پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنىپ، باتىل دايەكتىلەندىرىپ، سوتسياليستىك وسىزاماندانعان مەملەكەتتى جاپپاي قۇرۋدىڭ باستاماسىن جاقسى اشۋعا شىنايى كەپىلدىك ەتۋ كەرەك

لي كىچياڭ ءماجىلىستى باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان ماجىلىسكە قاتىناستى

2021.01.12 15:06 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　«حالىق گازەتى»، 1 - ايدىڭ 11 – كۇنى، بەيجيڭ (ءتىلشى جاڭ ياڭ). ولكە، مينيسترلىك دارەجەلى نەگىزگى باسشى كادرلاردىڭ پارتيا 19 – كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ – تالقىلاۋ كۋرسى 1 - ايدىڭ 11 – كۇنى تۇستەن بۇرىن ورتالىق پارتيا مەكتەبىندە (مەملەكەتتىك اكىمشىلىك شۋەيۋانى) ساباق باستادى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وقۋ باستاۋ سالتىندا ماڭىزدى ءسوز سويلەپ بىلاي دەپ دارىپتەدى: جاڭا دامۋ كەزەڭىنە قادام تاستاپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرۋ ەلىمىزدىڭ ەكونوميكالىق، قوعامدىق دامۋىنىڭ نازاريالىق لوگيكاسى، تاريحي لوگيكاسى، رەال لوگيكاسى جاعىنان بەلگىلەنگەن. جاڭا دامۋ ساتىسىنا قادام تاستاۋ ەلىمىز دامۋىنىڭ تاريحي ورنىن ايقىندادى، جاڭا دامۋ ۇستانىمىن دايەكتىلەندىرۋ ەلىمىزدىڭ وسىزامانداندىرۋ قۇرىلىسىنىڭ جەتەكشى پرينسيبىن ايقىندادى، جاڭا دامۋ جاعدايىن قالىپتاستىرۋ ەلىمىز ەكونوميكاسىن وسىزامانداندىرۋدىڭ جول تاڭداۋىن ايقىندادى. پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنىپ، باتىل دايەكتىلەندىرىپ، جاڭا دامۋ كەزەڭىن دۇرىس يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، جاڭا دامۋ جاعدايىن جەدەل قالىپتاستىرىپ، «14 - بەسجىلدىق» جوسپار مەزگىلىندەگى ساپالى دامۋدى ىلگەرىلەتىپ، سوتسياليستىك وسىزاماندانعان مەملەكەتتى جاپپاي قۇرۋ ءۇشىن جاقسى باستاما اشىپ، تىڭعىلىقتى قادام تاستاۋعا كەپىلدىك ەتۋ كەرەك.

　　ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى لي كىچياڭ ساباق باستاۋ سالتىن باسقاردى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، مەملەكەت ءتوراعاسىنىڭ ورىنباسارى ۋاڭ چيشان ساباق باستاۋ سالتىنا قاتىناستى.

　　شي جينپيڭ بىلاي دەپ اتاپ كورسەتتى: پارتيا مەن حالىق ىستەرىنىڭ تاريحي ورنى مەن دامۋ كەزەڭىن دۇرىس تانۋ − پارتيامىزدىڭ كەزەڭدىك وزەكتى مىندەتتى ايقىنداپ، لۋشيان، باعىت، ساياساتتاردى بەلگىلەۋىنىڭ ءتۇبىرلى نەگىزى، سونداي - اق پارتيامىزدىڭ توڭكەرىسكە، قۇرىلىسقا، رەفورماعا باسشىلىق ەتىپ، ۇزدىكسىز جەڭىسكە جەتۋدەگى ماڭىزدى تاجىريبەسى. پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە مىنالار العا قويىلدى: جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىرعاننان كەيىن، ءبىز قولايلى ساتتەن پايدالانىپ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، ەكىنشى 100 جىلدىق كۇرەس نىساناسىنا جورىق جاساۋىمىز كەرەك، بۇل ەلىمىزدىڭ جاڭا دامۋ كەزەڭىنە وتكەنىن كورسەتەدى. مۇنداي ستراتەگيالىق تۇجىرىم جاساۋدىڭ تەرەڭ نەگىزى بار. جاڭا دامۋ ساتىسى − سوتسياليزمنىڭ العاشقى كەزەڭىندەگى ءبىر كەزەڭ، سونىمەن بىرگە، سونىڭ ىشىندەگى نەشە ون جىلدىق قور توپتاۋ ارقىلى جاڭا باستامادا تۇرعان كەزەڭ. جاڭا دامۋ كەزەڭى − پارتيامىزدىڭ حالىقتى باستاپ ەڭسە كوتەرۋدەن، بايۋدان قۇدىرەتتەنۋگە دەيىنگى تاريحي سەكىرىستى قارسى الاتىن جاڭا كەزەڭى. جاڭا جۇڭگو قۇرىلعاننان بەرى، اسىرەسە، رەفورما جاساپ، ەسىك اشقان 40 نەشە جىلدان بەرى قاجىماي - تالماي كۇرەس جۇرگىزۋ ارقىلى ءبىز جاڭا ساپاردى باستاپ، جاڭا، اناعۇرلىم جوعارى نىسانانى جۇزەگە اسىرۋدىڭ مىعىم زاتتىق نەگىزىنە يە بولدىق. جاڭا جۇڭگو قۇرىلعاننان كەيىن كوپ وتپەي، پارتيامىز سوتسياليستىك وسىزاماندانعان مەملەكەت قۇرۋ نىساناسىن العا قويدى، الداعى 30 جىل وسى تاريحي ۇلى ارماندى ورىندايتىن جاڭا دامۋ كەزەڭى بولماق.

　　شي جينپيڭ مىنالاردى دارىپتەدى: جاڭا دامۋ كەزەڭى − ەلىمىزدىڭ سوتسياليستىك دامۋ اياق الىسىنداعى ماڭىزدى كەزەڭ. سوتسياليزمنىڭ العاشقى ساتىسى تىنىش كۇيدەگى، وزگەرمەيتىن، توقىراپ العا باسپايتىن كەزەڭ ەمەس، ستيحيالى، ىرىقسىز، كوپ كۇش جۇمساماي - اق تابيعي تۇردە وتۋگە بولاتىن كەزەڭ دە ەمەس، قايتا قوزعالىس كۇيىندەگى، بەلسەندى دە ىسكەر بولۋدى تالاپ ەتەتىن، باستان - اياق تاسقىنداعان ومىرشەڭدىك كۇشكە تولى بارىس، ساتىلى ىلگەرىلەۋ، ۇزدىكسىز دامىپ العا باسۋ، ساپاعا كۇن سايىن جاقىنداعان شامانىڭ توپتالۋ جانە دامۋ، وزگەرۋ بارىسى. جاپپاي سوتسياليستىك وسىزاماندانعان مەملەكەت قۇرۋ، سوتسياليستىك وسىزامانداندىرۋدى نەگىزىنەن جۇزەگە اسىرۋ − ءارى سوتسياليزمنىڭ العاشقى كەزەڭىندەگى ەلىمىز دامۋىنىڭ تالابى، ءارى ەلىمىز سوتسياليزمىنىڭ العاشقى كەزەڭىنەن اناعۇرلىم جوعارى كەزەڭىنە قادام تاستاۋىنىڭ تالابى.

　　شي جينپيڭ بىلاي دەپ اتاپ كورسەتتى: بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، ءبىراق ۋاقىت پەن اۋقىم بىزگە قولايلى بولىپ تۇر، بۇل − ءبىزدىڭ تۇراقتىلىعىمىزدىڭ جانە كۇش - جىگەرىمىزدىڭ تياناعى، سونداي - اق ءبىزدىڭ بەكىمىمىز بەن سەنىمىمىزدىڭ تياناعى. سونىمەن بىرگە، مىنانى دا سەرگەكتىكپەن كورە ءبىلۋىمىز كەرەك: قازىر جانە بۇدان بىلايعى ءبىر مەزگىلدە ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇرعانىمەن، وراي مەن سىن - سايىستا تىڭ دامۋ وزگەرىسى بولادى، وراي مەن سىن - سايىستىڭ كوبى بۇرىن بولماعان، جالپى تۇلعالىق وراي سايىستان كوپ. بۇكىل پارتيا، ءسوز جوق، ۇزدىكسىز كىشپەيىل، بايسالدى بولىپ، قاجىرلىلىقپەن كۇرەس جۇرگىزىپ، جۇمىلدىرۋعا بولاتىن بارلىق بەلسەندى فاكتوردى جۇمىلدىرىپ، ىنتىماقتاسۋعا بولاتىن بارلىق كۇشپەن ىنتىماقتاسىپ، ءوز ءىسىمىزدى بار كۇشپەن ويداعىداي ىستەپ، بەلگىلەنگەن نىسانامىزدى قاجىماي - تالماي جۇزەگە اسىرۋىمىز كەرەك.

　　شي جينپيڭ بىلاي دەپ دارىپتەدى: پارتيامىزدىڭ حالىققا باسشىلىق ەتىپ، ەل باسقارۋداعى ەڭ ماڭىزدى ءبىر جاعى قانداي دامۋدى جۇزەگە اسىرۋ، دامۋدى قالاي جۇزەگە اسىرۋ سىندى كەلەلى ماسەلەگە ويداعىداي جاۋاپ بەرۋى بولىپ تابىلادى. ۇستانىم − ارەكەتتىڭ جەتەكشىسى، بەلگىلى دامۋ امالياتىنا بەلگىلى دامۋ ۇستانىمى جەتەكشىلىك ەتەدى. دامۋ ۇستانىمىنىڭ دۇرىس - بۇرىستىعى دامۋدىڭ ونىمدىلىگىن، ءتىپتى جەڭىس - جەڭىلىسىن تۇبىرىنەن بەلگىلەيدى. پارتيانىڭ 18 - قۇرىلتايىنان بەرى پارتيامىز ەكونوميكالىق جاعدايعا عىلمي تۇجىرىم جاساپ، ەكونوميكالىق، قوعامدىق دامۋ جونىندە كوپتەگەن كەلەلى نازاريا مەن ۇستانىمدى العا قويىپ، دامۋ ۇستانىمى مەن وي جەلىسىنە دەر كەزىندە رەتتەۋ جۇرگىزدى، مۇنىڭ ىشىندە جاڭا دامۋ ۇستانىمى − ەڭ ماڭىزدىسى، ەڭ باستىسى، سول ارقىلى ەلىمىزدىڭ ەكونوميكالىق دامۋىنا جەتەكشىلىك ەتىلىپ، تاريحي جەتىستىكتەرگە قول جەتكىزىلىپ، تاريحي وزگەرىستەر جارىققا شىعارىلدى. جاڭا دامۋ ۇستانىمى − جۇيەلى نازاريالىق جۇيە، وندا دامۋدىڭ ماقساتى، قوزعاۋشى كۇشى، ءتاسىلى، جولى سياقتى ءبىرقىدىرۋ نازاريالىق جانە امالياتتىق ماسەلەگە جاۋاپ بەرىلىپ، پارتيامىزدىڭ دامۋ جونىندەگى ساياسي مايدانى، قۇن بەتالىسى، دامۋ ۇلگىسى، دامۋ جولى سياقتى كەلەلى ساياسي ماسەلەلەر پايىمدالدى.

　　شي جينپيڭ مىنالاردى اتاپ كورسەتتى: بۇكىل پارتيا، ءسوز جوق، جاڭا دامۋ ۇستانىمىن تولىق، دۇرىس، جاپپاي دايەكتىلەندىرۋى كەرەك. ءبىرىنشى، ءتۇبىرلى ماقسات تۇرعىسىنان جاڭا دامۋ ۇستانىمىن يگەرۋ كەرەك. حالىق − پارتيامىزدىڭ بيلىك جۇرگىزۋىنىڭ ەڭ تەرەڭ نەگىزى جانە ەڭ ۇلكەن تىرەگى. حالىقتىڭ باقىتىن، ۇلتتىڭ گۇلدەنۋىن كوزدەۋ − پارتيامىزدىڭ وسىزامانداندىرۋ قۇرىلىسىنا باسشىلىق ەتۋىنىڭ شىعار ءتۇيىنى جانە تابان تىرەر تياناعى، سونداي - اق جاڭا دامۋ ۇستانىمىنىڭ «تامىرى» جانە «جانى». حالىقتى وزەك ەتكەن دامۋ يدەياسىندا تاباندى بولىپ، دامۋدا حالىقتى كوزدە ۇستاۋدا، دامۋدا حالىققا سۇيەنۋدە، دامۋ جەتىستىكتەرىنەن حالىقتى ورتاق يگىلىكتەندىرۋدە تاباندى بولعاندا عانا دۇرىس دامۋ كوزقاراسى، وسىزامانداندىرۋ كوزقاراسى بولادى. بىرگە اۋقاتتانۋدى جۇزەگە اسىرۋ ەكونوميكالىق ماسەلە عانا ەمەس، ونىڭ ۇستىنە پارتيانىڭ بيلىك جۇرگىزۋ نەگىزىنە قاتىستى كەلەلى ساياسي ماسەلە. قاجەت پەن مۇمكىندىكتى ءبىر تۇتاس ويلاستىرىپ، ەكونوميكالىق، قوعامدىق دامۋدىڭ زاڭدىلىعى بويىنشا بىرتىندەپ ىلگەرىلەپ، وڭىرلىك پارىق، قالا مەن اۋىلدىڭ پارقى، كىرىس پارقى سياقتى ماسەلەلەردى سانالى، ىرىقتى تۇردە شەشىپ، حالىق بۇقاراسىنىڭ تابىس، باقىت، حاۋىپسىزدىك سەزىمىن ۇزدىكسىز كۇشەيتۋ كەرەك. ەكىنشى، ماسەلەنى نىشان ەتۋ تۇرعىسىنان جاڭا دامۋ ۇستانىمىن يگەرۋ كەرەك. ەلىمىزدىڭ دامۋى جاڭا تاريحي باستامادا تۇر، جاڭا دامۋ ساتىسىنداعى جاڭا تالاپقا ساي، ماسەلەنى نىشان ەتۋدەن جازباي، جاڭا دامۋ ۇستانىمىن اناعۇرلىم دالمە - ءدال دايەكتىلەندىرىپ، اناعۇرلىم دالمە - ءدال، ناقتى شارالار قولدانىپ، دامۋدىڭ بىركەلكى، تولىق بولماۋى ماسەلەسىن شىن مانىندە ويداعىداي شەشىپ، ساپالى دامۋدى شىن مانىندە جۇزەگە اسىرۋ كەرەك. ءۇشىنشى، تاۋقىمەت تانىمى تۇرعىسىنان جاڭا دامۋ ۇستانىمىن يگەرۋ كەرەك. ەلىمىز قوعامىنداعى باستى قايشىلىقتىڭ وزگەرۋى مەن حالىقارالىق كۇشتەر سالىستىرماسىنىڭ تەرەڭ رەتتەلۋىنە بايلانىستى، ءسوز جوق، تاۋقىمەت تانىمىن كۇشەيتىپ، تومەنگى شەكتە ويلاۋدا تاباندى بولىپ، اناعۇرلىم كۇردەلى، قيىن جاعدايعا توتەپ بەرۋگە قاي - قاشان دا دايىن تۇرۋ كەرەك. ساياسي حاۋىپسىزدىكتىڭ، حالىق حاۋىپسىزدىگىنىڭ، مەملەكەت مۇددەسىن بارىنەن جوعارى قويۋدىڭ ورگانيكالى بىرلىگىندە تاباندى بولىپ، ءارى كۇرەس جۇرگىزۋگە باتىل، ءارى كۇرەس جۇرگىزۋگە شەبەر بولىپ، ءوزىمىزدى جاپپاي الۋەتتەندىرۋىمىز كەرەك.

　　شي جينپيڭ مىنالاردى دارىپتەدى: ەل ىشىندەگى ءىرى اينالىمدى نەگىزگى تۇلعا ەتكەن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ جاعدايىن جەدەل ورناتۋ − «14 - بەسجىلدىق» جوسپار «ۇسىنىسىندا» العا قويىلعان ەلىمىز دامۋىنىڭ جالپى جاعدايىنا ساياتىن كەلەلى ستراتەگيالىق مىندەت، ونى جالپى جاعداي تۇرعىسىنان دۇرىس يگەرۋگە جانە بەلسەندىلىكپەن ىلگەرىلەتۋگە تۋرا كەلەدى. ءوزىن تياناق ەتىپ، ەل ىشىندەگى ۇلكەن اينالىمدى ىركىلىسسىزدەندىرگەندە عانا حالىقارالىق اۋمالى - توكپەلى جاعدايعا توتەپ بەرىپ، باستان - اياق جالىندى بەينەمەن ءومىر سۇرۋگە جانە دامۋعا بولادى. بولجاۋعا بولاتىن جانە بولجاۋعا بولمايتىن داۋىلدى نوسەردە، اساۋ تولقىنداردا تىرشىلىك قۋاتىمىزدى، باسەكەلىك قۋاتىمىزدى، دامۋ قۋاتىمىزدى، باياندىلىق كۇشىمىزدى نىعايتۋىمىز كەرەك.

　　شي جينپيڭ مىنالاردى اتاپ كورسەتتى: جاڭا دامۋ جاعدايىن ورناتۋدىڭ تەتىگى ەكونوميكالىق اينالىمنىڭ كەدەرگىسىز بولۋىندا. قامداۋ جاعىنداعى قۇرىلىمدىق رەفورمانى تەرەڭدەتۋ سىندى نەگىزگى جەلىدە، ءسوز جوق، تاباندى بولىپ، «ءۇشتى ازايتۋ، ءبىردى تومەندەتۋ، ءبىردى تولىقتاۋ» ماڭىزدى مىندەتىن ۇزدىكسىز ورىنداپ، كاسىپ قۇرىلىمىن جاپپاي ساپالىلاندىرىپ، دارەجەسىن جوعارىلاتىپ، جاڭالىق اشۋ قابىلەتىن، باسەكەلىك قۋاتتى جانە جالپىلىق قۋاتتى جوعارىلاتىپ، قامداۋ جۇيەسىنىڭ توزىمدىلىگىن كۇشەيتىپ، اناعۇرلىم جوعارى ءونىمدى جانە اناعۇرلىم ساپالى ۇسىنىلىم - ءوندىرۋ قاتىناسىن قالىپتاستىرىپ، ەكونوميكانىڭ جوعارى دەڭگەيدەگى اۋقىمدىق تەپە - تەڭدىگىن جۇزەگە اسىرۋ كەرەك. جاڭا دامۋ جاعدايىن قالىپتاستىرۋدىڭ ەڭ ماندىك ەرەكشەلىگى − جوعارى دەڭگەيلى ءوز كۇشىنە سۇيەنىپ ءوزىن الۋەتتەندىرۋدى جۇزەگە اسىرۋ، مۇندا دەربەس جاڭالىق اشۋدى اناعۇرلىم دارىپتەپ، عىلىم - تەحنيكادا جاڭالىق اشۋ جونىندەگى ورنالاستىرۋلاردى جاپپاي كۇشەيتىپ، ابزال بايلىقتى توپتاپ، جاڭالىق اشۋدان قامال الۋدىڭ باستاماشىلارى بولۋ ءتۇزىلىس، مەحانيزمىن پارمەندى، ءتارتىپتى ىلگەرىلەتىپ، جاڭالىق اشۋ تىزبەگى مەن كاسىپ تىزبەگىن ۇشتاستىرۋدى كۇشەيتۋ كەرەك. ىشكى سۇرانىمدى ۇلعايتۋدىڭ ءونىمدى ءتۇزىمىن ورناتىپ، ىشكى سۇرانىمنىڭ كومەسكى كۇشىن اشىپ، ىشكى سۇرانىم جۇيەسىن جەدەل جەتىلدىرىپ، سۇرانىس جاعىنداعى باسقارۋدى كۇشەيتىپ، تۇرعىنداردىڭ تۇتىنۋىن كەڭەيتىپ، تۇتىنۋ دەڭگەيىن جوعارىلاتىپ، ەرەكشە كەڭ كولەمدى ىشكى بازار قۇرۋدى باياندى تاريحي بارىسقا اينالدىرۋ كەرەك. جاڭا دامۋ جاعدايىن قالىپتاستىرىپ، جوعارى دەڭگەيدە سىرتقا ەسىك اشۋ ءۇشىن، ءسوز جوق، ەل ىشىندەگى وراسان مىعىم ەكونوميكالىق اينالىم جۇيەسى مەن بەرىك نەگىزگى تاعاندى ازىرلەۋ كەرەك. ەلىمىزدىڭ حالىقارالىق سەلبەستىككە جانە باسەكەگە قاتىناسۋداعى جاڭا ابزالدىعىن سومداپ، حالىقارالىق اينالىم ارقىلى ەل ىشىندەگى ءىرى اينالىم ونىمدىلىگى مەن ورەسىن جوعارىلاتۋعا ءمان بەرىپ، ەلىمىزدىڭ ءوندىرىس فاكتورلارىنىڭ ساپاسى مەن ورنالاسۋ دەڭگەيىن جاقسارتىپ، ەلىمىز شارۋاشىلىعىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتۋ كەرەك.

　　شي جينپيڭ بىلاي دەپ دارىپتەدى: پارتيانىڭ سوتسياليستىك وسىزامانداندىرۋ قۇرىلىسىنا جاپپاي باسشىلىعىن كۇشەيتۋ كەرەك. پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن دايەكتىلەندىرۋدى، تياناقتاندىرۋدى پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن دايەكتىلەندىرۋمەن، تياناقتاندىرۋمەن تىعىز ۇشتاستىرىپ، مەملەكەتتى جونگە سالۋ جۇيەسى مەن جونگە سالۋ قۋاتىن وسىزامانداندىرۋدى ۇزدىكسىز ىلگەرىلەتىپ، پارتيانىڭ سوتسياليستىك وسىزامانداندىرۋ قۇرىلىسىنا باسشىلىعىنىڭ فۋنكتسيالىق سەپتەلۋى جاعىندا اناعۇرلىم عىلمي، ۇيلەسىمدى بولۋىن، ءتۇزىلىس، مەحانيزم جاعىندا اناعۇرلىم كەمەلدەنۋىن، جۇمىس جۇرگىزۋدىڭ، باسقارۋدىڭ اناعۇرلىم ءونىمدى بولۋىن ىلگەرىلەتۋ كەرەك. پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە ماقۇلدانعان «14 - بەسجىلدىق» جوسپار «ۇسىنىس» جونىنەن ءار دارەجەلى باسشى كادرلار، اسىرەسە، جوعارى دارەجەلى كادرلار قاز - قالپىندا ۇيرەنىپ، ءبىر - بىرلەپ ءتۇسىنىپ، جالپى تۇلعالىق جاقتان يگەرۋ العى شارتىندا، ماڭىزدى تۇيىندەر مەن جاڭالىق اشۋ تۇيىندەرىن كورنەكتى تۇردە ءتۇسىنىپ، نازاريانى امالياتپەن ۇشتاستىرۋ سىندى تاماشا ۇيرەنۋ ستيلىن ساۋلەلەندىرىپ، قازىرگى جاعدايدى تياناق ەتىپ، ۇزاق بولاشاقتى كوزدە ۇستاپ، قىزمەت بەلسەندىلىگىن، ىرىقتىلىعىن، جاسامپازدىعىن كۇشەيتۋى كەرەك. ءار دارەجەلى باسشى كادرلار، اسىرەسە، جوعارى دارەجەلى كادرلار، ءسوز جوق، جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە ءجۇز جىلدان بەرى بولماعان زور وزگەرىستى تياناق ەتىپ، «مەملەكەت تىرەگى» بولۋدى كوكەيىندە ساقتاپ، ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن ۇزدىكسىز جوعارىلاتىپ، جاڭا دامۋ كەزەڭىن يگەرۋ، جاڭا دامۋ ۇستانىمىن دايەكتىلەندىرۋ، جاڭا دامۋ جاعدايىن ورناتۋ ساياسي قابىلەتىن، ستراتەگيالىق كوز اياسىن، كاسىپتىك ورەسىن ۇزدىكسىز جوعارىلاتىپ، باتىلدىقپەن جاۋاپكەرلىك ارقالاپ، شەبەرلىكپەن ءىس تىندىرىپ، پارتيا ورتالىق كوميتەتىنىڭ شەشىم، ورنالاستىرۋلارىن ويداعىداي دايەكتى تياناقتاندىرۋى كەرەك.

　　لي كىچياڭ ساباق باستاۋ سالتىن باسقارعاندا مىنانى اتاپ كورسەتتى: باس شۋجي شي جينپيڭ ماڭىزدى سوزىندە نازاريا مەن امالياتتى، تاريح پەن رەالدىقتى، ەل ءىشى مەن حالىقارانى ۇشتاستىرۋ تۇرعىسىنان، جاڭا دامۋ ساتىسىنا قادام تاستاۋدىڭ نازاريالىق نەگىزىنە، تاريحي نەگىزىنە، رەال نەگىزىنە تالداۋ جاسادى، جاڭا دامۋ ۇستانىمىن ىشكەرىلەي دايەكتىلەندىرۋدىڭ جاڭا تالاپتارىن پايىمدادى، جاڭا دامۋ جۇيەسىن قۇرۋدى تەزدەتۋدىڭ نەگىزگى قامال الۋ باعىتىن ايقىندادى، بۇل بۇكىل پارتيانىڭ، اسىرەسە، جوعارى دارەجەلى كادرلاردىڭ يدەيانى ونان ارى بىرلىككە كەلتىرىپ، دەڭگەيدى جوعارىلاتىپ، كوز اياسىن كەڭەيتۋىندە، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جاپپاي سوتسياليستىك وسىزاماندانعان مەملەكەت قۇرۋدا جاقسى باستاما اشىپ، تىڭعىلىقتى قادام تاستاۋعا كەپىلدىك ەتۋدە كەلەلى دە تەرەڭ جەتەكشىلىك مانگە يە. ىشكەرىلەي ۇيرەنىپ، ءتۇسىنىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا ورتالىق كوميتەتىنىڭ رۋحىن ۇيرەنۋمەن ۇشتاستىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، ۇيرەنگەندى كادەگە جاراتىپ، ءبىلىم مەن ارەكەتتى ۇشتاستىرىپ، پارتيا ورتالىق كوميتەتىنىڭ «14 - بەسجىلدىق» مەزگىلىندەگى دامۋ جونىندەگى كەلەلى شەشىم، ورنالاستىرۋلارىنىڭ ناقتاپ تياناقتانۋىن شىن مانىندە ىلگەرىلەتۋ كەرەك.

　　ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ پارتيالى ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ پارتيالى ورىنباسار ءتوراعالارى جانە ورتالىق اسكەري ىستەر كوميتەتىنىڭ مۇشەلەرى كۋرستىڭ باستالۋ سالتىنا قاتىناستى.

　　ولكە، اۆتونوميالى رايون، توتە قاراستى قالالارداعى جانە شينجياڭ ءوندىرىس - قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى نەگىزگى جاۋاپتى جولداستار، ارميانىڭ ءىرى ورىندارىنداعى، ورتالىق اسكەري ىستەر كوميتەتى ورگانىنىڭ تاراۋلارىنداعى نەگىزگى جاۋاپتى جولداستار كۋرسقا قاتىناستى. دەموكراتيالىق پارتيا - توپتاردىڭ ورتالىق كوميتەتتەرىندەگى، مەملەكەتتىك ساۋداگەرلەر - ونەركاسىپشىلەر بىرلەستىگىندەگى جانە قاتىستى جاقتارداعى جاۋاپتى جولداستار كۋرستىڭ باستالۋ سالتىنا سىرتتاي قاتىناستى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

قازاقستاننىڭ ۇلى اقىنى اباي شىعارمالارى…

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved