شي جينپيڭ تانزانيانىڭ زۇڭتۇڭى ماگۋفۋليمەن تەلەفوندا سويلەستى
2020.12.16 15:41 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 15 - كۇنى، بەيجيڭ، مەملەكەت ءتوراعاسى شي جينپيڭ 12 - ايدىڭ 15 - كۇنى كەشتە تانزانيانىڭ زۇڭتۇڭى ماگۋفۋليمەن تەلەفوندا سويلەستى.
شي جينپيڭ ماگۋفۋلدىڭ تاعى دا زۇڭتۇڭدىققا تاعايىندالعانىن تاعى ءبىر رەت قۇتتىقتادى. شي جينپيڭ مىنالاردى اتاپ كورسەتتى: جۇڭگو مەن تانزانيانىڭ ءداستۇرلى دوستىعىن ەكى ەلدىڭ اعا بۋىن باسشىلارى ءوز قولدارىمەن ورناتقان. جۇڭگو جۇڭگو - تانزانيا قاتىناسىنا باستان - اياق ستراتەگيالىق جانە ۇزاق بولاشاقتىق تۇرعىدان مامىلە جاسايدى جانە ونى دامىتادى. حالىقارالىق جانە وڭىرلىك جاعداي قالاي قۇبىلسا دا، جۇڭگو باستان - اياق تانزانيانىڭ سەنىمدى دوسى جانە جولداسى بولا بەرەدى. جۇڭگو تانزانيانىڭ ءوز ەلىنىڭ مەملەكەت جاعدايىنا ۇيلەسەتىن دەربەس دامۋ جولىمەن ءجۇرۋىن باتىل قولدايدى، تانزانيامەن جوعارى جىكتەگىلەردىڭ بارىس - كەلىسىن جيىلەتىپ، ساياسي سەنىمدىلىكتى بەكەمدەپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىر - بىرىنە ۇزدىكسىز باتىل قولداۋ كورسەتۋگە پەيىل. جۇڭگو اناعۇرلىم كوپ جۇڭگو كاسىپورىندارىنىڭ تانزانياعا بارىپ قارجى قوسىپ، نەگىزدىك قۇرىلعى قۇرىلىسى، بايلىقتى اشۋ، اۋىل شارۋاشىلىعى، جاساۋ كاسىبى سياقتى سالالارداعى سەلبەستىكتى كەڭەيتۋىن قولدايدى. جۇڭگو تانزانيامەن ەكى ەلدىڭ دامۋ ستراتەگياسىن ۇشتاستىرۋدى نىعايتىپ، جۇڭگو - افريكا سەلبەستىك تالقى مىنبەسىنىڭ بەيجيڭدەگى باسشىلار باس قوسۋىنىڭ جانە جۇڭگو - افريكا ىنتىماقتاسا وتىرىپ ىندەتكە قارسى اتتانۋ ەرەكشە باسشىلار باس قوسۋىنىڭ تابىستارىن تياناقتاندىرۋدى بىرگە ىلگەرىلەتىپ، «ءبىر بەلدەۋ، ءبىر جولدى» بىرگە قۇرۋدى كۇشەيتىپ، جۇڭگو مەن تانزانيانىڭ جان - جاقتى سەلبەستىك سەرىكتەستىك قاتىناسىنىڭ ۇزدىكسىز تەرەڭدەۋىن، ناقتىلانۋىن ىلگەرىلەتىپ، جۇڭگو مەن افريكانىڭ تاعدىرلاس ورتاق تۇلعاسىن قالىپتاستىرۋعا ۇلەس قوسۋدى قالايدى.
ماگۋفۋلي مىنالاردى ءبىلدىردى: تانزانيا جۇڭگونىڭ تانزانياداعى زۇڭتۇڭ سايلاۋىنىڭ الدى - ارتىندا كورسەتكەن باتىل ساياسي قولداۋىنا العىس ايتادى، جۇڭگونىڭ ءتوراعا شي جينپيڭنىڭ ەرەن باسشىلىعىندا قول جەتكىزگەن ۇلى تابىستارىن ايرىقشا القايدى. كوپ جىلدان بەرى تانزانيا مەن جۇڭگونىڭ قاتىناسى جاقسى دامىدى، جۇڭگو تانزانيانىڭ ەكونوميكالىق، قوعامدىق دامۋىنا قىرۋار كومەك كورسەتىپ، تانزانيانى مول يگىلىككە كەنەلتتى. تانزانيا جۇڭگونى ماڭىزدى جانە سەنىمدى دوس دەپ سانايدى، ءداستۇرلى دوستىقتى بەكەمدەپ، ەل باسقارۋ تاجىريبەلەرىن اۋىستىرۋدى كۇشەيتىپ، ەكونوميكا - ساۋدا، قارجى قوسۋ، اۋىل شارۋاشىلىعى، ساياحات سياقتى سالالارداعى سەلبەستىكتى تەرەڭدەتۋدى قالايدى. تانزانيا جۇڭگونىڭ شينجياڭ، شياڭگاڭ سياقتى جۇڭگونىڭ وزەكتى مۇددەسىنە ساياتىن ماسەلەلەردەگى تۇرعىسىن باتىل قولدايدى، «ءبىر بەلدەۋ، ءبىر جولدى» بىرگە قۇرۋعا بەلسەنە ات سالىسۋعا كۇش سالادى. تانزانيا افريكا - جۇڭگو سەلبەستىك تالقى مىنبەسى سەلبەستىگىن، افريكا - جۇڭگو ىنتىماعىن ىلگەرىلەتۋدە بەلسەندى رول اتقارۋعا پەيىل.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
