چاڭ - ى 5 – ءنومىرلى قايتۋشى اسپابى اي شارى ۇلگىسىن الىپ امان - ەسەن قوندى
جۇڭگونىڭ اي شارىن بارلاۋ ينجەنەرياسىنداعى «اينالۋ، قونۋ، قايتۋ» سىندى ءۇش قادامعا ءبولىپ ءجۇرۋ جوباسى ۋاعىندا ورىندالدى
2020.12.17 16:23 كەلۋ قاينارى : حالىق تورابى
شي جينپيڭ تەلەگرامما جولداپ پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان اي شارىن بارلاۋ ينجەنەرياسىنداعى چاڭ - ى 5 – ءنومىرلىنىڭ مىندەتىنىڭ تولىق تابىستى بولعانىن قۇتتىقتادى
قۇتتىقتاۋ تەلەگرامماسى
اي شارىن بارلاۋ ينجەنەرياسى مىندەتىنە قولباسشىلىق ەتۋ شتابىنداعى جانە چاڭ - ى 5 – ءنومىرلىنىڭ مىندەت ورىنداۋىنا قاتىناسقان بارلىق جولداستار:
اي شارىن بارلاۋ ينجەنەرياسىنداعى چاڭ - ى 5 – ءنومىرلىنىڭ مىندەتىنىڭ تولىق تابىستى بولعانىن ەستىپ ايرىقشا قۋانىپ وتىرمىن، مەن پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان سىزدەردى قىزۋ قۇتتىقتايمىن جانە سىزدەردەن شىنايى حال سۇرايمىن!
چاڭ - ى 5 – ءنومىرلىنىڭ مىندەت ورىنداۋى − ەلىمىزدىڭ كۇردەلىلىك دارەجەسى ەڭ جوعارى، تەحنيكالىق اتتامالىعى ەڭ ۇلكەن جۇيەلى عارىش ينجەنەرياسى، مۇندا ەلىمىزدىڭ جەر شارىنان تىس اسپان دەنەسىنەن ۇلگى الىپ قايتۋى تۇڭعىش رەت جۇزەگە اسىرىلدى. بۇل ەل بولىپ جۇمىلۋداعى جاڭاشا ءتۇزىلىس ابزالدىعىن ساۋلەلەندىرىپ قيىندىقتاردان قامال الۋ بارىسىندا قول جەتكىزىلگەن تاعى ءبىر كەلەلى تابىس سانالىپ، جۇڭگو عارىش ىستەرىنىڭ ەكپىندەي العا باسۋداعى زور قادامىن ايگىلەدى، الدا ادامزاتتىڭ اي شارىنىڭ قالىپتاسۋ سەبەبى مەن كۇن جۇيەسىنىڭ وزگەرۋ تاريحى جونىندەگى عىلمي تانىمىن تەرەڭدەتۋگە ۇلەس قوسادى. سىزدەردىڭ ەرەن ەڭبەكتەرىڭىزدى وتان مەن حالىق ەستەرىندە ماڭگى بەرىك ساقتايدى!
ادامزاتتىڭ عارىشتى زەرتتەۋ اياق الىسىنىڭ شەگى جوق. سىزدەردىڭ ارمانعا تالپىنۋ، باتىلدىقپەن ىزدەنىس جاساۋ، سەلبەسىپ قامال الۋ، سەلبەسىپ تەڭ يگىلىككە كەنەلۋ سىندى اي شارىن بارلاۋ رۋحىن بارىنشا ساۋلەلەندىرىپ، جۇلدىز ارالىق بارلاۋدىڭ جاڭا ساپارىن نىق قاداممەن باستاپ، عارىش ىستەرىندەگى قۇدىرەتتى ەل قۇرۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا تاعى دا تىڭ ۇلەس قوسىپ، ادامزاتتىڭ الەم كەڭىستىگىنەن بەيبىت پايدالانۋىنا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ءورىس اشۋ سيپاتىنداعى اناعۇرلىم زور ۇلەس قوسۋلارىڭىزدى ءۇمىت ەتەمىن!
شي جينپيڭ
2020 - جىلى 12 - ايدىڭ 17 - كۇنى
(شينحۋا اگەنتتىگى، 12 - ايدىڭ 17 - كۇنى، بەيجيڭ)
شينحۋا اگەنتتىگى، 12 - ايدىڭ 17 - كۇنى، بەيجيڭ. 12 - ايدىڭ 17 - كۇنى ساعات 1 دەن 59 مينۋت وتكەندە چاڭ - ى 5 – ءنومىرلى قايتۋشى اسپابى اي شارى ۇلگىسىن الىپ ىشكى موڭعۇلدىڭ سىزى - ۋاڭ حوشۇنىنداعى الدىن الا بەلگىلەنگەن وڭىرگە امان - ەسەن قوندى، اي شارىن بارلاۋ ينجەنەرياسىنداعى چاڭ - ى 5 – ءنومىرلىنىڭ مىندەتى تولىق تابىستى بولدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ تەلەگرامماسىن جولداپ، پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان اي شارىن بارلاۋ ينجەنەرياسى مىندەتىنە قولباسشىلىق ەتۋ شتابىنداعى جانە چاڭ - ى 5 – ءنومىرلىنىڭ مىندەت ورىنداۋىنا قاتىناسقان بارلىق جولداستاردى قىزۋ قۇتتىقتادى جانە ولاردان شىنايى حال سۇرادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: چاڭ - ى 5 – ءنومىرلىنىڭ مىندەت ورىنداۋى − ەلىمىزدىڭ كۇردەلىلىك دارەجەسى ەڭ جوعارى، تەحنيكالىق اتتامالىعى ەڭ ۇلكەن جۇيەلى عارىش ينجەنەرياسى، مۇندا ەلىمىزدىڭ جەر شارىنان تىس اسپان دەنەسىنەن ۇلگى الىپ قايتۋى تۇڭعىش رەت جۇزەگە اسىرىلدى. بۇل ەل بولىپ جۇمىلۋداعى جاڭاشا ءتۇزىلىس ابزالدىعىن ساۋلەلەندىرىپ قيىندىقتاردان قامال الۋ بارىسىندا قول جەتكىزىلگەن تاعى ءبىر كەلەلى تابىس سانالىپ، جۇڭگو عارىش ىستەرىنىڭ ەكپىندەي العا باسۋداعى زور قادامىن ايگىلەدى، الدا ادامزاتتىڭ اي شارىنىڭ قالىپتاسۋ سەبەبى مەن كۇن جۇيەسىنىڭ وزگەرۋ تاريحى جونىندەگى عىلمي تانىمىن تەرەڭدەتۋگە ۇلەس قوسادى. سىزدەردىڭ ەرەن ەڭبەكتەرىڭىزدى وتان مەن حالىق ەستەرىندە ماڭگى بەرىك ساقتايدى!
شي جينپيڭ دارىپتەپ بىلاي دەدى: ادامزاتتىڭ عارىشتى زەرتتەۋ اياق الىسىنىڭ شەگى جوق. سىزدەردىڭ ارمانعا تالپىنۋ، باتىلدىقپەن ىزدەنىس جاساۋ، سەلبەسىپ قامال الۋ، سەلبەسىپ تەڭ يگىلىككە كەنەلۋ سىندى اي شارىن بارلاۋ رۋحىن بارىنشا ساۋلەلەندىرىپ، جۇلدىز ارالىق بارلاۋدىڭ جاڭا ساپارىن نىق قاداممەن باستاپ، عارىش ىستەرىندەگى قۇدىرەتتى ەل قۇرۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا تاعى دا تىڭ ۇلەس قوسىپ، ادامزاتتىڭ الەم كەڭىستىگىنەن بەيبىت پايدالانۋىنا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ءورىس اشۋ سيپاتىنداعى اناعۇرلىم زور ۇلەس قوسۋلارىڭىزدى ءۇمىت ەتەمىن. (قۇتتىقتاۋ تەلەگرامماسىنىڭ تولىق مازمۇنى بولەك جاريالاندى)
مەملەكەتتىك كەڭەستىڭ مۇشەسى ۋاڭ يۇڭ بەيجيڭ عارىشقا ۇشۋدى مەڭگەرۋ ورتالىعىنىڭ چاڭ - ى 5 – ءنومىرلىنىڭ مىندەت ورىنداپ ۇشۋىن مەڭگەرۋ ناق مايدانىندا شي جينپيڭنىڭ قۇتتىقتاۋ تەلەگرامماسىن وقىدى.
چاڭ - ى 5 – ءنومىرلىنىڭ مىندەت ورىنداۋىندا ەلىمىز اي شارى بەتىنەن ۇلگى الۋ جانە قوراپتاۋ، اي شارى بەتىنەن كوتەرىلىپ ۇشۋ، اي شارى وربيتاسىندا كەزدەسىپ، ءتۇيىلىسۋ، ۇلگى الىپ قايتا ورالۋ سياقتى كوپتەگەن كەلەلى جاڭالىقتى تۇڭعىش رەت جۇزەگە اسىردى، مىندەتتىڭ ءساتتى اتقارىلۋى ەلىمىزدىڭ اي شارىن بارلاۋ ينجەنەرياسىنداعى «اينالۋ، قونۋ، قايتۋ» سىندى ءۇش قادامعا ءبولىپ ءجۇرۋ جوباسىنىڭ ۋاعىندا ورىندالعانىن اڭعارتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
