قىستاق قاعيداسى مەن تۇرعىندار شارتى قىستاققا جاڭا بەت - بەينە اكەلدى
انار بۇلت / شينجياڭ گازەتىنىڭ ءتىلشىسى سۇي يۇنيان
2021.01.08 15:44 كەلۋ قاينارى : شينجياڭ گازەتى
2020 - جىلى 12 - ايدىڭ 30 - كۇنى تۇستەن بۇرىن قار جاۋعاننان كەيىنگى ءۇرىمجى جوعارى، جاڭا تەحنيكالىق كاسىپ سالالارىن اشۋ رايونى (جاڭا قالا رايونى) اننيڭچۇي قالاشىعى حىشي قىستاعى كورىكتى بەينەسىمەن كوز تارتادى، جولدارداعى قار الدەقاشان كۇرەلىپ، بارلىق وتباسىنىڭ ەسىك الدى تاپ - تازا، رەتتى تۇر. ”جۇمىلدىرۋدىڭ قاجەتى جوق، قىستاق تۇرعىندارى وزدىگىنەن ەسىك الدارىنداعى قاردى كۇرەپ تاستايدى“، - دەدى ءۇرىمجى جوعارى، جاڭا تەحنيكالىق اشۋ رايوندىق (جاڭا قالا رايونى) ەگىن، مال شارۋاشىلىعى مەكەمەسىنىڭ حىشي قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ۋاڭ حۇيدۇڭ.
”قىستاق قاعيداسى، تۇرعىندار شارتى حالىقتىڭ جاقتاۋىنا يە بولدى، قىستاقتىڭ بەت - بەينەسىندە ۇلكەن وزگەرىس بولدى“. وسى قىستاقتىڭ پارتيا باس ياچەيكاسىنىڭ شۋجيى ياڭ حايگاڭ بىلاي دەدى: ”قىستاق قاعيداسى، تۇرعىندار شارتى وركەنيەتتى جاڭا قىستاق قۇرىلىسى، الەۋمەتتىك تازالىقتى جاقسى ىستەۋ، قىستاق بەت - بەينەسىن ساقتاۋ سياقتىلاردى بەلسەنە ورىستەتۋگە كەلىستى. قازىر بۇل مازمۇندار جۇرت جۇرەگىنە ۇيالادى“.
2018 - جىلى حىشي قىستاعى مەملەكەتتىك دەموكراتيالىق، زاڭمەن جونگە سالۋدان ۇلگى كورسەتۋ قىستاعى بولىپ باعالاندى. وزات ورىن قۇرۋ بارىسىندا ”بارلىق قىستاق تۇرعىنى زاڭ ۇيرەنۋى، زاڭدى قورعاۋى، زاڭنان پايدالانۋى كەرەك“ دەگەندى قىستاق قاعيداسى، تۇرعىندار شارتىنا جازدى ءارى ونى كوپشىلىكتىڭ ورتاق تانىمى مەن ارەكەتىنە اينالدىردى. ”قازىر كوپشىلىكتىڭ زاڭدىق تانىمى كۇشەيدى، قايشىلىق، داۋ - جاڭجال شىقسا، زاڭ بويىنشا شەشىلەتىن بولدى“. حىشي قىستاعى 1 - تۇرعىندار گرۋپپاسى پارتيا ياچەيكاسىنىڭ شۋجيى داي رۇڭمەي تىلشىگە مىنانى ايتتى: الدىڭعى ءبىر مەزەتتە، ءبىر قىستاق تۇرعىنىنىڭ ءۇيىن جالداپ الۋشى ءۇيدى قايتارماقشى بولادى، ءبىراق ءۇيدى جالداۋ توقتام ۋاقىتى ءالى تولماعان ەدى، سونىمەن بۇل قىستاق تۇرعىنى اننيڭچۇي قالاشىعى ءادىليا ورنىنا كەلىپ كەڭەس سۇراپ، داۋ - دامايدى ىرىقتىلىقپەن زاڭ بويىنشا شەشۋدى تالاپ ەتەدى.
داي رۇڭمەيدىڭ قاراۋىنشا، ەڭ ۇلكەن وزگەرىس ەسكى ادەت - عۇرىپتاردى وزگەرتۋ ەكەن. باس قۇراۋ جونىنەن ايتقاندا، بۇرىن باس قۇراۋ تويىن جاساۋ ءۇشىن بىرنەشە كۇن ۋاقىت سارىپ بولاتىن، ءۇي تىگىپ، بىرنەشە قازان اسۋعا، اراق - شاراپ ءىشىپ دۋمانداتۋعا تۋرا كەلەتىن، كەيدە ارتىق دىر - دۋدان شۋ - شۇرقان دا شىعىپ جاتۋشى ەدى. ”قازىر قۋانىشتاردى جاڭا سالتپەن وتكىزەتىن بولدىق، كوپشىلىك اسىپ - تاسىپ وتكىزبەي - اق، جاستاردىڭ كوڭىلىنەن شىعاتىن تاسىلدەر ارقىلى باس قۇراۋ ىستەرى بىتەتىن بولدى“، - دەدى داي رۇڭمەي.
ياڭ حايگاڭ تىلشىگە مىنانى ايتتى: بۇرىنعى قىستاق قاعيداسى، تۇرعىندار شارتى ولەڭ - جىر فورماسىندا بولاتىن، ەستە ساقتاۋعا وڭاي بولعانىمەن، ءبىراق قىستاق تۇرعىندارى تۇسىنە المايتىن ەدى. 2016 - جىلى كەزەك اۋىستىرىلعاننان كەيىن، قىستاق تۇرعىندار كوميتەتى ءىس جۇزىندىككە بايلانىستىرا وتىرىپ، وتباسى سايىن قىستاق تۇرعىندارىنىڭ پىكىرىن الىپ، ۇيرەنۋگە، تۇسىنۋگە وڭاي قىستاق قاعيداسىن جاساپ شىقتى.
جاڭا قىستاق قاعيداسى، تۇرعىندار شارتىنىڭ باعىتتامالىلىعى وتە كۇشتى. حىشي قىستاعىندا 60 جاستان اسقان قارتتاردان 500گە جۋىعى بار، قىستاق قاعيداسى، تۇرعىندار شارتى قارتتاردى باعۋ مەن قارتتاردى سيلاۋدى بارىنشا دارىپتەدى. ءتىلشى قىستاق تۇرعىنى ءادىلجان ۇساننىڭ ۇيىنە كەلگەندە تام قازاندىعىنىڭ قايناپ، ءۇي ءىشىنىڭ قىجىناپ تۇرعاندىعىن، جۇبايى ەكەۋىنىڭ ىستىق شاي ءىشىپ، تەلەۆيزور كورىپ وتىرعاندىعىن كوردى. ”مەن سيىر، قوي بورداقىلايمىن، 200دەن استام قويدى جاستاردىڭ قاراۋىنا تاپسىردىم، ءار كۇنى بارىپ كوزدەن كەشىرىپ تۇرسام بولعانى“. ءادىلجان بىلاي دەدى: ”قىستاق سالتى بارعان سايىن جاقسارىپ كەلەدى، جاستار اكە - شەشەلەرىن ايالايتىن، قارتتاردى قۇرمەتتەيتىن بولدى، مۇنداي قارتتىق تۇرمىس شىنىمەن باقىتتى!“.
قىستاق قاعيداسى، تۇرعىندار شارتى جىل سوڭىندا بەستە جاقسى وتباسى، وپالى كەلىن، جاقسى ەنە، قايىرىمدى جۇباي جانە وركەنيەتتى وتباسى سياقتىلاردى باعالاۋدى بەلگىلەپ، مەحانيزم ارقىلى تاماشا وتباسى سالتىن دارىپتەۋگە شابىتتاندىردى. قىستاق تۇرعىنى فىڭ شينجۇي وپالى كەلىندەردىڭ ءبىرى، باس قۇراعان 30 جىلدان بەرى ول قايىن اپاسىن قۇرمەتتەپ، سيلاپ كەلدى، جۇبايىمەن ءوزارا سيلاسىپ قىستاق تۇرعىندارىنىڭ ماقتاۋىنا يە بولدى. ”بۇرىن اۋىل - قىستاقتا ’ەركەكتى زور ساناۋ‘ سالتى بار بولاتىن، كۇيەۋى قولىن ارتىنا قايىرا ۇستاپ الدا جۇرسە، ايەلى بالاسىن كوتەرىپ ارتتا جۇرەتىن. قازىر مۇنداي جايت جوقتىڭ قاسى، سيلاپ - كۇتەتىن ايەلى، ءۇي جۇمىسىن ارقالايتىن وتاعاسى بارعان سايىن كوبەيدى“، - دەدى فىڭ شينجۇي.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
