- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون ارالاسپا جالپىلىق مەنشىكتى شارۋاشىلىقتى ىلگەرىلەتۋ قيمىلىن باستادى
2014.02.11 16:13 كەلۋ قاينارى : شينجياڭ حالىق راديو ستانسياسى تورابى
«رەفورمانى جانە جاڭالىق اشۋدى تەرەڭدەتىپ، كۇشتى ۇيىستىرىپ، باياندى تىنشىقتى ىلگەرىلەتۋ» جەلىلەس قيمىلىنىڭ ءبىرى بولعان ــ اۆتونوميالى رايوننىڭ ارالاسپا جالپىلىق مەنشىكتى شارۋاشىلىقتى ىلگەرىلەتۋ ءماجىلىسى، 10-اقپان تۇستەن بۇرىن جۇڭگو مۇناي توبىنىڭ ۇرىمجىدەگى مۇناي-حيميا سەرىكتەستىگىندە اشىلدى، جۇڭگو مۇناي توبى، جۇڭگو مۇناي-حيميا توبى سياقتى شينجياڭداعى كاسىپورىنداردىڭ ۋاكىلدەرى رايونىمىزدىڭ مۇناي، تابيعي گاز سياقتى بايلىعىن اشىپ، جەرگىلىكتى ورىنداعى ءار ۇلت حالىق بۇقاراسىنا بۇرىنعىدان دا كوپ تيىمدىلىك جاساۋدى ارقاۋ ەتىپ، ىشكەرىلەي اڭگىمەلەستى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ءماجىلىستى باسقاردى، ءارى ءسوز سويلەپ، ورتالىقتىڭ رۋحىن دايەكتى تياناقتاندىرىپ، ارالاسپا مەنشىكتى شاراشىلىقتى دامىتۋدا سىندارلى جەتىستىككە قول جەتكىزۋ كەرەكتىگىن اتاپ كورسەتتى.
اڭگىمە ماجىلىسىندە، جۇڭگو مۇناي ءتابيعي گاز توبى سەرىكتەستىگىنە قاراستى تارىم مۇناي الابى سەرىكتەستىگى، قارامايلى مۇناي-حيميا سەرىكتەستىگى، ءۇرىمجى مۇناي-حيميا ونەركاسىپ سەرىكتەستىگى جانە جۇڭگو مۇناي مۇناي ءتابيعي گاز ونەركاسىپ توبى سەرىكتەستىگىنە قاراستى شينجياڭ كومىردەن الىنعان تابيعي گازدى سىرتقا تاسىمالداۋ قۇبىر سەرىكتەستىگى، تاحى ليانحۋا شەكتى جاۋاپكەرلىك سەرىكتەستىگى، باتىس سولتۇستىك مۇناي الابى بولىمشە سەرىكتەستىگى، سونداي-اق باۋگاڭ بولات-تەمىر توبىنىڭ شينجياڭداعى 1-تامىز بولات-تەمىر سەرىكتەستىگىنىڭ جاۋاپتىلارى كاسىپورىنداردىڭ جەرگىلىكتى ورىنداعى كەنجە قالعان كاسىپ تىزبەگىنىڭ دامۋىن قولداۋ جانە شينجياڭدىق قىزمەتكەرلەردى قابىلداۋ جاعدايىنان مالىمەت بەردى.
سەرىكتەستىكتىڭ جاۋپتىلارىنىڭ ءسوزىن تىڭداعاننان كەيىن، جاڭ چۇنشيان بىلاي دەدى: ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن كەيىن، جۇڭگو مۇناي تابيعي گاز توبى، جۇڭگو مۇناي-حيميا ونەركاسىپ توبى سياقتى ورتالىقتىڭ شينجياڭداعى كاسىپورىندارى ورتالىق پەن اۆتونوميالى رايوننىڭ شەشىم-ورنالاستىرۋلارىن باتىل دايەكتىلەندىرىپ، بايلىقتى اشىپ رايونىمىزداعى ءار ۇلت حالىق بۇقاراسىنا تيىمدىلىك جاساۋدى ارقاۋ ەتىپ، رايونىمىزدىڭ دامۋىمەن قاتىستى ءبىر توپ ءىرى نىسانداردى سالىپ، جەرگىلىكتى ورىننان قىزمەتكەرلەردى مولىنان قابىلداپ، ءارقايسى قىزمەتتە كورنەكتى ونىمدىلىككە قول جەتكىزدى، دامۋ بولاشاعى زور.
جاڭ چۇنشيان بىلاي دەپ اتاپ كورسەتتى: ارالاسپا مەنشىكتى شارۋاشىلىقتى دامىتۋ شينجياڭنىڭ عىلمي دامۋىن ىلگەرىلەتۋىندەگى ماڭىزدى وراي، شينجياڭداعى ءار ۇلت حالىقىنىڭ ءۇمىتى، ءارى رەفورما تيىمدىلىگىنەن جەرگىلىكتى ورىندى، ءار ۇلت حالقىن تىكە يگىلىكتەندىرۋدىڭ قاجەتتى تالابى. ورتالىق پەن جەرگىلىكتى ورىن كاسىپورىندارى وسى رەتكى ورايدى اناعۇرلىم مىقتى يگەرىپ، اناعۇرلىم زور جەتىستىككە قول جەتكىزۋ كەرەك. مۇناي مۇناي حيميا ونەركاسىپ كاسىپورىندارى ۇلى جۇلگە قالىپتاستىرىپ، مەملەكەتتىڭ ەنەرگيا حاۋىپسىزدىگى ستراتەگياسى قاجەتىن قاناعاتتاندىرىپ، جۇلگەنى شينجياڭنىڭ ستراتەگيالىق ورىن تۇرعىسىنان مىقتى يگەرىپ، ورىندى دۇرىس تۇراقتاندىرىپ، كاسىپورىنداردىڭ شينجياڭداعى دامۋىن جەدەلدەتۋ كەرەك. دامۋ بارلىق ماسەلەنى شەشۋدىڭ نەگىزى جانە كىلتى، شينجياڭ ەكونوميكاسىن دامىتۋدا، تەك تىنباي ومىرشەڭتىك كۇش قوسىپ، ارالاسپا مەنشىكتى شارۋاشىلىقتى دامىتقاندا عانا نەگىز قالاي الادى، اۆتونوميالى رايوننىڭ جاڭاشا ونەركاسىپتەنۋى مەن ەكونوميكانىڭ، قوعامنىڭ دامۋىن ىلگەرىلەتە الادى؛ ورتالىقتىڭ رۋحىن جانە اۆتونوميالى رايوندىق پارتكومنىڭ شەشىم ورنالاستىرۋىن دايەكتى تياناقتاندىرۋدا، شينجياڭعا ىرگە تەپكەن ورتالىققا قاراستى كاسىپورىنداردىڭ شينجياڭدا تىزىمگە تىركەلۋىنە، جەرگىلىكتى ورىندا جارناعا قاتىناسۋىندا، جەرگىلىكتى ورىننىڭ جەتەكشى، دەربەس زەرتتەپ اشقان كولەمدى مۇناي الابى نىساندارىندا، اۆتونوميالى رايوننىڭ مەملەكەت مەنشىگىندەگى كاسىپورىنداردىڭ رەفورماسىندا، جالپىلىق مەنشىككە جاتپايتىن شارۋاشىلىقتى دامىتۋدا تىڭ ناتيجە جاراتۋ كەرەك.
جاڭ چۇنشيان مىنانى باسا دارىپتەدى: شينجياڭنىڭ ارالاسپا مەنشىكتى شارۋاشىلىقتى دامىتۋىن ىلگەرىلەتۋدە بازار جەتەكشى رول اتقارادى، سونىمەن بىرگە، ۇكىمەت فۋنكتسياعا بۇرىلىس جاساۋعا كۇش سالىپ، ستيلدى جاقسارتىپ، اكىمشىلىك قىزمەت ونىمدىلىگىن جوعارىلاتىپ، كاسىپورىننىڭ دامۋىنا ەڭ تاماشا ورتا جاراتۋ كەرەك. كوتەرىڭكى رۋح، ۇلى ماقساتپەن، بازاردى جەتەكشى ەتىپ، شينجياڭنىڭ ءىشى-سىرتىنداعى كاسىپورىندارمەن توعىسپالى دامۋدى جەدەلدەتىپ، رەفورما جاساپ، ەسىك اشۋدا تىڭ ىستەر ىستەپ، جەرگىلىكتى ورىن ەڭبەككۇشىن مۇمكىندىكتىڭ بارىنشا كوپ ىستەتىپ، دامۋ جەتىستىگىنەن ءار ۇلت حالقىن يگىلىكتەندىرۋ قاجەت؛ ءار دارەجەلى ۇكىمەتتەر جانە فۋنكتسيا تاراۋلارى يدەيانى اناعۇرلىم ازات ەتىپ، ۇقىقتى كوبىرەك ەركىن قويا بەرىپ، بەكىتۋ جۇمىستارىن ازايتىپ، شينجياڭدى «تەكسەرىپ بەكىتۋ ءىسى ەڭ از، ونىمدىلىگى ەڭ جوعارى، قىزمەت وتەۋى ەڭ ابزال» ولكە، رايونداردىڭ بىرىنە اينالدىرۋ؛ كوزقاراسقا شىنايى بۇرىلىس جاساپ، ستيلدى جاقسارتىپ، ۇساق ماسەلەلەردى شەشىپ، قىزمەت وتەۋدى تياناق ەتىپ، ارالاسپا مەنشىكتى شارۋاشىلىقتى دامىتۋعا پاك، ءونىمدى ساياسي ورتا، ءادىل زاڭ-ءتۇزىم ورتاسىن، جۇيەلى دە سەنىمدى بازار ورتاسىن، جاراسىمدى دا ورنىقتى قوعامدىق ورتا جاراتىپ، شينجياڭدى وسىزاماندانعان، ومىرشەڭدىككە تولى جەرگە شىنايى اينالدىرۋ كەرەك.اۆتونوميالى رايوننىڭ باسشىلارىنان نۇر باكىر، حۋاڭ ۋي، ءباي جىجيە، كۇراش ماحسۇت سياقتى كىسىلەر اڭگىمە ماجىلىسىنە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
