بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

لي جانشۋ مەملەكەتتىك حالىق قۇرىلتايى تۇراقتى كوميتەتىنىڭ ماجىلىسىنە سىرتتاي قاتىناسقان ۋاكىلدەرمەن اڭگىمەلەسكەندە مىنانى دارىپتەدى

شي جينپيڭ زاڭمەن جونگە سالۋ يدەياسىن مۇقيات ۇيرەنىپ، دايەكتىلەندىرىپ، حالىق بەرگەن ۇقىقتى ويداعىداي جۇرگىزۋ كەرەك

2020.12.25 14:23     كەلۋ قاينارى : حالىق تورابى

  «حالىق گازەتى»، 12 – ايدىڭ 24 – كۇنى، بەيجيڭ (ءتىلشى ۋاڭ بيشۋە). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 12 - ايدىڭ 23 - كۇنى تۇستەن كەيىن 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 24 - ماجىلىسىنە سىرتتاي قاتىناسقان مەملەكەتتىك حالىق قۇرىلتايىنىڭ ۋاكىلدەرىمەن اڭگىمە وتكىزىپ، ۋاكىلدەردىڭ بيىل جىل باسىنان بەرگى مەملەكەتتىك حالىق قۇرىلتايى تۇراقتى كوميتەتىنىڭ قىزمەت جاعدايى جانە كەلەر جىلعى قىزمەتتەر جونىندەگى پىكىر - ۇسىنىستارىن تىڭدادى. ول مىنالاردى دارىپتەدى: شي جينپيڭ زاڭمەن جونگە سالۋ يدەياسىن ىشكەرىلەي ۇيرەنىپ، دايەكتىلەندىرىپ، ساياسي دەڭگەيدى جوعارىلاتىپ، حالىقتىڭ ەركىنە ادالدىقپەن ۋاكىلدىك ەتىپ، بۇقارامەن اناعۇرلىم تىعىز بايلانىس جاساپ، حالىق ءۇشىن مىندەت اتقارىپ، حالىق ءۇشىن قىزمەت ەتىپ، حالىق بەرگەن ۇقىقتى ويداعىداي جۇرگىزۋ كەرەك.

  اڭگىمە ماجىلىسىنە قاتىناسقان مەملەكەتتىك حالىق قۇرىلتايىنىڭ 55 ۋاكىلىنىڭ كوبى نەگىزگى ساتىنىڭ ءبىرىنشى شەبىنەن كەلگەن. ۋاكىلدەر بەلسەنە ءسوز سويلەپ، مەملەكەتتىك حالىق قۇرىلتايى تۇراقتى كوميتەتىنىڭ ءبىر جىلدان بەرگى قىزمەتىن تولىق تۇراقتاندىردى ءارى ۇسىنىس - پىكىر بەردى. لي جانشۋ مۇقيات تىڭداپ، كوپشىلىكپەن ىشكەرىلەي پىكىر اۋىستىردى. ول بىلاي دەدى: وتكەن ءبىر جىل جاڭا جۇڭگو تاريحىنداعى ەرەكشە ءبىر جىل بولدى. جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسى مەن ءار جاقتاعى حاۋىپ - قاتەر، سىن - سايىس الدىندا شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىندىقتاردى جەڭىپ، ىنتىماقتاسا كۇرەس جۇرگىزىپ، ىندەتتەن ساقتانۋ - تىزگىندەۋدە كەلەلى ستراتەگيالىق تابىستارعا قول جەتكىزدى، دۇنيە جۇزىندەگى ەكونوميكالىق ارتۋدى جۇزەگە اسىرعان بىردەن - ءبىر نەگىزگى ەكونوميكالىق تۇلعاعا اينالىپ، حالىق رازى بولاتىن، كۇللى دۇنيەنىڭ نازارىن اۋدارعان، تاريحتان ورىن الارلىق جاۋاپ بەردى.

  لي جانشۋ مىنالاردى اتاپ كورسەتتى: بيىل جىل باسىنان بەرى پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، مەملەكەتتىك حالىق قۇرىلتايىنىڭ تۇراقتى كوميتەتى پارتيا مەن مەملەكەت قىزمەتىنىڭ جالپى جاعدايىن مىقتاپ ارقاۋ ەتىپ، قىزمەت جاۋاپكەرلىگىن ادا ەتىپ، ءار جاقتاعى قىزمەتتە تىڭ ىلگەرىلەۋشىلىكتەرگە، تىڭ تابىستارعا قول جەتكىزدى. تۇراقتى كوميتەت قىزمەتىنىڭ ەڭ كورنەكتى ەرەكشەلىگى − پارتيا ورتالىق كوميتەتىنىڭ شەشىمدەرىنە، ورنالاستىرۋلارىنا تىعىز ىلەسىپ، ءىرى، ماڭىزدى ىستەردە جاۋاپكەرلىك ارقالاپ، بورىشتى ادا ەتۋ. پارتيا ورتالىق كوميتەتى ورنالاستىرعان، رەفورما جاساپ، ەسىك اشۋعا قاجەتتى، حالىق بۇقاراسى كوكسەگەن ىستەر بولسا، حالىق قۇرىلتايىنىڭ قىزمەت جاۋاپكەرلىگىن تياناق ەتىپ، جەدەل جوسپارلاپ، ورنالاستىرىپ، ناقتى تياناقتاندىرۋدى ىلگەرىلەتۋ كەرەك. اسىرەسە، ىندەتتەن ساقتانۋ - تىزگىندەۋگە بەلسەنە ات سالىسۋ، شياڭگاڭ ەرەكشە اكىمشىلىك رايونىنىڭ نەگىزگى زاڭدىق ءتۇزىمىن كەمەلدەندىرۋ، «3 ۇلكەن قامال الۋ شايقاسىن» ويداعىداي جۇرگىزۋگە دەم بەرۋ سياقتى جاقتاردا زاڭ بويىنشا مىندەت اتقارىپ، ىرىقتىلىقپەن ءىس تىندىرىپ، ءتيىستى فۋنكتسيالىق رولدى ساۋلەلەندىرۋ كەرەك. مۇنىڭ ىشىندە حالىق قۇرىلتايى ۋاكىلدەرى بەلسەنە اقىل - كەڭەس بەرىپ، تۇراقتى كوميتەتتىڭ، ارناۋلى كوميتەتتەردىڭ قىزمەتىنە بەلسەنە ات سالىسىپ، حالىق قۇرىلتايى قىزمەتىنىڭ ءساتتى ورىستەتىلۋىنە ماڭىزدى ۇلەس قوستى.

  لي جانشۋ مىنالاردى دارىپتەدى: ۋاكىلدەردىڭ مىندەتىن زاڭ بويىنشا وتەۋىن قامتاماسىز ەتىپ، حالىق قۇرىلتايى ءتۇزىمى ارقىلى حالىقتىڭ ءوز - وزىنە قوجا بولۋىنا تولىق كەپىلدىك ەتۋ كەرەك. ەلىمىزدىڭ حالىق قۇرىلتايى ۋاكىلدەرى كەڭ كولەمدى ۋاكىلدىك سيپاتقا يە، حالىق اراسىندا جاسايدى، حالىققا ەڭ زور كولەمدە ۋاكىلدىك ەتەدى. ۋاكىلدەردىڭ زاڭ بويىنشا مىندەت اتقارۋىنا كەپىلدىك ەتۋدى قامتاماسىز ەتىپ، ۋاكىلدەردىڭ كەڭەس جوبالارى مەن ۇسىنىستارىن مۇقيات ءبىر جاقتى ەتىپ، ۋاكىلدەردىڭ زاڭ شىعارۋ، باقىلاۋ سياقتى قىزمەتتەرگە ات سالىسۋىن تەرەڭدەتىپ، حالىقتىڭ ارمان - تىلەگىن اڭىس ەتىپ، حالىقتىڭ اقىل - پاراساتىن شوعىرلاندىرۋ كەرەك. حالىق قۇرىلتايى ۋاكىلدەرىنىڭ بۇقارامەن اناعۇرلىم تىعىز بايلانىس جاساۋىن ىلگەرىلەتىپ، پارتيا ورتالىق كوميتەتىنىڭ كەلەلى باعىت - ساياساتتارى مەن نەگىزگى زاڭدى جانە زاڭداردى بەلسەنە ۇگىتتەپ، باستاماشىلدىقپەن دايەكتىلەندىرىپ، بۇقارامەن بايلانىس جاساۋ، ءىس جۇزىندىك جاعدايعا ارالاسۋ بارىسىندا جالپىلىق، ورتاقتىق، تيپتىك ماسەلەلەردى بايقاۋعا شەبەر بولىپ، ونى ءتۇزىم، زاڭ، ساياسات جاعىنان شەشۋدى ىلگەرىلەتىپ، پارتيا مەن مەملەكەتتىڭ حالىق بۇقاراسىمەن بايلانىس جاساۋداعى كوپىر، دانەكەر بولۋ كەرەك.

  لي جانشۋ مىنالاردى دارىپتەدى: 2021 - جىل − ەلىمىزدىڭ وسىزامانداندىرۋ قۇرىلىسى بارىسىنداعى ەرەكشە ماڭىزدى ءبىر جىل. شي جينپيڭ زاڭمەن جونگە سالۋ يدەياسىن ىشكەرىلەي ۇيرەنىپ، باس شۋجي شي جينپيڭنىڭ حالىق قۇرىلتايى تۇزىمىندە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ءتۇسىنىپ، عىلمي نازاريامەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋ كەرەك. تۇراقتى كوميتەت حالىق قۇرىلتايى ۋاكىلدەرىنە ۇزدىكسىز ارقا سۇيەپ، قىزمەتتى جاقسى ىستەپ، ۋاكىلدەردىڭ زاڭ بويىنشا مىندەت اتقارۋىن، رولىن ساۋلەلەندىرۋىن قولدايدى جانە قامتاماسىز ەتەدى. ۋاكىلدەردىڭ بۇقارامەن اناعۇرلىم تىعىز بايلانىس ورناتىپ، ۋاكىلدىك مىندەتىن مۇقيات اتقارىپ، جاڭا داۋىردەگى حالىق قۇرىلتايى قىزمەتىنىڭ دەڭگەيىن بىرگە جوعارىلاتۋىن ءۇمىت ەتەمىن.

  ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ۋاڭ چىن اڭگىمە ءماجىلىسىن باسقاردى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار