- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق 12-كەزەكتى حالىق قۇرىلتايىنىڭ 2-ءماجىلىسى جابىلدى
2014.01.21 14:44 كەلۋ قاينارى : شينجياڭ حالىق راديو ستانسياسى تورابى
20-قاڭتار تۇستەن كەيىن اۆتونوميالى رايوندىق 12-كەزەكتى حالىق قۇرىلتايىنىڭ ەكىنشى ءماجىلىسى ءتۇرلى قارالاتىن ىستەردى ءساتتى ورىنداعاننان كەيىن شينجياڭ حالىق سارايىندا جابىلدى.
ءماجىلىس، رايونىمىزداعى ءار ۇلت حالىقىن پارتيا 18-قۇرىلتايى، ج ك پ 18-كەزەكتى ورتالىق كوميتەتى ءۇشىنشى جالپى ءماجىلىسى رۋحىنىڭ جەتەكشىلىگىندە، شي جينپيڭ جولداس باس شۋجي بولعان پارتيا ورتالىعىنىڭ توڭىرەگىنە تىعىز ىنتىماقتاسىپ، اۆتونوميالى رايوندىق پارتكومنىڭ بەرىك باسشىلىعىندا، «تەك قۇلشىنعاندا عانا وزگەرس بولادى، قۇلشىنساق بولدى وزگەرتە الامىز» دەگەن باعىتتان جازباي، ورايدى مىقتى يگەرىپ، شوگەلدىكپەن ىستەپ، وزگەرىس جاساپ، ارقالاۋعا باتىل بولىپ، ناقتىلى ىستەر ىستەپ، شينجياڭنىڭ سەكىرمەلى دامۋى مەن باياندى تىنىشتىعى ءۇشىن قۇلشىنا كۇرەس جاساۋعا ۇندەدى!
اۆتونوميالى رايوندىق 12-كەزەكتى حالىق قۇرىلتايىنىڭ ەكىنشى ماجىلىسىنە قاتىناسۋعا ءتيىستى 549 ادام، ناقتى قاتىناسقان 525 ادام، بۇل زاڭدا بەلگىلەنگەن ۋاكىل سانىنا ۇيلەسەدى.
ءماجىلىس ءتوراعالار القاسىنىڭ تۇراقتى ءتوراعالارىنان، اتقارۋشى ءتوراعالارىنان جاڭ چۇنشيان، ەركىن يمىرباقى، شوھرات زاكىر، ۋاڭ يۇڭميڭ، جاپار ابەيبوللا، ما ميڭچىڭ، تىلەبالدى ابدىرەشيت ۇلى، ءمۇتالىپ حاسىم، ءورگۇل جاپار، دۇڭ شينگۋاڭ، اسقار تۇرسىن ءتوراعالار مىنبەسىنىڭ الدىڭعى قاتارىنان ورىن الدى.
جاڭ چۇنشيان ءماجىلىستى باسقاردى، نۇر باكىر، نۇرلان ءابىلماجىن ۇلى، اسحات كەرىمباي ۇلى، چى جۇن، حان يۇڭ، ليۋ لەي، حۋاڭ ۋي، شاۋكەت يمىن، سۇڭ ايرۇڭ، جۋ حايلۇن، ءباي جىجيە، كۇراش ماحسۇت، ەركىنجان تۇراحۇن، شيۋڭ شۋانگو، عانيبات سابىكەي ۇلى، لي شۋەجۇن، ليۋ شينچي جانە ءماجىلىسءتوراعالار القاسىنىڭ مۇشەلەرى ءتوراعالار مىنبەسىنەن ورىن الدى.
ءماجىلىس، ەركىن يمىرباقى جولداستىڭ اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىلىگى مىندەتىن ەندىگارى قوسىمشا وتەمەيتىنىن ۇيعاردى.
ماجىلىستە، ۋاڭ حۇيميننىڭ اۆتونوميالى رايوندىق 12-كەزەكتى حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى جانە اۆتونوميالى رايوندىق 12-كەزەكتى حالىق قۇرىلتايى قازىنا-ەكونوميكا كوميتەتىنىڭ مەڭگەرۋشى جوراسى مىندەتىنەن بوساۋىن، راپحات نۇراحماننىڭ اۆتونوميالى رايوندىق 12-كەزەكتى حالىق قۇرىلتايى تۇراقتى كوميتەتىنىڭ مۇشەسى مىندەتىنەن بوساۋىن، ابلەز وشىر سياقتى 3 جولداستىڭ اۆتونوميالى رايوندىق 12-كەزەكتى حالىق قۇرىلتايى زاڭ-ءتۇزىم كوميتەتىنىڭ ورىنباسار مەڭگەرۋشىسى، مەڭگەرۋشى جوراسى مىندەتىنەن بوساۋىن، دولقىن توقتىنىڭ اۆتونوميالى رايوندىق 12-كەزەكتى حالىق قۇرىلتايى قازىنا-ەكونوميكا كوميتەتىنىڭ ورىنباسار مەڭگەرۋشىسى مىندەتىنەن بوساۋىن قابىلداۋ جونىندەگى قارار داۋىس بەرىپ ماقۇلداندى.
ماجىلىستە، اۆتونوميالى رايوندىق حالىق قۇرىلتايى زاڭ-ءتۇزىم كوميتەتىنىڭ ورىنباسار مەڭگەرۋشى جورالارىنىڭ ەسىمدىگى، اۆتونوميالى رايوندىق 12-كەزەكتى حالىق قۇرىلتايى قازىنا-ەكونوميكا كوميتەتىنىڭ مەڭگەرۋشىسى، ورىنباسار مەڭگەرۋشىلەرىنىڭ ەسىمدىگى داۋىس بەرىپ ماقۇلدانىپ، ۋاڭ يۇڭميڭدى اۆتونوميالى رايوندىق 12-كەزەكتى حالىق قۇرىلتايى قازىنا-ەكونوميكا كوميتەتىنىڭ مەڭگەرۋشى جورالىعىنا تاعايىنداۋ ۇيعارىلدى.
ماجىلىستە، باس داۋىس باقىلاۋشىنىڭ، داۋىس باقىلاۋشىلاردىڭ ەسىمدىگى ماقۇلداندى؛ ماجىلىستە جاسىرىن داۋىس بەرۋ ارقىلى، شوھرات زاكىر اۆتونوميالى رايوندىق 12-كەزەكتى حالىق قۇرىلتايى تۇراقتى كوميتەتىنىڭ مەڭگەرۋشىلىگىنە سايلاندى؛ ەكى جولداس جورالىققا تولىقتاپ سايلاندى.
ماجىلىستە، ۇكىمەت قىزمەتىنەن بايانداما جونىندەگى قاۋلى داۋىس بەرىپ ماقۇلدانىپ، ۇكىمەت قىزمەتىنەن بايانداما بەكىتىلدى؛ 2013-جىلعى اۆتونوميالى رايوننىڭ حالىق شارۋاشىلىعى مەن قوعامدىق دامۋ جوسپارىن اتقارۋ جاعدايى جانە 2014-جىلعى اۆتونوميالى رايوننىڭ حالىق شارۋاشىلىعى مەن قوعامدىق دامۋ جوسپارى جونىندەگى قاۋلى داۋىس بەرىپ ماقۇلدانىپ، 2013-جىلعى اۆتونوميالى رايوننىڭ حالىق شارۋاشىلىعى مەن قوعامدىق دامۋ جوسپارىن اتقارۋ جاعدايى جانە 2014-جىلعى اۆتونوميالى رايوننىڭ حالىق شارۋاشىلىعى مەن قوعامدىق دامۋ جوسپارى جوباسى جونىندەگى مالىمەتىن، 2014-جىلعى اۆتونوميالى رايوننىڭ حالىق شارۋاشىلىعى مەن قوعامدىق دامۋ جوسپارىن بەكىتۋ ۇيعارىلدى؛ 2013-جىلعى اۆتونوميالى رايوننىڭ مەجە-ەسەپتى اتقارۋ جاعدايى جانە 2014-جىلعى اۆتونوميالى رايوننىڭ مەجە-ەسەپ جونىندەگى قاۋلى داۋىس بەرىپ ماقۇلدانىپ، 2013-جىلعى اۆتونوميالى رايوننىڭ مەجە-ەسەپتى اتقارۋ جاعدايى مەن 2014-جىلعى اۆتونوميالى رايوننىڭ مەجە-ەسەپ جونىندەگى مالىمەتىن، 2014-جىلعى اۆتونوميالى رايون دارەجەلى مەجە-ەسەبىن بەكىتۋ ۇيعارىلدى.
ماجىلىستە، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسى جونىندەگى قاۋلىسى، اۆتونوميالى رايوندىق جوعارى حالىق سوت مەكەمەسىنىڭ قىزمەت بايانداماسى، اۆتونوميالى رايوندىق حالىق پروكۋراتۋراسىنىڭ قىزمەت بايانداماسى جونىندەگى قاۋلىسى داۋىس بەرىپ ماقۇلدانىپ، وسى 3 باياندامانى بەكىتۋ ۇيعارىلدى.
جاڭ چۇنشيان بىلاي دەدى: ءماجىلىس اشىلعان مەزگىلدە، ۋاكىلدەر كوتەرىڭكى ساياسي ىنتا جانە قاتاڭ مۇقيات پوزەتسيامەن، نەگىزگى زاڭ جانە زاڭ بەرگەن مىندەتىن ادال اتقارىپ، ءماجىلىس جەتىستىگىمەن شينجياڭداعى ءار ۇلت حالىقتىڭ ورتاق تىلەگىن ايگىلەدى. بۇل ءبىر رەتكى دەموكراتيالى، ىنتىماقتى، شىندىققا جۇگىنگەن، العا باسقان ءماجىلىس بولدى، ونىڭ شينجياڭداعى ءار ۇلت حالىقىن اناعۇرلىم ىنتىماقتاستىرىپ، سەكىرمەلى دامۋ مەن باياندى تىنىشتىق ۇلى ىسىنە ۇمتىلا ات سالىسۋعا اناعۇرلىم ىنتىماقتاستىراتىنى جانە اتتانىسقا كەلتىرەتىنى داۋسىز.
جاڭ چۇنشيان مىنانى باسا دارىپتەدى: ءبىز پارتيا 18-قۇرىلتايى اشىلعاننان بەرى، باس شۋجي شي جينپيڭنىڭ وسكەلەڭ تاريحي جاۋاپكەرلىكپەن العا قويعان «ەكى ـــ ءجۇز جىل» كۇرەس جاساۋ نىساناسى مەن جۇڭحۋا ۇلتىنىڭ ۇلى كوركەيۋىن جۇزەگە اسىراتىن جۇڭگو ارمانى سىندى تاريحي جاۋاپكەرلىكتى ارقالاپ وتىرمىز. شينجياڭدا جۇڭگوشا سوتسياليزم جولىمەن جۇرۋگە تاباندى بولىپ، كوركەيىپ-گۇلدەنگەن، باي، جاراسىمدى، ورنىقتى تاماشا شينجياڭدى قۇرامىز!
ءبىز ءار ۇلت حالىق بۇقاراسى جۇكتەگەن اۋىر مىندەتتى ارقالاپ وتىرمىز ـــ اۆتونوميالى رايوننىڭ 8-رەتكى پارتيا قۇرىلتايىندا، ءار ۇلت حالىق بۇقاراسىنىڭ بۇرىنعىدان دا جاقسى تۇرمىس كەشىرۋىنە مۇمكىندىك جاساۋ العا قويىلدى. وزگەرتۋگە، وزگەرىس ەنگىزۋگە، جۇرەكتىلىكپەن ۇستىنە الۋعا، شىندىققا جۇگىنىپ ناقتىلى ىستەر ىستەۋگە تاباندى بولىپ، رايونىمىزدى، ءار ۇلت حالىق بۇقاراسىن قىزۋ ءسۇيىپ، رايونىمىزدىڭ سەكىرمەلى دامۋى مەن باياندى تىنشىتىعىن ىلگەرىلەتۋ جولىندا تىنباي شايقاس جاساۋىمىز كەرەك.
ءبىز ءداۋىر ارمانىن ارقالاپ وتىرمىز ـــ پارتيا ورتالىق كوميتەتى جاڭا جاعدايدا شينجياڭ قىزمەتىن ويداعىداي ىستەۋ جونىندە ماڭىزدى ستراتەگيالىق ورنالاستىرۋ جاساپ، جىبەك جولى ەكونوميكالىق بەلدەۋىن قۇرۋدىڭ نۇرلى بولاشاعىن ايگىلەپ، رەفورمانى جاپپاي تەرەڭدەتۋدىڭ تىڭ ومىرشەڭدىك كۇشىن ساۋلەلەندىردى. ءبىز ۇلتتار ىنتىماعىنىڭ ۇلى تۋىن بيىك كوتەرىپ، كۇش-قۋاتتى ۇيىستىرىپ، ىنتىماقتى دا جاراسىمدى، ورنىقتى دا ومىرشەڭدىك كۇشكە يە، سوتسياليستىك وسىزاماندانعان شينجياڭدى دۇنيە ءجۇزى حالقىنا ايگىلەۋىمىز ءتيىس.
شوھرات زاكىر ماجىلىستە ءسوز سويلەپ، بىلاي دەدى: اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسىنە تاعاندالىپ، مىندەتتىڭ داڭىقتى، جاۋاپكەرلىكتىڭ اۋىر ەكەنىن سەزىندىم. مەن وزەكتى ارقاۋ ەتۋگە، جالپى جاعدايعا قىزمەت وتەۋگە؛ شىندىققا جۇگىنىپ ناقتىلى ىستەر ىستەۋگە، رەفورما جاساپ، جاڭالالىق جاساۋعا؛ پاك تە تارتىپشاڭ بولىپ، ادالدىقپەن جۇمىس ىستەۋگە؛ حالىقتىڭ باقىلاۋىن قابىلداپ، حالىق ءۇشىن قىزمەت ەتىپ، پارتيانىڭ رايونىمىزدى باسقارۋ جالپى جوباسىنا ساي، رايونىمىزدى زاڭ بويىنشا باسقارۋ اياق الىسىن ىلگەرىلەتىپ، سەكىرمەلى دامۋ مەن باياندى تىنىشتىقتى ىلگەرىلەتۋ ۇلى جوسپارىن ورىنداۋعا كۇش سالامىن.
شوھرات زاكىر تاعى بىلاي دەدى: اۆتونوميالى رايوندىق حالىق قۇرىلتايى تۇراقتى كوميتەتىندەگىلەردى ىنتىماقتاستىرا وتىرىپ، اۆتونوميالى رايوندىق پارتكومنىڭ بەرىك باسشىلىعىندا، ورتالىق پەن اۆتونوميالى رايوندىق پارتكومنىڭ ماڭىزدى شەشىمدەرى مەن ورنالاستىرۋلارىن مۇقيات دايەكتىلەندىرىپ، شينجياڭدى زاڭمەن باسقاراتىن ەتىپ قۇرىپ شىعۋدى مىندەت ەتىپ، ۇلتتار ىنتىماعىنىڭ ۇلى تۋىن بيىك كوتەرىپ، ءار دارەجەلى ۋاكىلدەرگە جەتەكشىلىك ەتۋ جانە حالىق بۇقاراسىمەن بايلانىس جاساۋداعى دانەكەرلىك رولىن تولىق ساۋلەلەندىرىپ، «زورلىقتى كۇشكە قارسى تۇرۋ، زاڭمەن باسقارۋدى، ءتارتىپتى دارىپتەۋگە» تاباندى بولىپ، ءار ۇلت حالىق بۇقاراسى وتاننىڭ تۇتاستىعىن، ۇلتتار ىنتماعىن، قوعام ورنىقتىلىعىن بىرلىكتە قورعايتىن قۇرش قورعان قۇرۋعا كۇش سالامىن.
ساعات 18 دە، جاڭ چۇنشيان، اۆتونوميالى رايوندىق 12-كەزەكتى حالىق قۇرىلتايى 2-ءماجىلىسىنىڭ جابىلعانىن جاريالادى. ءماجىلىس ايبىندى مەملەكەت گيمىنىمەن جابىلدى. ءتوراعالار مىنبەسىنەن ورىن العانداردان تاعى مامتىمىن ياسىن، ءشوجيپ، چيان جى، ەركىن تۇنياز، شى داگاڭ، جۋ چاڭجيە، جاروللا يسامەدەن، ماعاۋ سەيتقامىزا ۇلى، تيان ۋىن، ليۋ يانلياڭ، رىزۋان ابەي، لي شياڭلين، ماۋكەن سەيتقامىزا ۇلى، جۇرات يمىن، ليۋ جىيۇڭ، ليۋ جيانشين، ۋان حايچۋان، چىڭ جىنشان، باداي، گۇلشات ابدىقادىر، حۋاڭ چاڭيۋان، ۋاڭ ۋي، سۇڭ جيانيە، ليۋ شياڭسۇڭ، چىڭ جياجۋ، ياڭ فۋلين، ابىلەز نياز، تيان جيانرۇڭ، ۋاڭ شىجياڭ، يان فىنشين، نايىم ياسىن، گو ليانشان، نيشان يبرايىم قاتارلى كىسىلەر بار.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
