- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءۇرىمجىنىڭ لاستانعان اتموسفەراسىن وڭاۋدىڭ جاڭا ساپارى باستالدى
5 ەلەكتر ستانسياسىن جابۋ، توك شىعارۋ مولشەرىن ازايتۋ قىزمەتى قادام بويىنشا اتقارىلادى
2013.05.13 16:32 كەلۋ قاينارى : ءتاڭىرتاۋ تورابى
ءۇرىمجىنىڭ قورشاعان ورتا، اۋا ساپاسىنىڭ ۇزدىكسىز جاقسارا تۇسۋىنە مۇمكىندىك جاساۋ ءۇشىن، بيىلدان باستاپ ءۇرىمجى قالاسى 5 ەلەكتر ستانسياسىن جابۋ قىزمەتىن قادام بويىنشا اتقارادى. تاياۋدا حۋاديان ۋيحۋلياڭ ەلەكتر شەكتى جاۋاپكەرلىك سەرىكتەستىگىن جابۋ جۇمىسى، سونداي - اق ودان باسقا 4 ەلەكتر ستانسياسىنىڭ قىستاعى توك مولشەرىنىڭ تەڭ جارتىسىن ازايتۋ تۋرالى سايكەستى ساياسات پەن اتقارۋ جوباسى جاسالۋدا. بۇل ءۇرىمجىنىڭ لاستانعان اتموسفەراسن وڭاۋ قىزمەتىنىڭ جاڭا ساپارى باستالعاندىعىن كورسەتەدى.
7 - مامىردا ءتىلشى ءۇرىمجى قالاسىنىڭ شيشان كوشەسىندە شاقپاقتى تەز جىلدامدىقتى جولدىڭ 2 - مەرزىمدىك ينجەنەرياسى بولەگىنەن جۇمىس ورنىنىڭ اينالاسىنا قورشاما كەدەرگىلەر قويىلىپ، زات تاسيتىن اۆتوموبيلدەردىڭ قىمتاپ جابىلعانىن، سونداي - اق جۇمىس ورنىندا اندا - ساندا سۋ سەبۋ ماشيناسىنىڭ سۋ سەۋىپ شاڭدى باسىپ تۇرعانىن كوردى.
وسى جۇمىس تاسىلدەرى − ءۇرىمجى قالاسىنىڭ شاڭ - توزاڭنان لاستانۋدىڭ الدىن الۋداعى شارالاردى اتقارۋ تالابى. قورشاعان ورتا، اۋا ساپاسىنىڭ ۇزدىكسىز جاقسارۋىن قامتاماسىز ەتۋ ءۇشىن، ءۇرىمجى قالاسىنداعى ءتۇرلى جۇمىس ورىندارى جۇمىس ورنىن قورشاۋ، ماتەريالداردى جابۋ، اۆتوموبيلدەردى جۋۋ، جەردى اسفالتتاندىرۋ، سۋ سەۋىپ شاڭدى باسىپ تۇرۋ سياقتىلاردى، ءسوز جوق، ورىنداۋى كەرەك.
3 جىلدان بەرى اتموسفەرانىڭ لاستانۋىن وڭاۋ ءۇشىن، ءۇرىمجى قالاسى ىلگەرىندى - كەيىندى 18 ميلليارد يۋان قارجى ءبولدى. قالا بويىنشا نەگىزگى ەلەكتر ستانسيالارىنىڭ گەنەراتور اگراگاتتارى تۇگەل كۇكىرتسىزدەندىرىلدى، 35 لاستاۋشى كاسىپورىن قالا ورتالىعىنان كوشىرىلدى، 116 ميلليون شارشى مەتر اۋماق تازا ەنەرگيامەن جانە قايتا تۋىندايتىن ەنەرگيامەن جىلىتىلدى، كومىر پايدالانىلاتىن شاعىن پار قازاندارىنان 38 مىڭى شاعىلدى ءارى وزگەرتىلدى.
«2012 - جىلى ءۇرىمجى قالاسىنىڭ قىسقى اۋا ساپاسىنىڭ ساپالىلىق دارەجەسى %86كە جەتتى، بۇل اۋا ساپاسىن باقىلاۋ - ولشەۋ باستالعان 1995 - جىلدان بەرگى ەڭ تاماشا ناتيجەنى كورسەتكەن جىل سانالادى»، − دەيدى ءۇرىمجى قالالىق قورشاعان ورتانى قورعاۋ مەكەمەسىنىڭ ورىنباسار باستىعى رۇي ليحۇڭ.
بيىل «كوك اسپان ينجەنەرياسى» تاعى دا تىڭ ساپارعا قادام تاستادى. ءۇرىمجى قالاسى گەنەراتور اگراگاتىنىڭ سيىمدىلىعى 50 مىڭ كيلوۆاتقا جەتپەيتىن كاسىپورىنداردىڭ كومىر جاعۋ ارقىلى توك شىعاراتىن ەلەكتر ستانسياسىنان 10ىن جابۋدى جوسپارلاۋدان سىرت، مەملەكەتتىڭ كاسىپ ساياساتى بەلگىلەمەسى بويىنشا قاتاردان قالدىرىلاتىن ءوندىرىس تەحنولوگيالارى مەن قۇرىلعىلاردىڭ بارلىعىن جاپتى ءارى 4 ميلليون شارشى مەتر كەلەتىن قۇرىلىستى ەنەرگيا ۇنەمدەۋ بويىنشا وزگەرتتى جانە 30 ميلليون شارشى مەتر اۋماقتا جىلۋ مولشەرىن ەسەپتەۋگە وزگەرتتى، سونىمەن قاتار قالا ورتالىعىنداعى تابيعي گاز جاعۋعا وزگەرتىلگەن كومىر جاعۋ قۇرىلعىلارىن جاپپاي وزگەرتتى. بۇدان سىرت، ءۇرىمجى قالاسى قالانى جاسىلداندىرۋ، توڭىرەكتىڭ ەكولوگياسىن وڭاۋ ارقىلى قورشاعان ورتانىڭ توزىمدىلىك قابىلەتىن ءوسىرىپ، قورشاعان ورتا، اۋا ساپاسىنىڭ جاقسارۋىن جەبەيدى ءارى وڭىردەگى بىرلەسىپ الدىن الۋ مەن بىرلەسىپ تىزگىندەۋدى كۇشەيتىپ، كاسىپتەردىڭ ورنالاسۋىن ساپالىلاندىرىپ، جاڭادان سالىناتىن بارلىق نىسانداردى قورشاعان ورتاعا جاسايتىن ىقپالى بويىنشا باعالاپ، تەكسەرىپ بەكىتەدى، نىسانداردىڭ اتقارىلۋ وتكەلىن مىقتى ۇستاپ، لاستاۋشى نىسانداردىڭ قالا ورتالىعىندا سالىنۋىن باتىل اۋىزدىقتايدى، قالا ورتالىعىندا قالعان ونەركاسىپ باقشا اۋماعىن كۇشىنەن قالدىرادى.
ءىرى ىستەرگە نازار
△2010 - جىلى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن كەيىن، اۆتونوميالى رايوندىق پارتكوم، ۇكىمەت ءۇرىمجى قالاسىنىڭ اتموسفەراسىنىڭ لاستانۋىن وڭاۋدى ءتۇيىندى حالىق تۇرمىسى ينجەنەرياسى رەتىندە قولدادى جانە ىلگەرىلەتتى.
△2011 - جىلى «ءۇرىمجى ءوڭىرىنىڭ اتموسفەراسىنىڭ لاستانۋىنان بىرلەسىپ ساقتانۋ، ونى بىرلەسىپ تىزگىندەۋدىڭ «12 - بەسجىلدىق» جوباسى مەملەكەتتىڭ «ءتۇيىندى وڭىرلەردىڭ اتموسفەراسىنىڭ لاستانۋىنان بىرلەسىپ ساقتانۋ، ونى بىرلەسىپ تىزگىندەۋدىڭ <12 - بەسجىلدىق> جوباسىنا» رەسمي ەنگىزىلدى.
△2012 - جىلى ءۇرىمجى قالاسى قالا ورتالىعىنداعى جىلۋمەن قامداۋشى پار قازاندارعا كومىر جاعۋدىڭ ورنىنا تابيعي گاز جاعۋدى ءتۇيىن ەتكەن 8 ۇلكەن ءتۇر بويىنشا 22 وڭاۋ ينجەنەرياسىن اتقاردى.
△2013 - جىلى ناۋرىزدا ءۇرىمجى اتموسفەراسىنىڭ لاستانۋىن وڭاۋ قىزمەتىنىڭ جاڭا ساپارى باستالىپ، «ءۇرىمجى ءوڭىرىنىڭ اتموسفەراسىنىڭ لاستانۋىنىڭ الدىن الۋ جانە ونى وڭاۋ قىزمەتىن كۇشەيتۋ جونىندەگى پىكىر» ماقۇلداندى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
