بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

قاتتى توسەكتە جاتىپ، حالىقپەن ارامىز جاقىندادى، تەرلەپ ەڭبەك ەتىپ، جۇرتپەن تىلەگىمىز توعىستى

قاتتى توسەكتە جاتىپ، حالىقپەن ارامىز جاقىندادى، تەرلەپ ەڭبەك ەتىپ، جۇرتپەن تىلەگىمىز توعىستى

2013.08.27 15:45     كەلۋ قاينارى : ءتاڭىرتاۋ تورابى

  جاڭ چۇنشيان: تەكسەرىپ - زەرتتەۋ جەتىستىگىنەن جاقسى پايدالانىپ، تاربيە جانە امالياتتىق قيمىلىن ىشكەرىلەي، تياناقتى، ناقتىلى، ءونىمدى ورىستەتۋ كەرەك.

  اۆتونوميالى رايوندىق پارتكوم 23 - تامىز تۇستەن كەيىن تۇراقتى كوميتەتتىڭ (كەڭەيتىلگەن) ءماجىلىسىن اشىپ، اۆتونوميالى رايون باسشىلارىنىڭ نەگىزگى ساتىلاردا تەكسەرىپ - زەرتتەۋ جۇرگىزۋ احۋالىن حابارلادى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ءماجىلىستى باسقاردى جانە ءسوز سويلەدى، نەگىزگى ساتىلاردا تەكسەرىپ - زەرتتەۋ جۇرگىزۋدىڭ احۋالىن، تۇيگەن ويلاردى قورىتىندىلاي كەلىپ، ول، ءسوز جوق، ءار ۇلت حالقىن شىن جۇرەكتەن ءسۇيىپ، بۇقارالىق كوزقاراستى ۇزدىكسىز كۇشەيتىپ، نەگىزگى ساتىلاردىڭ نەگىزىن شىن مانىندە كۇشەيتىپ، ءار ۇلت حالىق بۇقاراسىنا، نەگىزگى ساتىداعى نەگىزدىك قىزمەتكە تىعىز سۇيەنىپ، تەكسەرىپ - زەرتتەۋ جەتىستىگىنەن جاقسى پايدالانىپ، تاربيە جانە امالياتتىق قيمىلىن ىشكەرىلەي، تياناقتى، ناقتىلى، ءونىمدى ورىستەتۋ كەرەكتىگىن باسا دارىپتەدى.

  ورتالىق كوميتەتتىڭ جانە اۆتونوميالى رايوندىق پارتكومنىڭ بۇقارالىق لۋشيان تاربيەسى جانە امالياتتىق قيمىلى جونىندەگى جالپىلىق ورنالاستىرۋى بويىنشا، ۇيرەنۋ، تاربيەلەنۋ، پىكىر الۋ بۋىندارىندا اۆتونوميالى رايوندىق پارتكومنىڭ تۇراقتى مۇشەلەرى، سونداي - اق اۆتونوميالى رايونداعى ورىنباسار ولكە دارەجەلى باسشىلار نەگىزگى ساتىلارعا بارىپ، پىكىر تىڭداعان ەدى. تامىز ايىنىڭ باسىنان ورتا شەنىنە دەيىن ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ءوزى باس بولىپ، قاشقار ايماعى قاعىلىق اۋدانىنىڭ جاڭگىلاسكى اۋىلىنا بارىپ، اۋىل - قالاشىق كادرلارىمەن بىرگە تاماقتانىپ، بىرگە جاتىپ - تۇردى، قىستاق تۇرعىندارىمەن بىرگە ەڭبەك ىستەپ، حالىق بۇقاراسىنىڭ تالاپ - تىلەگىن ەگجەي - تەگجەيلى ۇعىسىپ، قىزمەتتەگى جەتكىلىكسىز بۋىنداردى قاراستىردى. اۆتونوميالى رايوندىق پارتكومنىڭ تۇراقتى مۇشەلەرى دە تيانشاننىڭ تۇستىگى مەن تەرىستىگىنە جول الىپ، احۋالى كۇردەلى، قايشىلىعى كورنەكتى، ماسەلەلەر شوعىرلى، قيىنشىلىق ەداۋىر كوپ اۋىل - قالاشىقتاردا تەكسەرىپ - زەرتتەۋ جۇرگىزدى. بۇقارانىڭ ۇيلەرىنە دەيىن بارىپ، ماسەلەلەرگە تالداۋ جاساپ، نەگىزگى ساتىلاردىڭ پىكىرى مەن ۇسىنىسىن تىڭدادى، جەتكىلىكسىز بۋىنداردى تاۋىپ، تاربيە جانە امالياتتىق قيمىلىنىڭ ناقتى تابىسقا جەتۋىن ىلگەرىلەتتى.

  ماجىلىستە اۆتونوميالى رايوندىق پارتكومنىڭ تۇراقتى مۇشەلەرى الما - كەزەك ءسوز الىپ، وزدەرى بارعان قىستاقتاردىڭ احۋالىن تانىستىرىپ، تەكسەرىپ - زەرتتەۋ ناتيجەلەرىن مالىمدەپ، العان اسەرلەرىن اقتارىلا اڭگىمەلەدى. ولار ءبىر اۋىزدان بىلاي دەپ ەسەپتەدى: تىكەلەي قىستاقتارعا بارىپ تۇرىپ، تەكسەرىپ - زەرتتەۋ، احۋال ۇعىسۋ نەعۇرلىم شىنايى، ەستىگەن پىكىرلەر مەن ۇسىنىستار نەعۇرلىم ءوز قالپىندا بولادى ەكەن، ءار ۇلت قاۋىمنىڭ تالاپ - تىلەگىن نەعۇرلىم جانىڭمەن سەزىنىپ، جادىڭا ساقتاي الادى ەكەنسىڭ، ايتىلعان ۇسىنىستار مەن كوكەيگە تۇيگەن ويلار دا توتەنشە باعىتتامالى بولادى ەكەن. ونان دا ماڭىزدىسى، تەكسەرىپ - زەرتتەۋدىڭ وسى ءتاسىلى بۇقارالىق كوزقاراستى كۇشەيتىپ، كادرلار مەن جۇرتشىلىقتىڭ اراسىن جاقىنداتىپ، قىزمەتتى جاقسى ىستەۋ سەنىمىمىزدى نىعايتا ءتۇستى.

  جاڭ چۇنشيان بىلاي دەدى: نەگىزگى ساتىلاردا تۇرىپ، تەكسەرىپ - زەرتتەۋ ارقىلى ءبىز مىناداي اسەر الدىق:

  ءبىرىنشى، بۇقارالىق لۋشيان جونىندەگى تۇسىنىگىمىز تەرەڭدەي ءتۇستى. قاتتى توسەكتە جاتىپ، حالىقپەن ارامىز جاقىندادى؛ تەرلەپ ەڭبەك ەتىپ، جۇرتپەن تىلەگىمىز توعىستى. بۇقاراعا شىنايى سەنىپ جانە سۇيەنىپ، بۇقارامەن قويان - قولتىق ارالاسقاندا عانا، ولاردان قولداۋ تاۋىپ، بۇقارالىق قىزمەتتى جاقسى ىستەۋ جونىندەگى جاۋاپكەرلىك سەزىم مەن سەنىمدى نىعايتۋعا بولادى؛

  ەكىنشى، ساياسيدا بەرىك بولۋ مەن «4 ءتۇرلى بۇرىس ستيلگە» قارسى تۇرۋ جونىندەگى تانىمىمىز تەرەڭدەي ءتۇستى. تەك ساياسيدا بەرىك بولعاندا عانا، ءار دارەجەلى پارتكومداردىڭ باسشىلىق وزەكتى رولىن قالىپتاستىرۋعا، حالىق بۇقاراسىنا بەرىك تىرەك بولۋعا بولادى. «4 ءتۇرلى بۇرىس ستيل» ماسەلەسى شەشىلمەسە حالىق بۇقاراسىنان مۇلدە قول ءۇزىپ قالامىز؛ ءۇشىنشى، ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن كەيىن شينجياڭدا تۋىلعان تاريحي وزگەرىستەر جونىندەگى تۇسىنىگىمىز تەرەڭدەي ءتۇستى. تەكسەرىپ - زەرتتەۋ كەزىندە، ءبىز «قۇلشىنعاندا عانا وزگەرىس بولادى، قۇلشىنساق بولدى وزگەرتە الامىز» دەگەن تانىمنىڭ تيانشاننىڭ تۇستىگى مەن تەرىستىگىندەگى ءار ۇلت كادرلارى مەن حالىق جۇرتشىلىعىنىڭ جۇرەگىنە تەرەڭ ۇيالاعانىن، ءار ۇلت حالقىنىڭ ورنىقتىلىقتىڭ قامىن ويلاپ، جاراسىمدىلىقتى كوكسەپ، دامۋدى جەبەۋ ارمانىنىڭ توتەنشە كۇشتى ەكەندىگىن بايقادىق، بۇل ءبىزدىڭ بۇدان كەيىنگى قىزمەتتەردى ونان ارى ويداعىداي ىستەۋگە سەنىمىمىزدى بەكەمدەپ، جىگەرىمىزدى تاسقىنداتا ءتۇستى؛

  ءتورتىنشى، نەگىزگى ساتىداعى كادر - جۇرتشىلىقتىڭ مۇڭ - مۇقتاجى مەن ارمان - تىلەگى جونىندەگى تۇسىنىگىمىز تەرەڭدەي ءتۇستى. جۇمىستان ەسەپ الۋ، بۇقارامەن شىن مانىندە قويان - قولتىق ارالاسۋ ارقىلى جۇرتشىلىقتىڭ ويىن تۇسىنگەننەن كەيىن، بۇدان كەيىنگى قىزمەتتىڭ باعدارىن ءدال ايقىندادىق.

  جاڭ چۇنشيان مىنانى اتاپ كورسەتتى: تۇيىندەردە تۇرىپ تەكسەرىپ - زەرتتەۋ جۇرگىزۋ ارقىلى ءبىز مىناداي وي تۇيدىك: ءسوز جوق، ءار ۇلت حالقىن شىن جۇرەكپەن ءسۇيۋ كەرەك. ءار ۇلت حالىق بۇقاراسى ءبىزدىڭ تامىرىمىز، تەگىمىز ەكەنىن، حالىق بۇقاراسىنىڭ كوركەم تۇرمىسقا دەگەن تالپىنىسى ءبىزدىڭ كۇرەس نىسانامىز ەكەنىن ەستە بەرىك ساقتاۋىمىز؛ بۇقارالىق كوزقاراستى كۇشەيتە بەرۋىمىز كەرەك. نەگىزگى ساتىعا تەرەڭ تامىر تارتۋىمىز، جارلى - جاقپايلارمەن جاقتاس بولىپ، بۇقارامەن ەتەنە قارىم - قاتىناس جاساۋىمىز؛ نەگىزگى ساتىداعى نەگىزدىك قىزمەتتەردى شىنايى كۇشەيتۋىمىز كەرەك. نەگىزگى ساتى شىنىمەن ەرەكشە ماڭىزدى، بۇكىل شينجياڭداعى ءار ۇلت حالقىنا، نەگىزگى ساتىعا ارقا سۇيەۋ كەرەك دەگەن جەتەكشى يدەيادان اۋىتقۋعا بولمايدى.

  جاڭ چۇنشيان مىنانى باسا دارىپتەدى: تاربيە جانە امالياتتىق قيمىلدى ىشكەرىلەي، تياناقتى، ناقتىلى، ءونىمدى ورىستەتۋ كەرەك. تۇيىندەردە تۇرىپ، تەكسەرىپ - زەرتتەۋدىڭ جەتىستىكتەرىنەن ويداعىداي پايدالانىپ، ارناۋلى تاقىرىپتاعى دەموكراتيالىق تۇرمىس جيىنىن جاقسى اشۋ كەرەك. باسشى كادرلاردىڭ ونەگەلىلىك، باستاماشىلىق رولىن باستان - اياق ساۋلەلەندىرىپ، ەرەكشە جۇرەكتىلىكپەن سالىستىرىپ تەكسەرىپ، شىنايى جاقسارتۋ قاجەت. «تورتكە كۇش سالۋ تالابىن» مۇقيات دايەكتى تياناقتاندىرۋ كەرەك. بۇقارالىق لۋشياندى دايەكتىلەندىرۋگە ءتيىمدى ۇزاق ۋاقىتتىق مەحانيزم ورناتىپ جانە ونى كەمەلدەندىرىپ، وسىنداي تەكسەرىپ - زەرتتەۋ ءتاسىلىن بەكەمدەۋ كەرەك. ۇستىندە وزگەرتۋگە تاباندى بولىپ، تەكسەرىپ - زەرتتەۋ كەزىندە جۇرتشىلىق اڭىس ەتكەن كورنەۋ ماسەلەلەردى شىنايى ءبىر جايلى ەتىپ، تاربيە جانە امالياتتىق قيمىلدىڭ ناقتى ناتيجەگە جەتۋىن ىلگەرىلەتۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.