لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2021.01.11 16:10 كەلۋ قاينارى : حالىق تورابى
ەنەرگيانىڭ حاۋىپسىزدىگىن، ورنىقتىلىعىن، قامداۋىن قامتاماسىز ەتۋگە، بۇقارانىڭ قىستان قىسىلماي وتۋىنە كەپىلدىك ەتۋگە قاتىستى قىزمەتتەردى اناعۇرلىم ويداعىداي ىستەۋ جونىندە ورنالاستىرۋ جاسادى؛ «جۇڭحۋا حالىق رەسپۋبليكاسىنىڭ جۇقپالى اۋرۋدان ساقتانۋ جانە ونى ەمدەۋ زاڭىنا» وزگەرىس ەنگىزۋ قىزمەتىن بەلسەندىلىكپەن ىلگەرىلەتۋ جونىندە ورنالاستىرۋ جاساپ، جۇقپالى اۋرۋدان ساقتانۋ جانە ونى تىزگىندەۋ جۇيەسىن كەمەلدەندىرۋدى ىلگەرىلەتتى
شينحۋا اگەنتتىگى، 1 - ايدىڭ 8 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 1 - ايدىڭ 8 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ەنەرگيانىڭ حاۋىپسىزدىگىن، ورنىقتىلىعىن، قامداۋىن قامتاماسىز ەتۋگە، بۇقارانىڭ قىستان قىسىلماي وتۋىنە كەپىلدىك ەتۋگە قاتىستى قىزمەتتەردى اناعۇرلىم ويداعىداي ىستەۋ جونىندە ورنالاستىرۋ جاسادى؛ «جۇڭحۋا حالىق رەسپۋبليكاسىنىڭ جۇقپالى اۋرۋدان ساقتانۋ جانە ونى ەمدەۋ زاڭىنا» وزگەرىس ەنگىزۋ قىزمەتىن بەلسەندىلىكپەن ىلگەرىلەتۋ جونىندە ورنالاستىرۋ جاساپ، جۇقپالى اۋرۋدان ساقتانۋ جانە ونى تىزگىندەۋ جۇيەسىن كەمەلدەندىرۋدى ىلگەرىلەتتى.
ءماجىلىس بىلاي دەپ اتاپ كورسەتتى: قىس تۇسكەننەن بەرى كەڭ اۋماقتا تەمپەراتۋرانىڭ تومەندەۋى سياقتى كوپ ءتۇرلى فاكتوردىڭ ىقپالىنان بۇكىل ەل بويىنشا كومىردەن، ەلەكتردەن، گازدان پايدالانۋ قاجەتى بارىنشا جوعارىلادى. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، قاتىستى تاراۋلار كومىر، ەلەكتر، تابيعي گاز ءونىمىن ارتتىرىپ، قامداۋدى ارتتىرۋعا كۇش سالىپ، كومىردىڭ كۇندىك ءونىم مولشەرىن جوعارى دەڭگەيدە ساقتاپ، ەلەكتر شىعارۋ مولشەرى مەن گازبەن قامداۋ مولشەرىن تاريحتاعى ەڭ جوعارى دەڭگەيگە جەتكىزىپ، حالىق تۇرمىسى مەن ءتۇيىندى سۇرانىستى قامتاماسىز ەتتى. تاياۋدا كوپ جەردىڭ ەڭ تومەنگى تەمپەراتۋراسى ەستەلىككە الىنعاننان بەرگى تاريحي ءماندى جاڭالادى، قازىر 3 - توعىس باستالدى، اۋا رايى تاراۋلارىنىڭ مەجەلەۋىنشە، 1 - ايدىڭ ورتا شەنىندە تەمپەراتۋرا تاعى دا تومەندەيدى ەكەن. ءماجىلىس مىنانى تالاپ ەتتى: تەبىندى ارتتىرىپ، ەنەرگيامەن حاۋىپسىز، ورنىقتى قامتاماسىز ەتۋدى ويداعىداي ىستەپ، بۇقارانىڭ قىستان قىسىلماي ءوتۋىن الدىمەن ويلاستىرۋ كەرەك. كومىر، ەلەكتر، گازدىڭ قايسىسى قولايلى بولسا، سونى پايدالانىپ، بۇقارانىڭ، اسىرەسە، سولتۇستىك وڭىرلەردەگى بۇقارانىڭ جىلۋمەن، ەنەرگيامەن قامتاماسىز ەتىلۋىن ۇزدىكسىز ويداعىداي ىستەۋ كەرەك. ءبىرىنشى، گاز الاپتارىنىڭ حاۋىپسىز، تولىق كوتەرىمدىلىك نەگىزىندەگى ءوندىرىسىن ۇيىمداستىرىپ، گاز ساقتاۋ قۇرىلعىلارىنىڭ شۇعىل جاعدايعا توتەپ بەرۋ، قامتاماسىز ەتۋ رولىن تولىق ساۋلەلەندىرىپ، ورنالاستىرۋدى، سايكەستىرۋدى كۇشەيتىپ، شارت - جاعدايى بار وڭىرلەردىڭ جىلۋمەن، گازبەن قامداۋىن ءونىمدى قامتاماسىز ەتۋ كەرەك. ەكىنشى، كومىر وندىرەتىن نەگىزگى رايوندار مەن ءتۇيىندى كاسىپورىنداردى حاۋىپسىزدىككە كەپىلدىك ەتۋ العى شارتىندا كومەسكى كۇشتەردى اشىپ، ءونىمدى ارتتىرۋعا قۋزاپ، تاسىمال قۋاتىن قامتاماسىزداندىرۋدى كۇشەيتىپ، زاپاس قوردى تارتىپپەن ىسكە قوسىپ، كوپ ءتۇرلى شارانى قاتار قولدانىپ، كومىر جاعىنداعى قامداۋ مەن قاجەتسىنۋدىڭ تەپە - تەڭدىگىن ساقتاۋ كەرەك. ءۇشىنشى، كوپ ءتۇرلى ەلەكتر كوزىن اشىپ، قاۋىرت مەزگىلدەگى ەلەكتر سۇرانىسىنا توتەپ بەرۋدى ويداعىداي ورنالاستىرىپ، ەلەكترمەن قامداۋدى قامتاماسىزداندىرۋ قۋاتىن جوعارىلاتىپ، ءتۇيىندى وڭىرلەردىڭ سىرتقا ەلەكتر جەتكىزۋىنە قولداۋ كورسەتۋدى كۇشەيتىپ، ەلەكتر قۋاتىنىڭ ارتىق - كەمىن ءوزارا سايكەستىرۋدى ويداعىداي ىستەۋ كەرەك. ءتورتىنشى، ءار جاقتىڭ قامداۋعا كەپىلدىك ەتۋ جاۋاپكەرلىگىن ناقتىلاندىرىپ، كومىر، ەلەكتر، تابيعي گازبەن قامداۋدى توقتام بويىنشا قاتاڭ قامتاماسىز ەتۋگە قۋزاپ، ءوندىرىس حاۋىپسىزدىگىن باقىلاۋ - باسقارۋدى كۇشەيتىپ، باعا جاعىنداعى زاڭعا، بەلگىلەمەگە قايشى ارەكەتتەردى دەر كەزىندە تەكسەرىپ ءبىر جاقتى ەتۋ كەرەك. بەسىنشى، ەنەرگيامەن قامداۋعا كەپىلدىك ەتۋدىڭ باياندى مەحانيزمىن كەمەلدەندىرىپ، ەنەرگيا ءوندىرۋ، قامداۋ، ساقتاۋ، ساتۋ جۇيەسى قۇرىلىسىن جاپپاي كۇشەيتىپ، گاز ساقتاۋ، كومىر ساقتاۋ قۇرىلعىلارى مەن شۇعىل جاعدايعا توتەپ بەرەتىن زاپاس ەلەكتر قاينارى قۇرىلىسىن جەدەلدەتىپ، كومىر ەلەكترىنىڭ قاۋىرت مەزگىلدە ەلەكتردەن پايدالانۋداعى تىرەكتىك رولىن عىلمي ساۋلەلەندىرىپ، ەنەرگيا حاۋىپسىزدىگىن شىنايى قامتاماسىز ەتۋ كەرەك. ءماجىلىس مىنالاردى دارىپتەدى: بۇقارانى جىلۋمەن قامداۋ كىشى - گىرىم ءىس ەمەس. حالىق تۇرمىسىنا پايدالانىلاتىن گاز، ەلەكتر، كومىردى، ءسوز جوق، شىنايى قامتاماسىز ەتۋ كەرەك، قامداۋدى قاساقانا ءۇزىپ تاستاۋ جايتىنە استە جول بەرىلمەيدى، سونداي - اق باقىلاۋ - قۋزاۋ، تەكسەرۋ تەبىنىن ارتتىرىپ، بايقالعان ماسەلەلەردى دەر كەزىندە ۇتىمدى ءبىر جاقتى ەتىپ، حالىق بۇقاراسىنىڭ قىستان قىسىلماي وتۋىنە كەپىلدىك ەتۋ كەرەك.
ءماجىلىس بىلاي دەپ اتاپ كورسەتتى: جۇقپالى اۋرۋدان ساقتانۋ جانە ونى ەمدەۋدى كۇشەيتۋ قالىڭ بۇقارانىڭ باس اماندىعى مەن دەنساۋلىعىنا، مەملەكەتتىڭ حاۋىپسىزدىگى مەن قوعامنىڭ ورنىقتىلىعىنا سايادى. حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ امالياتىمەن ۇشتاستىرىپ، قاتىستى زاڭداردى دەر كەزىندە كەمەلدەندىرىپ، جۇقپالى اۋرۋدان ساقتانۋ جانە ونى ەمدەۋدى زاڭمەن جونگە سالۋ جاعىنان اناعۇرلىم پارمەندى قامتاماسىز ەتۋ كەرەك. ءماجىلىس مىنالاردى تالاپ ەتتى: زاڭ شىعارۋ جوسپارى بويىنشا، «جۇڭحۋا حالىق رەسپۋبليكاسىنىڭ جۇقپالى اۋرۋدان ساقتانۋ جانە ونى ەمدەۋ زاڭىنا» وزگەرىس ەنگىزۋدى بەلسەنە ىلگەرىلەتۋ، سونىمەن بىرگە، قاتىستى زاڭ - ەرەجەگە، تۇزىمگە وزگەرىس ەنگىزۋ قىزمەتىمەن ۇشتاستىرۋدى ىلگەرىلەتۋ كەرەك. جۇقپالى اۋرۋدان ساقتانۋ جانە ونى ەمدەۋدە قىزمەت مەحانيزمىن كەمەلدەندىرۋدى كورنەكتىلەندىرىپ، ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ، باقىلاۋ، ساقتاندىرۋ، مالىمدەۋ جانە اشىق جاريالاۋ ءتۇزىمىن جاقسارتىپ، جۇقپالى اۋرۋدىڭ ءتۇرىن تۇراقتاندىرۋ جانە شۇعىل باسقارۋ، تىزگىندەۋ شارالارى سياقتى بەلگىلەمەلەردى كەمەلدەندىرىپ، جۇقپالى اۋرۋدى ەمدەۋ، قۇتقارۋ جۇيەسىن اقاۋسىزداندىرىپ، جۇقپالى اۋرۋدى ەمدەۋگە قىزمەت وتەۋ تورابى قۇرىلىسىن كۇشەيتۋ ءارى زاڭعا قايشى ارەكەتتەرگە بايلانىستى جاۋاپكەرلىكتى قۋزاۋ تەبىنىن ارتتىرۋ كەرەك. زاڭعا وزگەرىس ەنگىزىلىپ، كەمەلدەندىرىلگەننەن ءارى ءار جاقتىڭ پىكىرى تىڭدالعاننان كەيىن، ءتارتىپ بويىنشا مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا ۇسىنىلادى.
ءماجىلىس مىنانى دارىپتەدى: تاياۋدا ەل ىشىندە كوپتەگەن جەردە جاڭا تيپتى ايدارشا ۆيرۋس وكپە قابىنۋى اندىزداپ بايقالدى، ءتىپتى ءىشىنارا شوعىرلى جۇعىمدالۋ ءجايتى دە جارىققا شىقتى، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋى بويىنشا ساقتانۋ - تىزگىندەۋ قىزمەتىن ۇزدىكسىز ويداعىداي يگەرۋ كەرەك. مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى جەرگىلىكتى ورىندار مەن قاتىستى جاقتارعا جەتەكشىلىك ەتۋدى، سايكەسۋدى كۇشەيتىپ، «تورتتە ەرتە بولۋدان» جازباي، باقىلاۋ - ولشەۋ، ساقتاندىرۋ، نۋكلەين قىشقىلىن تەكسەرۋ، اۋاشالاپ باسقارۋ - مەڭگەرۋ، ەمدەۋ - قۇتقارۋ، تەكسەرۋ - رەتتەۋ، قاينارىن تەكتەۋ سياقتى قىزمەتتەردى كۇشەيتىپ، شۇعىل جاعدايعا توتەپ بەرۋ، ءبىر جاقتى ەتۋ مەحانيزمىن اقاۋسىزداندىرىپ، شىندىقتى ءىس جۇزىنەن ىزدەپ، ينفورماتسيانى اشىق جاريالاپ، ىندەتتىڭ تارالۋىن باتىل تەجەۋى كەرەك.
ءماجىلىس باسقا دا ىستەردى اقىلداستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
