حالىق قۇرىلتايى تۇراقتى كوميتەتىنىڭ 25 – رەتكى ءماجىلىسى حايۋاناتتار ىندەتىنەن ساقتانۋ زاڭىنا وزگەرىس ەنگىزۋ جوباسى، اكىمشىلىك جازا زاڭىنا وزگەرىس ەنگىزۋ جوباسى قاتارلىلاردى گرۋپپاعا ءبولىنىپ قارادى
لي جانشۋ قاراۋعا قاتىناستى
2021.01.21 15:04 كەلۋ قاينارى : حالىق تورابى
حالىق گازەتىنىڭ 1 – ايدىڭ 20 – كۇنى بەيجيڭنەن بەرگەن حابارى. 13 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 25 – رەتكى ءماجىلىسى 1 – ايدىڭ 20 – كۇنى تۇستەن كەيىن گرۋپپاعا ءبولىنىپ ءماجىلىس اشىپ، حايۋاناتتار ىندەتىنەن ساقتانۋ زاڭىنا وزگەرىس ەنگىزۋ جوباسى، اكىمشىلىك جازا زاڭىنا وزگەرىس ەنگىزۋ جوباسى، بەيجيڭ فينانس سوتىن قۇرۋ جونىندەگى قاۋلى جوباسى قاتارلىلاردى قارادى. كوميتەت باستىعى لي جانشۋ قاراۋعا قاتىناستى.
مەملەكەتتىك حالىق قۇرىلتايى تۇراقتى كوميتەتىنىڭ ماجىلىسكە قاتىناسقان گرۋپپا مۇشەلەرى، مەملەكەتتىك حالىق قۇرىلتايى ارناۋلى كوميتەتىنىڭ قۇرامىنداعى مۇشەلەرى بىلاي دەپ قارادى: حايۋاناتتار ىندەتىنەن ساقتانۋ قىزمەتىن اناعۇرلىم كۇشەيتىپ، حايۋاناتتار ىندەتىنەن ءونىمدى ساقتانۋ جانە ونى تىزگىندەۋ، ورگانيزمدەر حاۋىپسىزدىگى مەن الەۋمەتتىك دەنساۋلىق حاۋىپسىزدىگىن قورعاۋ ءۇشىن، حايۋاناتتار ىندەتىنەن ساقتانۋ زاڭىنا وزگەرىس ەنگىزۋ توتەنشە قاجەتتى ءارى دەر كەزىندە اتقارىلدى. وزگەرىس ەنگىزۋ جوباسىندا ەلىمىزدەگى حايۋاناتتار ىندەتى جاعىندا ءدوپ كەلگەن كورنەكتى ماسەلەلەرگە باعىتتاي وتىرىپ، حايۋاناتتار ىندەتىنەن ساقتانۋ جاعىندا ءارقايسى جاقتاردىڭ جاۋاپكەرشىلىگى تياناقتاندىرىلعان، ىندەتتەن ساقتانۋ، ونى مەڭگەرۋ جانە شۇعىل جاعدايلاردى ءبىرجاقتىلى ەتۋ قاتارلى تۇزىمدەر كەمەلدەندىرىلگەن، حايۋاناتتار ىندەتىنەن ساقتانۋ قىزمەتىنە قولداۋ كورسەتۋ جانە قامتاماسىزداندىرۋ شارالارى كۇشەيتىلگەن، باعىتتامالىلىعى، اتقارىلىمدىلىعى ءبىرشاما كۇشتى، ءبىرشاما تولىسقان بولىپ، وسى رەتكى حالىق قۇرىلتايى ءماجىلىسىنىڭ داۋىسقا سالۋ ارقىلى ماقۇلداۋدان وتكىزۋى جونىندە ۇسىنىس بەرەمىز.
اكىمشىلىك جازا زاڭىنا وزگەرىس ەنگىزۋ جوباسى جونىندە، ماجىلىسكە قاتىناسقاندار جاپپاي بىلاي دەپ قارادى: اكىمشىلىك جازا ءتۇزىمىن كەمەلدەندىرۋ — ۇكىمەتتى زاڭمەن باسقارۋ قۇرىلىسىنداعى ماڭىزدى مازمۇن، اكىمشىلىك جازا زاڭىنا وزگەرىس ەنگىزۋ قاجەتتى ءارى دەر كەزىندە جاسالعان شارا. وزگەرىس ەنگىزۋ جوباسىندا شي جينپيڭ زاڭمەن جونگە سالۋ يدەياسىن جەتەكشى ەتۋگە تاباندى بولىپ، اكىمشىلىك زاڭ اتقارۋ سالاسىنداعى كەلەلى رەفورما جەتىستىكتەرى بەكەمدەلگەن، حالىق جۇرتشىلىعىنىڭ تىلەگى مەن امالياتتىق تالابىنا جاۋاپ قايتارىلعان، اكىمشىلىك جازا ناقتى تۇلعالارى مەن تارتىپتىك بەلگىلەمەلەرى كەمەلدەندىرىلگەن، ءتۇزىم ارناعا تۇسىرىلگەن، اتقارۋعا بولادى. وزگەرىس ەنگىزىلگەن جوبادا ءارقايسى جاقتاردىڭ پىكىرى قابىلدانعان، ءبىرشاما كەمەلدەنگەن. ماجىلىسكە قاتىناسۋشىلار جوباعا وزگەرىس ەنگىزۋ جانە ونى كەمەلدەندىرۋ جاعىنداعى پىكىرلەرى مەن ۇسىنىستارىن ورتاعا قويدى.
بەيجيڭ فينانس سوتىن قۇرۋ قاۋلى جوباسى جونىندە، ماجىلىسكە قاتىناسقاندار جاپپاي بىلاي دەپ قارادى: مەملەكەتتىڭ فينانس ستراتەگياسىن اتقارۋدى ىلگەرىلەتىپ، فينانستىق تەرگەۋ جۇيەسىن كەمەلدەندىرىپ، فينانستىق ءادىليالىق قورعاۋ تەبىنىن ارتتىرۋ، ەلىمىزدىڭ فينانستىق ءادىليا سالاسىنىڭ حالىقارالىق ىقپالىن جانە حالىقارالىق پىكىر ءبىلدىرۋ ۇقىعىن اناعۇرلىم كۇشەيتۋ ءۇشىن، بەيجيڭدە ارناۋلى فينانستىق سوت قۇرۋ قاجەتتى. مەملەكەتتىك حالىق قۇرىلتايى تۇراقتى كوميتەتى نەگىزگى زاڭ مەن حالىق سوتىن ۇيىمداستىرۋ زاڭىنا ساي، بەيجيڭدە فينانىستىق سوت قۇرۋ جونىندە قاۋلى قابىلدادى ءارى سوتشىنى مىندەتكە تاعايىنداۋ جانە مىندەتىنەن قالدىرۋ، دەلونى باسقارۋ كولەمى مەن زاڭدىق باقىلاۋ قاتارلى ىستەر جونىندە بەلگىلەمە شىعاردى، بۇلاردىڭ بارلىعى جۇزەگە اساتىن ىستەر. ماجىلىسكە قاتىناسقاندار جوباعا وزگەرىس ەنگىزۋ جانە كەمەلدەندىرۋ جونىندەگى پىكىر – ۇسىنىستارىن ورتاعا قويدى.
ماجىلىسكە قاتىناسۋشىلار مەملەكەتتىك حالىق قۇرىلتايىنىڭ نەگىزگى زاڭ جانە زاڭ كوميسسياسى، وقۋ – اعارتۋ، عىلىم – تەحنيكا، مادەنيەت، دەنساۋلىق ساقتاۋ كوميسسياسى، سىرتقى ىستەر كوميسسياسىنىڭ 13– كەزەكتى مەملەكەتتىك حالىق قۇرىلتايى 3 – ءماجىلىسىنىڭ ءتوراعالار ۇيىرمەسى قاراۋعا تاپسىرعان، ۋاكىلدەر ورتاعا قويعان كەڭەستىك جوبالاردى قاراۋ ناتيجەسى جونىندەگى باياندامانى قارادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
