بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

شينجياڭ حالىق راديو ستانسياسىنىڭ قازاق تىلىندەگى راديوسى موري قازاق اۆتونوميالى اۋدانىندا كولەمدى تىكە باعدارلاما تاراتتى

2012.05.24 13:09     كەلۋ قاينارى : شينجياڭ حالىق راديو ستانسياسى تورابى


  ءوز تىلشىلەرىمىز ارداق ماقاتاي ۇلى مەن ساۋلە ءىزباسار قىزى حابارلايدى: بيىل 17-مامىر ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاندىعىنىڭ ەكى جىلدىعىن اتاپ ءوتۋ كۇنى. ال بيىل قازاندا ج ك پ نىڭ 18-قۇرىلتايى اشىلماقشى، شينجياڭ حالىق راديو ستانسياسىنىڭ قازاق تىلىندەگى راديوسى ەلىمىزدىڭ ساياسي، قوعامدىق ومىرىندە كەلەلى ءمان الاتىن، ەلىمىز بەن رايونىمىزدىڭ قوعامىنىڭ، ەكونوميكاسىنىڭ دامۋىندا، حالىق تۇرمىسىنىڭ جاقسارۋىندا ماڭىزى زور يگىلىكتى ءىستى قارسى الۋ، قۇتتىقتاۋ بايلانىسىمەن 15-مامىر تۇستەن بۇرىن، موري قازاق اۆتونوميالى اۋدانىندا كولەمدى تىكە باعدارلاما تاراتىپ، ناقتىلى ىسجۇزىندىك ارەكەتتەرى ارقىلى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاندىعىنىڭ ەكى جىلدىعىن اتاپ ءوتتى، پارتيا 18-قۇرىلتايىنىڭ تابىسپەن اشىلۋىن قارسى الدى.

  «قۇتتى مەكەن -موري» اتىنداعى موري اۋدانىنان تىكە تاراتىلعان 90 مينۋتتىق باعدارلامادا موريداعى 89 مىڭعا جۋىق ءار ۇلت حالقىنىڭ قاجىرلى ەڭبەگىنىڭ، ءار دارەجەلى پارتيا-ۇكىمەت ورىندارىنىڭ قولداپ-قۋاتتاۋىنىڭ ارقاسىندا قولعا كەلگەن موري اۋدانىنىڭ سان سالالى كاسىبىنىڭ دامۋ اياق الىسى مەن تىنىش، ورنىقتى قوعامنىڭ ابزالدىلىعى جىرلاندى، بەرەكە-بىرلىكتىڭ ارقاسىندا حالىقتىڭ تۇرمىس شارت-جاعدايى كۇننەن كۇنگە جاقسارىپ كەلە جاتقانى، ىشكى ولكەدەگى 19 ولكە-قالانىڭ شينجاڭعا باعىتتامالى كومەكتەسۋ قىزمەتىنىڭ تەبىنى ارتقاندىعى، رايونىمىزدىڭ حالىق تۇرمىسى جىلىندا جەمىستى جۇمىستاردىڭ كوپ بولعانى، حالىقتىڭ كوڭىلىنىڭ توق بولعانى ناقتىلى جاندى مىسالدار مەن موريداعى دامۋ مەن تابىسقا كۋاگەر، ناعىز يگىلىگىن كورگەن جەرگىلىكتى حالىقتىڭ اۋىزىنان باياندالىپ، موريداعى ءار ۇلت حالقىنىڭ جاقسى باعاسىن الدى.

  تىكە تاراتىلاتىن كولەمدى باعدارلامادا بىلتىر ورتالىقتا اشىلعان ەلىمىزدىڭ مادەنيەت ءتۇزىلىسى رەفورماسى مەن جىل باسىنان بەرى رايونىمىز كولەمىندە جوعارى ورلەۋگە كوتەرىلگەن وسىزامانعى مادەنيەت ارقىلى جەتەكشىلىك ەتۋ ۇگىتىنە ءۇن قوسىپ، موري قازاق اۆتونوميالى اۋدانىنداعى جالپى مادەنيەت ىستەرىنىڭ دامۋ اياق الىسى، اسىرەسە قازاق ۇلتىنىڭ ءداستۇرلى مادەنيەتتى تياناق ەتكەن وزىق مادەنيەتتى دامىتۋعا ويىسا باستاعانى، موريدىڭ اتى الىس-جۋىققا تانىس كەستەشىلىك، ات بايگە، قيسا-داستان ايتۋ سياقتى ءداستۇرلى مادەنيەتىن دامىتۋعا جاقىننان جاردەمشى بولىپ، ۇلتتىڭ رۋحى، جانى -مادەنيەت ىستەرىنە ەرەكشە ءمان بەرىپ وتىرعانى اڭگىمەلەندى، سوناۋ 1987-جىلدارى جاپونيا ەلىنە بارىپ، كەستە ونەرىمىزدىڭ كەرەمەتىن تانىتىپ قايتقان گۇلناز جانىمقان قىزى باستاعان موريداعى امانجان ابەۋ قىزى، نۇرگۇل قۋانباي قىزى قاتارلى كەستەشىلەر مەن حالقىمىزدىڭ حيسا-داستاندارىن جالعاۋشى كونەنىڭ كوزىؤ حيساگەر-بورانباي لامجا ۇلىنىڭ اسەرلى اڭگىمەلەرى مەن تىكە باعدارلاماعا قاتىناسىپ، فۋجيان ولكەسىنەن كومەككە كەلگەن كادىر، موري اۋداندىق اۋىل شارۋاشىلىق مەكەمەسىنىڭ ورىنباسار باستىعى -لي نان فىڭنىڭ ءسوزىن جۇرگىزۋشىنىڭ ۇستىندە اۋؤارىپ جەتكىزۋى، مادەنيەت سالاسىنا جاۋاپتى ورىنباسار مەكەمە باستىعى ماقىمەت قۇسىمان ۇلىنىڭ موريداعى تاس تۇلەكتەردەن ۇيىمداسقان ءبي ۇيىرمەسىندەگى بۇلدىرشىندەردىڭ جۋىقتا عانا ەلىمىز ۇكىمەتىنە ۋاكىل بولىپ، گرۋزيانىڭ باتىمي قالاسىندا ونەر كورسەتىپ جۇلدەلى ورالعاندىعىن ايتىپ، قازىر زاتتىق تۇرمىس قاجەتى قاناعاتتانعان حالىقتىڭ رۋحاني، مادەني تۇرمىستى بايتۋعا ات سالىسقانىن اڭگىمەلەۋى جانە موريداعى ءسانيا ونەرقان قىزى، جاينا ماقىمەتجار قىزى قاتارلى ونەرپازداردىڭ ءان-كۇيدەن شاشقان شاشۋىمەن، تولعاۋ-جىردان جولداعان سالەمىمەن ءبىر بيىككە كوتەرىلدى.

  موريداعى اق كوڭىل اشىق -جارقىن ونەرپاز حالىقتىڭ، اتا ونەرىن جالعاعان ۇرپاقتاردىڭ، سالىت-داستۇرىنە انىتتاي ادال اۋىلداستارىمىزدىڭ، ەلدىڭ كوشىن يگىلىككە باستاسام دەپ ەڭبەكتەنگەن ەل اعالارىنىڭ، تابان ەت، ماڭداي تەرىمەن اتا مەكەندەرىن گۇلدەندىرىپ كەلە جاتقان قايىرىمدى دا قاراپايىم قارا ورمانداي حالىقتىڭ ات-اتاعىن ءبىر اسپانداتتى، جاراسىمدى موريدىڭ جارقىن بەينەسىن ءدۇيىم جۇرتقا جاريادى.


جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.