شي جينپيڭ تەلەگرامما جولداپ جين جىڭ - ىننىڭ چاۋشيان ەڭبەك پارتياسىنىڭ باس شۋجيى بولىپ سايلانعانىن قۇتتىقتادى
2021.01.12 15:12 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 11 - كۇنى، بەيجيڭ. 1 - ايدىڭ 11 - كۇنى ج ك پ ورتالىق كوميتەتىنىڭ باس شۋجيى شي جينپيڭ جين جىڭ - ىنگە تەلەگرامما جولداپ، ونىڭ چاۋشيان ەڭبەك پارتياسىنىڭ 8 - قۇرىلتايىندا چاۋشيان ەڭبەك پارتياسىنىڭ باس شۋجيى بولىپ سايلانعانىن قۇتتىقتادى.
شي جينپيڭ قۇتتىقتاۋ تەلەگرامماسىندا بىلاي دەدى: چاۋشيان ەڭبەك پارتياسىنىڭ 8 - قۇرىلتايىنىڭ جين جىڭ - ىن جولداستى چاۋشيان ەڭبەك پارتياسىنىڭ باس شۋجيى ەتىپ سايلاعانىن ەستىپ قۋاندىم، مەن جۇڭگو كوممۋنيستىك پارتياسى ورتالىق كوميتەتى اتىنان ءارى ءوز اتىمنان باس شۋجي جولداستى جانە چاۋشيان ەڭبەك پارتياسى ورتالىق كوميتەتىن قىزۋ قۇتتىقتايمىن.
چاۋشيان ەڭبەك پارتياسىنىڭ 8 - قۇرىلتايى چاۋشياننىڭ سوتسياليزم ىستەرىنىڭ دامۋى جونىندە ءبىرقىدىرۋ ورنالاستىرۋ جاسادى، بۇل كەلەلى مانگە يە. باس شۋجي جولداستىڭ چاۋشيان ەڭبەك پارتياسىنىڭ ەڭ جوعارى باسشىسى بولىپ قايتا سايلانۋى چاۋشيان ەڭبەك پارتياسىنداعى بارلىق پارتيا مۇشەسىنىڭ جانە چاۋشيان حالقىنىڭ باس شۋجي جولداسقا دەگەن سەنىمىن، قولداۋىن جانە ءۇمىتىن تولىق ايگىلەدى. باس شۋجي جولداس باستاعان چاۋشيان ەڭبەك پارتياسى ورتالىق كوميتەتىنىڭ پارمەندى باسشىلىعىندا چاۋشيان ەڭبەك پارتياسى مەن چاۋشيان حالقىنىڭ وسى رەتكى قۇرىلتايدىڭ اشىلۋىن وراي ەتىپ، ەكونوميكالىق، قوعامدىق دامۋ نىساناسىن قۇلشىنا جۇزەگە اسىرىپ، چاۋشياننىڭ سوتسياليزم ىستەرىندە تىڭ دا اناعۇرلىم زور تابىستارعا قول جەتكىزۋدى ىلگەرىلەتەتىنىنە سەنەمىن.
جۇڭگو مەن چاۋشيان − تاۋ - وزەندەرى جالعاسقان سوتسياليستىك دوس كورشى ەلدەر. جۇڭگو - چاۋشيان قاتىناسىن ويداعىداي قورعاۋ، ويداعىداي بەكەمدەۋ، ويداعىداي دامىتۋ − جۇڭگو پارتياسى مەن ۇكىمەتىنىڭ بۇلجىماس باعىتى. دۇنيە ءجۇزى اۋمالى - توكپەلى وزگەرىس كەزەڭىنە وتكەن جاعدايدا، مەن باس شۋجي جولداسپەن بىرگە جۇڭگو مەن چاۋشيان پارتيالارىنىڭ، ەلدەرىنىڭ قاتىناسىنا قاراتىلعان ستراتەگيالىق جەتەكشىلىكتى كۇشەيتىپ، ەكى جاق كەلىسكەن ءبىر قىدىرۋ ماڭىزدى ورتاق تانىمعا ساي، جۇڭگو مەن چاۋشياننىڭ دوستىق سەلبەستىگىنىڭ تىڭ داستانىن ۇزدىكسىز جازىپ، ەكى ەلدىڭ سوتسياليزم ىستەرىنىڭ دامۋىن ىلگەرىلەتىپ، تۇبەك ماسەلەسىن ساياسي جولمەن شەشۋ باعىتىندا تاباندى بولىپ، ءوڭىردىڭ بەيبىتشىلىگى مەن ورنىقتىلىعىن جانە دامىپ، گۇلدەنۋىن قورعاپ، ەكى ەل مەن ەكى ەل حالىقتارىنا ءتىپتى دە زور باقىت جاراتۋدى قالايمىن.
باس شۋجي جولداستىڭ قىزمەتىنىڭ ءساتتى بولۋىن، چاۋشيان پارتياسى مەن حالقىن باستاپ تىڭ دا اناعۇرلىم زور تابىستارعا قول جەتكىزۋىن تىلەيمىن!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
