لي جانشۋ جۇڭگو مەملەكەتتىك حالىق قۇرىلتايى مەن فرانسيا حالىقتىق پارلامەنتىنىڭ اۋىس - كۇيىس مەحانيزمىنىڭ 11 - رەتكى ماجىلىسىنە قاتىناستى ءارى ءسوز سويلەدى
2020.12.17 16:31 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 16 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 12 - ايدىڭ 16 - كۇنى بەينە ەكران ارقىلى جۇڭگو مەملەكەتتىك حالىق قۇرىلتايى مەن فرانسيا حالىقتىق پارلامەنتىنىڭ اۋىس - كۇيىس مەحانيزمىنىڭ 11 - رەتكى ءماجىلىسىنىڭ اشىلۋ سالتىنا قاتىناستى ءارى ءسوز سويلەدى.
لي جانشۋ بىلاي دەدى: جۇڭگو مەن فرانسيا − كەڭ كولەمدى ورتاق مۇددەگە يە جان - جاقتى ستراتەگيالىق سەرىكتەر. ىندەت سىندى ورتاق سايىس الدىندا جۇڭگو مەن فرانسيا حالىقتارى ءومىردى بارىنەن جوعارى قويۋ، شىنايى دوستىق بايلانىستا بولۋ رۋحىمەن ءبىر - ءبىرىن قولداپ، ءبىر - بىرىنە قارايلاستى. ءتوراعا شي جينپيڭ مەن ماكرون زۇڭتۇڭ بيىل جىل باسىنان بەرى ىندەتكە ىنتىماقتاسا وتىرىپ قارسى اتتانۋ، ەكى جاقتى جانە كوپ جاقتى سەلبەستىكتى ورىستەتۋ سياقتى ىستەر جونىنەن 5 رەت سويلەسىپ، كوپتەگەن ماڭىزدى ورتاق تانىمعا كەلدى. ەكى جاق «دەربەس، ءوز - وزىنە قوجا بولۋ، ءبىرىن - ءبىرى ءتۇسىنۋ، الىستى بولجاۋ، سەلبەسىپ تەڭ يگىلىكتەنۋ» رۋحىن ۇستانىپ، ەكى جاقتى قاتىناستىڭ اناعۇرلىم كوركەم بولاشاعىن اشۋى كەرەك.
لي جانشۋ بىلاي دەپ اتاپ كورسەتتى: ەكى ەلدىڭ زاڭ شىعارۋ قۇرىلىمدارى مەملەكەت قاتىناسىنىڭ دامۋىن ىلگەرىلەتۋ جاعىندا ەرەكشە رول اتقارۋدا. 2009 - جىلى جۇڭگو مەملەكەتتىك حالىق قۇرىلتايى مەن فرانسيا حالىقتىق پارلامەنتى مەرزىمدى اۋىس - كۇيىس مەحانيزمىن ورناتتى. وسى مەحانيزم تەكشەسى ارقىلى ەكى ەلدىڭ زاڭ شىعارۋ قۇرىلىمدارى ورنىقتى، ۇنەمىلىك اۋىس - كۇيىستى جالعاستىرىپ، ىشكەرىلەي پىكىرلەسىپ، سەلبەستىكتى بىرگە قاراستىردى، جۇڭگو حالىق قۇرىلتايى ۋاكىلدەرى مەن فرانسيا پارلامەنتىنىڭ مۇشەلەرى ءوزارا ءتۇسىنىسۋدى كۇشەيتىپ، جۇڭگو - فرانسيا دوستىعىنىڭ كۇش - قۋاتىن ۇزدىكسىز نىعايتتى.
لي جانشۋ مىنالاردى دارىپتەدى: جۇڭگو مەملەكەتتىك حالىق قۇرىلتايى فرانسيا حالىقتىق پارلامەنتىمەن بىرگە ءتوراعا شي جينپيڭ مەن ماكرون زۇڭتۇڭنىڭ ستراتەگيالىق ورتاق تانىمىن جەتەكشى ەتىپ، جۇڭگو مەن فرانسيانىڭ ساياسي جاقتاعى ءوزارا سەنىمدىلىگىن باتىل قورعاپ، ءار جىكتەگى تىلدەسۋدى كۇشەيتىپ، ەكونوميكا - ساۋدا، قارجى قوسۋ، فينانس، قورشاعان ورتا، دەنساۋلىق ساقتاۋ، قوعامدىق قامتاماسىزداندىرۋ سياقتى ەكونوميكا، قوعام، حالىق تۇرمىسى سالالارىنداعى زاڭ شىعارۋ اۋىس - كۇيىسىن تەرەڭدەتۋدى قالايدى. بۇگىن وتكىزىلگەن بەينە ەكران ءماجىلىسى ەكى ەل باسشىلارىنىڭ ورتاق تانىمىن جەدەل تياناقتاندىرۋداعى ناقتى ارەكەت سانالادى. زاڭ شىعارۋ قۇرىلىمدارىنىڭ فۋنكتسيالىق رولى مەن ابزالدىعىن تولىق ساۋلەلەندىرىپ، ەكى ەلدىڭ دامۋ ستراتەگياسىن ۇشتاستىرۋدى ىلگەرىلەتىپ، ەكى جاقتى كەلىسىم مەن ءىرى نىساندار سەلبەستىگىن تياناقتاندىرۋدى زاڭدىق كەپىلمەن قامداۋعا قۇلشىنىپ، ەكى ەلدىڭ دوستىق سەلبەستىگىنە كەڭ تۇعىر ازىرلەۋ كەرەك. دوستىق گرۋپپالارى اراسىنداعى بارىس - كەلىستى، سەلبەستىكتى بايىتىپ جانە كەڭەيتىپ، عىلىم - تەحنيكا، وقۋ - اعارتۋ، مادەنيەت، دەنساۋلىق ساقتاۋ، جاستار، ايەلدەر سياقتى ارناۋلى سالالارداعى حالىق قۇرىلتايى ۋاكىلدەرى مەن پارلامەنت مۇشەلەرىنىڭ تىلدەسۋىن، اۋىس - كۇيىسىن ىلگەرىلەتىپ، «جۇڭگو - فرانسيا دوستىق حيكاياسىن» ويداعىداي بايانداۋ كەرەك. تىلدەسۋدى، سايكەسۋدى كۇشەيتىپ، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى، دۇنيە جۇزىلىك ساۋدا ۇيىمىنىڭ ەرەجەسىن ىرگە تاس ەتكەن كوپ جاقتى ساۋدا ءتۇزىلىسىن بىرگە قورعاۋ كەرەك.
فرانسيا حالىقتىق پارلامەنتىنىڭ باستىعى فەرراند مىنانى ءبىلدىردى: فرانسيا - جۇڭگو قاتىناسى توتەنشە ماڭىزدى. ەكى ەلدىڭ تەرەڭ، ۇزاق ۋاقىتتىق قاتىناسىن ۇزدىكسىز تەرەڭدەتۋ اناعۇرلىم زور تابىس اكەلەدى. فرانسيا حالىقتىق پارلامەنتى بەلسەندى رولىن تولىق ساۋلەلەندىرىپ، مەرزىمدى اۋىس - كۇيىس مەحانيزمى سەلبەستىگىن كۇشەيتىپ، فرانسيا - جۇڭگو قاتىناسىنىڭ ۇزاق ۋاقىت ورنىقتى، اقاۋسىز دامۋىن جەبەۋگە ۇلەس قوسۋدى قالايدى.مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى چىن جۋ اشىلۋ سالتىنا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
