- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 1 - ءماجىلىسى جابىلاردا جاڭ چۇنشيان جولداستىڭ سويلەگەن ءسوزى
2013.02.05 16:50 كەلۋ قاينارى : ءتاڭىرتاۋ تورابى
مۇشەلەر، جولداستار، دوستار: ماجىلىسكە قاتىناسقان بارلىق مۇشەنىڭ ورتاق قۇلشىنۋىندا، ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 1 - ءماجىلىسى كەڭەس تارتىپتەرىن تابىسپەن ورىندادى، بۇگىن جابىلۋ الدىندا تۇر.
بۇل جولعى ءماجىلىس − بۇكىل شينجياڭداعى بارلىق جاقتار پارتيا 18 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ، ج ك پ اۆتونوميالى رايوندىق 8 - قۇرىلتايىنىڭ جانە ج ك پ اۆتونوميالى رايوندىق 8 - كەزەكتى كوميتەتى ءتورتىنشى جالپى (كەڭەيتىلگەن) ءماجىلىسىنىڭ رۋحىن جاپپاي تياناقتاندىرىپ، قارىشتاپ دامۋ مەن باياندى تىنىشتىقتى جەدەل ىلگەرىلەتۋ جاعدايىندا اشىلعان ءبىر رەتكى توتەنشە ماڭىزدى ءماجىلىس. ءماجىلىس ساياسي كەڭەس اۆتونوميالى رايوندىق 10 - كەزەكتى كوميتەتى تۇراقتى كوميتەتىنىڭ قىزمەت بايانداماسىن، ۇسىنىس جوبا قىزمەتىنىڭ احۋالى جونىندەگى باياندامانى قاراپ ماقۇلدادى، اۆتونوميالى رايوندىق حالىق ۇكىمەتىنىڭ جانە سوت، پروكۋراتۋرا مەكەمەلەرىنىڭ قىزمەت باياندامالارىن تىڭدادى جانە تالقىلادى، ساياسي كەڭەس اۆتونوميالى رايوندىق 11 - كەزەكتى كوميتەتىنىڭ تۇراقتى كوميتەتىن جانە اۆتونوميالى رايوندىق 11 - كەزەكتى ساياسي كەڭەستىڭ ءتوراعاسىن، ورىنباسار ءتوراعالارىن سايلاپ شىقتى. ءماجىلىس كەزىندە تيانشاننىڭ تۇستىگى مەن تەرىستىگىنەن كەلگەن ءار ۇلت، ءار سالا ساياسي كەڭەس مۇشەلەرى وسكەلەڭ ساياسي جاۋاپكەرلىك سەزىمدە جانە تاريحي بورىشتىلىق سەزىمدە بولىپ، اۆتونوميالى رايوننىڭ رەفورما جاساۋ، دامۋ، ورنىقتىلىقتى ساقتاۋ قىزمەتىندەگى كەلەلى ماسەلەلەردى ارقاۋ ەتىپ، قىزمەت مىندەتتەرىن دەن قويا وتەپ، بەلسەنە اقىل - كەڭەس بەرىپ، كوپتەگەن باعالى پىكىرلەر مەن ۇسىنىستاردى العا قويدى. بۇل ءبىر رەتكى ىنتىماقتى، دەموكراتيالى، شىندىقتى ءىس جۇزىنەن ىزدەگەن، قايراتتانا العا ۇمتىلعان ءماجىلىس بولدى، ول اۆتونوميالى رايوننىڭ جاپپاي دوڭگەلەك داۋلەتتى قوعام قۇرۋ، قارىشتاپ دامۋ مەن باياندى تىنىشتىقتى ساقتاۋ سىندى ەكى ۇلكەن تاريحي مىندەتىن جۇزەگە اسىرۋ جونىندە بەلسەندى دە ماڭىزدى رول اتقارادى.
اۆتونوميالى رايوندىق 10 - كەزەكتى ساياسي كەڭەس مىندەت وتەگەن 5 جىل − شينجياڭنىڭ تاريحي دامۋى بارىسىنداعى توتەنشە ماڭىزدى 5 جىل بولدى، وتە - موتە، ورتالىقتىڭ شينجياڭ قىزمەتى جونىندەگى اڭگىمە ءماجىلىسىن بەلگى ەتكەن شينجياڭ جاڭا ءداۋىردىڭ جاڭا كەزەڭىنە قادام قويدى، بارلىق ىستەردە بۇرىن بولىپ كورىلمەگەن تىڭ ىلگەرىلەۋشىلىكتەر، سونى باستامالار، سارا تابىستار تۋىندادى، تيانشاننىڭ تۇستىگى مەن تەرىستىگىندە ادامدى جەلپىندىرەتىن تىڭ تاريحي وزگەرىس بولدى. 5 جىلدان بەرى اۆتونوميالى رايوندىق ساياسي كەڭەس وتانشىلدىق، سوتسياليزم تۋىن بيىك ۇستاپ، ىنتىماق، دەموكراتيا سىندى ەكى ۇلكەن تاقىرىپتى مىقتاپ نەگىزگە الىپ، وزەكتى ارقاۋ ەتىپ، جالپى جاعدايعا قىزمەت وتەپ، ساياسي كەڭەس بەرۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ فۋنكتسياسىن تىڭعىلىقتى وتەدى، اۆتونوميالى رايوننىڭ ەكونوميكالىق، قوعامدىق دامۋىن جەبەپ، قوعامدىق ساياسي جالپى جاعدايدىڭ ورنىقتىلىعىن قورعاپ، ۇلتتاردىڭ بىرگە ىنتىماقتاسا كۇرەس جۇرگىزۋىن، ورتاق كوركەيىپ - گۇلدەنۋىن ىلگەرىلەتۋگە ماڭىزدى ۇلەس قوستى. ءتوراعا اسحات كەرىمباي ۇلى باس بولعان اۆتونوميالى رايوندىق 10 - كەزەكتى ساياسي كەڭەستىڭ باسشىلىق القاسى يدەيانى ازات ەتىپ، ءورىس اشا جاڭالىق جاساپ، قىزمەتتى تىڭعىلىقتى ىستەپ، ساياسي كەڭەس قىزمەتىنىڭ جاندى جاعدايىن قالىپتاستىردى. وسى ورايدا، مەن اۆتونوميالى رايوندىق پارتكوم اتىنان ساياسي كەڭەستىڭ بارلىق مۇشەلەرىنە، دەموكراتيالىق پارتيا - توپتارعا، پارتيادا، توپتا جوق وتانشىل قايراتكەرلەرگە، حالىقتىق ۇيىمدارعا جانە قوعامداعى ءار ۇلت، ءار سالا قايراتكەرلەرىنە شىن جۇرەكتەن العىس ايتامىن!
ورتالىقتىڭ وسى جولعى كەزەك اۋىستىرۋ جونىندەگى تالابىنا ساي، جاس شاماسى سەبەبىنەن اسحات كەرىمباي ۇلى، حۋاڭ چاڭيۋان، ۋاڭ ۋي، قىزايجان سەيىلقوجا ۇلى، ايۇپ تەيىپ جولداستار اۆتونوميالى رايوندىق جاڭا كەزەكتى ساياسي كەڭەستە باسشىلىق مىندەت وتەمەيتىن بولدى. ولاردىڭ تاباندى، شوگەل، قايسار دا تىندىرىمدى، جالپى جاعدايدى ويلاعان رۋحى مەن اسا ناتيجەلى قىزمەتىنە قىزۋ قول شاپالاق سوعىپ، العىس ايتامىز جانە قۇرمەت بىلدىرەمىز!
پارتيانىڭ 18 - قۇرىلتايى جۇڭگوشا سوتسياليزمنىڭ جاڭا جەڭىستەرىنە قول جەتكىزۋدىڭ نەگىزگى تالابىن ايقىن العا قويىپ، جاپپاي دوڭگەلەك داۋلەتتى قوعام قۇرۋدىڭ، سوتسياليستىك وسىزامانداندىرۋدى جەدەل ىلگەرىلەتۋدىڭ ايبىندى جوسپارىن بەلگىلەپ، پارتيامىز بەن مەملەكەتىمىز ىستەرىنىڭ دامۋىنا بەتالىس كورسەتتى. ج ك پ اۆتونوميالى رايوندىق 8 - قۇرىلتايى مەن ج ك پ اۆتونوميالى رايوندىق 8 - كەزەكتى كوميتەتى ءتورتىنشى جالپى (كەڭەيتىلگەن) ءماجىلىسى پارتيا 18 - قۇرىلتايىنىڭ جانە ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن مۇقيات دايەكتى تياناقتاندىرىپ، سوڭعى جىلداردان بەرگى باي امالياتتى مۇقيات قورىتىندىلاۋ نەگىزىندە، مۇنان كەيىنگى بىرنەشە جىلداعى قارىشتاپ دامۋ مەن باياندى تىنىشتىقتى جەبەۋدىڭ، بۇكىل مەملەكەتپەن بىرگە جاپپاي دوڭگەلەك داۋلەتتى قوعام قۇرۋدىڭ كۇرەس نىساناسى مەن باستى مىندەتتەرىن بەلگىلەدى. اۆتونوميالى رايوندىق جاڭا كەزەكتى ساياسي كەڭەس اناعۇرلىم بيىك تۇعىردا تۇرىپ، جۇڭگوشا سوتسياليزم ۇلى تۋىن بيىك ۇستاۋدى ساياسي كەڭەستىڭ فۋنكتسياسىن اتقارۋدىڭ ءتۇبىرلى ساياسي مىندەتى ەتىپ، كوممۋنيستىك پارتيانىڭ باسشىلىعىنا بۇلجىماي تاباندى بولىپ، جۇڭگوشا سوتسياليستىك ساياسيدى دامىتۋ جولىمەن مىزعىماي ءجۇرۋى كەرەك. اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن ساياسي كەڭەس قىزمەتىنىڭ بارلىق جاقتارىندا دايەكتىلەندىرىپ، ءورىس اشا العا تارتىپ، قايراتتانا ۇمتىلۋى ءتيىس. دارىندىلار كوپ، اقىل - پاراسات يەلەرى مول، بايلانىس جاساۋ كولەمى كەڭ بولۋ سىندى ەرەكشە باسىمدىلىعىن تولىق ساۋلەلەندىرىپ، جالپى جاعدايعا قىزمەت وتەپ، قاتىناستى سايكەستىرىپ، شينجياڭنىڭ عىلمي قارىشتاۋىنا، توپ جارىپ، توپتان وزۋىنا اقىل - كەڭەس بەرىپ، تىڭ ۇلەس قوسۋى قاجەت. شينجياڭداعى ءار ۇلت حالقىن قىزۋ ءسۇيىپ، پارتيا ورتالىق كوميتەتىنىڭ تالابى بويىنشا، ادامدى نەگىز ەتۋ باعىتىن جاقسى دايەكتىلەندىرىپ، تەكسەرىپ - زەرتتەۋ قيمىلىن ىشكەرىلەي ورىستەتىپ، بۇقارانىڭ ءۇنىن تىڭداپ، قاۋىمنىڭ قاجەتىن ۇعىسىپ، جاماعاتتىڭ تىلەگىن بەينەلەپ، پارتكومنىڭ كوپشىلىك ەڭ كوڭىل بولەتىن، ەڭ تىكە مۇددە ماسەلەلەرىن شەشۋىنە سايكەسۋى كەرەك. سونىمەن بىرگە، سوڭعى جىلداردان بەرگى اۆتونوميالى رايوندىق پارتكوم قابىلداعان حالىققا يگىلىك جەتكىزۋ ساياساتتارىن كەڭ كولەمدە ۇگىتتەپ، يدەيانى بىرلىككە كەلتىرۋ، كۇدىك - كۇماننان ارىلتۋ قىزمەتىن كوبىرەك ىستەپ، كۇش سالا جاعىمدى راي قالىپتاستىرىپ، حالىقتىڭ قالاۋىن مۇمكىندىكتىڭ بارىنشا ۇيىستىرۋى ءتيىس. ۇلتتىق بولشەكتەۋشىلىككە قارسى تۇرىپ، وتاننىڭ تۇتاستىعىن، ۇلتتار ىنتىماعىن قورعاۋعا تاباندى بولىپ، «بىرگە قارسى تۇرىپ، ەكىنى دارىپتەۋدەن» جازباي، ۇلتتار ىنتىماعىن نىعايتۋ، قوعامنىڭ جاراسىمدىلىعىن، ورنىقتىلىعىن جەبەۋ جاعىندا تىڭ تابىسقا جەتۋى قاجەت. اۆتونوميالى رايوندىق پارتكوم مەن شينجياڭداعى ءار ۇلت حالقى اۆتونوميالى رايوندىق جاڭا كەزەكتى ساياسي كەڭەستىڭ قىزمەتىنە ۇلكەن ءۇمىت ارتىپ وتىر، جاڭا كەزەكتى ساياسي كەڭەس باسشىلىق القاسى مەن بارلىق ساياسي كەڭەس مۇشەسىنىڭ قۇلشىنعاندا عانا وزگەرىس بولادى، قۇلشىنساق بولدى وزگەرتە الامىز دەگەن تانىمعا تاباندى بولىپ، وزگەرىس، بۇرىلىس جاساپ، جاۋاپكەرلىكتى باتىلدىقپەن ارقالاپ، ناقتى ونىمدىلىكتى كوزدەپ، ساياسي كەڭەس قىزمەتىنىڭ باستى اۋەنىن قالىپتاستىرىپ، ساياسي كەڭەس قىزمەتىنىڭ جاڭا جاعدايىن ۇزدىكسىز جاراتۋىن ءۇمىت ەتەمىن.
مۇشەلەر، جولداستار، دوستار! كوركەيىپ - گۇلدەنگەن، باي، جاراسىمدى، ورنىقتى، كوركەم شينجياڭ قۇرۋ − شينجياڭداعى ءار ۇلت حالقىنىڭ ارمانى. ءبىز پارتيا 18 - قۇرىلتايى رۋحىنىڭ جەتەكشىلىگىندە، شي جينپيڭ جولداس باس شۋجي بولعان پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ءبىر نيەت، ءبىر تىلەكتە بولىپ، تىزە قوسا سەلبەستىك جاساپ، جاۋاپكەرلىكتى باتىلدىقپەن ارقالاپ، جاپپاي دوڭگەلەك داۋلەتتى قوعام قۇرۋ، شينجياڭنىڭ قارىشتاپ دامۋى مەن باياندى تىنىشتىعىن جۇزەگە اسىرۋ جولىندا قۇلشىنا كۇرەس جۇرگىزەيىك! «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
