لي كىچياڭ يسپانيانىڭ باس ءۋازىرى سانچەسپەن، نيدەرلاندتىڭ باس ءۋازىرى ريۋتپەن تەلەفوندا سويلەستى
2020.12.24 16:12 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 23 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 12 - ايدىڭ 23 - كۇنى كەشتە ۋادە بويىنشا يسپانيانىڭ باس ءۋازىرى سانچەسپەن تەلەفوندا سويلەستى.
لي كىچياڭ جۇڭگو – يسپانيا قاتىناسىنا بەلسەندى باعا بەردى، ول مىنانى ءبىلدىردى: 2018 – جىلى ءتوراعا شي جينپيڭ يسپانيادا مەملەكەتتىك ساپاردا بولعاننان بەرى ەكى ەل قاتىناسى اقاۋسىز، ورنىقتى دامىدى. ءبىز يسپانيامەن ساياسي سەنىمدىلىكتى بەكەمدەپ، ءار سالاداعى ناقتى سەلبەستىكتى تەرەڭدەتىپ، كوپ جاقتىلىقتى بىرگە قورعاپ، ساۋداعا قارجى قوسۋدىڭ ەركىن، قولايلى بولۋىن جەبەپ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋدى قالايمىز. يسپانيانىڭ اناعۇرلىم كوپ ساپالى اۋىل شارۋاشىلىق ونىمدەرىنىڭ جۇڭگوعا جەتكىزىلۋىن قارسى الامىز.
لي كىچياڭ بىلاي دەپ اتاپ كورسەتتى: جۇڭگو ەۆروپانىڭ ءبىر تۇلعالانۋ اياق الىسىن باستان - اياق باتىل قولدايدى، ىنتىماقتى، گۇلدەنگەن ەۆروپا وداعىن كورۋدى ءۇمىت ەتەدى، ەۆروپا وداعىنىڭ ستراتەگيالىق دەربەستىگى مەن ىنتىماقتى، قايىرىمدى بولۋىن قولدايدى، يسپانيانىڭ ەۆروپا وداعىندا اناعۇرلىم ماڭىزدى رول اتقارۋىن قولدايدى. جۇڭگو كليمات وزگەرىسىنە توتەپ بەرۋ، جاسىل دامۋ، جۇڭگو ـ ەۆروپا قارجى قوسۋ كەلىسىمى كەلىسسوزى سياقتى سالالاردا ەۆروپا جاقپەن ءوزارا تيىمدىلىك جەتكىزىپ، تەڭ يگىلىككە كەنەلۋ سەلبەستىگىن ىلگەرىلەتۋدى قالايدى. ەۆروپا جاقتىڭ جۇڭگو كاسىپورىندارىنا ءادىل، اشىق، كەمسىتپەيتىن تيجارات ـ ساۋدا ورتاسىن ۇزدىكسىز ازىرلەپ بەرۋىن ءۇمىت ەتەمىن.
سانچەس مىنانى ءبىلدىردى: تاياۋ جىلداردان بەرى يسپانيا - جۇڭگو قاتىناسى بەلسەندى دامۋعا قول جەتكىزدى. يسپانيا ۇكىمەتى جۇڭگومەن قاتىناستى ونان ارى تەرەڭدەتىپ، ەكى جاقتى ەكونوميكا ـ ساۋدا بارىس ـ كەلىسىن كۇشەيتىپ، ينفورماتسيا، حابارلاسۋ، سيفرلى ەكونوميكا سياقتى سالالاردا جۇڭگو كاسىپورىندارىمەن سەلبەستىكتى ۇزدىكسىز كۇشەيتىپ، ەكى ەلدىڭ مادەنيەت اۋىس ـ كۇيىسىن كەڭەيتۋدى قالايدى. يسپانيا ەۆروپا ـ جۇڭگو قارجى قوسۋ كەلىسىمىنە ەرتەرەك قول قويۋدى قولدايدى، جۇڭگو جاقپەن بىرگە كوپ جاقتىلىقتى قورعاپ، كليمات وزگەرىسىنە توتەپ بەرۋ سەلبەستىگىن كۇشەيتىپ، جاڭا تيپتى ايدارشا ۆيرۋس وكپە قابىنۋى ۆاكسيناسىنىڭ بۇكىل دۇنيە جۇزىندەگى جارامدىلىعىن جۇزەگە اسىرۋدى ىلگەرىلەتۋدى قالايدى. مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي، مەملەكەتتىك ساياسي كەڭەس ءتوراعاسىنىڭ ورىنباسارى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ سويلەسۋدە بىرگە بولدى.
شينحۋا اگەنتتىگى، 12 - ايدىڭ 23 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 12 - ايدىڭ 23 - كۇنى كەشتە ۋادە بويىنشا نيدەرلاندتىڭ باس ءۋازىرى ريۋتپەن تەلەفوندا سويلەستى.
لي كىچياڭ مىنانى ءبىلدىردى: قازىر جۇڭگو مەن نيدەرلاند قاتىناسىنىڭ دامۋى جاقسى. جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسىنا قاراتا ەكى ەلدىڭ ءار سالاداعى سەلبەستىگى ۇزدىكسىز ىلگەرىلەپ، سۇبەلى تابىستارعا قول جەتكىزدى. ەكى جاقتىڭ تەڭدىك جانە ءوزارا قۇرمەت ەتۋ نەگىزىندە اۋىس ـ كۇيىس جاساپ، پىكىرلەسىپ، ىندەتتەن ساقتانۋ - تىزگىندەۋ شارت ـ جاعدايىندا ەكى ەل ادامدارىنىڭ بارىس ـ كەلىس جاساۋىنا، ناقتى سەلبەستىك جاساۋىنا قولايلى شارت ـ جاعداي جاراتۋىن ءۇمىت ەتەمىن. جۇڭگو ەۆروپا وداعىمەن بىرگە جۇڭگو ـ ەۆروپا قارجى قوسۋ كەلىسىمىنە ەرتەرەك قول قويۋدى ىلگەرىلەتۋگە قۇلشىنادى.
لي كىچياڭ بىلاي دەپ اتاپ كورسەتتى: قازىر دۇنيە ءجۇزى ەكونوميكاسىنىڭ قالپىنا كەلۋ بارىسى جاپالى بولىپ وتىر. جۇڭگو ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، بۇكىل ەل بويىنشا جوعارىدان تومەنگە دەيىن قاجىرلىلىقپەن قۇلشىنۋ ارقىلى تۇتاس جىلدا ەكونوميكانىڭ وڭ مانمەن ارتۋىن جۇزەگە اسىردى. ءبىز الداعى جەردە ماكرولىق ساياساتتىڭ ۇلاسپالىلىعىن، ورنىقتىلىعىن جانە باياندىلىعىن ساقتايمىز، ماكرولىق تىزگىندەۋ شارالارى ءارى بازار زاڭدىلىعىنا ۇيلەسۋى، ءارى اناعۇرلىم دالمە ـ ءدال، ءونىمدى بولۋى، ءتارتىپتى رەتتەلۋى، شۇعىل بۇرىلىس جاساماۋى كەرەك. جۇڭگونىڭ ەكونوميكالىق اينالىمىنىڭ ۇيلەسىمدى ارالىقتا بولۋىن قۇلشىنا ساقتاپ، ورنىقتى، اقاۋسىز دامۋدى جۇزەگە اسىرامىز. مۇنىڭ جۇڭگو ـ نيدەرلاند، جۇڭگو ـ ەۆروپا سەلبەستىگىنە اناعۇرلىم كەڭ ءورىس اشاتىنىنا سەنەمىن.
ريۋت مىنانى ءبىلدىردى: جۇڭگو − نيدەرلاندتىڭ ماڭىزدى سەلبەستىك سەرىگى. ەكى ەل ىندەتتىڭ سىن ـ سايىسىنا قول ۇستاسا توتەپ بەرىپ، ەكى جاقتىڭ دوستىق سۇيىسپەنشىلىگىن ايگىلەدى. نيدەرلاند جۇڭگومەن اۋىس ـ كۇيىس پەن بارىس ـ كەلىستى ونان ارى كۇشەيتىپ، ەكونوميكا ـ ساۋدا، قارجى قوسۋ، كليمات وزگەرىسىنە توتەپ بەرۋ سياقتى سالالارداعى سەلبەستىكتى كەڭەيتۋدى قالايدى. نيدەرلاند ەۆروپا ـ جۇڭگو قارجى قوسۋ كەلىسىمىنىڭ ەرتەرەك جاسالۋىن، ەۆروپا ـ جۇڭگو قاتىناسىنىڭ اناعۇرلىم جاقسى دامۋىن جەبەۋدى ءۇمىت ەتەدى.
مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي، مەملەكەتتىك ساياسي كەڭەس ءتوراعاسىنىڭ ورىنباسارى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ سويلەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
