى ايتىلعان نىسانالاردى تاباندىلىقپەن تياناقتاندىرىپ، دۇنيە ءجۇزىنىڭ كليمات وزگەرىسىنە توتەپ بەرۋى ءۇشىن اناعۇرلىم زور ۇلەس قوسادى.
شي جينپيڭ سوڭىندا بىلاي دەپ دارىپتەدى: «تابيعات ءۇنسىز بولعانىمەن، ءتورت ماۋسىم اۋىسا بەرمەك، جەر ءۇنسىز بولعانىمەن، بارشا تىرشىلىك ءوسىپ – ونبەك». جەر شارى − ادامزاتتىڭ ورتاق، بىردەن - ءبىر مەكەنى. ءبىز الدىڭعىلاردىڭ ءىزىن باسىپ، بولاشاققا جول اشىپ، تىزە قوسا العا باسىپ، «پاريج كەلىسىمىنىڭ» نىق قاداممەن الىسقا جەتۋىنە دەم بەرىپ، كليمات وزگەرىسىنە توتەپ بەرۋدىڭ دۇنيە جۇزىلىك جاڭا ساپارىن باستايىق! (ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار)
كليمات جونىندەگى ۇلى مۇرات باسشىلار باس قوسۋى بىرلەسكەن مەملەكەتتەر ۇيىمىنىڭ جانە قاتىستى مەملەكەتتەردىڭ باستاماسىمەن وتكىزىلدى، باستى ماقساتى: «پاريج كەلىسىمى» جاسالعانىنىڭ 5 جىلدىعىن ەسكە الىپ، حالىقارالىق قوعامدى كليمات ارەكەتىن كۇشەيتۋگە ىشكەرىلەي جۇمىلدىرىپ، كوپ جاقتى اياق الىستى ىلگەرىلەتۋ.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
