بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

تارىم مۇناي الابى ەلىمىزدىڭ قۇرىلىقتىق مۇناي ونەركاسىبىنىڭ «شىعىس بولەكتى ورنىقتىرىپ، باتىس بولەكتى دامىتۋ» ستراتەگياسىن اتقارۋىنا زور ۇلەس قوستى

2014.02.10 16:56     كەلۋ قاينارى : شينجياڭ حالىق راديو ستانسياسى تورابى

  ءتىلشىنىڭ تارىم مۇناي الابىنان ۇعىسۋىنا قاراعاندا، 22-قاڭتارعا دەيىن، تارىم مۇناي الابىنان جالپى 100 ميلليون توننادان استام مۇناي ءوندىرىلىپ، ەلىمىزدىڭ قۇرىلىقتىق مۇناي ونەركاسىبىنىڭ «شىعىس بولەكتى ورنىقتىرىپ، باتىس بولەكتى دامىتۋ» ستراتەگياسىن اتقارۋىنا زور ۇلەس قوسقان. تارىم مۇناي شايقاسىنان كەيىن مۇناي الابىنداعى مۇنايدىڭ ءونىم مولشەرى ساتىلى ارتىپ، 25 جىل اشۋ، قۇرۋ ارقىلى تارىم ويپاتىندا لۇننان، دۇڭحى، تاجۇڭ، حادى سياقتى مۇناي الابى شوعىرى قالىپتاستى. مۇندا 2002-جىلى قۇرىلعان حادى مۇناي الابى ەكى ساتىلى دەڭگەيىمەن ەرەسەن كوزگە ءتۇسىپ، ءۇرتىس 5 جىل وندىرگەن مۇنايى 2 ميلليون توننادان اسىپ، ەلىمىز قۇرىلىعىنداعى ايگىلى ءشول دالا ءىرى كولەمدى وسىزامان مۇناي الابىنا اينالدى. 2007-جىلدان بەرى كونە مۇناي الاپتارىنداعى جالپى سۋ قۇرامى ارتقاندىقتان، تازا مۇنايدىڭ الىنۋ مولشەرى بىرتىندەپ ازايۋعا بەت الىپ، مۇناي الابىنان الىناتىن مۇنايدا «ءونىم ورنىقتىلىعىن ساقتاۋ قيىن، ءونىم مولشەرىن ارتتىرۋ وڭايعا سوقپاۋ» جايتى جارىققا شىقتى. بۇل جونىندە تارىم مۇناي الابىنىڭ تەحنيكا قىزمەتكەرلەرى گەولوگيالىق نازاريا وي جەلىسىن ۇزدىكسىز جاڭالاپ، حالىقارالىق وزىق دەڭگەيدەگى تازا مۇنايدى بارلاپ اشۋ تەحنولوگيا تەحنيكاسىن ەنگىزدى جانە زەرتتەپ اشتى. 2009-جىلى تارىم مۇناي الابى حالىقارالىق وزىق مۇناي بارلاپ اشۋ تەحنيكاسىن قولدانىپ، ءبىر قىدىرۋ دۇنيە جۇزىلىك دەڭگەيدەگى قيىن ماسەلەلەردى شەشىپ، كاربوناتتى قابات مۇناي زاپاسىن بايقاپ، مۇناي الابىنداعى تازا مۇناي ءوندىرىسىن جانداندىردى. بەس جىلدان بەرى، وسى مۇناي الابىنداعى بارلاپ اشۋ ءوڭىرىنىڭ ۇزدىكسىز كەڭەيۋىنە ىلەسە، مۇنايدىڭ ءۇشىنشى دارەجەلى 305 ميلليون 280 مىڭ توننا گەولوگيالىق زاپاس مولشەرى بايقالىپ، 160 قۇدىق ىلگەرىندى-كەيىندى وندىرىسكە قوسىلدى، مۇندا كۇنىنە 100 توننادان استام تازا مۇناي الىناتىن قۇدىق 37 گە جەتىپ، جالپى 2 ميلليون 140 مىڭ توننا مۇناي ءوندىرىلدى. 2013-جىلى وسى مۇناي الابىنا تىڭنان قوسىلعان ءۇشىنشى دارەجەلى مۇناي، تابيعي گاز زاپاس مولشەرى 500 ميلليون تونناعا جەتىپ، ءۇرتىس 8 جىل 400 ميلليون توننادان استى؛ مۇناي مەن گازدىڭ ءونىم مولشەرى ءۇرتىس 7 جىل 20 ميلليون توننادان اسىپ، 23 ميلليون 660 مىڭ تونناعا جەتىپ، ونىڭ الدىنداعى جىلداعىدان %10.4 ارتتى.

  
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.