بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

شينجياڭداعى 10 ءىرى اقپارادى باعالاپ شىقتى

2014.01.06 15:20     كەلۋ قاينارى : ءتاڭىرتاۋ تورابى

  1. اۆتونوميالى رايون «كوكتەمدە جاڭا باستاما كوتەرەيىك، ناقتى ىستەپ، تياناقتانۋدى جەبەيىك» جەلىلەس قيمىلىن ورىستەتتى

  اۆتونوميالى رايوندىق پارتكوم 2013 - جىلى 4 - اقپاننان باستاپ ءبىر ايدان استام ۋاقىتپەن 2013 - جىلعى «كوكتەمدە جاڭا باستاما كوتەرەيىك، ناقتى ىستەپ، تياناقتانۋدى جەبەيىك» جەلىلەس قيمىلىن ورىستەتىپ، پارتيا 18 - قۇرىلتايىنىڭ، ج ك پ اۆتونوميالى رايوندىق 8 - قۇرىلتايىنىڭ جانە ج ك پ اۆتونوميالى رايوندىق 8 - كەزەكتى كوميتەتى ءتورتىنشى جالپى (كەڭەيتىلگەن) ءماجىلىسىنىڭ رۋحىن دايەكتى تياناقتاندىرۋدى نەگىز ەتتى. قيمىلدىڭ مازمۇنى مىناداي: تاسىلگە بۇرىلىس جاساۋ، قۇرىلىمدى رەتتەۋ، نەگىزدى بەكەمدەۋ، دامۋدى جەبەۋ قيمىلى، يدەيانى ازات ەتىپ، رەفورمانى تەرەڭدەتۋ قيمىلى، حالىق تۇرمىسىنا قاتىستى ينجەنەريالاردى ىلگەرىلەتۋ قيمىلى، ەكولوگيالىق وركەنيەت قۇرىلىسىن ىلگەرىلەتۋ قيمىلى، قوعامدىق باسقارۋدا جاڭالىق اشۋ، وسى زامانعى مادەنيەتتى ساۋلەلەندىرۋ، قىزمەت ستيلىنە بۇرىلىس جاساۋ قيمىلى، شينجياڭعا باعىتتامالى كومەكتەسۋ قىزمەتىن ىلگەرىلەتۋ قيمىلى، سىرتقا ەسىك اشۋدى ىلگەرىلەتۋ قيمىلى. وسى قيمىلدار اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى، اڭگىمە ءماجىلىس، ناقتى ورىندا تەكسەرۋ - زەرتتەۋ جۇرگىزۋ، جۇمىس باسى ءماجىلىسى سياقتى تاسىلدەر ارقىلى اۆتونوميالى رايوننىڭ ەكونوميكالىق، قوعامدىق دامۋىن، رەفورما جاساپ، ەسىك اشۋىن ىلگەرىلەتۋ، حالىق تۇرمىسىن قامتاماسىز ەتۋ جانە جاقسارتۋ، قوعامدىق قۇرىلىس، يدەيالىق - ساياسي، مادەنيەت قۇرىلىسى جاعىنداعى قىزمەتتەرگە ورنالاستىرۋ جاسادى جانە تياناقتانۋدى قۋزادى.

  2. جۋاڭ شىحۋا «زامانىمىزداعى لەي فىڭ» جانە «عۇمىر قاھارمانى» داڭقتى اتاعىن الدى

  قارۋلى ساقشى شينجياڭ باس اترەتى شيپاحاناسىنىڭ باستىعى جۋاڭ شىحۋا 2013 - جىلى 1 - ناۋرىز كۇنى ورتالىقتىڭ رۋحاني وركەنيەت قۇرىلىسىنا جەتەكشىلىك ەتۋ كوميتەتى اشقان ماۋ زىدۇڭ سياقتى اعا بۋىن توڭكەرىسشىلەردىڭ لەي فىڭ جولداسقا ارناۋ ءسوز جازعاندىعىنىڭ 50 جىلدىعىن اتاپ ءوتۋ اڭگىمە ماجىلىسىندە «زامانىمىزداعى لەي فىڭ» داڭقتى اتاعىن الدى.

  مەملەكەتتىك دەنساۋلىق ساقتاۋ جانە جوسپارلى تۋىت كوميتەتى ۇيىمداستىرعان تۇڭعىش كەزەكتى تاعدىرىن اماناتتاۋ، ءۇمىت سەرتى − ەمدەۋ، ءدارى - دارمەك، دەنساۋلىق ساقتاۋ سالاسىنىڭ 30 جىلدىعى «عۇمىر قاھارماندارىن» باعالاۋ قيمىلى 2013 - جىلى 6 - جەلتوقساندا بەيجيڭدە اياقتادى. مەملەكەت بويىنشا تۇڭعىش رەت 30 «عۇمىر قاھارمانى» باعالاندى. جۋاڭ شىحۋا «عۇمىر قاھارمانى» داڭقتى اتاعىن الدى. ول بۇكىل ارميا بويىنشا ءارى شينجياڭ بويىنشا وسى داڭقتى اتاققا يە بولعان بىردەن - ءبىر ادام.

  جۋاڭ شىحۋا شەكارا وڭىرگە تامىر تارتىپ، 39 جىل قالتقىسىز ۇلەس قوسىپ، اۋرۋدى ەمدەپ، ادامدى قۇتقارۋدى حالىقتى يگىلىككە كەنەلتۋ سىندى وسكەلەڭ ءىس، اجالعا اراشاشى، اۋرۋعا مەدەت بولاتىن وپەراتسيا ۇستەلىن لەي فىڭ رۋحىنا مۇراگەرلىك ەتەتىن ساحنا دەپ قاراپ، كوكىرەك تولى قىزۋ ىنتامەن ءار ۇلت بۇقاراسىنىڭ دەنساۋلىعىن، باقىتىن قورعاپ، پارتيا مەن ءار ۇلت حالىق بۇقاراسى اراسىنا دانەكەر بولدى.

  3. رايونىمىز «بىرگە قارسى تۇرىپ، ەكىنى دارىپتەۋگە» تاباندى بولىپ، زورلىقتى كۇش لاڭكەستىك قىلمىستىق ارەكەتتەرگە سىلەيتە سوققى بەرىپ، رايونىمىزدىڭ قوعامدىق جالپى جاعدايى ورنىقتىلىعىن ساقتادى

  2013 - جىلى 23 - ءساۋىر كۇنى مارالباسى اۋدانىنىڭ سيرىقبۇيا قالاشىعىندا اۋىر زورلىقتى كۇش لاڭكەستىك وقيعاسى تۋىلىپ، حالىق ساقشىسىنان، الەۋمەتتىك اۋماق قىزمەتكەرىنەن 15 ادام قازا بولدى. 26 - ماۋسىم كۇنى ءپىشان اۋدانىنىڭ لۇكچۇن قالاشىعىندا زورلىقتى كۇش لاڭكەستىك شابۋىلداۋ وقيعاسى تۋىلدى. ءبىر قانشا بۇلىكشى ىلگەرىندى - كەيىندى لۇكچۇن قالاشىق ساقشى بولىمشەسىنە، ەرەكشە شارلاۋشى ساقشىلار ورتا اترەتىنە، قالاشىق ۇكىمەتكە جانە حالىق جۇمىسكەرلەرىنىڭ جۇمىس ورنىنا شابۋىلداپ، ساقشى كولىكتەرىن ورتەدى. وقيعادا 24 ادام قازا بولدى، مۇنان سىرت، حالىق ساقشىسىنان جانە بۇقارادان 21 ادام جارالاندى. وقيعا تۋىلعاننان كەيىن، پارتيا ورتالىق كوميتەتىنىڭ، مەملەكەتتىك كەڭەستىڭ پارمەندى باسشىلىعىندا، اۆتونوميالى رايوندىق پارتكوم جانە حالىق ۇكىمەتى وقيعانى دەرەۋ ءبىر جايلى ەتىپ، باتىل، پارمەندى شارالاردى قولدانىپ، زورلىقتى كۇش لاڭكەستىك ەلەمەنتتەردىڭ اپتىعىن باسىپ، ءار ۇلت بۇقاراسىنىڭ تۇرمىسىن باتىل قورعادى. «23 - ءساۋىر» جانە «26 - ماۋسىم» اۋىر زورلىقتى كۇش لاڭكەستىك وقيعاسى قىسقا ۋاقىت ىشىندە ىلگەرىندى - كەيىندى ءبىر جايلى ەتىلىپ، زورلىقتى كۇش لاڭكەستىك ەلەمەنتتەر زاڭ بويىنشا قاتاڭ جازالاندى.

  ءبىر جىلدان بەرى، شينجياڭنىڭ قوعامدىق ورتاسىندا، 2012 - جىلدىڭ سوڭىندا اشىلعان اۆتونوميالى رايوننىڭ ورنىقتىلىق قىزمەتى ماجىلىسىندە العا قويىلعان تالاپتار بىرتىندەپ ورىندالدى: بولشەكتەۋشىلىككە قارسى تۇرۋعا، «ەكى جاعىن يگەرۋگە، ەكى جاعىن دا مىقتى يگەرۋگە» تاباندى بولىپ، زورلىقتى كۇشكە قارسى تۇرىپ، زاڭمەن باسقارۋدى، ءتارتىپتى دارىپتەپ، ۇستىنەن وڭاۋ مەن تۇبىرىنەن وڭاۋدى ۇشتاستىرىپ، جالپىلىق شارا قولدانىپ، اۆتونوميالى رايوندىق پارتكومنىڭ ورنىقتىلىقتى قورعاۋ جونىندەگى شەشىم - ورنالاستىرۋلارىن تياناقتاندىرىپ، تىنىش شينجياڭ قۇرىلىسىن كۇش سالا ورىستەتىپ، ءار ۇلت بۇقاراسىنىڭ حاۋىپسىزدىك سەزىمى مەن رازىلىعىن تولاسسىز جوعارىلاتىپ، تۇتاس شينجياڭنىڭ قوعامدىق جالپى جاعدايى ورنىقتىلىعىن ساقتادى.

  4. شينجياڭنىڭ تيانشان تاۋى الەمدىك جاراتىلىستىق مۇرالار تىزىمىنە ەنگىزىلدى

  2013 - جىلى 12 - ماۋسىمدا كامبودجانىڭ استاناسى پنومپەندە وتكىزىلگەن 37 - كەزەكتى الەمدىك مۇرالار جينالىسىندا جاراتىلىستىق مۇرالار تىزىمىنە ەنگىزۋدى ءوتىنىش ەتكەن جۇڭگونىڭ شينجياڭىنىڭ تيانشان تاۋى تىزىمگە ءساتتى ەنگىزىلىپ، ەلىمىز بويىنشا 44 - الەمدىك مۇراعا اينالدى.

  يۋنەسكو شينجياڭنىڭ تيانشان تاۋىنا «شينجياڭنىڭ تيانشان تاۋى − كورىنىس پەن بيولوگيالىق، ەكولوگيالىق وزگەرىس بارىسىنىڭ ءبىر تۇتاستىعىنا يە، ول الەمدىك جاراتىلىستىق مۇرالاردى قورعاۋ جانە باسقارۋ تالابىنا ۇيلەسەدى» دەپ باعا بەردى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي: تيانشان تاۋىنىڭ الەمدىك جاراتىلىستىق مۇرالار تىزىمىنە ەنگىزىلۋى ونىڭ دۇنيە ءجۇزىنىڭ جاراتىلىستىق كورىنىستەرىندە كورنەكتى قۇنعا يە ەكەندىگىن ايگىلەدى. كەلەر ساتىدا قورعاۋ قىزمەتىن ۇزبەي جاقسى ىستەپ، قورعاۋ بارىسىندا باياندى اشامىز، − دەدى.

  5. اۆتونوميالى رايون پارتيانىڭ بۇقارالىق لۋشيانى جونىندەگى 1 - توپتاعى تاربيە جانە امالياتتىق قيمىلىن تىڭعىلىقتى ورىستەتتى

  اۆتونوميالى رايوننىڭ پارتيانىڭ بۇقارالىق لۋشيان تاربيەسى جانە امالياتتىق قيمىلىنا جۇمىلدىرۋ ءماجىلىسى 2013 - جىلى 17 - شىلدە دە ۇرىمجىدە اشىلدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان جۇمىلدىرۋ، ورنالاستىرۋ جونىندە ءسوز سويلەدى.

  قىركۇيەك ايىنىڭ اياق شەنىنەن بەرى، اۆتونوميالى رايوننىڭ 1 - توپتاعى تاربيە، امالياتتىق قيمىلىنا قاتىناسقان ولكە دارەجەلى باسشىلىق القالارى جانە مەڭگەرمە، مەكەمە دارەجەلى 114 ورىن ىشكەرىلەي ۇيرەنۋ، تاربيە الۋ، كەڭىنەن پىكىر الۋ، قاتاڭ سالىستىرىپ تەكسەرۋ، اڭگىمەلەسۋ، سىرلاسۋ نەگىزىندە ىلگەرىندى - كەيىندى ارناۋلى تاقىرىپتىق دەموكراتيالىق تۇرمىس جيىنىن اشتى. رايونىمىزدىڭ تاراۋلارى، مەكەمە ورىندارى قيمىل بارىسىندا قايشىلىقتاردان تايساقتاماي، ماسەلەلەردى بۇركەمەلەمەي، ىرىقتىلىقپەن ايىبىن ايتىپ، پىكىرلەردى ورتاعا قويىپ، ماسەلەلەردى تەكسەرىپ، ءتۇپ تامىرىن ىزدەپ تاۋىپ، ساياسيدا بەرىك بولماۋ ماسەلەسىن جانە «ءتورت ءتۇرلى بۇرىس ستيل» جاعىندا ورىن ورىن تەپكەن كورنەكتى ماسەلەلەردى ىشكەرىلەي تەكسەرىپ جايىپ سالدى. رايونىمىز تۇتقيىل استىرتىن تەكسەرۋ، حالىق رايى ىستىق لەنياسى، جاريا سەرت بەرۋ، رەتتەۋ، تۇزەتۋ جاعدايىن جاريالاۋ، ارناۋلى وڭاۋ سياقتى شارالاردى قولدانىپ، تاربيە، امالياتتىق قيمىلىنا قاتىناسقان تاراۋلاردىڭ، ورىنداردىڭ كورنەكتى ماسەلەلەردى ءداپ باسىپ تابۋىن، رەتتەۋدى، تۇزەتۋدى، تيناقتاندىرۋدى مىقتى يگەرۋىن جەبەپ، تاربيە، امالياتتىق قيمىلىندا ناقتى ونىمدىلىككە قول جەتكىزۋگە كەپىلدىك ەتتى.

  پارتيا ورتالىق كوميتەتىنىڭ جانە اۆتونوميالى رايوننىڭ ءبىر تۇتاس ورنالاستىرۋىنا ساي، رايونىمىزدىڭ 1 - توپتاعى تاربيە، امالياتتىق قيمىلى 2013 - جىلدىڭ سوڭىندا اياقتايدى. 2014 - جىلدىڭ باسىندا 2 - توپتاعى تاربيە، امالياتتىق قيمىلى باستالادى.

  6. اۆتونوميالى رايون قالا، اۋىل تۇرعىندارىنىڭ سالماقتى اۋرۋلاردى قامسىزداندىرۋ سىناق ءتۇيىنىن بەلگىلەدى

  2013 - جىلى 6 - تامىزدا «اۆتونوميالى رايوننىڭ قالا، اۋىل تۇرعىندارىنىڭ سالماقتى اۋرۋلاردى قامسىزداندىرۋ قىزمەتىن ورىستەتۋدى اتقارۋ جوباسىندا» جۋىق ارادا تارباعاتاي ايماعى، التاي ايماعى، ءۇرىمجى قالاسى، اقسۋ ايماعى، قىزىلسۋ قىرعىز اۆتونوميالى وبلىسى سياقتى 5 ايماق، وبلىس، قالادا قالا، اۋىل تۇرعىندارىنىڭ سالماقتى اۋرۋىن قامسىزداندىرۋ سىناق ءتۇيىنى جۇرىلەتىندىگى ۇيعارىلدى. 5 سىناق ءتۇيىنى رايونىنداعى ءبىر ميلليون 144 مىڭ 300 قالا - قالاشىق تۇرعىنى، اۋىل - قىستاقتارداعى جاڭاشا سەلبەسىپ ەمدەلۋگە قاتىناسقان 2 ميلليون 921 مىڭ 700 ادام وسى ساياساتتان يگىلىكتەنەدى. سىناق تۇيىنىندە ناتيجە جاراتىلعاننان كەيىن رايونىمىزدا بىرتىندەپ جالپىلاستىرىلادى.

  2013 - جىلى اۆتونوميالى رايون 25 ءتۇر بويىنشا حالىق تۇرمىسىنا قاتىستى 100 ءتۇيىندى ينجەنەريانى كۇش سالا اتقارىپ، حالىق تۇرمىسىنا قاتىستى قۇرىلىستار ىشكەرىلەي، ءتىپتى دە كەڭ سالالاردا، ءتىپتى دە جوعارى دەڭگەيدە ىلگەرىلەدى. 2013 - جىلى مەملەكەت جانە اۆتونوميالى رايون شينجياڭداعى 9 اۋداندا «قوس ءتىل» بوبەكتەر تاربيەسىن ورىستەتۋگە ءبىر ميلليون يۋان قارجى شىعاردى، قازىر 7223 بالا باقشانىڭ قۇرىلىسى تۇگەلدەي اياقتادى؛ اۆتونوميالى رايون وڭتۇستىك شينجياڭداعى 3 ايماق، وبلىستى ءتۇيىن ەتىپ، ورتا دارەجەلى كاسىپتىك مەكتەپتەرگە وقۋشى قابىلداۋ كولەمىن قۇلشىنا كەڭەيتىپ، ورتا مەكتەپ ساتىسىندا مەكتەپكە ءتۇسۋ سالىستىرماسىن جوعارىلاتتى؛ اۆتونوميالى رايون 15 - قاراشادا «شينجياڭنىڭ جوعارى مەكتەپتەردەن وقۋ تاۋىسقان وقۋشىلاردى كاسىپتەندىرۋ قىزمەتىن اناعۇرلىم ويداعىداي ىستەۋ جونىندەگى ۇقتىرۋدى» تاراتىپ، رايونىمىزدا كاسىپتەنۋدى جەبەۋ جوسپارىن جاپپاي اتقاردى. قاڭتاردان قاراشاعا دەيىن اۆتونوميالى رايون قازىناسىنان حالىق تۇرمىسىنا جۇمسالعان قارجى 198 ميلليارد 480 ميلليون يۋانعا جەتىپ، %19 ارتتى، بۇل الەۋمەتتىك قازىنا شىعىسىنىڭ %73.4ىن يەلەيدى.

  7. شينجياڭنىڭ دەنە تاربيە ساڭلاقتارى مەملەكەتتىك سپورت جارىسىندا 30 جىلدان بەرگى ەڭ تاڭداۋلى ناتيجەگە قول جەتكىزدى

  مەملەكەتتىك 12 - كەزەكتى سپورت جارىسى 2013 - جىلى 1 - قىركۇيەكتەن 12 - قىركۇيەككە دەيىن لياۋنيڭ ولكەسىندە وتكىزىلدى. شينجياڭ ۋاكىلدەر ۇيىرمەسىندەگى 121 سپورتشى حانزۋ، ۇيعۇر، قازاق، حۇيزۋ، سىبە، موڭعۇل، قىرعىز، وزبەك، ورىس سىندى 9 ۇلتتان قۇرالعان. رايونىمىز ساڭلاقتارى 12 كۇنگە جالعاسقان جارىستا 15 ۇلكەن ءتۇر، 61 شاعىن تۇردەگى جارىسقا قاتىناسىپ، تايكوندو، ات ونەرى، بوكس، ۆەلوسيپەد، فۋتبول، كۇرەس، جەڭىل اتلەتيكادان 6 التىن مەدال، 8 كۇمىس مەدال، 2 قولا مەدالدى ەنشىلەپ، كوللەكتيۆ 333.5 نومىرگە يە بولدى. تاماشا جارىس ستيلى مەن جارىس ءتارتىبىن بويتۇمار ەتكەن شينجياڭ ۋاكىلدەر ۇيىرمەسى دەنە تاربيە ءمورال ءداستۇرى سيلىعىن الدى. وسى تىڭ تابىستار رايونىمىز دەنە تاربيە ۋاكىلدەر ۇيىرمەسىنىڭ 4 - كەزەكتى مەملەكەتتىك دەنە تاربيە جارىسىنان كەيىنگى 30 جىلدان بەرى قول جەتكىزگەن ەڭ سۇبەلى ناتيجەسى.

  8. شينجياڭ «جىبەك جولى ەكونوميكالىق بەلدەۋى» ستراتەگيالىق ورايىن مىقتى يگەرىپ، ەسىكتى ايقارا اشۋ جۇلگەسىن ورناتۋ اياق الىسىن جەدەلدەتتى

  2013 - جىلى 7 - قىركۇيەكتە مەملەكەت ءتوراعاسى شي جينپيڭ قازاقستاننىڭ نازاربايەۆ ۋنيۆەرسيتەتىندە لەكسيا سويلەگەندە «جىبەك جولى ەكونوميكالىق بەلدەۋىن» بىرگە قۇرۋداي كەلەلى ستراتەگيالىق ويدى ورتاعا قويعان بولاتىن، بۇل ەل ءىشى - سىرتىندا كۇشتى ءدۇمپۋ قوزعادى.

  اۆتونوميالى رايون بۇل جونىندە جەدەل اڭىس قايتاردى، الدىمەن ۇيرەنۋ، الدىمەن ارەكەتكە كەلۋ، ىرىقتى بولۋ پوزيتسياسىندا بولا وتىرىپ، تاريحي ورايدى مىقتى يگەردى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان مىنالاردى اتاپ كورسەتتى: شينجياڭنىڭ وڭىرلىك، جاعراپيالىق جانە گۋمانيتارلىق جاقتاعى باسىمدىلىقتارىن جەتە ساۋلەلەندىرىپ، وسكەلەڭ ساياسي سەزگىرلىك، كۇشتى وراي تانىمى، جاۋاپكەرلىك ارقالاۋ رۋحىمەن «جىبەك جولى ەكونوميكالىق بەلدەۋىن» بىرگە قۇرۋداعى كوشباسشى، تىرەكتى كۇش جانە اتويشى بولۋعا قۇلشىنۋ قاجەت. اۆتونوميالى رايون اۆتونوميالى رايون باسشىلارى باستاعان ارناۋلى القا قۇرىپ، «جىبەك جولى ەكونوميكالىق بەلدەۋىنىڭ» ءمانى، ورنى، ستراتەگيالىق ءتۇيىنى سىندى نازاريالاردى ىشكەرىلەي زەرتتەپ، «ساتىلار بويىنشا الدىمەن اتقارۋ، الدىمەن سىناق ەتۋ، الدىمەن ىستەۋ»، «جىبەك جولى ەكونوميكالىق بەلدەۋىن» بىرگە قۇرۋداعى اتويشى قوسىن بولۋدى ورتاعا قويدى. 2013 - جىلى 16 - قاراشادا اشىلعان ج ك پ اۆتونوميالى رايوندىق 8 - كەزەكتى كوميتەتىنىڭ التىنشى جالپى (كەڭەيتىلگەن) ماجىلىسىندە جانە 25 - جەلتوقساندا اشىلعان اۆتونوميالى رايوندىق پارتكومنىڭ ەكونوميكالىق قىزمەت ماجىلىسىندە جاڭ چۇنشيان مىنالاردى باسا دارىپتەدى: شينجياڭ كۇشتى وراي تانىمى، جاۋاپكەرلىكتى ارقالاۋ رۋحىندا بولا وتىرىپ، جاعراپيالىق جانە گۋمانيتارلىق جاقتاعى باسىمدىلىقتارىن ساۋلەلەندىرۋلەرى، «جىبەك جولى ەكونوميكالىق بەلدەۋىن» قۇرۋداعى نەگىزگى كۇش جانە اتويشى بولىپ، «جىبەك جولى ەكونوميكالىق بەلدەۋدەگى» ماڭىزدى قاتىناس - تاسىمال، ساۋدا، زات اينالىمى، فينانس، مادەنيەت، عىلىم - تەحنيكا وزەگى بولىپ، «جىبەك جولى ەكونوميكالىق بەلدەۋىندەگى» سەنترلى ءوڭىر ەتىپ قۇرۋعا قۇلشىنۋ قاجەت.

  9. اۆتونوميالى رايوندىق پارتكوم ج ك پ اۆتونوميالى رايوندىق 8 - كەزەكتى كوميتەتىنىڭ التىنشى جالپى (كەڭەيتىلگەن) ءماجىلىسىن اشىپ، شينجياڭنىڭ رەفورمانى جاپپاي تەرەڭدەتۋدەگى كەلەلى ماسەلەلەرىن اقىلداستى

  ج ك پ اۆتونوميالى رايوندىق 8 - كەزەكتى كوميتەتىنىڭ التىنشى جالپى (كەڭەيتىلگەن) ءماجىلىسى 2013 - جىلى 16 - قاراشادان 17 - قاراشاعا دەيىن ۇرىمجىدە اشىلدى. ءماجىلىس ج ك پ 18 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، شينجياڭنىڭ رەفورمانى جاپپاي تەرەڭدەتۋدەگى كەلەلى ماسەلەلەرىن ورنالاستىردى، شينجياڭداعى ءار ۇلت كادر - جۇرتشىلىعىن سەنىمدى بەكەمدەۋ، ورتاق تانىمدى شوعىرلاندىرۋ، يدەيانى ازات ەتۋ، رەفورما جاساپ، وزگەرىس ەنگىزۋ، شينجياڭنىڭ قارىشتاپ دامۋى مەن باياندى تىنىشتىعىن جۇزەگە اسىرۋ جولىندا قۇلشىنۋعا اتتانىسقا كەلتىردى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ماڭىزدى ءسوز سويلەپ، شينجياڭنىڭ رەفورمانى جاپپاي تەرەڭدەتۋدەگى نىسانا مىندەتى مىناداي ەكەندىگىن اتاپ كورسەتتى: جۇڭگوشا ەرەكشەلىككە، شينجياڭنىڭ ءىس جۇزىندىگىنە ۇيلەسەتىن دامۋ جولىمەن بۇلجىماي ءجۇرىپ، بازاردى جەتەكشى ەتۋ، ومىرشەڭدىك كۇشكە باي بولۋ، دەموكراتيالى زاڭمەن باسقارۋ، ءادىل دە ادىلەتتى بولۋ، جاريا، كەڭ پەيىلدى، ىنتىماقتى، جاراسىمدى بولۋ تالابىنا ساي، ماڭىزدى سالالار مەن شەشۋشى بۋىندارداعى رەفورمادا كەلەلى تابىستارعا قول جەتكىزۋگە قۇلشىنۋ، 2020 - جىلعا دەيىن قارىشتاپ دامۋ مەن باياندى تىنىشتىقتىڭ ءبىرشاما كەمەلدى ءتۇزىلىس مەحانيزمىن نەگىزىنەن قالىپتاستىرۋ.

  ماجىلىستە پارتيا 18 - كەزەكتى ورتالىق كوميتەتى ءۇشىنشى جالپى ءماجىلىسى، اسىرەسە، باس شۋجي شي جينپيڭنىڭ ماڭىزدى ءسوزى جانە «ج ك پ ورتالىق كوميتەتىنىڭ رەفورمانى جاپپاي تەرەڭدەتۋدەگى كەلەلى ماسەلەلەرى جونىندەگى قارارىنىڭ» رۋحىن ارقاۋ، بۇكىل ەل جالپى جاعدايى مەن شينجياڭنىڭ ءىس جۇزىندىگىن شىعار ءتۇيىن ەتە وتىرىپ، رەفورمانى جەدەلدەتۋدىڭ شينجياڭنىڭ قارىشتاپ دامۋى مەن باياندى تىنىشتىعىن جەبەۋدەگى ەرەكشە ماڭىزى جونىندە ەگجەي - تەگجەيلى بايىمداۋ جاسالدى، شينجياڭنىڭ رەفورمانى جاپپاي تەرەڭدەتۋدەگى جەتەكشى يدەياسى، نىساناسى، مىندەتى ايقىندالىپ، شينجياڭنىڭ رەفورمانى جاپپاي تەرەڭدەتۋدە، ءسوزسىز، يگەرۋگە ءتيىستى ماڭىزدى ۇلكەن بەتالىس ماسەلەسى ورتاعا قويىلدى، رەفورمانى جاپپاي تەرەڭدەتۋ قىزمەتىنە 8 جاقتان ورنالاستىرۋ جاسالدى ءارى ىنتىماقتى، ورنىقتىلىقتى كۇشەيتۋ، پارتيانىڭ باسشىلىق، وزەكتى رولىن ساۋلەلەندىرۋ جونىنەن ايقىن تالاپتار ورتاعا قويىلدى.

  10. شينجياڭ ەكونوميكانى دامىتۋدا قارىشتاپ العا باستى

  2013 - جىلى كۇردەلى دە اۋمالى - توكپەلى ەل ءىشى - سىرتى جاعدايى جونىندە اۆتونوميالى رايون «ورنىقتىلىق بارىسىندا ىلگەرىلەۋ، ىلگەرىلەۋ بارىسىندا وزگەرىسكە ۇمتىلۋداي» قىزمەت نەگىزگى اۋەنىنە تاباندى بولىپ، نەگىزگى تاقىرىپتى، نەگىزگى جەلىنى مىقتاپ يگەردى، «ەكونوميكانى ورنىقتى ارتتىرۋ، زات باعاسىن مەڭگەرۋ، قۇرىلىمدى رەتتەۋ، حالىققا تيىمدىلىك جاساۋ، رەفورمانى مىقتى يگەرۋ، جاراسىمدىلىقتى جەبەۋ» قىزمەتتەرىن ءبىر تۇتاس جوسپارلاپ، ەكونوميكالىق اينالىم تەز قارقىنمەن ارتقان، ونىمدىلىك جوعارىلاعان، قۇرىلىم ساپالىلانعان تاماشا بەينە جارىققا شىقتى.

  «ءوندىرىس جالپى ءونىم قۇنى، CPI ، الەۋمەتتىك قازىنا مەجە ەسەبى كىرىسى، تۇتاس قوعامدا تۇراقتى مۇلىككە قارجى قوسۋ، قوعامداعى تۇتىنۋ بۇيىمدارىنىڭ بولشەك ساتىلۋ جالپى سوماسى سياقتى ماڭىزدى ەكونوميكالىق كورسەتكىشتەر ۇيلەسىمدى بولدى نەمەسە كوزەۋلى نىساناعا جەتتى. 2013 - جىلى الدىڭعى 3 توقساندا شينجياڭنىڭ ىشكى ءوندىرىس جالپى ءونىم قۇنى 57 ميلليارد يۋان بولىپ، بىلتىرعى سول تۇستاعىدان%10.8ارتتى، بۇل مەملەكەتتىك ورەدەن %3 پايىز جوعارى، ارتۋ قارقىنى تۇتاس ەل بويىنشا 9 - ورىنعا كوتەرىلىپ، ارتۋ قارقىنىنىڭ بۇكىل ەلدەگى ورنى 22 جىلدان بەرگى ەڭ جوعارى دەڭگەيگە كوتەرىلدى. كولەمدەنگەن بەي مۇناي ونەركاسىپ سالاسىنىڭ ۇستايتىن سالىستىرماسى %55.9بولدى، ەلەكتر تاراتۋ، ەلەكتردەن پايدالانۋ، فينانس قۇرىلىمدارىنداعى قارىز اقشا قالدىعى، تەمىر جول جۇك تاسىمالى سياقتىلاردىڭ ارتۋ سالىستىرماسى دا تۇتاس ەل بويىنشا قارا ءۇزىپ، الدىعا شىقتى. تۇتاس جىلدا ەگىنشى - مالشىلاردىڭ جان باسىندىق ورتاشا كىرىسى%15.5 ارتىپ، اۋەلگى كىرىستەرىنە 1000 يۋان قوسىلدى، ءسويتىپ، شينجياڭ ەكونوميكاسىنىڭ دامۋى − ەكى ۇلكەن تاريحي مىندەتتى جۇزەگە اسىرۋداعى جارقىن تۇيىنگە اينالدى.

  اۆتونوميالى رايوندىق پارتكوم 2013 - جىلى 25 - جەلتوقساندا ەكونوميكالىق قىزمەت ءماجىلىسىن اشتى، ماجىلىستە 2013 - جىلعى قىزمەتتەر قورىتىندىلانىپ، 2014 - جىلى «ورنىقتىلىق بارىسىندا ىلگەرىلەۋ، رەفورما جاساپ، جاڭالىق اشۋ» ەكونوميكالىق قىزمەت نەگىزگى جەلىسى، سونداي - اق كەلەر جىلعى ەكونوميكالىق قىزمەتتەگى نەگىزگى تالاپ، نىسانا، مىندەتتەر ورتاعا قويىلدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.