بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

فەستيۆالدىڭ كۇن ءتارتىبى جانە «مادەنيەت ارقىلى حالىققا تيىمدىلىك جاساۋ» بەلەت جوباسى بەلگىلى بولدى

3 - كەزەكتى جۇڭگو شينجياڭ حالىقارالىق ۇلتتىق ءبي فەستيۆالى شىلدەدە باستالادى

 جيىنى 80 مىڭنان استام بەلەت بار، بەلەت 10 - مامىردان باستاپ ساتىلادى

2013.05.13 16:31     كەلۋ قاينارى : ءتاڭىرتاۋ تورابى

  3 - كەزەكتى جۇڭگو شينجياڭ حالىقارالىق ۇلتتىق ءبي فەستيۆالىنىڭ اقپار جاريالاۋ ماجىلىسىنەن ۇعىسقانىمىزداي، وسى كەزەكتى ءبي فەستيۆالىنىڭ كۇن ءتارتىبى، سونداي - اق «مادەنيەت ارقىلى حالىققا تيىمدىلىك جاساۋ» بەلەت جوباسى بەلگىلى بولعان. ءبي فەستيۆالىنىڭ اشىلۋ سالتى 20 - شىلدە كۇنى ساعات 20دا شينجياڭ حالىق سارايىندا وتكىزىلەدى. جابىلۋ سالتى 8 - تامىز كۇنى ساعات 21دە وتكىزىلەدى. جابىلۋ سالتىندا شاڭحاي بالەت ءبي ۇيىرمەسىنىڭ «شاشى اعارعان قىز» اتتى ءبي تەاترى قويىلادى.

  كۇن ءتارتىبى بويىنشا، 21 - شىلدەدەن 4 - تامىزعا دەيىنگى ءار كۇنگى ساعات 21دە ءبي فەستيۆالىندا ونەر كورسەتەتىن 21 كوركەمونەر ۇيىرمەسى ءۇرىمجى قالاسىنداعى، كورلا قالاسىنداعى، شىحىزى قالاسىنداعى 8 تەاترحانادا 66 رەت ونەر كورسەتەدى. كونسەرت قويىلاتىن ورىندار: شينجياڭ حالىق سارايى، شينجياڭ حالىق تەاترى، شينجياڭ كوركەمونەر تەاترحاناسى، شينجياڭ مۇقام انسامبىلىنىڭ تەاترحاناسى، شينجياڭ تەاتر ۇيىرمەسىنىڭ تەاترحاناسى، 1 - تامىز تەاترى، بايىنعولين كروران تەاترى، شىحىزى سپورت سارايى.

  فەستيۆال كەزىندەگى ويىن نومىرلەرى مىنالار: بەلگيا پاتشالىق بريۋسسەل وسى زامانعى ءبي ۇيىرمەسىنىڭ «شوكالاد» اتتى ءبي تەاترى؛ گرۋزيا باتۇڭ ۇيىرمەسىنىڭ «وت ءبيى» اتتى مۋزيكالى ءبي كەشى؛ گەرمانيانىڭ جيسەن قالالىق تەاترىنىڭ «ماكبەت» اتتى وسى زامانعى جاز ءبي تەاترى؛ قازاقستان رەسپۋبليكاسى ناز مەملەكەتتىك ءان - ءبي انسامبىلىنىڭ بىرەگەي ءان - ءبي كەشى؛ كورەيانىڭ Black Queen جانە Rivers Crewوسى زامانعى ءبي توبىنىڭ وسى زاماندىق ءبي كونسەرتى؛ ماۋريتۋس مەملەكەتتىك ءبي ۇيىرمەسىنىڭ «Nou Kiltirدىڭ دۇنيەگە كەلۋى جانە دامۋى» اتتى ءبي كەشى؛ موڭعۇليا رەسپۋبليكاسىنىڭ دارىن ءبي ۇيىرمەسىنىڭ ءان - ءبي كەشى؛ رەسەي جاڭا سيبيريا مەملەكەتتىك ۇلگىلى وپەرا، بالەت تەاترىنىڭ «ۇيقىداعى ارۋ»، «جاڭعاق اعاشىنان جاسالعان قىسقىش» اتتى بالەت ءبي تەاترلارى؛ يسپانيا مۋرسيا مەملەكەتتىك ءبي ۇيىرمەسىنىڭ «كارمەن» اتتى كلاسسيكالىق فلامەنكوءبي تەاترى؛ تايلاند رۇيساۋىنديفىڭلاڭ انسامبىلىنىڭ ءداستۇرلى حالىقتىق بيلەرى؛ تۇركيا انكارا مەملەكەتتىك وپەرا جانە بالەت ۇيىرمەسىنىڭ «روزا باقشاسى» اتتى وسى زامانعى بالەت ءبي تەاترى؛ اۋمىن ونەر ينستيتۋتى جاستار ءبي ۇيىرمەسىنىڭ «ءبي − اۋمىن» اتتى ءبي كەشى.

  وسى جولعى ءبي فەستيۆالى كەزىندە ەل ىشىنەن قاتىناساتىن ۇيىرمەلەر جانە ورىندالاتىن بيلەر مىنالار: شاڭحاي بالەت ۇيىرمەسىنىڭ «شاشى اعارعان قىز» اتتى بالەت ءبي تەاترى؛ جىڭجوۋ ءبي تەاترىنىڭ «شۇييۋە لوشىن» اتتى ءبي تەاترى؛ ۋشي قالالىق ونەر توبى ءان - ءبي تەاترىنىڭ «كەستەشى ايەل» اتتى ءبي تەاترى؛ سانشي كوركەمونەر كاسىپتىك ينستيتۋتى حۋاجين ءبي تەاتر ۇيىرمەسىنىڭ «قىم - قۋىت زامان» اتتى ءبي تەاترى.

  بۇل جولعى ءبي فەستيۆالىنا ارنالىپ جيىنى 80 مىڭنان استام بەلەت باسىلدى. ۇيىمداستىرۋ كوميسسياسى «مادەنيەت ارقىلى حالىققا تيىمدىلىك جاساۋ» جانە ءار ۇلت حالىق بۇقاراسىنا قىزمەت ەتۋ ماقساتىندا، ارزان باعادا ساتۋ، توپتىق ساتىپ الۋ، اقىسىز ۇسىنۋ، اقپارات قۇرالدارىندا ساتىپ الۋ، حال سۇراۋ بەلەتى، كورۋگە ۇيىمداستىرۋ سياقتى ءار الۋان فورمالارمەن قوعامعا جونەلتىپ، بەلەتتى ساتۋ - ۇلەستىرۋدىڭ يكەمدى دە قولايلى ارناسىن مۇمكىندىكتىڭ بارىنشا جارىققا شىعارادى. «حالىققا تيىمدىلىك جاساۋ» بەلەتى A، B، C 3 تۇرگە بولىنەدى. شينجياڭ حالىق سارايىندا A، B، C بەلەتتەردىڭ باعاسى جەكە - جەكە 260 يۋان، 200 يۋان، 120 يۋان، قالعان تەاترحانالاردا A، B ، C بەلەتتەردىڭ باعاسى جەكە - جەكە 80 يۋان، 60 يۋان، 40 يۋان.

  اشىلۋ سالتىندا، جابىلۋ سالتىندا، ارناۋلى حال سۇراۋ كونسەرتتەرىندە، توپتىق ساتىپ الىنعان كونسەتتەردە بەلەت ساتىلمايدى، قالعان 60 رەتكى كونسەرتتىڭ بەلەتى تاياۋدا ءار ءتۇرلى تاسىلدەرمەن ءار ۇلت حالىق بۇقاراسىنا اشىق ساتىلادى. ءبىر ادامنىڭ 5 تەن ارتىق بەلەت ساتىپ الۋىنا بولمايدى، ازاماتتىق كۋالىك نەمەسە ءونىمدى كۋالىك ارقىلى ساتىپ الۋعا بولادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.