- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
رايونىمىز جۇمىسسىزدىق قامسىزداندىرۋ قاراجاتىنىڭ ولشەمىن رەتتەدى
2013.06.18 14:40 كەلۋ قاينارى : ءتاڭىرتاۋ تورابى
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىمىزشا، اۆتونوميالى رايونىمىز 13 - ماۋسىمدا «اۆتونوميالى رايونىمىزداعى جۇمىسسىزدىق قامسىزداندىرۋ قاراجاتىنىڭ ولشەمىن رەتتەۋ جونىندەگى ۇقتىرۋدى» جاريالاپ، اۆتونوميالى رايونىمىزدا جۇمىسسىزدىق قامسىزداندىرۋ قاراجاتىنىڭ ولشەمىن رەتتەۋدى ۇيعارعان، رەتتەۋ جۇرىلگەننەن كەيىنگى جۇمىسسىزدىق قامسىزداندىرۋ قاراجاتىنىڭ ولشەمى 2013 - جىلى 1 - ماۋسىمنان باستاپ اتقارىلادى ەكەن.
«ۇقتىرۋداعى» تالاپ بويىنشا، اۆتونوميالى رايونىمىزدىڭ ءبىر تۇتاس جوسپارلاۋ وڭىرلەرى جاڭادان رەتتەلگەننەن كەيىنگى «زەينەت قامسىزداندىرۋىن، جۇمىسسىزدىق قامسىزداندىرۋىن، ەمدەۋ قامسىزداندىرۋىن جانە تۇرعىن ءۇي الەۋمەتتىك قور سوماسىن» قامتىماعان ەڭ تومەنگى ايلىق ەڭبەكاقى ولشەمى نەگىزىندە، ءبىر تۇتاس جوسپارلاناتىن ءوز رايوندارىنداعى جۇمىسسىزدىق قامسىزداندىرۋ قاراجاتىنىڭ ولشەمىنە جانە باسقادا جۇمىسسىزدىق قاراجاتىنىڭ ولشەمىنە قاراتا رەتتەۋ جۇرگىزەدى. اۆتونوميالى رايونىمىزدىڭ جاڭادان رەتتەگەننەن كەيىنگى «زەينەت قامسىزداندىرۋىن، جۇمىسسىزدىق قامسىزداندىرۋىن، ەمدەۋ قامسىزداندىرۋىن جانە تۇرعىن ءۇي الەۋمەتتىك قور سوماسىن» قامتىماعان ەڭ تومەنگى ايلىق ەڭبەكاقى ولشەمى 4 دارەجەگە بولىنەدى: ياعني ايىنا 1210 يۋان، 1020 يۋان، 940 يۋان، 865 يۋان بويىنشا بەرىلەدى.
ۇعىسۋعا قاراعاندا، «اۆتونوميالى رايوندىق حالىق ۇكىمەتىنىڭ <جۇمىسسىزدىق قامسىزداندىرۋ ەرەجەسىن> دايەكتىلەندىرۋ جونىندەگى ۇقتىرۋى» قاتارلى حۇجاتتارداعى جۇمىسسىزداردىڭ جۇمىسسىزدىق قامسىزداندىرۋ قاراجاتىن الۋ ولشەمى تۋرالى بەلگىلەمەسىنە نەگىزدەلگەندە، اۆتونوميالى رايونىمىزدا جۇمىسسىزداردىڭ جۇمىسسىزدىق قامسىزداندىرۋ قاراجاتىن الۋداعى ۋاقىت شەگى تولەگەن اقىسىنىڭ جىل شەگىنە قاراي ۇقسامايدى ەكەن: تولەگەن اقىسىنىڭ ۋاقىت شەگى ءبىر جىلعا تولعان، 2 جىلعا تولماعاندارعا 3 اي بويىنشا بەرىلەدى؛ تولەگەن اقىسىنىڭ ۋاقىت شەگى 2 جىلعا تولعان، 3 جىلعا تولماعاندارعا 6 اي بويىنشا بەرىلەدى؛ تولەگەن اقىسىنىڭ ۋاقىت شەگى 3 جىلعا تولعان، 4 جىلعا بولماعاندارعا 9 اي بويىنشا بەرىلەدى؛ تولەگەن اقىسىنىڭ ۋاقىت شەگى 4 جىلعا تولعان، 5 جىلعا تولماعاندارعا 12 اي بويىنشا بەرىلەدى؛ تولەگەن اقىسىنىڭ ۋاقىت شەگى 5 جىلعا تولعان، 6 جىلعا تولماعاندارعا 14 اي بويىنشا بەرىلەدى؛ تولەگەن اقىسىنىڭ ۋاقىت شەگى 6 جىلعا تولعاندار مەن تولەگەن اقىسىنىڭ ۋاقىت شەگى 6 جىلدان اسقانداردىڭ جۇمىسسىزدىق قامسىزداندىرۋ قاراجاتىنان يگىلىكتەنۋ ۋاقىتىنا جىلىنا ءبىر ايدان قوسىپ بەرىلەدى، ايتسەدە، ەڭ ۇزاق بولعاندا 24 ايدان اسپايدى. تىڭنان كاسىپتەنگەندەردىڭ، قايتالاي كاسىپسىز قالعانداردىڭ جۇمىسسىزدىق قامسىزداندىرۋ قاراجاتىن تاپسىرۋ ۋاقىتى تىڭنان ەسەپتەلەدى، جۇمىسسىزدىق قامسىزداندىرۋ قاراجاتىن الۋ ۋاقىت شەگىن بۇرىنعى كەزدەگى جۇمىسسىزدىق قامسىزداندىرۋ قاراجاتىن العان مەرزىممەن نەمەسە ءالى الىنباعان جۇمىسسىزدىق قامسىزداندىرۋ قاراجاتى مەرزىمىمەن قوسىپ ەسەپتەۋگە بولادى، ايتسەدە ءار جولى ەڭ ۇزاق بولعاندا 24 ايدان اسپايدى.
جۇمىسسىزداردىڭ جۇمىسسىزدىق قامسىزداندىرۋ قاراجاتىن الۋ ولشەمى جۇمىسسىزدىق قامسىزداندىرۋى قاراجاتىن الۋ مەرزىمىنە قاراي ۇقسامايدى. جۇمىسسىزدىق قامسىزداندىرۋ قاراجاتىن الۋ مەرزىمى 1 - ايىنان 12 - ايىنا دەيىنگىلەرگە ءار ادامعا ايىنا جەرگىلىكتى ورىنداعى ەڭ تومەنگى ايلىق ەڭبەكاقى ولشەمىنىڭ %70ى بويىنشا بەرىلەدى؛ جۇمىسسىزدىق قامسىزداندىرۋ قاراجاتىنىڭ مەرزىمى 13 - ايىنان 24 - ايىنا دەيىنگىلەرىنە ءار ادامعا ايىنا جەرگىلىكتى ورىننىڭ ەڭ تومەنگى ايلىق ەڭبەكاقى ولشەمىنىڭ %65ى بويىنشا بەرىلەدى. ءار ادامعا ايىنا بەرىلەتىن جۇمىسسىزدىق قامسىزداندىرۋ قاراجاتى جەرگىلىكتى قالا تۇرعىندارىنىڭ ەڭ تومەنگى تۇرمىستى قامتاماسىزداندىرۋ ولشەمىنەن تومەن بولعاندا، جۇمىسسىزدىق قامسىزداندىرۋ قاراجاتى ءار ادامعا جەرگىلىكتى ورىننىڭ ەڭ تومەنگى تۇرمىستى قامتاماسىزداندىرۋ ولشەمى بويىنشا بەرىلەدى.
شارۋالاردان شىققان توقتامدى جۇمىسكەرلەر جۇمىسسىز قالعاننان كەيىن، ءبىر جولاتا الاتىن تۇرمىستىق كومەك، قوسىمشا قاراجاتىنىڭ ولشەمى رەتتەلگەننەن كەيىنگى 1 - ايىنان 12 - ايىنا دەيىنگى جۇمىسسىزدىق قامسىزداندىرۋ قاراجات ولشەمى بويىنشا ەسەپتەلەدى.
ءۇرىمجى قالاسىن ايتار بولساق، رەتتەلگەننەن كەيىنگى اي سايىنعى جۇمىسسىزدىق قامسىزداندىرۋ قاراجات ولشەمى 1 - ايىنان 12 - ايىنا دەيىنگى جۇمىسسىزدىق قامسىزداندىرۋ قاراجاتى 714 يۋان، 13 - ايىنان 24- ايىنا دەيىنگى جۇمىسسىزدىق قامسىزداندىرۋ قاراجات ولشەمى 663 يۋان بولادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
