ج ك پ ورتالىق كوميتەتى تەلەگرامما جولداپ چاۋشيان ەڭبەك پارتياسى 8 - قۇرىلتايىنىڭ اشىلعانىن قۇتتىقتادى
2021.01.07 15:36 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 6 - كۇنى، بەيجيڭ. 1 - ايدىڭ 5 – كۇنى. جۇڭگو كوممۋنيستىك پارتياسىنىڭ ورتالىق كوميتەتى تەلەگرامما جولداپ چاۋشيان ەڭبەك پارتياسى 8 - قۇرىلتايىنىڭ اشىلعانىن قۇتتىقتادى. قۇتتىقتاۋ تەلەگرامماسىندا بىلاي دەلىنگەن:
چاۋشيان ەڭبەك پارتياسى − چاۋشياننىڭ توڭكەرىس جانە قۇرىلىس ىستەرىنىڭ پارمەندى ۇيىمداستىرۋشىسى جانە باسشىسى. ۇزاق ۋاقىتتان بەرى چاۋشيان ەڭبەك پارتياسى چاۋشيان حالقىن ىنتىماقتاستىرىپ جانە باستاپ، چاۋشياننىڭ سوتسياليزم ىستەرىن ىلگەرىلەتۋ ۇلى ساپارىندا تاريحي جەتىستىكتەرگە قول جەتكىزدى. سوڭعى جىلدارى كوميتەت باستىعى كيم جوڭ - ۇن باستاعان چاۋشيان ەڭبەك پارتياسى ورتالىق كوميتەتىنىڭ پارمەندى باسشىلىعىندا، چاۋشيان ەڭبەك پارتياسى وزىندىك قۇرىلىسىن كۇشەيتۋگە ايرىقشا ءمان بەردى ءارى ەكونوميكانى، حالىق تۇرمىسىن دامىتۋ، سىرتقى ورتانى جاقسارتۋ، ىندەتكە ءونىمدى توتەپ بەرۋ سياقتى جاقتاردا ءبىرسىپىرا ماڭىزدى جەتىستىكتەرگە قول جەتكىزدى. ءبىز بۇعان شىن جۇرەكتەن قۋاندىق.
چاۋشيان ەڭبەك پارتياسىنىڭ 8 - قۇرىلتايى − چاۋشيان پارتياسى مەن حالقىنىڭ ساياسي ومىرىندەگى ءىرى ءىس، وندا الداعى ءبىر مەزگىلدەگى چاۋشياننىڭ پارتيا قۇرىلىسى مەن مەملەكەت ەكونوميكاسىنىڭ دامۋى جونىندە ستراتەگيالىق جوبا جانە ورنالاستىرۋ جاسالادى، كەلەلى ماڭىزى بار. چاۋشيان ەڭبەك پارتياسى مەن چاۋشيان حالقىنىڭ وسى رەتكى قۇرىلتايدى وراي ەتىپ، چاۋشياننىڭ سوتسياليستىك قۇرىلىس ىستەرىنىڭ تىڭ جەڭىستەرىنە قول جەتكىزە بەرەتىنىنە سەنەمىز.
جۇڭگو مەن چاۋشيان − تاۋ - وزەندەرى جالعاسقان تاتۋ كورشى ەلدەر، ەكى پارتيا اراسىندا ۇزاق ۋاقىت دوستىق بارىس - كەلىس جاساۋ سىندى تاڭداۋلى ءداستۇر ساقتالىپ كەلەدى. سوڭعى جىلداردان بەرى ەكى پارتيانىڭ، ەكى ەلدىڭ ەڭ جوعارى باسشىلارىنىڭ ستراتەگيالىق جەتەكشىلىگى مەن تىكەلەي جەبەۋىندە، جۇڭگو - چاۋشيان قاتىناسىندا جاڭا تاريحي تاراۋ باستالدى. جاڭا جاعدايدا جۇڭگو چاۋشيانمەن بىرگە ەكى پارتيانىڭ، ەكى ەلدىڭ ەڭ جوعارى باسشىلارىنىڭ ماڭىزدى ورتاق تانىمىن جەتەكشى ەتىپ، جۇڭگو مەن چاۋشياننىڭ قاتىناسىن ويداعىداي قورعاپ، بەكەمدەپ، دامىتىپ، ەكى ەل مەن ەكى ەل حالىقتارىنا ءتىپتى دە زور باقىت جاراتىپ، ءوڭىردىڭ بەيبىتشىلىگى مەن ورنىقتىلىعىن جانە دامىپ - گۇلدەنۋىن جۇزەگە اسىرۋعا تىڭ دا بەلسەندى ۇلەس قوسۋعا پەيىل.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
