- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تايبەيدە «شينجياڭ تاماشا جەر» اتىنداعى تانىستىرۋ ءماجىلىسىن وتكىزدى
2013.05.17 16:32 كەلۋ قاينارى : ءتاڭىرتاۋ تورابى
«شينجياڭ تاماشا جەر» اتىنداعى شينجياڭ ساياحاتىن جانە وڭتۇستىك اۆياتسيا سەرىكتەستىگىنىڭ ءۇرىمجى تورابىن تانىستىرۋ ءماجىلىسى 13 - مامىردا تايبەيدە وتكىزىلدى. بۇعان تايۋانداعى 140 نەشە ساياحات مەكەمەسى قاتىناستى، شينجياڭداعى تايۋانعا ساياحاتتاۋ ۇيىرمەسىن ۇيىمداستىرۋ تولىمدىلىعى بار 4 ساياحات مەكەمەسى تايۋاندىق كاسىپتەستەرىنە وزدەرىنىڭ ساياحات ونىمدەرىن تانىستىردى.
ۇعىسۋعا قاراعاندا، وڭتۇستىك اۆياتسيا سەرىكتەستىگىنىڭ شينجياڭ بولىمشە سەرىكتەستىگى 1 - ساۋىردە ۇرىمجىدەن تايبەيگە تىكە ۇشاتىن جولاۋشىلار ۇشاعىن ىسكە قوسىپ، ءبىر - بىرىنەن شالعاي وسى ەكى كورىكتى جەردى ءوزارا تۇتاستىرعان. بۇل وڭتۇستىك اۆياتسيا سەرىكتەستىگىنىڭ تايۋانعا توتە ۇشاتىن 14 - رەتكى، شينجياڭ بويىنشا تۇڭعىش كەزەكشى ۇشاعى. ءار دۇيسەنبى، بەيسەنبى، سەنبى كۇندەرى ەكى ورتادا 3 جولاۋشىلار ۇشاعى قاتىنايدى.
اۆتونوميالى رايوندىق ساياحات مەكەمەسىنىڭ باستىعى نايىم ناسىردەن تىلشىگە بىلاي دەدى: تايۋان مەن شينجياڭنىڭ ساياحات ىستەرى جاعىنداعى اۋىس - كۇيىسىنىڭ تاريحى ۇزاق، بەرتىنگى جىلداردا قارىشتاي دامىدى. العاشقى ساناققا قاراعاندا، 2012 - جىلى تايبەيدەن شينجياڭعا كەلگەن ساياحاتشىلار 120 مىڭ ادام - رەتتەن اسقان، 2013 - جىلعى العاشقى بىرنەشە ايدا، شينجياڭنان تايبەيگە ساياحاتتاي بارعاندار ورتا ەسەپپەن 3000 ادام - رەتتەن اسىپ، شينجياڭ تايبەيگە ساياحاتتاي بارۋدى باستاعاننان بەرگى ەڭ جوعارى رەكورد بولعان.
ءتىلشى مىنالاردى ۇعىستى: بۇرىن شينجياڭدىقتار تايۋانعا ساياحاتتاي بارماق بولسا، الدىمەن ۇرىمجىدەن شىنجىن، گۋاڭجوۋ، شياڭگاڭ سياقتى جەرلەرگە بارعاننان كەيىن، ۇشاقپەن نەمەسە كەمەمەن تايۋانعا باراتىن، بۇعان 10 نەشە ساعات ۋاقىت كەتەتىن، ونىڭ ۇستىنە جولدا تاعى كولىك اۋىستىراتىن، وسى سياقتى تايۋاندىقتار دا شينجياڭعا ساپارلاي كەلگەندە جولدا كولىك اۋىستىراتىن. ۇرىمجىدەن تايبەيگە جاڭادان تىكە قاتىناعان ۇشاق نە بارى 5 جارىم ساعات عانا ۇشادى، جولعا جۇمسالاتىن ۋاقىت قىسقاردى، ساياحاتشىلاردىڭ جولدا كولىك اۋىستىرۋداي اۋرەشىلىگى دە جەڭىلدەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
