مەملەكەتتىك كەڭەستىك اقپارات كەڭسەسى
«جاڭا داۋىردەگى جۇڭگونىڭ حالىقارالىق دامۋ سەلبەستىگى» اق تىستى كىتابى جاريالاندى
2021.01.11 15:05 كەلۋ قاينارى : حالىق تورابى
شينحۋا اگەنتتىگىنىڭ 1 – ايدىڭ 10 – كۇنى بەرگەن حابارى. مەملەكەتتىك كەڭەستىڭ اقپارات كەڭسەسى 1 – ايدىڭ 10 – كۇنى «جاڭا داۋىردەگى جۇڭگونىڭ حالىقارالىق دامۋ سەلبەستىگى» اق تىستى كىتابىن جاريالادى.
اق تىستى كىتاپتىڭ جالپى مازمۇنى جيىنى 26000 مىڭ ارىپتەن تۇرادى، العى ءسوز، سوڭعى سوزدەن سىرت، جيىنى سەگىز ءبولىمدى قامتيدى، ولار جەكە – جەكە: ادامزاتتىڭ تاعدىرلاس ورتاق تۇلعاسى تانىمى جاڭا داۋىردەگى جۇڭگونىڭ حالىقارالىق دامۋ سەلبەستىگىنە جول باستادى، جاڭا داۋىردەگى جۇڭگونىڭ حالىقارالىق دامۋ سەلبەستىگى جاعىندا قول جەتكىزگەن جاڭا ىلگەرىلەۋشىلىكتەر، «ءبىر بەلدەۋ، بىر جولدى» بىرگە كوركەيتۋ حالىقارالىق سەلبەستىگىنە دەم بەردى، بىرلەسكەن مەملەكەتتەر ۇيىمىنىڭ 2030 – جىلعا دەيىنگى باياندى دامۋ كۇن ءتارتىبىن تياناقتاندىرۋدى ىلگەرىلەتتى، دۇنيە جۇزىلىك گۋمانيتارلىق جاقتاعى سايىستارعا قول ۇستاسا توتەپ بەردى، دامۋ ۇستىندەگى مەملەكەتتەردىڭ دەربەس دامۋ قۋاتىن كۇشەيتۋىنە قولداۋ كورسەتتى، حالىقارالىق اۋىس – كۇيىستى جانە ءۇشىنشى جاقپەن سەلبەسۋدى كۇشەيتتى، جۇڭگونىڭ حالىقارالىق دامۋ سەلبەستىگىنىڭ بولاشاعىنا نازار.
اق تىستى كىتاپتا بىلاي دەلىنگەن: جاڭا داۋىردەگى جۇڭگونىڭ حالىقارالىق دامۋ سەلبەستىگى ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى جەتەكشى ەتكەن، رۋحاني مازمۇنى اناعۇرلىم باي، نىسانالىق باعدارى اناعۇرلىم ايقىن، ارەكەت امالياتى اناعۇرلىم جالىندى. جۇڭگونىڭ حالىقارالىق دامۋ سەلبەستىگىنىڭ كولەمى ورنىقتى ارتۋدا ءارى ازياداعى، افريكاداعى دامىماعان مەملەكەتتەر مەن «ءبىر بەلدەۋ، ءبىر جول» بويىنداعى دامۋ ۇستىندەگى مەملەكەتتەرگە اناعۇرلىم كوبىرەك بەيىمدەلۋدە.
اق تىستى كىتاپتا مىنالار اتاپ كورسەتىلدى: «ءبىر بەلدەۋ، ءبىر جولدى» بىرگە كوركەيتۋ دارىپتەمەسى ورتاعا قويىلعاننان بەرى، جۇڭگو قاتىستى مەملەكەتتەردىڭ دامۋ قاجەتىنە نەگىزدەلە وتىرىپ، دامۋ سەلبەستىگىن بەلسەندى ورىستەتتى، ساياساتتى ۇشتاستىرۋدى تەرەڭدەتۋ، قۇرىلعىلاردى تۇتاستىرۋدى جەدەلدەتۋ، ساۋدانى ىركىلىسسىزدەندىرۋدى ىلگەرىلەتۋ، قارجىنى جالعاستىرۋدى جەبەۋ، حالىق تىلەگىن توعىستىرۋدى كۇشەيتۋ جاقتارىندا رول اتقارىپ، ءار ەل ءۇشىن دامۋ ءورىسىن جەتىلدىرىپ، وراي جاراتىپ، «ءبىر بەلدەۋ، ءبىر جولدى» بىرگە كوركەيتۋدى ساپالى دامىتۋدى ىلگەرىلەتتى.
اق تىستى كىتاپتا بىلاي دەلىنگەن: جۇڭگو دامۋ ۇستىندەگى باسقا مەملەكەتتەردىڭ كەدەيلىكتى ازايتۋ ىستەرىنە قولداۋ كورسەتۋ، اۋىل شارۋاشىلىعىنىڭ دامۋ ورەسىن جوعارىلاتۋ، وقۋ – اعارتۋدىڭ ادىلدىگىن ىلگەرىلەتۋ، نەگىزدىك قۇرىلعىلاردى جاقسارتۋ، ونەركاسىپتەندىرۋ اياق الىسىن ىلگەرىلەتۋ ارقىلى بىرلەسكەن مەملەكەتتەر ۇيىمىنىڭ 2030 – جىلعا دەيىنگى باياندى دامۋ كۇن ءتارتىبىن تياناقتاندىرۋدى ىلگەرىلەتۋ ءۇشىن بەلسەندى ۇلەس قوستى. جۇڭگو ورتاقتىق، جالپىلىق، سەلبەستىك، باياندىلىق سىندى حاۋىپسىزدىك كوزقاراسىندا تاباندى بولىپ، باسقا مەملەكەتتەرگە مۇمكىندىكتىڭ بارىنشا قولداۋ كورسەتىپ، زور سايىستارعا توتەپ بەرۋ مەن دۇنيە جۇزىلىك جونگە سالۋ جۇيەسىن كەمەلدەندىرۋگە جۇڭگو كۇش – قۋاتىن قوستى.
اق تىستى كىتاپتا بىلاي دەلىنگەن: جۇڭگو ءادىس - امال ۇيرەتۋ تانىمىندا تاباندى بولىپ، تەحنيكا جانە ادام كۇشى بايلىعىن اشۋ سەلبەستىگى قاتارلى جاقتاردا كومەكتەسۋ تەبىنىن ۇزدىكسىز ارتتىرىپ، كومەكتەسۋ مازمۇنىن ۇزدىكسىز بايىتپ، كومەكتەسۋ تاسىلىندە جاڭالىق جاراتىپ، دامۋ ۇستىندەگى ەلدەردىڭ قۋاتىن ارتتىرۋ قۇرىلىسىنا جۇڭگو تاجىريبەسى مەن جۇڭگو جوباسىن سيلادى؛ حالىقارالىق قۇرىلىمدار مەن ەكى جاقتى كومەكتەسۋشى جاقتارمەن بەلسەندىلىكپەن كەڭەس وتكىزىپ جانە اۋىس – كۇيىس جاساپ، اشىق تا ناقتى جۇمىس تىندىرۋ پوزيتسياسى بويىنشا ءۇشىنشى جاقپەن سەلبەسۋدى تالقىلادى ءارى ورىستەتتى، وسى ارقىلى حالىقارالىق دامۋ سەلبەستىگىنە تىڭ قوزعاۋشى كۇش قوستى.
اق تىستى كىتاپتا مىنالار اتاپ كورسەتىلگەن: جاڭا تيپتى ايدارشا ۆيرۋس وكپە قابىنۋ ىندەتى دۇنيە جۇزىندەگى ءار ەل حالقىنىڭ ءومىرىنىڭ حاۋىپسىزدىگى مەن دەنساۋلىعىنىڭ سالاماتتىلىعىنا اۋىر حاۋىپ ءتوندىرىپ، دۇنيە ءجۇزىنىڭ الەۋمەتتىك دەنساۋلىق ساقتاۋ ىستەرىنە زور سايىس الا كەلدى، بىرلەسكەن مەملەكەتتەر ۇيىمىنىڭ 2030 – جىلعا دەيىنگى باياندى دامۋ كۇن ءتارتىبىن تياناقتاندىرۋدىڭ مىندەتى اۋىر، جولى الىس. بولاشاققا كوز جىبەرسەك، جۇڭگو ادامزاتتىڭ تاعدىرلاس ورتاق تۇلعاسى تانىمىن ۇزدىكسىز جەتەكشى ەتىپ، ءادىل مۇددە كوزقاراسىن قۇن باعدارى ەتىپ، شاماسىنىڭ جەتكەنىنشە حالىقارالىق دامۋ سەلبەستىگىن بەلسەندى ورىستەتىپ، دۇنيە ءجۇزىنىڭ دامۋىنا جۇڭگو كۇش – قۋاتىن قوسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
