- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ دولان مۇقامى پاريج قالالىق تەاترحانادا شىرقالدى
2013.05.03 10:46 كەلۋ قاينارى : ءتاڭىرتاۋ تورابى
اۆتونوميالى رايوندىق مادەنيەت مەڭگەرمەسىنەن ۇعىسۋعا قاراعاندا، جۇڭگو شينجياڭ دولان مۇقام ءان - ءبيى 22 - ساۋىردە فرانسيانىڭ پاريج قالاسىنداعى تەاترحانانىڭ ساحناسىنا سالتاناتپەن كوتەرىلىپ، دولان مۇقام ونەرى فرانسيالىق كورەرمەندەردى تامساندىرعان.
فرانسيا دۇنيە مادەنيەت وتاۋىنىڭ ۇسىنىسىمەن، ماكىت اۋدانىنداعى حالىق اراسىنان شىققان 6 ونەرپازدان جانە اۋداندىق مادەنيەت مەكەمەسىنىڭ دولان مۇقامى ونەرىنە جەتىك 2 كادرىنان ۇيىمداسقان جۇڭگو شينجياڭ ۇيعۇر دولان مۇقام كوركەمونەر ۇيىرمەسى فرانسيانىڭ 17 - كەزەكتى حالىقارالىق «حيال ونەر فەستيۆالىنا» قاتىناستى. كونسەرتتىڭ بەلەتى ءبىر ايدىڭ الدىندا - اق ساتىلىپ بولدى. اۆتونوميالى رايوندىق مادەنيەت مەڭگەرمەسىنىڭ ورىنباسار باقىلاۋشىسى ما يىڭشىڭنىڭ تانىستىرۋىنا قاراعاندا، وسى 8 ادام 11 ءنومىر ورىنداعان، مۇنىڭ التاۋىندا دولان مۇقامى تولىعىمەن شىرقالعان، كونسەرت 75 مينۋتقا جالعاسقان، بۇل ارتيستەر جونىنەن وڭاي سايىس ەمەس.
600 نەشە ادام سياتىن پاريج قالالىق تەاترحانانىڭ ءىشى كورەرمەنگە تولدى، ارتيستەر ارىپ - شارشاعانىنا قاراماي، تاسقىنداعان سەزىممەن ءاربىر ءنومىردى ورىنداپ بولعاندا، تەاترحانادان ۇزاققا سوزىلعان شاتىرلاعان شاپالاق ءۇنى كوتەرىلدى، مۇنى كورگەن ادام تەبىرەنبەي تۇرا المايدى. ەڭ سوڭعى ءنومىر ورىندالىپ بولىپ، كوركەمونەر ۇيىرمەسى ساحنادان تۇسكەندە، شاتىرلاعان شاپالاق ءۇنى ارتيستەردى ساحناعا قايتا شاقىردى، سونىمەن ولار ءان - ءبي ارالاس دولان مۇقامىنان تاعى ءبىر ءبولىم ورىندادى. وسىلاي بولسا دا كورەرمەندەر 4 مينۋتتاي شاپالاق سوعىپ، كوركەمونەر ۇيىرمەسىندەگىلەردىڭ ەندى ونەر كورسەتپەيتىنىنە كوز جەتكىزگەننەن كەيىن عانا قيماستىقپەن ورىندارىنان قوزعالدى.
ما يىڭشىڭ بىلاي دەدى: «بەي زاتتىق مادەنيەت مۇراسىن قورعاۋ شارتىنىڭ» ماقۇلدانعانىنىڭ 10 جىلدىعىن قۇتتىقتاۋ ساتىندە، ب م ۇ وقۋ - اعارتۋ، عىلىم - تەحنيكا، مادەنيەت ۇيىمى تۇرعان پاريج قالاسىنداعى ءساتتى وتكىزىلگەن كونسەرت دۇنيە جۇزىنە ەلىمىز ۇلتتارىنىڭ حالىقتىق كوركەمونەرىنىڭ ەرەكشە باۋراۋ قۋاتىن ايگىلەدى، ەلىمىزدىڭ ادامزات بەي زاتتىق مادەنيەت مۇراسىنىڭ ۋاكىلدىك تۋىندىلارىنىڭ قاتارىنا ەنگىزۋ، قورعاۋ نىسانى جاعىندا قول جەتكىزگەن تابىستارىن دا بەينەلەدى
كونسەرتكە قاتىناسقان ماكىت اۋدانىنداعى مەملەكەت دارەجەلى بەي زاتتىق مادەنيەت مۇراسىنىڭ ۋاكىلدىك مۇراگەرى، دولان مۇقامشىسى، داپشى،73 جاستاعى ۇسەيىن ياھيا تەبىرەنگەن كوڭىل كۇيمەن تىلشىگە: فرانسيا، ۇلى بريتانيا، گەرمانيا سياقتى جەرلەرگە بارىپ كونسەرت قويدىق، بۇل وتانشىلدىق سۇيىسپەنشىلىگىمىزدى ءتىپتى دە كۇشەيتتى، كوبىرەك شاكىرت تاربيەلەۋىمە، دولان مۇقام ونەرىن ۇرپاقتان - ۇرپاققا جالعاستىرۋىما جەبەۋ بولدى، قازىرگە دەيىن 10 ۇرپاعىمدى تاربيەلەدىم، شاكىرتتەرىم دە جۇزگە تايادى، - دەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
