- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ ەكونوميكاسى قارقىندى ىلگەرىلەۋ جولىنا قادام تاستادى
2013.05.17 16:40 كەلۋ قاينارى : ءتاڭىرتاۋ تورابى
ەكونوميكانىڭ ءۇرتىس ارتقان جالپى مولشەرى، كۇن سايىن ساپالانا تۇسكەن ەكونوميكالىق قۇرىلىم، تەز جاقسارا باستاعان حالىق تۇرمىسى... ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعان 3 جىلدان بەرى، بۇكىل رايونىمىزدىڭ ەكونوميكالىق قۇرىلىسىندا كەلەلى دە تىڭ جاڭالىقتار جارىققا شىقتى، كوپتەگەن ەكونوميكالىق كورسەتكىشتەردە جاڭا رەكوردتار جاراتىلدى، ەكونوميكالىق دامۋدىڭ ساپاسى كورنەكتى تۇردە ءوستى.
ەكونوميكانىڭ ارتۋ جىلدامدىعى باسىپ وزۋدىڭ بەلسەندى بەينەلەرىن تانىتتى
ەڭ جاڭا 2013 - جىلعى 1 - توقسانداعى ەكونوميكالىق ساندىق مالىمەتتەردەن قاراعاندا، رايونىمىزدىڭ ءوندىرىس جالپى قۇنى 119 ميلليارد 32 ميلليون يۋانعا جەتىپ، بىلتىرعى سايكەس مەزگىلدەگىدەن %10.3ارتىپ، بۇكىل ەلدىڭ ورەسىنەن 2.6 پايىز جوعارى بولعان، ارتۋ جىلدامدىعىنىڭ بۇكىل ەلدەگى ورىن رەتى دە بىلتىرعى سايكەس مەزگىلدەگى 16 - ورىننان 12 - ورىنعا كوتەرىلىپ، باسىپ وزۋ جاعدايىنىڭ ارىنى ارتا تۇسكەن.
ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، رايونىمىزدىڭ ەكونوميكاسى ورنىقتى ارتىپ كەلەدى. تومەندەگى ساندىق مالىمەتتەر رايونىمىزدىڭ ەكونوميكالىق ارتۋىنىڭ ايقىن ايعاعى.
GDP ءۇرتىس 3 جىل بويى جىل سايىن 100 ميلليارد يۋان ءوسىپ، جىلىنا ورتا ەسەپپەن %11.5 ارتىپ، 1979 - جىلدان 1999 - جىلعا دەيىنگى (رەفورما جاساۋ، ەسىك اشۋدان باتىس بولەكتى قاۋىرت اشۋدىڭ الدىنا دەيىن) مەزگىلدەگىدەن ءبىر پايىز، 2000 - جىلدان 2009 - جىلعا دەيىنگى (باتىس بولەكتى قاۋىرت اشۋدان ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ الدىنا دەيىن) مەزگىلدەگىدەن 4. 1 پايىز جوعارى بولدى، ارتۋ جىلدامدىعىنىڭ بۇكىل ەلدەگى ورىن رەتى 29 - ورىننان 11 - ورىنعا كوتەرىلىپ، 1991 - جىلدان بەرگى ەڭ جاقسى ناتيجە جارىققا شىقتى.
نەگىزدىك قۇرىلعىلار قۇرىلىسىندا تىڭ ىلگەرىلەۋشىلىكتەر بولدى. كۇيتۇن - قارامايلى سايراعى سىندى 4 سايراق سالىنىپ، جوعارى جىلدامدىقتى تاس جول تورىنىڭ نەگىزگى قاڭقاسى العاشقى قادامدا قالىپتاستى؛ ءۇرىمجى، ۋسايۋاننان جياڭجۇن بۇتحاناسىنا دەيىنگى تەمىر جول، قاشقار - حوتان تەمىر جولى سياقتى تەمىر جول نىساندارى سالىندى. شينجياڭنىڭ ۇلان - بايتاق دالاسىندا تەمىر جول، تاس جول، حالىقتىق اۆياتسيا، سۋ يگىلىگى، حابارلاسۋ، ەلەكتر قۋاتى سياقتى ءبىر توپ نىساندار قاۋىرت سالىنۋدا نەمەسە وندىرىسكە قوسىلدى. جاڭادان سالىنعا نىسانداردىڭ كوپتىگى، سالىنۋ جىلدامدىعىنىڭ تەزدىگى تاريحتا ەڭ جوعارى رەكوردى قالىپتاستىردى.
كەلەلى ونەركاسىپ نىساندارى ءار تاراپتان بوي كوتەردى. سان - ي باتىس سولتۇستىك اۋىر ونەركاسىپ كاسىپ باقشاسى نىسانىنىڭ ىرگە تاسى ۇرىمجىدە قالاندى، شاڭحاي ۆولكسۋاگون شينجياڭدا ىرگە تەپتى؛ شينۋىن قۇلجا كەن الابىنىڭ ىلە 4 - ءنومىرلى شاحتاسى، گو - ۋاڭ ەنەرگيا شىعىس جوڭعار داجيڭ كەن الابىنىڭ 2 - ءنومىرلى شاحتاسى قاۋىرت جۇمىس جۇرگىزۋدە. جاڭاشا ونەركاسىپتەندىرۋ ءىسى ارى قاراي ىلگەرىلەتىلىپ، كاسىپ سالاسىنىڭ دامۋ ورەسى كورنەكتى تۇردە ءوسىپ، «شينجياڭ جىلدامدىعىنىڭ» پارمەندى قوزعاۋشى كۇشىنە اينالدى.
وسى زامانعى ەگىن، مال شارۋاشىلىعىندا تىڭ دامۋلار بولدى. بىلتىر شينجياڭنىڭ استىق ءونىمى ءۇرتىس 5 - رەت ارتىپ، جالپى ءونىمى 12 ميلليون 730 مىڭ تونناعا جەتتى؛ ماقتانىڭ جالپى ءونىمى 3 ميلليون 450 مىڭ تونناعا جەتىپ، ءونىم مولشەرى بۇكىل ەلدەگى ماقتا ءونىم مولشەرىنىڭ شامامەن %50ىن ۇستادى؛ جەمىس ورمانى شارۋاشىلىعىنىڭ اۋدانى 20 ميلليون مۋدان، ءونىم مولشەرى 7 ميلليون توننادان استى. شينجياڭنىڭ ساپالى ەرەكشە اۋىل شارۋاشىلىعى ونىمدەرى بۇكىل ەلدىڭ، ءتىپتى، ورتا ازيا بازارىنان ءورىس تاپتى. شينجياڭنىڭ ەرەكشە اۋىل شارۋاشىلىعى ونىمدەرىنە ارنالعان شاڭحاي، بەيجيڭ، گۋاڭجوۋ، ۋحان سىندى 4 ۇلكەن جارمەنكەدە 35 ميلليارد يۋاننان استام سوماداعى توقتامعا قول قويىلدى.
2011 - جىلى جانە 2012 - جىلى رايونىمىز ەكى كەزەكتى جۇڭگو − ازيا - ەۆروپا كورمەسىن ءساتتى وتكىزىپ، سىرتقى ەكونوميكا - ساۋداسىنىڭ جالپى سوماسى 11 ميلليارد 747 ميلليون دوللارعا جەتىپ، ازيا - ەۆروپا سەلبەستىگى دامۋىنىڭ جاڭا پاراعىن اشىپ، شينجياڭدى ەلىمىزدىڭ باتىسقا ەسىك اشۋداعى قامال ەتىپ قۇرىپ شىعۋ اياق الىسىن تەزدەتتى.
ەكونوميكالىق ارتۋ ساپا مەن ءونىمنىڭ تەڭ ءوسۋ ارناسىنا قادام تاستادى
ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، رايونىمىز ءوزىنىڭ بايلىق باسىمدىعىن، سالىستىرمالى باسىمدىعىن، باسىپ وزۋ باسىمدىعىن تولىق ساۋلەلەندىرىپ، «جاڭاشا ونەركاسىپتەندىرۋ، قالا - قالاشىقتاندىرۋ، ەگىن، مال شارۋاشىلىعىن وسىزامانداندىرۋ» بارىسىن جوعارى دەڭگەيدە ىلگەرىلەتىپ، ساپا مەن ءونىمدى جوعارى دەڭگەيدە ءوسىرىپ، ەكونوميكالىق ارتۋىنىڭ «باعاسى» بارعان سايىن ارتا ءتۇستى.
وسى 3 جىلدا رايونىمىز ورتالىقتىڭ پارىقتى كاسىپ ساياساتىنان تولىق پايدالانىپ، مۇنايعا جاتپايتىن ونەركاسىپ ۇشقان قۇستاي دامىدى. 2012 - جىلى مۇنايعا جاتپايتىن ونەركاسىپتىڭ ارتۋ قۇنى 141 ميلليارد 783 ميلليون يۋانعا جەتىپ، ونەركاسىپتىڭ ارتۋ قۇنىنىڭ سالماعى 2009 - جىلعى %37.9تەن %50.6كە كوتەرىلىپ، ونەركاسىپ ەكونوميكاسىنىڭ ارتۋىنداعى ۇلەس سالىستىرماسى %84.5كە جەتتى.
قازىنالىق كىرىستىڭ جاعدايىنان قاراعاندا، 2010 - جىلدان بەرى، رايونىمىزدىڭ قازىنالىق كىرىسى زور مولشەردە ارتىپ، ارتۋ جىلدامدىعىنىڭ بۇكىل ەلدەگى ورىن رەتى ۇزدىكسىز العا ىلگەرىلەدى. 2012 - جىلى بۇكىل رايونىمىزدىڭ الەۋمەتتىك قازىناسىنىڭ مەجە ەسەپ كىرىسى 90 ميلليارد 910 ميلليون يۋانعا جەتىپ، الدىڭعى 2 جىلداعى زور مولشەردە ارتۋ نەگىزىندە تاعى دا %26.2ارتتى، ارتۋ جىلدامدىعى بۇكىل ەل بويىنشا 3 - ورىنعا شىقتى.
فينانستىڭ ەكونوميكانىڭ دامۋىن قولداۋ جاعدايىنان قاراعاندا، 2012 - جىلى فينانس قۇرىلىمدارىنىڭ ءار ءتۇرلى قارىز اقشا قالدىعى 791 ميلليارد 400 ميلليون يۋاندى قۇراپ، الدىڭعى جىلداعىدان %26.2 ارتتى. ارتۋ جىلدامدىعى بۇكىل ەل بويىنشا 2010 - جىلى 1 - ورىندى، 2011 - جىلى، 2012 - جىلى 2 - ورىندى يەلەپ، رەفورما جاسالىپ، ەسىك اشىلعاننان بەرى تۇڭعىش رەت ءۇرتىس 3 جىل بويى الدىڭعى قاتارعا شىقتى.
3 - كاسىپ سالاسى ورنىقتى ءارى ءبىرشاما تەز دامىدى، قىزمەت وتەۋ كاسىبىنىڭ قۇرىلىمى ۇزدىكسىز ساپالاندى. ساياحات، وسى زامانعى زات اينالىمى، فينانس، اس - سۋ سالالارىن ءتۇيىن ەتكەن وسى زامانعى قىزمەت وتەۋ كاسىپتەرى تەز ىلگەرىلەپ، دامۋ ساپاسى مەن ورەسى ورنىقتى تۇردە ءوستى. 2010 - جىلى، 2011 - جىلى، 2012 - جىلى 3 - كاسىپ سالاسىنىڭ ارتۋ قۇنى جەكە - جەكە %10.8، %15، %12.3 ارتتى.
باسا ءمان بەرەرلىگى سول، دامۋ سەرپىنىن ايگىلەيتىن تۇراقتى مۇلىككە قوسىلعان قارجى 2010 - جىلى، 2011 - جىلى، 2012 - جىلى جەكە - جەكە 354 ميلليارد يۋانعا، 471 ميلليارد 300 ميلليون يۋانعا، 625 ميلليارد 800 ميلليون يۋانعا جەتىپ، الدىنداعى جىلدارداعىدان تۇگەلدەي 100 ميلليارد يۋاننىڭ ۇستىندە ارتتى. مۇنىڭ ىشىندە 2012 - جىلعى ارتۋ جىلدامدىعى %35.1كە جەتىپ، 1994 - جىلدان بەرگى ەڭ جاڭا رەكوردتى جاراتتى، قارجىنىڭ ەكونوميكالىق ارتۋدى جەبەۋ رولى ونان ارى كورنەكتىلەنە ءتۇستى.
بۇكىل شينجياڭ حالقى ەكونوميكالىق جەتىستىكتەردەن تەڭ يگىلىكتەندى
3 جىلدان بەرى، اۆتونوميالى رايون قاتىناس، وقۋ - اعارتۋ، ەمدەۋ، سونداي - اق قوعامدىق قامتاماسىزداندىرۋ سياقتى حالىق تۇرمىسى سالالارىنا جۇمسالاتىن قازىنانى بارعان سايىن مولايتتى، مۇنداعى جالپى شىعىس 484 ميلليارد 300 ميلليون يۋانعا جەتىپ، جىلىنا ورتا ەسەپپەن %29.7 ارتىپ، الەۋمەتتىك قازىنا مەجە ەسەپ شىعىسىندا ۇستايتىن ۇلەس سالماعى تۇگەلدەي %70تىڭ ۇستىندە بولدى. حالىق بۇقاراسى ءتىپتى كوپ پايداعا قول جەتكىزدى.
ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن كەيىن، قالا - قالاشىق تۇرعىندارىنىڭ مەڭگەرۋگە بولاتىن جان باسىندىق ورتاشا كىرىسى 12 مىڭ 120 يۋاننان 18 مىڭ 151 يۋانعا كوتەرىلىپ، %46.2 ارتتى؛ اۋىل - قىستاق تۇرعىندارىنىڭ جان باسىندىق ورتاشا كىرىسى 3883 يۋاننان 6442 يۋانعا ءوسىپ، %64.7 ارتتى. 2007 - جىلعى دۇنيە بانكەسىنىڭ ءبولۋ ولشەمىنە ساي، شينجياڭنىڭ جان باسىندىق ورتاشا كىرىسى تومەن ورتا كىرىستەن ورتا كىرىس قاتارىنا كوتەرىلدى.
جەڭىل كولىك ساتىپ الۋشىلاردىڭ قاتارى بارعان سايىن مولايدى، بۇكىل رايونىمىز بويىنشا جەكە اۆتوكولىك سانى ءبىر ميلليون 474 مىڭ 600گە جەتىپ، 3 جىلدان 3. 1 ەسە ارتتى؛ قول تەلەفون ءار جىكتەگى تۇرعىنداردىڭ، ءسوز جوق، بولۋعا ءتيىستى تۇرمىستىق بۇيىمىنا اينالدى، جىلجىمالى تەلەفون ءار 100 ادامعا 9. 90 دان اينالىپ، 2009 - جىلداعىدان 3. 38 ەسە ارتتى. قالادا جان باسىنا ورتا ەسەپپەن تۋرا كەلەتىن تۇرعىن ءۇي اۋدانى كەڭەيدى، قالا تۇرعىندارىنىڭ قونىس ورتاسى جاقساردى. قالانىڭ لاس سۋدى، قوقىر - قوقسىقتى ءبىر جايلى ەتۋ قۇرىلعىلارى اناعۇرلىم كەمەلدەندى. ءۇرىمجى قالاسىنىڭ اتموسفەراسىنىڭ لاستانۋىن جان - جاقتى وڭاۋ سياقتىلاردا بەلسەندى ىلگەرىلەۋشىلىكتەرگە قول جەتىپ، رايونىمىزدىڭ سۋ ورتاسى مەن تابيعاتىنىڭ ونان ارى جاقسارا تۇسۋىنە ۇلەس قوستى.
«حالىق بۇقاراسىنا پارتيا مەن ۇكىمەتتىڭ مەيىر - شاپاعاتى مەن قامقورلىعىن سەزىندىرەيىك، بۇقارانىڭ شۋاقتى، ابىرويلى، باقىتتى، ءۇمىتتى ءومىر كەشۋىنە مۇمكىندىك جاسايىق». ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشياننىڭ وسى ءسوزىنىڭ استارىندا شىنايى بولمىس جاتىر. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
