- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوننىڭ ءتوراعاسى نۇر باكىردىڭ 2013 - جىلعا ارناۋ ءسوزى
ءورىس اشا ىلگەرىلەپ، ىنتىماقتاسا كۇرەس جاساپ، شينجياڭنىڭ قارىشتاپ دامۋى مەن باياندى تىنىشتىعىنىڭ تىڭ داستانىن جازايىق
2013.01.05 14:06 كەلۋ قاينارى : ءتاڭىرتاۋ تورابى
جاڭا جىل بايلانىسىمەن اۆتونوميالى رايوننىڭ ءتوراعاسى نۇر باكىر «ءورىس اشا ىلگەرىلەپ، ىنتىماقتاسا كۇرەس جاساپ، شينجياڭنىڭ قارىشتاپ دامۋى مەن باياندى تىنىشتىعىنىڭ تىڭ داستانىن جازايىق» دەگەن تاقىرىپتا ارناۋ ءسوز سويلەدى. تولىعى تومەندەگىدەي:
جولداستار، دوستار:
كونە جىلعا قوش ايتىپ، جاڭا جىلدى قارسى الۋ ورايىندا، مەن اۆتونوميالى رايوندىق پارتكوم مەن حالىق ۇكىمەتى اتىنان تۇتاس شينجياڭداعى ءار ۇلت جۇمىسشىلارىنا، ەگىنشى - مالشىلارعا، تىڭ يگەرۋشى جۇمىسشى - قىزمەتكەرلەرگە، كادرلار مەن زيالىلارعا، ءارقايسى دەموكراتيالىق پارتيا - توپتارداعى، ساۋدا - ونەركاسىپشىلەر بىرلەستىگىندەگى جانە پارتيادا، توپتا جوق وتانشىل قايراتكەرلەرگە، دەمالىسقا، پەنسياعا شىققان ساقا جولداستارعا، حالىق ازاتتىق ارمياسى كوماندير - جاۋىنگەرلەرىنە، قارۋلى ساقشى وفيتسەر - جاۋىنگەرلەرىنە، قوعام حاۋىپسىزدىگى كادر - ساقشىلارىنا، شينجياڭعا كومەككە كەلگەن كادرلارعا، ورتالىقتىڭ شينجياڭداعى ورىندارىنداعى قالىڭ كادرلار مەن جۇمىسشى - قىزمەتكەرلەرگە، سونداي - اق شينجياڭدى اشۋ قۇرىلىسىنا كوڭىل ءبولىپ، قولداۋ كورسەتكەن ءار سالاداعى دوستارعا جاڭا جىلدارىڭىز قۇتتى بولسىن دەگەن ىزگى تىلەگىمدى بىلدىرەمىن! مەرەكە كەزىندە جاپاعا شىداپ، قىزمەت ورىندارىندا تاباندىلىقپەن ىستەپ جاتقان جولداستاردان شىنايى حال سۇرايمىن!
وتكەن 2012 - جىل − پارتيامىز بەن مەملەكەتىمىزدىڭ دامۋ تاريحى جونىنەن توتەنشە ماڭىزدى جىل سانالادى. ەلىمىز رەفورما جاساۋ، ەسىك اشۋ جانە وسىزامانداندىرۋ قۇرىلىسىندا ەلەۋلى تابىسقا قول جەتكىزدى. اسىرەسە، پارتيا 18 - قۇرىلتايى تابىسپەن اشىلىپ، كۇللى الەمگە ەلىمىزدىڭ «200 جىلدىق» كۇرەس نىساناسىن تولىق سەنىممەن ايگىلەدى، جۇرت كوڭىلىن ۇيىستىرىپ، سەنىمدى سەرپىلتىپ، پارتيا مەن مەملەكەت ىستەرىنىڭ العا باسۋىنا، دامۋىنا ايقىن بەتالىس كورسەتىپ بەردى. شي جينپيڭ باس شۋجي بولعان جاڭا كەزەكتى باسشىلىق القا باستاماشىلدىقپەن ۇلگى كورسەتىپ، شىنايى ىستەپ، جاڭالىق جاساپ، پارتيا ستيلى مەن ۇكىمەت ستيلىندە پاك، تۋراشىل بولۋعا ءجون سىلتەپ، جۇڭحۋا ۇلتىنىڭ ۇلى كوركەيۋ ارمانىن اسقاقتاتىپ، بۇكىل ەلىمىزدەگى ءار ۇلت حالقىنىڭ جاپپاي دوڭگەلەڭ داۋلەتتى قوعام قۇرۋ جانە ۇلى كوركەيىپ - گۇلدەنۋ ايبىندى ىسىنە سانالىلىقپەن ات سالىسۋىنا شابىت بەردى.
وتكەن ءبىر جىلدا ءبىز سايىستارعا توتەپ بەرىپ، قيىنشىلىقتاردى جەڭىپ، سان سالالى ىستەردە كورنەكتى ىلگەرىلەۋشىلىككە قول جەتكىزدىك. ءبىر جىلدان بەرى پارتيا ورتالىق كوميتەتى مەن مەملەكەتتىك كەڭەستىڭ دۇرىس باسشىلىعىندا، شينجياڭعا باعىتتامالى كومەكتەسەتىن ولكەلەر مەن قالالاردىڭ جانە مەملەكەتتىڭ قاتىستى تاراۋلارى مەن كوميتەتتەرىنىڭ قولداپ - قۋاتتاپ، كومەك كورسەتۋىندە، اۆتونوميالى رايوندىق پارتكوم مەن حالىق ۇكىمەتى تۇتاس رايونىمىزداعى ءار ۇلت كادرلارى مەن بۇقارانى ىنتىماقتاستىرىپ جانە ولاردى باستاپ، عىلمي دامۋ كوزقاراسىن جاپپاي دايەكتى تياناقتاندىرىپ، «ورنىقتىلىق بارىسىندا ىلگەرىلەۋ، ىلگەرىلەۋ بارىسىندا وزگەرۋ» نەگىزگى اۋەنىن مىقتاپ يگەرىپ، شينجياڭ رۋحىن بارىنشا ساۋلەلەندىرىپ، شينجياڭ ونىمدىلىگىن امالياتتا ايگىلەپ، شينجياڭنىڭ يقۋاتىن ارتتىرىپ، عىلمي قارىشتاپ دامۋدى، توپ جارىپ، توپتان وزۋدى قۇلشىنا ىلگەرىلەتتى. تۇتاس اۆتونوميالى رايوننىڭ ءوندىرىس جالپى ءونىم قۇنىنىڭ %12، قالالار مەن اۋىلدارداعى تۇرعىنداردىڭ كىرىسىنىڭ الدىڭعى جىلداعىدان جەكە - جەكە %17 جانە %18.4 ارتاتىندىعى مەجەلەندى. مۇنىڭ ىشىندە اۋىل - قىستاق تۇرعىندارىنىڭ جان باسىندىق كىرىسى ناق 1000 يۋان ارتتى. «حالىق تۇرمىسىن الدىمەن ويلاستىرۋ، نەگىزگى ساتىنى ماڭىزدى ساناۋ، بۇقارانى ماڭداي الدى ورىنعا قويۋ» كوزقاراسىنان جازباي، «حالىق تۇرمىسى جىلىن» ۇزدىكسىز اتقارىپ، بەيقۇت ءۇي سالىپ، حالىقتى اۋقاتتاندىرۋ، مالشىلاردى وتىرىقتاندىرىپ، مال شارۋاشىلىعىن گۇلدەندىرۋ، قوعامدىق قامتاماسىزداندىرۋ، ەرەكشە قيىنشىلىعى بار قاۋىمعا كومەك كورسەتۋ سياقتىلاردى ءتۇيىن ەتىپ، 25 سالا بويىنشا حالىق تۇرمىسىنا قاتىستى 90 ءتۇرلى ينجەنەريانى اتقارىپ، ءار ۇلت بۇقاراسىنىڭ تۇرمىسىن كورنەكتى جاقسارتتى. ۇلتتار ىنتىماعىن كۇشەيتۋدى باياندى تىنىشتىقتى ساقتاۋدىڭ ءتۇبىرلى كەپىلى ەتۋدەن جازباي، وزىق مادەنيەت ارقىلى جەتەكشىلىك ەتىپ، «ۇلى وتاندى قىزۋ ءسۇيۋ، مەكەندى كوركەيتۋ» تاربيە قيمىلىن ىشكەرىلەي ورىستەتىپ، «وتاندى، شينجياڭدى ءسۇيۋ، ىنتىماقتاسۋ، ۇلەس قوسۋ، ەڭبەكشىل، قايىرىمدى بولۋ، اشىق ويلى، العاباسار بولۋداي» شينجياڭ رۋحىن ساۋلەلەندىردى. قوعام ورنىقتىلىعىن قورعاۋدى قاي - قاشان دا دامۋدىڭ، العا باسۋدىڭ نەگىزگى العى شارتى ەتىپ، ورنىقتىلىقتى قورعاۋ قىزمەتىن ۇدايىلاندىرۋدان جازباي، قوعامدىق، ساياسي جالپى جاعدايدىڭ ورنىقتىلىعىنا شىنايى كەپىلدىك ەتتى. پارتيا 18 - قۇرىلتايى رۋحىنىڭ جەبەۋىندە، قازىر ءار ۇلت كادرلارى مەن بۇقارانىڭ مەكەندى كوركەيتۋ سەنىمى اناعۇرلىم كۇشەيىپ، دامۋعا تالپىنۋ، اۋقاتتانۋدى كوزدەۋ، ورنىقتىلىقتى ويلاۋ، جاراسىمدىلىقتى جەبەۋ شينجياڭداعى نەگىزگى اۋەنگە اينالدى، جالىندى، ارىنداپ العا باسقان شينجياڭ كۇللى الەمگە ءوزىن ايگىلەي باستادى.
2013 - جىل −− پارتيا 18 - قۇرىلتايىنىڭ رۋحىن جاپپاي دايەكتى تياناقتاندىراتىن العاشقى جىل ءارى شينجياڭنىڭ قارىشتاپ دامۋى مەن باياندى تىنىشتىعىن تىڭ باستامامەن جەدەل ىلگەرىلەتىپ، جاپپاي دوڭگەلەك داۋلەتتى قوعام قۇرۋعا بەرىك نەگىز قالاناتىن جىل. جاڭا جىلدا ءبىز تۇتاس شينجياڭداعى ءار ۇلت كادرلارى مەن بۇقارانىڭ اقىل - پاراساتىن، كۇش - قۋاتىن ونان ارى شوعىرلاندىرىپ، پارتيا 18 - قۇرىلتايى مەن ورتالىقتىڭ ەكونوميكا قىزمەتى ءماجىلىسىنىڭ جانە ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن مۇقيات دايەكتى تياناقتاندىرىپ، ج ك پ اۆتونوميالى رايوندىق 8 - قۇرىلتايى مەن ج ك پ اۆتونوميالى رايوندىق 8 - كەزەكتى كوميتەتى ءتورتىنشى جالپى (كەڭەيتىلگەن) ماجىلىسىندەگى ورنالاستىرۋلار بويىنشا، عىلمي دامۋ كوزقاراسىن ىشكەرىلەي دايەكتى تياناقتاندىرىپ، جاڭاشا ونەركاسىپتەندىرۋ، ەگىن، مال شارۋاشىلىعىن وسىزامانداندىرۋ، جاڭاشا قالا - قالاشىقتاندىرۋ اياق الىسىن جەدەلدەتىپ، ەكونوميكانى كۇشەيتىپ، عىلمي قارىشتاپ دامۋ مەن توپ جارۋ، توپتان وزۋعا كۇش - قۋات توپتاۋىمىز؛ حالىق تۇرمىسىن قامتاماسىزداندىرۋدى جانە ونى جاقسارتۋدى بارلىق قىزمەتتىڭ شىعار ءتۇيىنى جانە تابان تىرەر تياناعى ەتۋدەن جازباي، ءار ۇلت بۇقاراسىن رەفورما، دامۋ جەتىستىكتەرىنەن يگىلىكتەندىرۋىمىز؛ رەفورما جاساۋدى، ەسىك اشۋدى تاباندىلىقپەن ىلگەرىلەتىپ، بازار مەحانيزمىن جاڭالاپ جانە جاقسارتىپ، ءىش پەن سىرتقا ەسىك اشۋ دەڭگەيىن قۇلشىنا جوعارىلاتۋىمىز؛ بايلىق قاينارىن باياندى اشۋ مەن ەكولوگيالىق ورتانى باياندى قورعاۋدان جازباي، ەكولوگيالىق وركەنيەت قۇرىلىسىن قۇلشىنا ىلگەرىلەتىپ، شينجياڭدى بۇكىل ەلىمىزبەن تەڭ قادامدا كوركەيتۋگە كۇش سالۋىمىز؛ اۆتونوميالى رايوندى زاڭ بويىنشا باسقارۋ مەن ءمورال ارقىلى باسقارۋدى ۇشتاستىرۋدان جازباي، شينجياڭنىڭ قوعامىنىڭ جاراسىمدىلىعى مەن ورنىقتىلىعىن باتىل قورعاۋىمىز؛ وسى زامانعى مادەنيەت ارقىلى جەتەكشىلىك ەتىپ، عىلىم - تەحنيكادا جاڭالىق جاساۋ قۋاتىن كۇش سالا ارتتىرىپ، شينجياڭ رۋحىن ونان ارى ساۋلەلەندىرىپ، شينجياڭنىڭ قارىشتاپ دامۋى مەن باياندى تىنىشتىعىن ىلگەرىلەتۋدى قۇدىرەتتى مادەنيەت نەگىزىمەن جانە رۋحاني قوزعاۋشى كۇشپەن قامتاماسىز ەتۋىمىز كەرەك.
جولداستار، دوستار، ءار ۇلت حالقىنىڭ باقىتتى تۇرمىسى − ءبىزدىڭ كۇرەس نىسانامىز، بۇكىل ەلىمىزبەن تەڭ قادامدا جاپپاي دوڭگەلەك داۋلەتتى قوعام قۇرۋ − شينجياڭداعى ءار ۇلت حالقىنىڭ ورتاق بورىشى. ءبىزدىڭ ءىزىمىز تاريحقا تاڭبا بولىپ باسىلدى، بولاشاقتا مۇنان دا ايبىندى جىر جازامىز! جاڭا كەزەڭ، تىڭ ساتىدا ءبىز شي جينپيڭ جولداس باس شۋجي بولعان پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، يدەيا مەن ءىس - ارەكەتتى پارتيا 18 - قۇرىلتايىنىڭ رۋحىمەن بىرلىككە كەلتىرىپ، كۇش - قۋاتتى 18 - قۇرىلتايدا تۇراقتاندىرىلعان ايبىندى نىسانالارعا شوعىرلاندىرىپ، يدەيانى ازات ەتىپ، رۋحتى تاسقىنداتىپ، ىنتىماقتى، بەرەكە - بىرلىكتى بولىپ، ارقالاعان بورىشتى ادا ەتىپ، جاپپاي دوڭگەلەك داۋلەتتى قوعام قۇرۋ، شينجياڭنىڭ قارىشتاپ دامۋى مەن باياندى تىنىشتىعىن جۇزەگە اسىرۋ ءۇشىن قۇلشىنا كۇرەس جاسايىق! ۇلى وتانىمىزدىڭ كۇن سايىن كوركەيۋىنە، شينجياڭنىڭ بولاشاعىنىڭ ءتىپتى نۇرلانا تۇسۋىنە تىلەكتەسپىن! تۇتاس شينجياڭداعى ءار ۇلت حالقىنىڭ جاڭا جىلدارىنىڭ قۇتتى، وتباسىلارىنىڭ امان بولۋىن تىلەيمىن! «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
