- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
رايونىمىز سىرتقى ەكونوميكانى بەلسەنە دامىتتى
2014.02.10 17:02 كەلۋ قاينارى : شينجياڭ حالىق راديو ستانسياسى تورابى
رايونىمىز سىرتقا ەسىك اشۋ ورتاسىن ۇزدىكسىز كەڭەيتىپ، ماڭىنداعى رايونداردى بەتكە العان، ورتا، باتىس ازيانى شارپيتىن سىرتقى ەكونوميكانى بەلسەنە دامىتتى.
تاياۋدا، شاۋەشەك قالاسى يۇڭلي ساۋدا شەكتى جاۋاپكەرلىك سەرىكتەستىگىنىڭ باس مەڭگەرۋشىسى يۇي يىڭپيڭ ورتا ازيا ەلدەرىن تەكسەرىپ قايتىپ كەلدى. ورتا ازيانىڭ جەمىس-جيدەككە، كوكونىسكە دەگەن قاجەتى بۇرىنعىداي زور ەكەنىن كورگەن ول تاعى ىشكى ولكەگە بارىپ بازار جاعدايىن ءبىلىپ كەلۋدى جوسپارلادى. جەمىس-جيدەك، كوكونىس ەكسپورت ەتۋگە سۇيەنگەن يۇي يىڭپيڭنىڭ سەرىكتەستىگىنىڭ پايداسى 300 ميلليون يۋاننان استى. ول بىلاي دەدى: ءبىزدىڭ تاماشا جەر ابزالدىلىعىمىز بار، بۇل جەردىڭ جاڭا سيبەريامەن اراسى ءبىر مىڭ 200 كيلومەتر، شينجياڭ بويىنشا جەمىس-جيدەك كوكونس ەكسپورت ەتۋ مولشەرىنىڭ تارباعاتاي 50% تەن ارتىعىن يەلەسە، شاۋەشەك قالاسى ونىڭ 70% تەن ارتىعىن يەلەيدى. ءبىزدىڭ ەلىمىزدەگى 16 ولكە، قالادا270 نەشە بازامىز بار، ماسەلەن شاڭحايدان اناناس، جياڭشيدان اپەلسىن تاسىيمىز.
ءۇرىمجى كەدەنى جاريالاعان ەڭ جاڭا ساناققا قاراعاندا، 2013-جىلى رايونىمىزدىڭ سىرتقى ساۋدا يمپورت-ەكسپورت جالپى سوماسى تاعى دا تىڭ دەڭگەيگە جەتىپ، 27 ميلليارد 560 ميلليون ا ق ش دوللارى بولىپ، ۇقساس مەزگىلدەگىدەن 9.5% ارتىپ، مەملەكەت بويىنشا جالپى تۇلعالىق دەڭگەيدەن 2 پايىزعا تاياۋ جوعارىلاعان. قاشقار، قورعاس ەكونوميكالىق، تەحنيكالىق اشۋ رايونىن قۇرۋدان «جىبەك جولى ەكونوميكالىق بەلدەۋىن» قۇرۋ ستراتەگياسى العا قويىلعانعا دەيىن، رايونىمىزدىڭ سىرتقا ەسىك اشۋى مەملەكەت ستراتەگياسىنا كوتەرىلىپ، رايونىمىز ەلىمىزدىڭ ورتا ازيا، وڭتۇستىك ازيا، باتىس ازيا جانە شىعىس ەۆروپا بازارىنىڭ الدىڭعى شەپ بازاسىنا اينالدى. قازىر، مەملەكەت دارەجەلى، اۆتونوميالى رايون دارەجەلى ەكونوميكالىق، تەحنيكالىق اشۋ رايونى، كاسىپ باقشا رايونى شەتەل قارجىسىن باۋراۋدىڭ باستى تۇلعاسىنا اينالىپ، ءىشىنارا ەرەكشەلىگى ايقىن وسىزامانعى ونەركاسىپ كاسىپورىندارى العاشقى ادىمدا كولەم قالىپتاستىردى. قاشقار ەكونوميكالىق اشۋ رايونى ەركەشتام شەكارا وتكەلى باقشا رايونىن باسقارۋ كوميتەتىنىڭ ورىنباسار مەڭگەرۋشىسى ءشۇي يۇن بىلاي دەدى: رايون ابزالدىلىعىمىز بەن بۇدان كەيىنگى باتىسقا ەسىك اشىپ دامۋدىڭ ستراتەگيالىق ورنى كورنەكتىلەنە باستادى، ءبىز نەگىزگى قۇرىلعى قۇرىلىسىنا ات سالىسىپ، اتىمىزدى ايگىلەپ، ساۋداگەر شاقىرىپ، قارجى ەنگىزۋ ءورىسىن كەڭەيتىپ، يمپورت-ەكسپورت ەتىلەتىن ءتۇيىندى ساۋدا تاۋارلارىن ارقاۋ ەتىپ، مانەرلەۋ ۇلگىسىندەگى كاسىپورىنداردىڭ باقشا رايونىنا ىرگە تەبۋىن قاراستىردىق.سىرتقى ەكونوميكانى دامىتۋدىڭ ماڭىزدى سۇيەنىشى بولعان رايونىمىزدىڭ امبەباپ قاتىناس جۇيەسى قۇرىلىسى جەدەلدەتىلۋدە. اناعۇرلىم قولايلى، جوعارى ءونىمدى قاتىناس تاسىمال جۇيەسىن بەلسەنە قۇرىپ، سىرتقى ەكونوميكاعا جول اشۋ جەر-جەردىڭ باسەكەلەسە جۇرگىزىپ قارجى قوسقان ءتۇيىنى بولدى. ىلە وبىلىستىق قاتىناس تاسىمال مەكەمەسىنىڭ باستىعى يۇي جانجۇن بىلاي دەدى: ءبىز امبەباپ قاتىناس تاسىمال جۇيەسىن قۇرىپ، تاس جول، تەمىر جول، حالىقتىق اۆياتسيانىڭ قاتىناس وزەگى سەنترىن قالىپتاستىرىپ، باتىسقا ەسىك اشۋعا، جىبەك جولى ەكونوميكالىق بەلدەۋىنىڭ ماڭىزدى تىرەگى رەتىندە قاتىناس نەگىزگى قۇرىلعى قۇرىلىسىن وسىزامانداندىرۋعا تىرەك جانە كەپىل بولامىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
