- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
زورلىقتى كۇش لاڭكەستىك قىلمىسىنا زاڭ بويىنشا سىلەيتە سوققى بەرىپ، قوعامدىق جالپى جاعدايدىڭ ورنىقتىلىعىن قورعايىق
اۆتونوميالى رايوندىق حالىق قۇرىلتايى تۇراقتى كوميتەتىنىڭ بۇرىنعى مەڭگەرۋشىسى امۋدىن نياز
2013.07.10 14:53 كەلۋ قاينارى : ءتاڭىرتاۋ تورابى
جۋىقتان بەرى مارالباسى، ءپىشان سياقتى جەرلەردە ىركەس - تىركەس اۋىر زورلىقتى كۇش لاڭكەستىك دەلولارى تۋىلىپ، كوپتەگەن ادام جانىنان ايرىلدى جانە مال - مۇلىك شىعىنى بولدى. بۇلىكشىلەردىڭ ادامنىڭ توبە شاشىن تىك تۇرعىزاتىن جان تۇرشىگەرلىك زۇلىمدىعى ولاردىڭ شينجياڭداعى ءار ۇلت حالقىنىڭ ورتاق جاۋى ەكەندىگىن ايعاقتادى.
شينجياڭداعى ءار ۇلت كادرلارى مەن بۇقارانىڭ قازىرگى ماڭداي الدى مىندەتى − زورلىقتى كۇش قىلمىسىنا باتىل قارسى تۇرىپ، قوعامدىق جالپى جاعدايدىڭ ورنىقتىلىعىن قورعاۋ.
بۇل − ولىسپەي - بەرىسپەيتىن ساياسي كۇرەس. تاريحقا كوز جىبەرسەك، جاڭا جۇڭگو قۇرىلعاننان كەيىن ىلە - شالا جارىققا شىققان «شىعىس تۇركستان حالىقتىق توڭكەرىس پارتياسى» ۇيىمداستىرعان قارۋلى بۇلىكتەردەن تارتىپ تاياۋ ارادا تۋىلعان زورلىقتى كۇش لاڭكەستىك دەلولارىنان ولاردىڭ ماقساتى كومپارتيانىڭ باسشىلىعىنا قارسى تۇرىپ، وتاندى بولشەكتەپ، ۇلتتار ىنتىماعىن ءبۇلدىرۋ ەكەندىگىن ءبىلۋ قيىن ەمەس. ولار زورلىق - زومبىلىق، لاڭكەستىك ارەكەتتەر جۇرگىزىپ، نەگىزگى ساتىلارداعى كادرلارعا، قاۋىمعا، وتانشىل ءدىني قايراتكەرلەرگە سەس كورسەتتى. ءبىز ولاردان قورقىپ قالمايمىز، كەرىسىنشە، ولاردىڭ حايۋاندىقتان دا اسىپ كەتكەن جاۋىزدىعىنا بارىنشا كەكتەنىپ، زورلىقتى كۇشكە، لاڭكەستىككە قارسى تۇرۋ بەكىمىمىزدى اناعۇرلىم بەرىكتەي تۇسەمىز. ءبىزدىڭ حالقىمىز − جەڭىمپاز حالىق. ولار كومپارتياعا قارسى تۇرۋ، وتاندى بولشەكتەۋ، ۇلتتار ىنتىماعىن بۇلدىرۋدەي سۇرقيا ماقساتىنا استە جەتە المايدى.
رەفورما جاساپ، ەسىك اشقاننان، وتە - موتە، ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعان 3 جىلدان بەرى رايونىمىزدىڭ ەكونوميكاسى قارىشتاپ دامىدى، اسىرەسە، حالىقتى يگىلىككە كەنەلدىرۋ، بايىتۋ، ەگىنشى - مالشىلاردىڭ بەيقۇت ءۇي ينجەنەرياسى، قالا، اۋىل جول قۇرىلىسى، جۇمىسقا ورنالاستىرۋ ارنالارىن كەڭەيتۋ، ەمدەۋ - دەنساۋلىق ساقتاۋ سەكىلدى جاقتاردا باياندى دامۋشىلىقتار بولىپ، ءار ۇلت حالقى رەفورما مەن دامۋدىڭ ءتاتتى جەمىسىن تاتتى.
مەن بىلتىر ىلە، بۇراتالا، قاشقار، حوتان سىندى جەرلەردى ارالادىم. مەملەكەت قارجىلاندىرىپ سالعان كەڭساي ۇلكەن كوپىرىن، قاشقار، حوتان سىندى جەرلەردە شارۋالاردىڭ باۋىرلاس ولكە، قالالاردىڭ كومەگىندە سالىپ العان جاڭا ۇيلەرىن، سول ۇيلەرگە كوشىپ كىرگەن شارۋالاردىڭ الاڭسىز جايلى تۇرمىس كەشىپ جاتقانىن، اسىرەسە، حوتاننىڭ اۋىل - قىستاقتارىندا توتەنشە ۇلكەن وزگەرىس بولعانىن كوردىم جانە سەزدىم. شارۋالار تۇرمىسىنداعى وسىنداي وڭ وزگەرىستەردى كورىپ، ونى وتكەن كەزدەردەگىمەن سالىستىرا كەلىپ، ءالسىن - ءالى تاڭداي قاعا تاڭىرقادىم. وسىنداي يگىلىككە كەنەلگەن ءاربىر ادامنىڭ جاقسىلىققا جاماندىق ىستەگەن سودىر - بۇلىكشىلەرگە قارعىس جاۋدىرماي قويمايدى دەپ كەسىپ ايتا الامىن.
باتىستاعى جاۋ كۇشتەر ەلىمىزدىڭ قۇدىرەتتەنۋىنەن قىزعانادى، سولاي بولۋىنان قورقادى. سول سەبەپتى جۇڭگونى بولشەكتەۋ، باتىستاندىرۋ ستراتەگياسىن جانتالاسا اتقارىپ، شينجياڭنان قاشىپ كەتكەن بولشەكتەۋشىلەردى قولپاشتايدى، ال ەل ىشىندەگى بولشەكتەۋشىلەر دە ولارمەن الىستان ءۇرىپ تابىسىپ، باتىستاعى جاۋ كۇشتەرگە ارقالانىپ، ادام ءولتىرۋ، ءورت قويۋ، ۇرىپ - شاعۋ سياقتى زورلىقتى كۇش لاڭكەستىك ارەكەتتەرىمەن شۇعىلدانادى. ولار ۇلت، ءدىن ماسەلەسىن بۇركەنىش ەتىپ، كەيبىرەۋلەردىڭ اڭقىلداعان ۇلتتىق سەزىمى مەن ءدىني سەنىمىنەن پايدالانىپ، جاماعاتتى الجاستىرادى. مەن قالىڭ مۇسىلمان باۋىرلاستارعا بولشەكتەۋشىلەردىڭ شىرعاسىنا استە ءتۇسىپ قالماۋعا كەڭەس بەرەمىن.
شينجياڭنىڭ قازىرگى اسا تاماشا جاعدايى پارتيا ورتالىق كوميتەتىنىڭ باسشىلىعىندا، العا باسۋ بارىسىنداعى تۇرلىشە كەدەرگى - بوگەتتەردى جەڭىپ، ىشكى - سىرتقى «ءۇش ءتۇرلى كۇشكە» قارسى ۇزاق ۋاقىت قاجىماي - تالماي كۇرەس جۇرگىزۋىمىزدىڭ بوداۋىنا كەلگەن. سوندىقتان ءبىز وڭاي - وسپاق قولعا كەلمەگەن وسىنداي جاقسى جاعدايدى ەسەلەپ قاستەرلەۋىمىز جانە ايالاۋىمىز كەرەك. مەن ازاتتىقتىڭ الدىندا تۋىلىپ - وسكەم، ازاتتىقتان كەيىن پارتيانىڭ باسشىلىعىندا 65 جىل قىزمەت ىستەدىم، عۇمىرىمدا تالاي بۇراڭ جولداردى باسىپ، جاپا - ماشاقات تارتىپ، قيىندىقتاردى باستان وتكىزگەم. وتكەنگىگە قاراعاندا، قازىرگى جاعداي ءارقانداي داۋىردەگىدەن دە جاقسى، شارۋاشىلىق شالقىپ، بازار كوركەيدى، حالىق زاتتىق مادەنيەت تۇرمىسىنان قام جەمەيتىن بولدى. پارتيانىڭ 18 - قۇرىلتايى 2020 - جىلى جاپپاي دوڭگەلەك داۋلەتتى قوعام قۇرۋ نىساناسىن العا قويدى، الدا حالىق بايىپ، مەملەكەت قۇدىرەتتەنەتىن باي - باقىتتى جاعداي بولادى. قوعام اناعۇرلىم جاراسىمدى، حالىق توتەنشە ىنتىماقتى كۇن كەلەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
