- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بيىل رايونىمىز قارجى قوسىپ، وڭتۇستىك شينجياڭداعى ءۇش ايماق، وبلىستا ورىكتى ىستىق جەلمەن كەپتىرۋ ءۇيىن سالۋدى جالپىلاستىرادى ەكەن
2014.02.11 16:20 كەلۋ قاينارى : شينجياڭ حالىق راديو ستانسياسى تورابى
اۆتونوميالى رايوننىڭ وڭتۇستىك شينجياڭدى دامىتۋ نىسانىنا قاتىستى تۇڭعىش توپتاعى مىندەتىنىڭ ءبىرى رەتىندە، بيىل رايونىمىز 127 ميلليون يۋان قارجى قوسىپ، وڭتۇستىك شينجياڭداعى ءۇش ايماق، وبلىستا ورىكتى ىستىق جەلمەن كەپتىرۋ ءۇيىن سالۋدى جالپىلاستىرىپ، ساپالى ورىك ءونىمىن مانەرلەپ، جەرگىلىكتى ديقانداردىڭ كاسىپتەنىپ كىرىسىن ارتتىرۋ اياق الىسىن تەزدەتەدى.
ورىكتىڭ ءدامى ءتىل ۇيىرەدى، ءبىراق ونى جاستاي ساقتاۋ قيىن. بۇرىننان بەرى، رايونىمىزداعى ورىك ەگەتىن ديقاندار ءداستۇرلى جەرگىلىكتى ادىستەن پايدالانىپ، ورىكتى كۇنگە جايىپ كەپتىرۋ ارقىلى ونىڭ ونىمدىلىگىن ارتتىرىپ كەلدى، ءبىراق جەرگىلىكتى ادىسپەن كەپتىرىلگەن ورىكتىڭ تازالىعى مەن ساپاسى ناشار بولعاندىقتان، شىعىن دا از ەمەس، مەجەگە قاراعاندا، كەپتىرۋ بارىسىندا جاس ورىكتىڭ %15 تە 30 تى زياندالادى ەكەن. 2012-جىلدان بەرى، مەملەكەتتىك اۋىل شارۋاشىلىق مينيسترلىگى رايونىمىزدى مەملەكەتتىڭ اۋىل شارۋاشىلىق ونىمدەرىن سول جەردىڭ وزىندە العاشقى ادىمدا مانەرلەپ ديقاندارعا تيىمدىلىك جاساۋ ينجەنەرياسىن سىناق رەتىندە اتقاراتىن ولكە-رايوننىڭ ءبىرى رەتىندە، ىستىق جەلمەن ورىكتى كەپتىرۋ ءۇيىن سالىپ، ءىشىنارا ورىك وندىرەتىن ءىرى اۋداندار دا زاپاس ساقتاۋ، جاستاي ساقتاۋ، كەپتىرۋ قۇرىلعى قۇرىلىستارىن سالىپ، كەنجە قالعان مانەرلەۋ قۇرىلعى قۇرىلىس شارت-جاعدايىن جاقسارتىپ، زياندى ازايتىپ، ورىكتى كەپتىرۋ ساپاسىن بارىنشا جوعارلاتتى. وتكەن جىلى وسى ينجەنەريانى سىناق رەتىندە اتقاراتىن ءوڭىردىڭ ءبىرى رەتىندە، گۇما اۋدانى ورىكتى ىستىق جەلمەن كەپتىرۋ ءۇيىن سالۋ نىسانىن جالپىلاستىرىپ، ورىكتى كۇنگە جايىپ كەپتىرۋ ۋاقىتىن 15 كۇننەن 3 كۇنگە قىسقارتتى، ساتۋ باعاسى دا ورتا ەسەپپەن 2 دە 3 ەسە قىمباتتادى. گۇما اۋدانى قوستاۋ اۋىلىنىڭ ديقانى مامەت داۋىت: وتكەن جىلى العان جاس ورىكتىڭ تەڭ جارىمىنا جۋىعىن ىستىق جەلمەن كەپتىردىك، ءونىمى الدىنداعى جىلدارداعىدان جاقسى بولدى. ءداستۇرلى كەپتىرۋ ادىسىمەن سالىستىرعاندا، ىستىق جەلمەن كەپتىرۋ ۇيىندە ورىكتى كەپتىرۋ تەحنيكاسى وزىق، ۋاقىتى قىسقا، اۋارايىنىڭ ىقپالىنان ورىكتىڭ بۇزىلۋى سياقتى زياندار بولمايدى ەكەن، كەپتىرىلگەن ورىك تازا، ءدامدى بولاتىندىقتان، بازارداعى باعاسى دا نەداۋىر جاقسى بولادى ەكەن،-دەدى.
ورىك كەپتىرۋ كاسىبى وڭتۇستىك شينجياڭدا مىڭ جىلدان ارتىق تاريحقا يە. قازىر، وڭتۇستىك شينجياڭداعى ءۇش ايماق، وبلىستا وسىرىلگەن ورىك اعاشىنىڭ اۋماعى شامامەن ءبىر ميلليون 120 مىڭ مۋدان، ءونىم مولشەرى 890 مىڭ توننادان اسادى. سوڭعى بىرنەشە جىلدان بەرى، ءارقايسى جاق ورىك كاسىبىن دامىتۋدى ارقاۋ ەتىپ ىشكەرىلەي زەرتتەۋ جۇرگىزدى، ورىكتى ىستىق جەلمەن كەپتىرۋ نىسانى ورىك كاسىبىندەگى وزىندىك قۇندى، ديقانداردىڭ كىرىسىن ارتتىرۋ ماسەلەسىن ءونىمدى شەشەدى، اۆتونوميالى رايوندىق اۋىل شارۋاشىلىعىن كاسىپ سالالاندىرىپ دامىتۋ مەكەمەسى پارتگرۋپپاسىنىڭ شۋجيى جاڭ ۋي بىلاي دەدى: جاس ورىكتىڭ ءبىر كيلوگرامنىڭ باعاسى ءبىر يۋان 50 فىن، ءتورت كيلوگرام جاس ورىكتەن ءبىر كيلوگرام كەپتىرىلگەن ورىك مانەرلەۋگە بولادى، بۇرىن كۇنگە جايىپ كەپتىرگەن ورىكتىڭ ءبىر كيلوگرامنىڭ باعاسى ون يۋان مولشەرىندە بولاتىن، وتكەن جىلى ىستىق جەلمەن كەپتىرىلگەن ورىكتىڭ ءار كيلوگرامىن ورتا ەسەپپەن 30 يۋانعا ساتتىق ءارى وسى كاسىپورىندار زاۆود قۇرىپ، قۇرىلعى قۇرىلىسىن تولىقتادى. كەيبىر قىستاقتاعى ديقانداردىڭ كىسى باسىنا تۋرا كەلەتىن كىرىسى مىڭ يۋاننىڭ ۇستىندە ارتتى، بۇل سولتۇستىك شينجياڭداعى ءبىرسپىرا ديقانداردىڭ ارتقان كىرىسىمەن بارابار. بيىل وڭتۇستىك شينجياڭداعى ءۇش ايماق، وبلىس ورىكتى جەلمەن كەپتىرەتىن ءبىر مىڭ 500 ءۇي سالادى، قۇرىلىستى سالۋعا كەتەتىن قارجى نەگىزىنەن كەدەيلەردى سۇيەمەلدەۋ ارناۋلى قارجىسى، ءونىمدى وندىرگەن ورىندا العاشقى ادىمدا مانەرلەۋدى سيلاۋ قوسىمشا قاراجاتى، اۋىل شارۋاشىلىق ماشينالارىن ساتىپ الۋ قوسىمشا قاراجاتى جانە ديقانداردىڭ وزدەرى دايىنداعان قارجىدان شىعارىلادى، 8 مىڭ توننانىڭ ۇستىندە ساپالى كەپتىرىلگەن ورىك وندىرىلەدى دەپ مەجەلەندى. جاڭ ۋي: بيىل ءبىز شامامەن 30 مىڭ دا 40 مىڭ توننا جاس ورىكتى ىستىق جەلمەن كەپتىرمەكشىمىز، مەجەمەن 8 مىڭ دا 9 مىڭ توننا كەپتىرىلگەن ورىك الىنادى، ورتا ەسەپپەن ءار كيلوگرامى 30 يۋاننان ساتىلادى دەپ ەسەپتەسەك، مەجەمەن 240 دا 250 ميلليون يۋان ءونىم قۇنى جاراتىلادى،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
