- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ ۋاكىلدەر ۇيىرمەسى ۇكىمەت قىزمەتىنەن باياندامانى ۇزدىكسىز قارادى
رەفورما جاساۋ، ەسىك اشۋ شينجياڭنىڭ دامۋىنىڭ ءتۇبىرلى قوزعاۋشى كۇشى
جالپى ءماجىلىستىڭ باياندامانى قاراۋ بارىسى جۇڭگو مەن شەتەل اقپارات قۇرالدارىنا اشىق ۇستالدى
2014.03.07 15:07 كەلۋ قاينارى : ءتاڭىرتاۋ تورابى
مەملەكەتتىك 12 - كەزەكتى حالىق قۇرىلتايىنىڭ 2 - ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسى 6 - ناۋرىز تۇستەن بۇرىن جانە تۇستەن كەيىن گرۋپپالار ءماجىلىسى مەن جالپى ءماجىلىس اشىپ، ۇكىمەت قىزمەتىنەن باياندامانى ۇزدىكسىز قارادى. ءماجىلىستىڭ ورنالاستىرۋىنا ساي، تۇستەن كەيىنگى جالپى ءماجىلىس جۇڭگو مەن شەتەل اقپارات قۇرالدارىنا اشىق ۇستالدى.
جاڭ چۇنشيان، ەركىن يمىرباقى قاتارلىلار ۇكىمەت قىزمەتىنەن باياندامانى ۋاكىلدەرمەن بىرگە قارادى.
حۋاڭ ۋي، ليۋ شينچي، وشۇر ءسىلام، لي جيانگو، رايحانگۇل يمىر، تالعات ۇسەن ۇلى، فۋ پۋيان، شى جيانيۇڭ سياقتى ۋاكىلدەر ىركەس - تىركەس لەبىز ءبىلدىردى. كوپشىلىك ۇكىمەت قىزمەتىنەن باياندامانى ارقاۋ ەتىپ، شينجياڭنىڭ جانە ءوز ءوڭىرىنىڭ، ءوز تاراۋىنىڭ قىزمەت ءىس جۇزىندىگىمەن ۇشتاستىرىپ، شينجياڭنىڭ ەكونوميكالىق، قوعامدىق دامۋىن ىلگەرىلەتۋ جاعىنداعى اسەرىن سويلەپ، تۇسىنگىن تىلگە تيەك ەتىپ، وزگەرىستەرگە توقتالدى ءارى جىبەك جولى ەكونوميكالىق بەلدەۋىن قۇرۋ، عىلىم - تەحنيكالىق جاسامپازدىقتى كۇشەيتۋ، ۇلتتىق رايونداردا وقۋ - اعارتۋ ىستەرىن ينفورماتسيالاندىرۋ قۇرىلىسىن كۇشەيتۋ، ءۇرىمجى اۆياتسيا تورابىن قۇرۋ سياقتى جاقتاردا پىكىر - ۇسىنىستار بەردى.
حالىق گازەتى، شينحۋا اگەنتتىگى، ورتالىق تەلەۆيزياسى، جۇڭگو حالىق راديو ستانسياسى، جۇڭگو گازەتى، ا ق ش بىرىككەن اگەنتتىگى، رەيتەر اگەنتتىگى، فرانسيا اقپارات اگەنتتىگى، شياڭگاڭ جيناق حابارلار گازەتى، سامۇرىق تەلەۆيزياسى سياقتى ەل ءىشى - سىرتىنداعى 130 دان استام اقپارات قۇرالىنىڭ 280 نەشە ءتىلشىسى تۇستەن كەيىنگى جالپى ءماجىلىستىڭ باياندامانى قاراۋ بارىسىن سىرتتاي تىڭدادى. ۇكىمەت قىزمەتىنەن باياندامانى قاراۋ اياقتالعاننان كەيىن تىلشىلەر شينجياڭنىڭ رەفورمانى جاپپاي تەرەڭدەتۋ، ەكونوميكالىق، قوعامدىق دامۋ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى، لاڭكەستىككە قارسى تۇرىپ، ورنىقتىلىقتى قورعاۋ، حالىق تۇرمىسى قۇرىلىسى سياقتى ماسەلەلەر جونىندە ۋاكىلدەرمەن 30 نەشە مينۋت سۇحپاتتا بولدى. جاڭ چۇنشيان، نۇر باكىر، چى جۇن، حۋاڭ ۋي قاتارلى ۋاكىلدەر ورتالىق تەلەۆيزياسى، شياڭگاڭ جيناق حابارلار گازەتى، سامۇرىق تەلەۆيزياسى، جۇڭگو گازەتى سياقتى اقپارات قۇرالدارىنىڭ تىلشىلەرىنىڭ سۇراۋىنا جاۋاپ بەردى.
جاڭ چۇنشيان تىلشىلەردىڭ سۇراۋىنا جاۋاپ بەرگەندە بىلاي دەدى: ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، اۆتونوميالى رايوندىق پارتكوم مەن حالىق ۇكىمەتى رەفورما تەبىنىن كۇشەيتۋدەن، رەفورمانى جەبەۋدەن، رەفورمانى تەرەڭدەتۋدەن جازباي، رەفورما جاساۋ، ەسىك اشۋدى شينجياڭنىڭ دامۋىنىڭ ءتۇبىرلى قوزعاۋشى كۇشى ەتتى. شەكارا وڭىردەگى شينجياڭ دا رەفورمادان قاعىس قالمايدى، قايتا ونى تاباندىلىقپەن ىلگەرىلەتەدى. ءبىز پارتيا 18 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن دايەكتى تياناقتاندىرىپ، رەفورمانىڭ ورەلى جوباسىن جاساپ، تارتىپپەن ىلگەرىلەتۋگە، ءتۇيىندى كورنەكتىلەندىرۋگە، ساتىلارعا ءبولىپ اتقارۋعا تاباندى بولامىز. اماليات رەفورمانىڭ شينجياڭ ەكونوميكاسىنىڭ ومىرشەڭدىگىن تاسقىنداتىپ، ونىمدىلىكتى جوعارىلاتىپ، كوزقاراستى جاڭالاعاندىعىن تالاسسىز دالەلدەدى. بيىل شينجياڭدا رەفورمانىڭ ءتۇيىنى − جونگە سالۋ جۇيەسى مەن جونگە سالۋ قابىلەتىن وسىزامانداندىرۋ دەڭگەيىن جوعارىلاتۋعا شوعىرلاندىرىلىپ، جىبەك جولى ەكونوميكالىق بەلدەۋىن قۇرۋ، اكىمشىلىك قاراپ بەكىتۋ ىستەرىن ىقشامداۋ، حالىق تۇرمىسى قۇرىلىسى، قوعامنىڭ جاراسىمدى، ورنىقتىلىعى سياقتى جاقتاردى ارقاۋ ەتە وتىرىپ رەفورما تەرەڭدەتىلەدى. جاڭ چۇنشيان بىلاي دەدى: «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى ءبىز بيىل جىل باسىندا ورىستەتكەن «رەفورمانى تەرەڭدەتۋ، جاڭالىق جاساۋ، كۇش - قۋاتتى شوعىرلاندىرىپ، باياندى تىنىشتىقتى ساقتاۋ» جەلىلەس قيمىلىنىڭ ءبىر مازمۇنى، ول رەفورمانى تەرەڭدەتۋدى باستى ماقسات ەتەدى. وسى قيمىل ءۇشىن ارنايى اشىلعان «ەڭ سوڭعى ءبىرشاقىرىم» اتىنداعى ۋيچات الەۋمەتتىك تەكشەسىنە قازىردىڭ وزىندە 20 نەشە مىڭ ادام قاداعالاي نازار اۋدارىپ وتىر. ءبىز 2011 - جىلدان باستاپ قاتىستى تاراۋلار مەن كادرلاردىڭ ميكروبلوگ اشۋىن قۋاتتادىق، بىلتىر جىل سوڭىندا تۇتاس شينجياڭدا اشىلعان ۇكىمەتتىڭ ميكروبلوگى مەن كادرلاردىڭ جەكە ميكروبلوگى 6000نان اسىپ، ساياساتتى ۇگىتتەۋ، يفورماتسيا جاريالاۋ، جۇرت رايىن اڭداۋ جاعىندا بەلسەندى رول اتقاردى.
نۇر باكىر سامۇرىق تەلەۆيزياسى ءتىلشىسىنىڭ شينجياڭنىڭ لاڭكەستىككە قارسى تۇرۋ، ورنىقتىلىقتى قورعاۋ ىستەرىنە قاتىستى سۇراۋىنا جاۋاپ بەرگەندە بىلاي دەدى: زورلىقتى كۇش لاڭكەستەرى شينجياڭداعى ءار ۇلت حالقىن قامتىعان بۇكىل ەل حالقىنىڭ قاس جاۋى، ولار ەشقانداي ۇلتقا، ەشقانداي دىنگە ۋاكىلدىك ەتە المايدى. ولار بۇلىك شىعارىپ، ساتسىزدىككە ۇشىراپ، تاعى دا بۇلىك شىعارىپ، تاعى دا ساتسىزدىككە ۇشىراپ، اقىرى اياعىندا زاۋالعا ۇشىراپ، قۇرىپ - جوعالادى! ءبىز پارتيا ورتالىق كوميتەتىنىڭ ءبىر تۇتاس ورنالاستىرۋىنا ساي، اۆتونوميالى رايوندىق پارتكومنىڭ پارمەندى باسشىلىعىندا بۇكىل شينجياڭداعى ءار ۇلت حالقىن ىنتىماقتاستىرىپ، ولارعا سەنىم ارتىپ، سۇيەنىپ، ءارقانداي فورماداعى «ءۇش ءتۇرلى كۇشكە» باتىل، سىلەيتە سوققى بەرەمىز، استە، راقىم قىلمايمىز. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
