- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءىرى كاسىپورىن، توپتار شينجياڭعا كەلىپ ىرگە تەۋىپ، كومىر بايلىعىن اشۋعا جانە ونى بايلىق ابزالدىلىعىنا اينالدىرۋ ناۋقانىنا قاتىناسىپ، رايونىمىز كومىر ونەركاسىبىن عىلىمي، حاۋىپسىز دامىتۋداعى نەگىزگى كۇشكە اينالدى
2013.04.01 15:25 كەلۋ قاينارى : شينجياڭ حالىق راديو ستانسياسى تورابى
قىستا شاندۇڭ ەنەرگيا كەن توبىنىڭ رايونىمىزداعى 6 كەن شاحتاسىنىڭ قۇرىلىسى جۇرگىزىلۋمەن بىرگە، 2 ميلليارد تەكشە مەترلىك كومىردەن تابيعي گاز الۋ نىسانىنىڭ قۇرىلىسى دا توقتامادى. دۇنيە جۇزىندەگى 500 مىقتى كاسىپورىننىڭ ءبىرى بولعان شاندۇڭ ەنەرگيا كەن توبى وسى بىرنەشە جىلدا شينجياڭدى ماڭىزدى ەنەرگيا بازاسى ەتىپ، قارجى قوسۋ تەبىنىن ارتتىرىپ، شينجياڭنىڭ كومىر بايلىعىن كەڭ كولەمدە، جوعارى دەڭگەيدە اشۋعا كىرىستى. شاندۇڭ ەنەرگيا كەن توبىنىڭ ىلەدەگى بولىمشە سەرىكتەستىگىنىڭ باستىعى جاڭ كايشۇن: 2012-جىلدىڭ سوڭىنا دەيىن، جيىنى 10 ميلليارد يۋان قارجى قوسقاندىقتارىن، 2015-جىلعا بارعاندا، وزدەرىنىڭ ءوندىرىس قۋاتىنىڭ 23 ميلليون تونناعا جەتەتىندىگىن، كەلەر جىلى جىلدىق ءونىم مولشەرى 2 ميلليارد تەكشە مەترلىك كومىردەن تابيعي گاز الۋ نىسان قۇرىلىسىنىڭ سىناق رەتىندە ىسكە قوسىلاتىندىعىن، وسى ءوڭىردىڭ دامۋ بولاشاعىنىڭ زور ەكەندىگىن ايتتى.
شينجياڭدا كومىر زاپاسى مول، ونىڭ ۇستىنە مەملەكەت شينجياڭعا ساياسات جاعىنان قولداۋ كورسەتىپ، ەلىمىزدەگى كۇشى مىعىم ءىرى كاسىپورىن، توپتاردى شينجياڭعا كەلىپ قارجى قوسۋعا باۋرادى. بۇل شينجياڭداعى بۇرىنعى كومىر ونەركاسىبىنىڭ بىتىراندى بولۋ جاعدايىن وزگەرتتى، بىرىكتىرىپ قايتا قۇرۋ ارقىلى تەحنيكا، قارجى، دارىندى، كۇش-قۋاتى جەتكىلىكتى ءبىر توپ كومىر كاسىپورنى شينجياڭنىڭ كومىر ونەركاسىبىنىڭ تىرەكتى كۇشىنە اينالدى. اۆتونوميالى رايوندىق كومىر ونەركاسىبىن باسقارۋ مەكەمەسىنىڭ باستىعى حى شىنۋي، مەملەكەت بويىنشا كومىر كاسىبىندەگى 100 مىقتى كاسىپورىننىڭ 30ى، كومىر ءونىم مولشەرى بويىنشا 50 مىقتى كاسىپورىننىڭ 20 سى شينجياڭعا كەلىپ ىرگە تەۋىپ دامىعاندىعىن، مۇندا 17 كاسىپورىننىڭ وندىرىسكە قوسىلعاندىعىن، ءونىم مولشەرىنىڭ 75 ميلليون 570 مىڭ توننادان اسىپ، جالپى ءونىم مولشەرىنىڭ %54 ىن ۇستايتىندىعىن، ءىرى كاسىپورىن توپتاردىڭ شينجياڭداعى كومىر ونەركاسىبىن عىلىمي، حاۋىپسىز دامىتۋداعى جەتەكشى كۇشكە اينالعاندىعىن ايتتى.
ءىرى كاسىپورىن، توپتاردىڭ ات سالىسۋىندا، رايونىمىزدىڭ كومىر بايلىعىن اشۋ كولەمى مەن دەڭگەيىنىڭ ۇزدىكسىز ارتىپ، جان-جاقتىلى ماشينالاندىرۋ دەڭگەيى مەن بايلىقتى قايتا جيناۋ مولشەرى ۇزدىكسىز جوعارلاپ، ءوندىرىس حاۋىپسىزدىگىندە تىڭ دەڭگەي جاراتتى. وتكەن جىلى رايونىمىزداعى كومىر كەن ءوندىرىس حاۋىپسىزدىك شىرعالاڭىنىڭ سانى، شىرعالاڭدا ولگەن ادام سانى تۇگەل ەكى ورىندى سان بويىنشا ازايىپ، الدىنداعى جىلدىڭ وسى مەزگىلىندەگىدەن %45 تومەندەدى.سانجى وبلىسىنداعى ەڭ ۇلكەن كومىر الابى ـــ شىعىس جوڭعار كومىر الابىنىڭ سوڭعى بىرنەشە جىلدان بەرى ءونىم مولشەرى جەدەل ارتىپ، وتكەن جىلى 48 ميلليون 400 مىڭ تونناعا جەتىپ، تۇتاس رايونىمىزدىڭ كومىر ءونىم مولشەرىنىڭ ۇشتەن ءبىرىن ۇستادى. ءىرى كاسىپورىن، توپتار جاپپاي رايونىمىزعا كەلىپ ىرگە تەپكەندىكتەن، شىعىس جوڭعار كومىر الابىن جان-جاقتىلى اشۋ، قورشاعان ورتانى قورعاۋ اياق الىسى تەزدەدى. سانجى وبلىستىق كومىر ونەركاسىبىن باسقارۋ مەكەمەسىنىڭ ورىنباسار باستىعى فۋ چياڭ: قازىر شىعىس جوڭعار كومىر الابىندا حۋبەي ي-حۋا توبى شەكتى جاۋاپكەرلىك سەرىكتەستىگى، شىنحۋا توبى شەكتى جاۋاپكەرلىك سەرىكتەستىگى، لۋنىڭ توبى شەكتى سەرىكتەستىگى، مەملەكەتتىك ەلەكتر تورابى سەرىكتەستىگى سياقتى ەلىمىزدەگى 500 مىقتى كاسىپورىننان 40 ى بار، كومىر كاسىبىندەگى الدىڭعى 10 مىقتى كاسىپورىن دا شىعىس جوڭعار كومىر الابىندا، دارىندى ەنگىزۋدەن، تەحنيكا جانە باسقارۋ وتكەلەگىنە دەيىن، بۇرىنعىمەن سالىستىرعاندا وزگەرىس زور. الدا شىعىس جوڭعار كومىر الابىنىڭ دامۋى سانجى وبلىسىنىڭ دامۋ اياق الىسىن بەلگىلەيتىن بولادى،-دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
