بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

قاشقار ەكونوميكالىق اشۋ رايونى فينانس - ساۋدا الاڭىندىق وبرازىن العاشقى قادامدا ايگىلەدى

2013.04.17 16:11     كەلۋ قاينارى : ءتاڭىرتاۋ تورابى

  12 - ساۋىردە سىچۋان - چۇڭچيڭ باس شتاپ عيماراتى مۇلىك يەسى جاقتىڭ باس ينجەنەرى حو جينلۇڭ ماعان: مىنا عيمارات 3 جىلدان كەيىن سالىنىپ بولىپ، پايدالانۋعا بەرىلۋى مۇمكىن، بۇعان قاشقاردا ساۋدا جاسايتىن 30 سىچۋاندىق ساۋداگەر قارجى قوستى، - دەدى. ناۋرىز ايىنىڭ سوڭىنا دەيىن، سىچۋان - چۇڭچيڭ باس شتاپ عيماراتىن قامتىعان، جالپى 3 ميلليارد 50 ميلليون يۋان قارجى قوسىلعان 13 باس شتاپ ەكونوميكا عيماراتى شوعىرلى سالىنا باستادى، بۇل − قاشقار ەكونوميكالىق اشۋ رايونىنداعى بيىلعى باستى تالپىنىستاردىڭ ءبىرى.

  باس شتابى ەكونوميكالىق اشۋ رايونىنا ىرگە تەپكەن قاشقار شىعىس جاڭا قالا فينانس - ساۋدا الاڭى − قاشقار ەكونوميكالىق اشۋ رايونىنىڭ سىرتقا اشىق ۇستالاتىن، ىشپەن بايلانىس جاسايتىن وزەكتى القابى. اۋماعى 200 مۋ كەلەتىن وسى اراعا 18 باس شتاپ ەكونوميكا عيماراتىن سالىپ، جەرىن كوگالداندىرىپ، فينانس، سىرتقى ساۋدا، ساۋداعا قىزمەت وتەۋ، تەحنيكالىق سەلبەستىك جاساۋ سەنترى، وسى زامانعى كاسىپتىك قىزمەت وتەۋ سياقتىلاردى ءبىر تۇلعالاندىرىپ، دامۋدىڭ شوعىرلى كۇشىن قالىپتاستىرۋ جوسپارلاندى.

  2011 - جىلى قازان ايىندا مەملەكەتتىك كەڭەس «شينجياڭنىڭ قاشقار، قورعاس ەكونوميكالىق اشۋ رايوندارىن قۇرۋىن قولداۋ جونىندەگى پىكىرىن» جاريالاپ، قاشقارعا «فينانس - ساۋدا رايونىن» قۇرۋ ساياساتىن قولداندى. سونىمەن قاشقار ەكونوميكالىق اشۋ رايونى ەلىمىزدەگى شاڭحايدىڭ پۋدۇڭ اشۋ رايونى تۇڭعىش رەت «فينانس - ساۋدا رايونىن» قۇرعاننان كەيىنگى «فينانس - ساۋدا رايونىن» قۇرۋعا مۇمكىندىك العان 2 - ەكونوميكالىق اشۋ رايونىنا اينالدى.

  2012 - جىلى شاڭحاي پۋفا بانكەسى، تيانجين بيڭحاي بانكەسى، ءۇرىمجى ساۋدا بانكەسى، گۋاڭدۇڭ وركەندەتۋ بانكەسى ىركەس - تىركەس قاشقاردا بولىمشەلەرىن قۇردى، قاشقار ەكونوميكالىق اشۋ رايونى مەن اۆتونوميالى رايوندىق مەملەكەت كوركەيتۋ بانكەسى، اۋىل شارۋاشىلىعىن دامىتۋ بانكەسى سياقتى فينانس قۇرىلىمدارى سەلبەستىك قاتىناسىن ورناتىپ، فينانس كەڭسەسىن، مۇلىك ۇقىعى ساۋدا سەنترىن، كاسىپورىنداردىڭ بازارعا جارنا شىعارۋىنا قىزمەت وتەۋ ورتالىعىن قۇرىپ، قاشقار وركەندەتۋ بانكەسىن ۇيىمداستىرىپ قۇرۋ جۇمىسىن باستاپ، قۇنى 800 ميلليون يۋاندىق قالاعا قارجى قوسۋ زايومىن تاراتتى. جۇڭگو حالىق بانكەسى، بانكە كاسىبىن باقىلاۋ - باسقارۋ كوميتەتى، اكتسيا باقىلاۋ - باسقارۋ كوميتەتى، قامسىزداندىرۋدى باقىلاۋ - باسقارۋ كوميتەتى «قاشقار، قورعاس ەكونوميكالىق اشۋ رايوندارىنىڭ قۇرىلىسىن فينانس جاعىنان قولداۋ جونىندەگى پىكىرىن» جاريالادى.

  اسا ءتيىمدى ساياساتتار ىركەس - تىركەس شىعارىلعانمەن، مەملەكەتتىڭ دامۋعا قاتىستى ءتيىمدى ساياساتتارىنان قالاي جاقسى پايدالانۋ قاشقار ەكونوميكالىق اشۋ رايونىنداعى بارلىق جاق تۇگەل باس قاتىرعان ماسەلەگە اينالعان ەدى.

  شىنجىننىڭ شينجياڭعا باعىتتامالى كومەكتەسەتىن الدىڭعى قولباسشىلىق شتابىنىڭ باس قولباسشىسى، قاشقار ەكونوميكالىق اشۋ رايونى باسقارۋ كوميتەتىنىڭ مەڭگەرۋشىسى جۋ تيڭفىڭ ماعان: قازىر قاشقار شىعىس جاڭا قالا فينانس - ساۋدا الاڭىندا نەگىزدىك قۇرىلعىلار قۇرىلىسى قاۋىرت سالىنۋدا، بۇل اراداعى قاشقار وركەندەۋ عيماراتى مەن باس شتاپ ەكونوميكا عيماراتتارى سالىنا باستادى. ءبىز فينانس - ساۋدا رايونى مەن باس شتاپ ەكونوميكا الاڭىنىڭ مەڭگەرۋ سيپاتتى ەگجەي - تەگجەيلى جوبا - جوسپارىن جاساپ بولىپ قالدىق، بۇل قاشقار ەكونوميكالىق اشۋ رايونىندا فينانس پەن ساۋدانى قالاي، قايتىپ دامىتۋعا ۇيلەسىمدى جول كورسەتەدى، - دەدى.

  ۇعىسۋعا قاراعاندا، 2013 - جىلى قاشقار ەكونوميكالىق اشۋ رايونى حالىق بانكەسىنىڭ، بانكە كاسىبىن باقىلاۋ - باسقارۋ كوميتەتىنىڭ قىزمەت عيماراتى قۇرىلىسىن سالا باستاپ، قاشقاردا تۇراتىن فينانس قۇرىلىمدارىن فينانس - ساۋدا الاڭىندا بولىمشەلەر قۇرۋعا شابىتتاندىرادى ەكەن. جارنا ۇقىعى بار قارجى قوسۋ قورىن، ساقتىق رەتىندە قارجى قوسۋ قورىن كۇش سالا باۋراپ، جەرگىلىكتى ورىن زايومىن، كاسىپورىن زايومىن تاراتۋدى جەبەپ، جىل سوڭىنا دەيىن قۇنى 2 ميلليارد يۋاننان اساتىن زايوم تاراتۋعا قۇلشىناتىن كورىنەدى. ناندا ءسۇت ونىمدەرى توبى سياقتى 5 كاسىپورىن بازارعا جارنا شىعارۋدان ىلگەرگى دايىندىق جۇمىستارىن ورىنداپ بولىپتى. اشۋ رايونى باستى قاينارى جارنا ۇقىعى بار قارجى قوسۋ كاسىپورىندارىنان كەلەتىن ءار الۋان باجى كىرىسىن 400 ميلليون يۋانعا جەتكىزۋگە كۇش سالاتىن سياقتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.