لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
«ساۋدا ورتاسىن جاقسارتۋ ەرەجەسىنىڭ» اتقارىلۋ جاعدايىن 3 - جاق باعالاۋ مالىمەتىن تىڭداپ، كەپتەلىس تۇيىندەرىن ىشكەرىلەي اشىپ، تياناقتاندىرىپ، ساۋدا ورتاسىن زاڭمەن جونگە سالۋ دەڭگەيىن جوعارىلاتۋدى تالاپ ەتتى؛ «جۇڭحۋا حالىق رەسپۋبليكاسىنىڭ ماركا باجىسى زاڭى (جوبا)» مەن «استىق اينالىمىن باسقارۋ ەرەجەسىن (وزگەرىس ەنگىزىلگەن جوبا)» ماقۇلدادى
2021.01.05 16:33 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 4 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 1 - ايدىڭ 4 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، «ساۋدا ورتاسىن جاقسارتۋ ەرەجەسىنىڭ» اتقارىلۋ جاعدايىن 3 - جاق باعالاۋ مالىمەتىن تىڭداپ، كەپتەلىس تۇيىندەرىن ىشكەرىلەي اشىپ، تياناقتاندىرىپ، ساۋدا ورتاسىن زاڭمەن جونگە سالۋ دەڭگەيىن جوعارىلاتۋدى تالاپ ەتتى؛ «جۇڭحۋا حالىق رەسپۋبليكاسىنىڭ ماركا باجىسى زاڭى (جوبا)» مەن «استىق اينالىمىن باسقارۋ ەرەجەسىن (وزگەرىس ەنگىزىلگەن جوبا)» ماقۇلدادى.
ءماجىلىس مىنالاردى اتاپ كورسەتتى: پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، ساۋدا ورتاسىن كۇش سالا جاقسارتۋ − بازار تۇلعالارىنىڭ ومىرشەڭدىك كۇشىن اناعۇرلىم تاسقىنداتۋدىڭ تەتىگى، سونداي - اق قاتاڭ دا كۇردەلى جاعدايعا توتەپ بەرىپ، ەكونوميكانىڭ ورنىقتىلىعىن، قالپىنا كەلۋىن جەبەۋدەگى ماڭىزدى شارا. مەملەكەتتىك كەڭەستىڭ تاپسىرۋىمەن بۇكىل ەلدەگى 9 ولكەدە «ساۋدا ورتاسىن جاقسارتۋ ەرەجەسىنىڭ» اتقارىلۋ جاعدايىنا 3 - جاقتىڭ باعالاۋى ورىستەتىلدى. جالپى العاندا، «ەرەجەنىڭ» اتقارىلۋى بەلسەندى ونىمدىلىككە قول جەتكىزدى، كاسىپورىنداردىڭ باجىنى ازايتىپ، اقىنى تومەندەتۋ، اكىمشىلىك قىزمەت وتەۋدى قولايلىلاندىرۋ سياقتىلارعا ريزا بولۋ دەڭگەيى ءبىرشاما جوعارى بولۋدا، «ءبىر كاسىپ، ءبىر كۋالىك»، «ءبىر كاسىپورىن، ءبىر كۋالىك»، «تيجارات كۋالىگى مەن تيجارات رۇقسات كۋالىگىن بىرگە ءبىتىرۋ» سياقتى كاسىپورىنداردىڭ شارۋاشىلىق جۇرگىزۋىنە قولايلىلىق جاراتۋ رەفورما شارالارىنان العان اسەر كورنەكتى نىعايۋدا. وتكەن جىلى توتەنشە قيىن جاعدايدا جاڭادان 20 ميلليوننان استام بازار تۇلعاسى قۇرىلىپ، قيىنشىلىقتى جەڭۋ تەبىنى زور دارەجەدە ارتتى ءارى ءبىرشاما جوعارى جاندانۋ دارەجەسىن ساقتادى، بۇل ساۋدا ورتاسىنىڭ ۇزدىكسىز جاقسارۋىنان ايرىلا المايدى. باعالاۋدا كاسىپورىنداردىڭ مەردىگەر شاقىرۋ، مەردىگەرلىككە مالىمدەلۋ، دانەكەرلىك قىزمەت وتەۋ، قارجى قۇراۋ سياقتى جاقتارداعى ماسەلەلەر جونىندەگى اڭىسى ءبىرشاما كوپ ەكەنى دە بايقالدى. سونىمەن بىرگە، شىعىس بولەكتەگى رايوندار مەن ورتا، باتىس بولەك، شىعىس سولتۇستىك رايوندار اراسىندا، ولكە ورتالىعى مەن ولكە ورتالىعى ەمەس قالالار اراسىندا «ەرەجەنى» تياناقتاندىرۋدىڭ اياق الىسى دا بىركەلكى ەمەس، كەيبىر پارىقتار كورنەكتى. ءماجىلىس مىنالاردى دارىپتەدى: ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن ونان ارى تەرەڭدەتىپ، «ەرەجەنى» تياناقتاندىرۋ سەرپىنىن ارتتىرىپ، ومىرشەڭدىك كۇشتى قاۋلاتىپ، باسقارۋدا ءادىل، ادىلەتتى بولىپ، ونىمدىلىككە قول جەتكىزۋ كەرەك. ءبىرىنشى، شىعىس بولەكتەگى رايونداردى، ولكە ورتالىقتارىنداعى قالالاردى حالىقارالىق وزىق ولشەمدەردى الدىمەن اتقارۋعا، الدىمەن سىناق ەتۋگە شابىتتاندىرىپ، ورتا، باتىس بولەكتەردىڭ جانە شىعىس سولتۇستىك رايونداردىڭ، ولكە ورتالىعى ەمەس قالالاردىڭ ساۋدا ورتاسىنىڭ كورنەكتى جاقسارۋىن رەفورما ارقىلى جەبەۋگە قولداۋ كورسەتۋ كەرەك. ەكىنشى، «ءبىر كاسىپ، ءبىر كۋالىك»، «ءبىر كاسىپورىن، ءبىر كۋالىك»، «تيجارات كۋالىگى مەن تيجارات رۇقسات كۋالىگىن بىرگە ءبىتىرۋ» سياقتى جاڭالىق اشۋ شارالارىن جالپىلاستىرىپ، ءتىپتى دە كوپ جاڭا بازار تۇلعالارىن جارىققا شىعارىپ، بازار ەرەجەسى بويىنشا جۇمىس جۇرگىزۋ كەرەك. ءۇشىنشى، ءادىل باسەكەنى جەبەپ، ۇكىمەت نىساندارىنا مەردىگەر شاقىرۋدى، مەردىگەر بولۋدى بازارلاندىرۋ رەفورماسىن ىلگەرىلەتىپ، دانەكەرلىك قىزمەت وتەۋىن ارناعا ءتۇسىرىپ، امانات - قارىز بارىسىندا كاسىپورىنداردىڭ قارجى قۇراۋ وزىندىك قۇنىنىڭ «كومەسكى ەرەجەسىن» تەكسەرىپ ءبىر جاقتى ەتۋ تەبىنىن ارتتىرۋ كەرەك. ءتورتىنشى، باقىلاۋ - باسقارۋدىڭ ونىمدىلىگىن كۇش سالا جوعارىلاتىپ، ەركىنە قويا بەرىپ ءارى باسقارىپ، ءىس بارىسىنداعى، ىستەن كەيىنگى باقىلاۋ - باسقارۋدىڭ باعىتتامالىلىعىن، ونىمدىلىگىن ونان ارى كۇشەيتىپ، جالپىلىق باقىلاۋ - باسقارۋدى، بىرلەسىپ زاڭ اتقارۋدى جولعا قويىپ، بۇقارانىڭ ءومىرى مەن دەنساۋلىعىنا، حاۋىپسىزدىگىنە ساياتىن سالالارعا جاپپاي ءتۇيىندى باقىلاۋ - باسقارۋ جۇرگىزۋ كەرەك.
ءماجىلىس «جۇڭحۋا حالىق رەسپۋبليكاسىنىڭ ماركا باجىسى زاڭىن (جوبا)» ماقۇلدادى. جوبادا ماركا باجىسى جونىندەگى ۋاقىتتىق ەرەجەنىڭ كوپ جىلدان بەرگى امالياتتىق ادىستەرى قورىتىندىلاندى، ءبىر جاعىنان، قازىر اتقارىلىپ وتىرعان باجى ءتۇزىمى جالپى جاقتان وزگەرمەيتىن بولدى ءارى باعالى قاعاز ساۋداسىنداعى ماركا باجىسى زاڭ ولشەمىنە ەنگىزىلدى؛ ەندى ءبىر جاعىنان، باجى تۇرلەرى لايىقتى ىقشامدالىپ، ءىشىنارا باجى مولشەرى تومەندەتىلىپ، كاسىپورىنداردىڭ باجى اۋىرتپالىعى جەڭىلدەتىلدى، سونداي - اق باجى الۋ - باسقارۋ اناعۇرلىم عىلمي ارناعا ءتۇسىرىلىپ، ەركىن كەسىم جاساۋ ۇقىعى ازايتىلىپ، ەركىنە جىبەرۋ سيپاتىنداعى ولقىلىقتار توسىلدى. جوبادا بىلاي دەپ بەلگىلەندى: ساۋدا، تەحنيكا سياقتى توقتامداردىڭ جانە باعالى قاعاز ساۋداسىنىڭ باجى مولشەرى وزگەرمەيدى، مانەرلەۋدى مىندەتىنە الۋ، قۇرىلىس ينجەنەرياسىن بارلاۋ - جوبالاۋ، زات تاسىمالى توقتامى جانە تيجارات ەسەپ داپتەرىنىڭ باجى مولشەرى تومەندەتىلەدى، رۇقسات كۋالىگى سياقتى ماركا باجىسى باجى تۇرلەرى كۇشىنەن قالدىرىلادى، سونىمەن بىرگە، قازىر اتقارىلىپ وتىرعان ماركا باجىسى بويىنشا جەڭىلدىك جاساۋ ساياساتى جالپى جاقتان وزگەرمەيدى. ءماجىلىس جوبانى مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا ۇسىنۋدى ۇيعاردى.
استىق وندىرۋشىلەردىڭ، تيجارات ەتۋشىلەردىڭ جانە تۇتىنۋشىلاردىڭ زاڭدى ۇقىق - مۇددەسىن قورعاۋ، مەملەكەتتىڭ استىق حاۋىپسىزدىگىن قامتاماسىزداندىرۋ ءۇشىن، ءماجىلىس «استىق اينالىمىن باسقارۋ ەرەجەسىن (وزگەرىس ەنگىزىلگەن جوبا)» ماقۇلدادى. جوبادا ساياساتتىق استىق باسقارۋ قاتايتىلىپ، مىنالار بەلگىلەندى: استىق ساتىپ الۋ، ساقتاۋ مولشەرىن جالعان مالىمدەۋ، ناشار ءونىمدى جاقسى ءونىمنىڭ ورنىنا قويۋ، شىن - جالعانىن اۋىستىرۋ سياقتى جايتتەرگە قاتاڭ تيىم سالىنادى، قازىنالىق قوسىمشا قاراجات پەن امانات - قارىز قارجىسىن باسقاعا جۇمساۋعا، تارتىپ قالۋعا قاتاڭ تيىم سالىنادى؛ استىق ساتىپ الۋ، ساقتاۋ سياقتى بۋىندارداعى ساپا حاۋىپسىزدىگىن تەكسەرۋ، باقىلاۋ - باسقارۋ كۇشەيتىلەدى، ەگىس دارىلەرىنىڭ قالدىعى، اۋىر مەتالدار ولشەمنەن اسىپ كەتكەن استىقتى ازىقتىق استىق رەتىندە ساتۋعا بولمايدى. جوبادا استىقتىڭ زايا بولۋىنان، ىسىراپ بولۋىنان ساقتانۋ شارالارى ايقىندالدى. جوبادا تاعى زاڭعا قايشى ارەكەتتەردى جازالاۋ تەبىنى كۇشەيتىلدى.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
