- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
3-كەزەكتى جۇڭگو شينجياڭ حالىقارالىق ۇلتتىق ءبي مەرەكەسىنىڭ اقپارات جاريالاۋ ءماجىلىسى بىيجيڭدەگى شينجياڭ سارايىندا وتكىزىلدى
2013.04.15 13:43 كەلۋ قاينارى : شينجياڭ حالىق راديو ستانسياسى تورابى
12-ءساۋىر تۇستەن بۇرىن، مادەنيەت مينيسترلىگى، مەملەكەتتىك كەڭەستىڭ اقپارات كەڭسەسى جانە اۆتونوميالى رايوندىق حالىق ۇكىمەتى باسقارعان 3-كەزەكتى جۇڭگو شينجياڭ حالىقارالىق ۇلتتىق ءبي مەرەكەسىنىڭ اقپارات جاريالاۋ ءماجىلىسى بىيجيڭدەگى شينجياڭ سارايىندا وتكىزىلدى. اقپارات جاريالاۋ ماجىلىسىندە، اۆتونوميالى رايوننىڭ ورىنباسار ءتوراعاسى ەركىن تۇنياز وسى رەتكى ءبي مەرەكەسىنىڭ قاتىستى جاعدايلارىن جاريالادى. مادەنيەت مينيسترلىگى شەتەلمەن قارىم-قاتىناس جاساۋ مەكەمەسىنىڭ باستىعى جاڭ ايپيڭ اقپارات جاريالاۋ ماجىلىسىنە قاتىناستى ءارى ءسوز سويلەدى.
اۆتونوميالى رايوننىڭ ورىنباسار ءتوراعاسى ەركىن تۇنياز بىلاي دەپ تانىستىردى: وسى كەزەكتى ءبي مەرەكەسىنىڭ باستى تاقىرىبى «جاراسىمدى جۇڭگو، كورىكتى دۇنيە» بولىپ، 20-شىلدەدەن 5-تامىزعا دەيىن وتكىزىلەدى دەپ بەلگىلەندى، ۇرىمجىدە نەگىزگى الاڭ ورنالاستىرىلۋدان سىرت، كورلا مەن شىحىزىدا تارماق الاڭدار ورنالاستىرىلادى. ءبي مەرەكەسى كەزىندە، ەلىمىزدىڭ ءىشى-سىرتىنان 21 كوركەمونەر ۇيىرمەسى 8 تەاترحانادا 65 كەزەك اسا تارتىمدى، باي مازمۇندى ويىندار قويادى. سول كەزدە كورەرمەندەر گەرمانيانىڭ گيەسسەن قالاسى تەاترحاناسىنىڭ وسىزامان جاز ءبيى «باكبە»، يسپانيا مۋرسيا مەملەكەت ءبي ۇيىرمەسىنىڭ «كارمەن» سياقتى 12 مەملەكەت پەن رايوننان كەلگەن ۇيىرمەلەردىڭ اكەلگەن كلاسسيكالىق تەاترلارىنان ءلاززاتتانۋدان سىرت، تاعى دا ەلىمىزدەگى شاڭحاي بالەت ءبي ۇيىرمەسىنىڭ «شاشى اعارعان قىز» سياقتى ەلىمىزدىڭ 4 تەاترىن تاماشالاي الادى. ارينە تاعى دا شينجياڭ اسكەري رايوندىق ويىن-ساۋىق ۇيىرمەسىنىڭ جاڭا تۋىندىسى-«دابانچىڭدىق قىز» ءان-ءبي تەاترى سياقتى شينجياڭدىق ەرەكشەلىككە يە 5 تەاتردى كورە الادى. ەركىن تۇنياز بىلاي دەدى: 3-كەزەكتى جۇڭگو شينجياڭ حالىقارالىق ۇلتتىق ءبي مەرەكەسىنە جوعارى دەڭگەيىلى ءتىپتى حالىقارالىق ماڭداي الدى ۇيىرمەلەر ويىن قويۋعا ۇسىنىس ەتىلدى، سونىمەن بىرگە، تەاتر تۇرلەرى سان-سالالى بولىپ، بالەت تەاترى، ءداستۇرلى تەاتردان سىرت تاعى وسىزامانعى ءبي تەاترى، بالالار تەترى، قازىرگى زامانعى ءبي، ۇلتتىق ءبي سياقتىلار ورنالاستىرىلدى. ءبي مەرەكەسىنىڭ مازمۇنىن مولايتىپ، ءبي مەرەكەسىنە بۇقارانىڭ قاتىناسۋ كولەمىن كەڭەيتۋ ءۇشىن، وسى كەزەكتى ءبي مەرەكەسىندە تاعى «2013-جىلعى جۇڭگو تورابى ءبي مەرەكەسى»، «ءان-ءبي مەكەنى» اتتى شينجياڭنىڭ ءان-ءبي كوركەمونەر فوتۋ سۋرەت بىرلەسكەن كورمەسى سياقتى قوسىمشا قيمىلدار وتكىزىلىپ، ءبي مەرەكەسىن حالىقارالىق دەڭگەيگە، ۇلتتىق ەرەكشەلىككە يە جانە جالپى حالىق ورتاق يگىلىكتەنەتىن سالتاناتتى مادەنيەت جينالىسىنا اينالدىرۋعا كۇش سالىندى. مادەنيەت مينيسترلىگى شەتەلمەن قارىم-قاتىناس جاساۋ مەكەمەسىنىڭ باستىعى جاڭ ايپيڭ بىلاي دەدى: ءار قايسى جاقتىڭ ورتاق قۇلشىنۋىندا، وسى كەزەكتى ءبي مەرەكەسىنىڭ باستى تاقىرىبىن تولىق ايگىلەپ، دۇنيە جۇزىندەگى ءار قايسى ەلدەردىڭ ءبي مەرەكەلەرىنىڭ كەرەمەتى مەن تارتىمدىلىعىن ايگىلەپ، جۇڭگو مەن شەتەلدىڭ ەكونوميكا-ساۋدا، ساياحات سياقتى جاقتارداعى اۋىس-كۇيىسىن جانە سەلبەسۋىن كۇشەيتىپ، شينجياڭنىڭ مادەنيەت سالاسىنداعى سىرتقا ەسىك اشۋ ءورىسىن اناعۇرلىم كەڭەيتىپ، شينجياڭنىڭ مادەنيەتىنىڭ كوركەيىپ-گۇلدەنىپ، دامۋىن جەبەيتىندىگىنە سەنىمىم كامىل.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
