- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قازاق شيپاگەرلىگىنەن «شيپاگەرلىك تولىمدىلىق ەمتيحانىن الۋ» مەملەكەتتىڭ ماقۇلداۋىنان ءوتتى
2013.12.10 09:24 كەلۋ قاينارى : شينجياڭ گازەتى
قالياكبار ۇسەمقان ۇلى ۇرىمجىدەن حابارلايدى. قازاق شيپاگەرلىگىنەن «شيپاگەرلىك تولىمدىلىق ەمتيحانىن الۋ» مەملەكەتتىڭ ماقۇلداۋىنان ءوتتى. بۇل قۋانىشتى حاباردى 5 - جەلتوقسان كۇنى اشىلعان قازاق شيپاگەرلىگىنەن «شيپاگەرلىك تولىمدىلىق ەمتيحانىن الۋ»(سىناق) جونىندەگى اڭگىمە ماجىلىسىندە مەملەكەتتىك جۇڭگوشا شيپاگەرلىك ىستەرىن باسقارۋ مەكەمەسىنە قاراستى شيپاگەرلىك، اكىمشىلىك مەكەمەسىنىڭ ورىنباسار باستىعى ياڭ لۇڭحۇي جەتكىزدى.
− قازاق شيپاگەرلىگىنىڭ مەملەكەتتىك «شيپاگەرلىك تولىمدىلىق ەمتيحانىن الۋ» كولەمىنە ەنگىزىلۋىنىڭ ءوزى قازاق شيپاگەرلىگىنىڭ مەملەكەت جاعىنان تولىق مويىندالعاندىعىنىڭ ايقىن ايعاعى. جۇڭگودا قازىرگە دەيىن تيبەت، موڭعۇل، ۇيعۇر، جۋاڭزۋ، دايزۋ، چاۋشيان ۇلتتارىنىڭ شيپاگەرلىكتەرى مەملەكەتتىك «شيپاگەرلىك تولىمدىلىق ەمتيحانىن الۋ» مۇمكىندىگىنە يە بولعان. قازاق شيپاگەرلىگى مىنە وسى قاتارعا 7 - بولىپ تىركەلدى. قازاق شيپاگەرلىگىنىڭ مۇنداي بيىك دەڭگەيگە جەتۋىن اۆتونوميالى رايوندىق حالىق ۇكىمەتىنىڭ قولداپ - قۋاتتاۋىنان، قازاق شيپاگەرلىگىن زەرتتەۋمەن اينالىسقان ماماندار مەن ىلە قازاق اۆتونوميالى وبلىسىنا قاراستى ورىندارداعى قازاق شيپاگەرلىگىن زەرتتەۋمەن، دامىتۋمەن اينالىساتىن ورىنداردىڭ ەڭبەگىنەن بولە قاراۋعا بولمايدى. وتە - موتە، التاي ايماعىنىڭ قازاق شيپاگەرلىگىن دامىتۋعا قوسقان ۇلەسى مەن اۆتونوميالى رايوننىڭ بۇرىنعى ورىنباسار ءتوراعاسى تىلەبالدى ابدىرەشيت ۇلىنىڭ قازاق شيپاگەرلىگىنىڭ مەملەكەتتىك دەڭگەيدە تانىلۋىنا سىڭىرگەن ەڭبەگىن مىندەتتى تۇردە اتاپ ايتقانىمىز دۇرىس، - دەدى ياڭ لۇڭحۇي.
جيىن «كەڭەسپەن پىشكەن تون كەلتە بولمايدى» دەگەندەي، «قازاق شيپاگەرلىگىنەن «شيپاگەرلىك تولىمدىلىق ەمتيحانىن» الۋعا قاتىستى ەرەجە - تۇزىمدەردى، ەمتيحان سۇراۋى قامباسىن قۇرۋدى، ەمتيحانعا قاتىناساتىندارعا قويىلاتىن تالاپتاردى تالقىلاپ، سوڭىندا قازاق شيپاگەرلىگىنەن «شيپاگەرلىك تولىمدىلىق ەمتيحانىن» 2 جىلدا ءبىر رەت التاي ايماعىندا الۋدى بەلگىلەدى. ەمتيحان ىستەرىنە اۆتونوميالى رايوندىق ەمدەۋ - دەنساۋلىق ساقتاۋ مەڭگەرمەسىنىڭ جۇڭگوشا شيپاگەرلىك ىستەرىن باسقارۋ مەكەمەسى ءبىر تۇتاس جاۋاپتى بولادى. شيپاگەرلىك كاسىبى بويىنشا تولىق كۋرس تاۋىسقان وقۋشىلار ءبىر جىل قىزمەت ىستەگەننەن كەيىن؛ ورتا تەحنيكۋم، ارناۋلى كۋرس تاۋىسقان وقۋشىلار 2 جىل قىزمەت ىستەگەننەن كەيىن «قازاق شيپاگەرلىك تولىمدىلىق ەمتيحانىنا» قاتىناسۋىنا بولادى. ال حالىق ەمشىلەرىنە مەملەكەتتىك ەمدەۋ - دەنساۋلىق ساقتاۋ مينيسترلىگىنىڭ 52 - ءنومىرلى بۇيرىعىنىڭ تالابى بويىنشا مامىلە جاسالادى.
اۆتونوميالى رايوندىق حالىق قۇرىلتايىنىڭ ورىنباسار مەڭگەرۋشىسى تىلەبالدى ابدىرەشيت ۇلى، اۆتونوميالى رايوندىق ەمدەۋ - دەنساۋلىق ساقتاۋ مەڭگەرمەسىنىڭ، شينجياڭ ۇيعۇر اۆتونوميالى رايوندىق قازاق شيپاگەرلىك - دارىگەرلىك قوعامىنىڭ، شينجياڭ قازاق شيپاگەرلىك - دارىگەرلىك زەرتتەۋ ورتالىعىنىڭ، ايماق، وبلىستاردىڭ ەمدەۋ - دەنساۋلىق ساقتاۋ مەكەمەلەرىنىڭ قاتىستى جاۋاپتىلارى تالقى جيىنىنا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
