شي جينپيڭ ادامزاتتىڭ كەدەيلىكتى ازايتۋ تاجىريبەسى جونىندەگى حالىقارالىق تالقى مىنبەرىنە قۇتتىقتاۋ حاتىن جولدادى
2020.12.15 16:53 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 14 - كۇنى، بەيجيڭ. ادامزاتتىڭ كەدەيلىكتى ازايتۋ تاجىريبەسى جونىندەگى حالىقارالىق تالقى مىنبەرى 12 - ايدىڭ 14 - كۇنى بەيجيڭدە اشىلدى. مەملەكەت ءتوراعاسى شي جينپيڭ تالقى مىنبەرىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: كەدەيلىكتى جويۋ − ادامزاتتىڭ ورتاق ارمانى. جۇڭگو كوممۋنيستىك پارتياسى مەن جۇڭگو ۇكىمەتى حالىقتى جاقسى تۇرمىسقا كەنەلتۋدى باستان - اياق كۇرەس نىساناسى ەتىپ، وسى ماقساتتى ىسكە اسىرۋ جولىندا ۇزاق ۋاقىت بويى جاپا – ماشاقاتتى جەڭىپ، ەرەن قۇلشىنىس تانىتتى. 2012 - جىلدان بەرى جۇڭگو وسىنىڭ الدىنداعى كەدەيلىكتەن ارىلتۋدان قامال الۋ نەگىزىندە كەدەيلىكتەن ارىلتۋدان قامال الۋدىڭ جالپى بەتتىك شايقاسىن باستادى. 8 جىل تىنباي قۇلشىنۋ ارقىلى بيىل جۇڭگو قازىرگى ولشەم بويىنشا اۋىل - قىستاقتاعى كەدەيلەردى تۇگەلدەي كەدەيلىكتەن ارىلتۋ نىساناسىن جۇزەگە اسىردى، كەدەي اۋداندار تۇگەلدەي كەدەيلىك قالپاعىن الىپ تاستادى، 100 ميلليونعا جۋىق اۋىل - قىستاق كەدەي حالىق سانى تۇگەلدەي كەدەيلىكتەن ارىلدى، جۇڭگو وسىلايشا دۇنيە ءجۇزىنىڭ كەدەيلىكتى ازايتۋ ىسىنە ەلەۋلى ۇلەس قوستى. جۇڭگو الداعى جەردە كەدەيلىكتەن ارىلتۋدان قامال الۋ تابىسىن ءۇرتىس بەكەمدەپ جانە كەڭەيتىپ، ورتاق بايۋدى تىڭعىلىقتى ىلگەرىلەتىپ، حالىقتىڭ باي – باقىتتى تۇرمىس كەشىرۋ دەڭگەيىن جوعارىلاتادى.
شي جينپيڭ مىنانى دارىپتەدى: قازىر ىندەت بۇكىل دۇنيە جۇزىن الەككە سالىپ وتىر، كەدەيلىكتى ازايتۋ ءىسى قاتاڭ سايىسقا ءدوپ كەلدى. جۇڭگو دۇنيە جۇزىندەگى ءار ەلمەن ءبىر نيەت، ءبىر تىلەكتە بولا وتىرىپ، حالىقارانىڭ كەدەيلىكتى ازايتۋ اياق الىسىن قول ۇستاسا وتىرىپ ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە پەيىل. تالقى مىنبەرىنە قاتىناسقان قايراتكەرلەردىڭ كەدەيلىكتى ازايتۋ تاجىريبەلەرى جايىندا ىشكەرىلەي اۋىس - كۇيىس ورىستەتىپ، كەڭ كولەمدە ورتاق تانىم ۇيىستىرىپ، كەدەيلىكتى ازايتۋ سەنىمىن نىعايتىپ، تۇتاس دۇنيە ءجۇزىنىڭ كەدەيلىكتى ازايتۋ اياق الىسىن تەزدەتۋ ءۇشىن اقىل – پاراسات جانە كۇش - قۋاتىن ارناۋىن ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
