لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
جالپىعا ءتيىمدى شاعىن، ۇساق كاسىپورىنداردىڭ العان قارىز اقشاسىن وسىمىمەن قايتارۋ مەرزىمىن ۇزارتۋ ساياساتى مەن سەنىمدىلىك قارىز اقشاسىن قولداۋ جوسپارىن جالعاستىرۋ ۇيعارىلدى، «زاڭسىز قارجى توپتاۋدان ساقتانۋ جانە ونى ءبىر جاقتى ەتۋ ەرەجەسى (جوبا)» مەن «ەمدەۋ اسپاپتارىن باقىلاۋ - باسقارۋ ەرەجەسى (وزگەرىس ەنگىزىلگەن جوبا)» ماقۇلداندى
2020.12.23 16:34 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 22 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 12 - ايدىڭ 21 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە جالپىعا ءتيىمدى شاعىن، ۇساق كاسىپورىنداردىڭ العان قارىز اقشاسىن وسىمىمەن قايتارۋ مەرزىمىن ۇزارتۋ ساياساتى مەن سەنىمدىلىك قارىز اقشاسىن قولداۋ جوسپارىن جالعاستىرۋ ۇيعارىلدى، «زاڭسىز قارجى توپتاۋدان ساقتانۋ جانە ونى ءبىر جاقتى ەتۋ ەرەجەسى (جوبا)» مەن «ەمدەۋ اسپاپتارىن باقىلاۋ - باسقارۋ ەرەجەسى (وزگەرىس ەنگىزىلگەن جوبا)» ماقۇلداندى.
ءماجىلىس بىلاي دەپ اتاپ كورسەتتى: ج ك پ ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، بيىل فينانستىڭ ناقتى ەكونوميكاعا قولداۋ كورسەتۋىن كۇشەيتۋ، اسىرەسە، شاعىن، ۇساق كاسىپورىنداردىڭ قيىن وتكەلدەن وتۋىنە كومەكتەسۋ ءۇشىن، قاتىستى تاراۋلار ەكى ءتۇرلى تىكە جەتكىزۋ اقشا ساياساتى قۇرالىن شىعاردى، ياعني جەرگىلىكتى جەرلەردەگى زاڭدىق يە بانكەلەرىنىڭ جالپىعا ءتيىمدى شاعىن، ۇساق كاسىپورىنداردىڭ العان قارىز اقشاسىن وسىمىمەن قايتارۋ مەرزىمىن ۇزارتۋىنا بەلگىلى دارەجەدە شابىت بەرىلەدى ءارى جەرگىلىكتى جەرلەردەگى زاڭدىق يە بانكەلەرىنىڭ شاعىن، ۇساق كاسىپورىندارعا قاراتا جالپىعا ءتيىمدى قارىز اقشا تاراتۋىنا تيىمدىلىك جاسالىپ، قولداۋ كورسەتىلەدى. ساياساتتىڭ اتقارىلۋى كورنەكتى ونىمدىلىككە قول جەتكىزىپ، 3 ميلليون 100 مىڭنان استام شاعىن، ۇساق كاسىپورىنعا يگىلىك جەتكىزىلىپ، كاسىپورىنداردىڭ قارجى قىسىمىن جەڭىلدەتۋدە، بازار تۇلعالارىنا، تۇرعىنداردىڭ كاسىپتەنۋىنە كەپىلدىك ەتۋدە بەلسەندى رول اتقاردى. قازىر ەكونوميكالىق اينالىم بىرتىندەپ قالپىنا كەلدى، ءبىراق شاعىن، ۇساق كاسىپورىنداردىڭ ءوندىرىس تيجاراتى ءدوپ كەلىپ وتىرعان ەرەكشە قيىنشىلىقتار جونىنەن ءالى دە باسا سۇيەمەلدەۋگە تۋرا كەلەدى. ورتالىقتىڭ ەكونوميكالىق قىزمەت ءماجىلىسىنىڭ رۋحىن دايەكتىلەندىرىپ، تياناقتاندىرىپ، ەكونوميكالىق اينالىمنىڭ ۇيلەسىمدى ارالىقتا بولۋىن قۇلشىنا ساقتاۋ ءۇشىن، ساياساتتىڭ ۇلاسپالىلىعىن، ورنىقتىلىعىن جانە باياندىلىعىن ساقتاپ، ساياساتتى جالعاستىرۋ مەن ۇيلەسىمدى رەتتەۋدى ويداعىداي ىستەپ، بازار تۇلعالارىنىڭ ومىرشەڭدىك كۇشىن تاسقىنداتىپ، بازار مەجەسىن ورنىقتىرۋ كەرەك. ءماجىلىس مىنالاردى بەلگىلەدى: ءبىرىنشى، كەلەر جىلى ءبىرىنشى توقساندا بۇرىن بەلگىلەنگەن جالپىعا ءتيىمدى شاعىن، ۇساق كاسىپورىندارعا بەرىلەتىن قارىز اقشانى وسىمىمەن قايتارۋ مەرزىمىن ۇزارتۋ ساياساتىن ۇزدىكسىز ويداعىداي تياناقتاندىرىپ، وسى نەگىزدە ساياساتتىڭ مەرزىم شەگىن لايىقتى ۇزارتۋ، بازارلاندىرۋ پرينسيبى بويىنشا ۇزارتۋدى جۇزەگە اسىرۋ كەرەك، مۇنى بانكە مەن كاسىپورىن دەربەس كەڭەسىپ بەلگىلەيدى. قارىز اقشانى وسىمىمەن قايتارۋ مەرزىمىن ۇزارتۋ رەسمياتىن وتەيتىن، ونىڭ ۇستىنە مەرزىم شەگى 6 ايدان كەم بولماعان جەرگىلىكتى جەردەگى زاڭدىق يە بانكەلەرىنە قاراتا قارىز اقشانىڭ نەگىزگى سوماسىنىڭ %1 ى بويىنشا جالعاستى شابىت بەرىلەدى. ەكىنشى، جالپىعا ءتيىمدى شاعىن، ۇساق كاسىپورىنداردىڭ سەنىمدىلىك قارىز اقشاسىن قولداۋ جوسپارىنىڭ اتقارىلۋ مەرزىم شەگى بيىل جىل سوڭىندا لايىقتى ۇزارتىلادى. شارتقا ۇيلەسەتىن جەرگىلىكتى جەردەگى زاڭدىق يە بانكەلەرىنە جالپىعا ءتيىمدى شاعىن، ۇساق كاسىپورىنداردىڭ سەنىمدىلىك قارىز اقشاسى تاراتىلىپ، قارىز اقشانىڭ نەگىزگى سوماسىنىڭ %40 ى بويىنشا جالعاستى جەڭىلدىك جاسالىپ، قولداۋ كورسەتىلەدى. جوعارىداعى ايتىلعان توتە جەتكىزۋ اقشا ساياساتى قۇرالدارىن ويداعىداي اتقارۋ جانە لايىقتى ۇزارتۋ شاعىن، ۇساق كاسىپورىنداردىڭ ەل ءىشى - سىرتىنداعى ورتا وزگەرىسىنە اناعۇرلىم ويداعىداي توتەپ بەرىپ، ءوندىرىس - تيجاراتتىڭ ورنىقتى قالپىنا كەلۋىن جۇزەگە اسىرۋىنا ءتيىمدى.
ءماجىلىس مىنالاردى دارىپتەدى: زاڭمەن جونگە سالۋ ءادىسى ارقىلى ءتۇيىندى سالالاردى باقىلاۋ - باسقارۋدى كۇشەيتىپ، حاۋىپ - قاتەردەن ساقتانىپ جانە ونى شەشىپ، بۇقارانىڭ زاڭدى ۇقىق - مۇددەسىن قورعاۋ كەرەك. ءماجىلىس «زاڭسىز قارجى توپتاۋدان ساقتانۋ جانە ونى ءبىر جاقتى ەتۋ ەرەجەسىن (جوبا)» ماقۇلداپ، ولكە دارەجەلى ۇكىمەتتەردىڭ ءوز اكىمشىلىك وڭىرىندەگى زاڭسىز قارجى توپتاۋدان ساقتانۋ جانە ونى ءبىر جاقتى ەتۋ قىزمەتىنە جالپى جاقتان جاۋاپتى بولۋىن بەلگىلەدى، جەرگىلىكتى ءار دارەجەلى ۇكىمەتتەردىڭ، سالالىق باسقارۋشى تاراۋلاردىڭ، باقىلاۋ - باسقارۋ تاراۋلارىنىڭ مىندەت ءبولىسىن ايقىندادى، بازار تۇلعالارىن تىزىمدەۋ، ينتەرنەتتى باسقارۋ، جارناما جانە قارجىنى باقىلاۋ - تەكسەرۋ سياقتى جاقتاردا ساقتانۋ مەحانيزمىن كەمەلدەندىردى، تەكسەرۋ، ءبىر جاقتى ەتۋ بارىسىنداعى ماجبۇرلەۋ شارالارىن بەلگىلەپ، باقىلاۋ - باسقارۋدى، جاۋاپقا تارتۋدى كۇشەيتتى. جوبادا زاڭسىز قارجى توپتاۋدىڭ اكىمشىلىك، قىلمىستىق ىستەر جاۋاپكەرلىگى جانە قارجىنى اداقتاۋ، قايتارۋ، زاڭسىز قارجى توپتاۋعا قاتىناسۋشىلاردىڭ ارقالاۋعا ءتيىستى زاردابى سياقتىلار جونىندە قاتاڭ بەلگىلەمەلەر جاسالدى. جوبادا تاعى جەرگىلىكتى ءار دارەجەلى ۇكىمەتتەردىڭ، فينانس قۇرىلىمدارىنىڭ، تاعى باسقالاردىڭ زاڭسىز قارجى توپتاۋدان ساقتانۋ جونىندەگى ۇگىت - تاربيەنى كۇشەيتىپ، قوعامداعى الەۋمەتتىڭ زاڭسىز قارجى توپتاۋدان ساقتانۋ تانىمى مەن پارىقتاۋ قابىلەتىن كۇشەيتۋى بەلگىلەندى.
ءماجىلىس مىنالاردى اتاپ كورسەتتى: ەمدەۋ اسپاپتارى حالىق بۇقاراسىنىڭ دەنساۋلىعى مەن باس اماندىعىنا سايادى، ءسوز جوق، ەڭ قاتاڭ باقىلاۋ - باسقارۋ جۇرگىزۋ كەرەك. ءماجىلىس «ەمدەۋ اسپاپتارىن باقىلاۋ - باسقارۋ ەرەجەسىن (وزگەرىس ەنگىزىلگەن جوبا)» ماقۇلداپ، كاسىپورىنداردىڭ، زەرتتەۋ - جاساۋ قۇرىلىمدارىنىڭ ەمدەۋ جابدىقتارىنىڭ حاۋىپسىزدىگى مەن ونىمدىلىگى جونىندەگى جاۋاپكەرلىگىن كۇشەيتىپ، تەكسەرىپ بەكىتۋ، ەستەلىككە الۋ ءتارتىبىن ايقىندادى، باقىلاۋ - باسقارۋ ءتاسىلىن تولىقتاپ، ونىمدەردىڭ بىردەن - ءبىر بەلگىسىن قۋزاۋ، تەكسەرۋدى ۇزارتۋ سياقتى باقىلاۋ - باسقارۋ شارالارىن كوبەيتتى، زاڭعا قايشى ارەكەتتەردى جازالاۋ تەبىنىن ارتتىرىپ، ساپا حاۋىپسىزدىگىنە ساياتىن زاڭعا اۋىر قايشىلىق جاساۋ ارەكەتتەرىنە اقشالاي ايىپ سالۋ سوماسىن بارىنشا جوعارىلاتتى، زاڭعا اۋىر قايشىلىق جاساعان ورىندار مەن جاۋاپتى ادامدارعا قاراتا رۇقسات كۋالىگىن كۇشىنەن قالدىرۋ، كاسىپ سالاسى مەن بازارعا كىرۋگە تيىم سالۋ سياقتى قاتاڭ جازالاردى قولدانۋدى، قىلمىسقا ساياتىندارىنا قاراتا زاڭ بويىنشا قىلمىستىق ىستەر جاۋاپكەرلىگىن قۋزاۋدى بەلگىلەدى.
ءماجىلىس باسقا دا ىستەردى اقىلداستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
